Month: August 2018

Нийслэлийн Засаг даргын орлогч П.Баярхүү ажлын хэсгийн хамт энэ сарын 30, 31-ний өдрүүдэд Улаанбаатар хотод хийгдэж буй дэд бүтэц, инженерийн шугам сүлжээ, боловсролын салбарын бүтээн байгуулалтын ажлын явцтай танилцаж, үүрэг даалгавар өгч ажиллаж байна.

НҮБ-ын Тогтвортой хөгжлийн 17 зорилтыг хэрэгжүүлэх хүрээнд “Монгол Улсад мэндэлж байгаа нярай хүүхдэд хөгжилтэй орнуудын жишгээр эмнэлгийн үйлчилгээ үзүүлэх боломж, нөхцөлийг бүрдүүлэх” үндсэн зорилготой “SAVE LIFE” төслийг JCI Монгол байгууллагаас санаачлан ЭХЭМҮТ-тэй 2015 оноос эхлэн нярайн эндэгдлийг бууруулахад, урт хугацаанд тогтвортой, бодит үр дүнд хүрэх зорилготой хамтран ажиллаж байна.

Нийслэлийн Засаг даргын Тамын газраас Монголын Бурхан Шашинтны төв Гандантэгчэнлин хийдтэй хамтран “Даншин наадам-Хүрээ цам 2018” шашин соёлын наадмыг найм дахь жилдээ зохион байгуулах гэж байгаатай холбогдуулан НХМТ-д өнөөдөр мэдээлэл хийлээ. Шашин соёлын уг наадам нь анх 1939 онд Өндөр гэгээн Занабазарыг Монгол түмний шашны тэргүүн, анхдугаар Богд Жавзандамба хутагтыг ширээнд өргөмжлөн залах үеэс эхлэлтэй аж. Энэ удаагийн шашин, соёлын наадам нь энэ сарын 4,5-ны өдрүүдэд Хүй долоо худагт болох юм.

Харин маргаашнаас эхлэн Гандантэгчэнлин хийдэд Жахар хот мандал, Балин тахил, баг Адислах юм. Мөн хүрээ жахар цамын хурал хурж, Дотоод цам харайх ёслол болох юм.

Уг наадам нь Монголчуудыг харийн гүрний эрхшээлд байх үед ч зохиогддог байсан бөгөөд энэ ч утгаараа Монгол түмний эв нэгдлийг бэлгэдэл гэж үзэхэд болно хэмээн онцолж байв. Наадмын үеэр 256 хүчит бөхчүүд эр баяраа сорихоос гадна их насны болон жороо морьд уралдах юм байна.

Наадмын үеэр, лам нарын дунд ном хаях тэмцээн, жороо морины үзүүлвэр, морин дээрээс сур харван тэмцээн зэрэг болох аж.

Мөн Очирваань бурхны их тахилга болохын зэрэгцээ Гандантэгчэнлин хийдийн дахин давтагдашгүй ховор нандин үзмэр, шүтээнүүдийг гадны жуулчид олон нийтэд дэлгэн сонирхуулах гэнэ. Уг наадмын хамгийн гол зүйл нь Хүрээ цам харайх ёслол байдаг. Иймд 100 гаруй цамчид хортон дайсан ад зэтгэрийн догшидын хөдөлгөөнөөр дайснаа даран сөнөөж буй хамгийн гүн гүнзгий өгүүлэмжтэй бүжгийг уран нарийн хийц бүхий дэлгэр том багаа өмсч, гар, хөл, биеийн хөдөлгөөнөөр илэрхийлж гаргах юм.

Даншиг наадмыг очиж, үзэж сонирхохыг хүссэн хүмүүст наймдугаар сарын 4,5 өдрийн өглөө 09:00 цагаас эхлэн Таван шарын автобусны буудлаас Хүй долоон худаг чиглэлд 20-30 минутын зайтай автобуснууд явах юм байна. Хамгийн сүүлийн автобус 21:18 минутад Хүйдолоон худгаас буцаж аж. Автобусар үйлчлүүлэхдээ мөнгөө бэлнээр өгөх юм. Зорчих үнийн хувьд, том хүн 1000 төгрөг, хүүхэд 200 төгрөг гэнэ.

З.МӨНХСУВД

Монгол Улсын Засгийн газар, Хууль зүй, дотоод хэргийн яам, цагдаагийн байгууллагаас энэ төрлийн гэмт хэргээс урьдчилан сэргийлэх, илрүүлэх тандан судлах, орчин үеийн дэвшилтэд техник, технологи, тоног төхөөрөмжөөр хангах, бүтэц орон тоог өргөтгөж, алба хаагчдын мэргэжлийн мэдлэг ур чадварыг дээшлүүлэх, иргэдийг соён гэргээрүүлэх, хор уршгийг таниулах чиглэлээр ажиллаж байна.

Хар тамхи, мансууруулах бодистой тэмцэх, илрүүлэхэд хамгийн чухал зүйл бол олон улсын стандартад нийцсэн орчин үеийн дэвшилтэт технологи юм. Манай цагдаагийн байгууллага олон улсын хар тамхитай тэмцэх чиг үүрэг бүхий байгууллагууд үйл ажиллагаандаа ашиглаж байгаа орчин үеийн дэвшилтэд техник, технологийг судалж 2018 оны улсын төсөвт тусгагдсан хөрөнгөөр АНУ, Англи улсад үйлдвэрлэсэн TARGET ID, HBI-120, SABRE™5000 зэрэг төхөөрөмж, уян камертай толь, загварын аналитик жин, рентген төхөөрөмж, шээснээс илрүүлэгч тест зэргийг худалдан авч ашиглаж байна. Сэлэнгэ, Дархан-Уул, Орхон, Дорнод, Дорноговь, Өмнөговь аймгийн Цагдаагийн газар, Иргэний агаарын тээвэр дэх цагдаагийн газар, хэлтэст хар тамхи, мансууруулах болон тэсэрч дэлбэрэх бодисыг илрүүлэгч, тандан судлагч тоног төхөөрөмжийг хүлээлгэн өгч, алба хаагчдыг нь сургалтад хамруулжээ.

Замын цагдаагийн албаны алба хаагчид хар тамхи, мансууруулах бодис хэрэглэсэн эсэхийг шалгах анхан шатны шүлсний тестийг ашиглаж байгаа юм. Тэрчлэн энэ төрлийн гэмт хэргээс урьдчилан сэргийлэх ажлыг оновчтой зохион байгуулах зорилгоор нийслэлийн ерөнхий боловсролын сургуулийн сурагчид, багш нар болон бусад төрийн байгууллагын ажилтан алба хаагч нар, их, дээд сургуулийн оюутнуудад тогтмол сургалт зохион байгуулж хэвшсэн байна. Хар тамхитай тэмцэх газраас чиг үүргийнхээ дагуу Шүүхийн шийдвэр гүйцэтгэх ерөнхий газартай хамтран ажиллаж, хар тамхи, мансууруулах бодистой холбоотой гэмт хэрэгт ял шийтгэгдсэн ялтнуудад сургалт зохион байгуулдаг аж.

Жил бүрийн 8 дугаар сарын 1-7-ны өдрүүдэд “Хүүхдийг эхийн сүүгээр хооллолтыг дэмжих дэлхийн долоо хоног”-ийг дэлхий даяар тэмдэглэдэг уламжлалтай. 26 дахь жилдээ болж байгаа “Хүүхдийг эхийн сүүгээр хооллолтыг дэмжих дэлхийн долоо хоног”-ийг энэ жил “Эхийн сүү – эрүүл амьдралын эхлэл” уриан доор зохион байгуулж байгаа юм. Эхийн сүү нь найрлагадаа хүүхдийн биед амин чухал хэрэгцээтэй, амархан шингэдэг уураг, өөх тос, дархлааны фактор, даавар болон ферментүүдийг агуулсан байдаг бөгөөд хүүхдийг харшил, зарим халдварт өвчнөөс урьдчилан сэргийлдэг юугаар ч орлуулшгүй төгс хүнс гэдэг нь шинжлэх ухаанаар хэдийн нотлогдсон байдаг.

Хүүхдийг төрснөөс нь хойш 6 сарын турш эхийн сүүгээр дагнан хооллосноор уушгины хатгалгаагаар өвчлөх эрсдэлийг 23 хувиар, суулгалтаас шалтгаалах эндэгдлийг 10.5 хувиар, хатгалгаанаас шалтгаалах эндэгдлийг 15.1 хувиар тус тус бууруулж чаддаг байна. Эхийн сүүгээр хооллох нь хүүхдийн оюун ухааны хөгжлийг дэмжиж, IQ чансааг 3-4 оноогоор дээшлүүлдэг тул суралцах чадвар, хожмын ажил, амьдрал, амжилтад нь чухал нөлөөтэй гэж үздэг .

Хүүхдээ хөхүүлснээр ээжүүдийн эрүүл мэндэд ч тустай. Тодруулж хэлбэл эмэгтэйчүүдийн дунд чихрийн шижин, хөхний хорт хавдар, өндгөвчний хорт хавдрын өвчлөлийг бууруулахын зэрэгцээ жирэмслэлт хоорондын зайг уртасгана. Эхийн сүүгээр хүүхдээ хооллохыг хөхүүлэн дэмжих, хамгаалах, тусламж дэмжлэг үзүүлэх нь тогтвортой хөгжлийг цогцлооход амин чухал ач холбогдолтой. 2018 онд Дэлхийн 170 гаруй улсад Хүүхдийг эхийн сүүгээр хооллох долоо хоногийг дараах зорилтуудын хүрээнд тэмдэглэж байна. Үүнд:

• Мэдээллээр хангах: зохистой хоол тэжээл, хүнсний аюулгүй байдал, ядуурлыг бууруулах зэрэгт эхийн сүүгээр хүүхдийг хооллох нь ямар ач тустай болохыг олон нийтэд мэдээлж, ойлгуулах,

• Баттай хэвшүүлэх: Хүүхдийг эхийн сүүгээр хооллох дадлыг эрүүл амьдралын үндэс хэмээн баттай хэвшүүлэх,

• Хамтран ажиллах: эхийн сүүгээр хооллохын үр өгөөжийг нэмэгдүүлэхийн тулд иргэд, байгууллагуудыг татан оролцуулж, хамтран ажиллах,

• Хүчин чармайлтыг эрчимжүүлэх: зохистой хоол тэжээл, хүнсний аюулгүй байдал, ядуурлыг бууруулах үйл ажиллагааны хүрээнд хүүхдийг эхийн сүүгээр хооллохыг дэмжих хүчин чармайлтыг эрчимжүүлэх зэрэг болно.

Дээрх зорилтуудын хүрээнд Эрүүл мэндийн яам, Нийгмийн эрүүл мэндийн үндэсний төв, НҮБ-ын Хүүхдийн Сан хамтран олон нийтийн хэвлэл мэдээлэл, нийгмийн сүлжээ, сургалтуудаар дамжуулан эхийн сүүгээр хооллолтын талаарх олон нийтийн мэдлэг, хандлагыг сайжруулах, томоохон төрөх эмнэлгүүд, аймгийн нэгдсэн эмнэлгүүдийн мэргэжилтнүүдэд эхийг сүүгээр хооллолтын талаар зөвлөгөө өгөх чиглэлээр ажлын байран дахь сургалт хийх, 2017 онд батлагдсан Нялх, балчир хүүхдийн хоол, хүнсний тухай хуулийн хэрэгжилтийг хангах чиглэлээр уулзалт, хэлэлцүүлгийг эхийн сүү орлуулагч бүтээгдэхүүн импортлогчид болон холбогдох төрийн байгууллагуудыг оролцуулан зохион байгуулах зэрэг үйл ажиллагааг төлөвлөөд байна. Хүүхдийг эхийн сүүгээр хооллох нөхцөл боломжийг бүрдүүлэхийн төлөө төр, хувийн хэвшил, гэр бүл, олон нийт хамтын хүчин чармайлт гарган ажиллаж, ирээдүйн тогтвортой хөгжлийг бүрдүүлэх эрүүл саруул хойч үеийнхээ төлөө хамтран ажиллахыг уриалж байна.

Хан-Уул дүүргийн Гэр бүл хүүхэд залуучуудын хөгжлийн хэлтсээс энэ сарын 30-ны өдөр хараа хяналтгүй, гар дээрээс худалдаа хийж буй хөдөлмөр эрхлэгч хүүхэд илрүүлэх ажлыг зохион байгууллаа. Илрүүлэлтээр Туул голын эрэг, орц хонгил, нийтийн хоолны газар, шөнийн цэнгээний газруудаар хяналт шалгалтыг 08:00-24:00 цаг хүртэл хийсэн байна.

Хяналт шалгалтаар хараа хяналтгүй тав, гар дээрээс худалдаа хийж, хөдөлмөр эрхэлж буй зургаан хүүхдийг илрүүлэн эцэг эхэд нь хүлээлгэн өгсөн байна. Мөн голын эрэг, ойр орчмоор явж буй 41 хүүхэд, насанд хүрэгч есөн хүнд голын усны үер аюулын талаар зөвлөгөө мэдээлэл өгсөн аж.

Хан-Уул дүүргийн 16 дугаар хороо “Чингис хаан” олон улсын нисэх онгоцны буудлын ачаа тээш хадгалалтын хэсгийн заалнаас үл мэдэгдэх нунтаг цагаан бодис илэрчээ. Үүний улмаас олон хүнд амьсгал нь боогдох, ханиалгах шинж тэмдэг илэрсэн байна. Тус ачаа БНТУ-аас ирсэн байх бөгөөд дуудлага мэдээлэл өчигдөр 16:35 цагийн үед Онцгой байдлын албанд иржээ.

Мэдээллийн дагуу Онцгой байдал, Үндэсний аюулгүй байдал, цагдаа, мэргэжлийн хяналтын хамтарсан баг нисэх буудлын ачаа тээш хадгалалтын хэсгийн зааланд очиж, уг ачаа нь Монгол, Оросын хамтарсан “Мон-маг” ХХК-ийн барилгын зориулалтаар оруулж ирсэн UN1325 кодтой, 40х60 хэмжээтэй цаасан хайрцагт савласан бодис болохыг тогтоож, битүүмжлэн ҮАБ-ын агуулахад аваачсан байна.

Илүүдэл жингээ корсет зүүж, өлсөж унатлаа хоол сойлгүйгээр хэрхэн зөв зохистойгоох хасах вэ? Энэ талаар Нийгмийн эрүүл мэндийн үндэсний төвөөс дараах зөвлөмжийг гаргажээ.

БНХАУ-ын Сахилга бат хянан шалгах хорооноос авлигын хэрэгт холбогдуулан дэлхий даяар эрэн сурвалжилж байсан 100 сэжигтний жагсаалтад багтсан Шензен хотын цагдаа асан Зан Енггуан бууж өгөн өөрийн орондоо буцаж иржээ.

Тэрээр 2010 онд АНУ-руу дүрвэсэн бөгөөд хээл хахууль авсан хэрэгт сэжиглэгдэж байсан юм. Тус хорооноос өнгөрсөн Бямба гарагт хийсэн мэдэгдэлдээ Зан эх орондоо өөрийн хүсэлтээр ирж, бохир мөнгөө буцааж өгсөн гэжээ.