Дэлхийн хот төлөвлөлтийн өдрийг улс орнууд жил бүрийн арваннэгдүгээр сарын 08-нд тэмдэглэн өнгөрүүлдэг. Энэ өдөр дэлхийн өнцөг булан бүрт хот төлөвлөлтийн асуудлаар хурал зөвлөгөөн, хэлэлцүүлэг болдог байна. 2050 он гэхэд дэлхийн хүн амын 70 гаруй хувь нь хотод амьдрах төлөв бий. Дэлхийн шилдэг төлөвлөлттэй 9 хотыг танилцуулж байна.
1. Сингапур хот, Сингапур
Дэд бүтэц сайн, үйлдвэрлэлийн хүчин чадал өндөр. Хүн амьдрахад таатай цэвэр, тохилог орчныг бүрдүүлсэн. Түүнчлэн орчны төлөвлөлтийг төгс хийж чадсанаараа Сингапур алдартай.
2. Чандигарх, Энэтхэг
Энэтхэгийн хамгийн шилдэг хотуудын нэг. Хот төлөвлөлтийг маш нарийн хийсэн. Уг төлөвлөлтийн онцлог нь хотын дүүргүүдийг төрөлжүүлэхийн зэрэгцээ тэдгээрийг маш ухаалгаар холбож, цэвэрхэн орчин бүрдүүлсэн. Дүүрэг бүр нь хүрээлэн буй орчны шийдлийг төгс гаргаж ногоон байгууламж, тариалангийн талбай, худалдааны гудамж зэргийг оновчтой төлөвлөсөн байдаг аж.
3. Цюрих, Швейцарь
Цюрихийн нийтийн тээвэр маш сайн зохицуулалттайгаараа алдартай. Цюрих бол хөдөөтэй гол хотуудыг холбосон цөөхөн хотуудын нэг юм. Үүнээс гадна цагийг ягштал баримталдаг байдал нь галт тэрэгний хөдөлгөөнд эерэгээр нөлөөлдөг байна.
4. Сөүл, Өмнөд Солонгос
Сөүл хот мөн нийтийн тээвэр сайн хөгжсөн хот. Метро нь дэд бүтцийн гол ачааг үүрдэг, маш сайн төлөвлөгдсөн. Автобус, метроны үйлчилгээг уялдуулах төлөвлөлтийг оновчтой хийсэн. Сөүл хот иргэдийн оршин суух бүс, худалдааны болон зугаа цэнгээний газруудыг тусад нь зааглаж төлөвлөсөн. Авто замууд нь тусгай дугуйн замуудтай. Энэ нь замын хөдөлгөөний ачааллыг хөнгөлөхөд багагүй үүрэгтэй ажээ.
5. Копенгаген, Дани
Копенгаген нь унадаг дугуйн соёлыг олон жилийн өмнөөс хөгжүүлж, хэвүүүлсэн хот. Ногоон хотын стандартыг эндээс харж болно. Хот суурин газрын амьдралын үлгэр жишээ гэж үздэг. Мөн нийтийн тээврийн үйлчилгээ, зорчигчдын соёлын хувьд ч жишиг болсон хот.
6. Вашингтон, АНУ
АНУ-ын нийслэлийн хувьд авто замууд нь улсынхаа мужуудын нэрээр нэрлэгдсэн байдаг. Олон диагональ замуудтай, түүндээ тохирсон авто замын сүлжээг хэрэгжүүлдэг. Сонирхолтой нь, Capitol Hill зэрэг гол дурсгалт газрууд, үзмэрүүд нь хотынхоо төвд оршдог.
7. Амстердам, Нидерланд
Хотын эртний түүх, орчин үеийн архитектурыг хослуулан төлөвлөсөн. Хот суурин газрыг хэтэрхий давчуухан орон зайд төлөвлөхдөө орон сууцны хорооллын үр ашигтай системийг ашигласан. Амстердамын сувгийн систем нь хотын эмх цэгцтэй төлөвлөлтийн нэг илэрхийлэл болдог.
8. Бразилиа, Бразил
Өмнө нь Рио Де Жанерио Бразилийн нийслэл байсан. Бразилиа хот улсынхаа төв хэсэгт байрладаг байршлын давуу талаасаа шалтгаалан гол хотоор сонгогдсон. тус хот нь орон сууц, банк, эмнэлэг, бизнес гэх мэтээр төрөлжсөн тусгай бүсүүдтэй.
9. Парис, Франц
Парис бол аялал жуулчлалын хот. 1853 онд хотыг төв хэсгээрээ өргөн уудам талбайнуудтай байхаар шинээр төлөвлөн бүтээн байгуулалт өрнүүлсэн. Шинэ төмөр зам, гоёмсог барилгууд нь дэлхийн хэмжээний хот болоход нь нөлөөлжээ.
Статистикийн бизнес регистрийн санд 2018 оны 2 дугаар улирлын байдлаар 163.1 мянган аж ахуйн нэгж, байгууллага бүртгэлтэй байгаагийн 83.1 (50.9 хувь) мянга нь үйл ажиллагаа явуулж байна.
Хувиараа тусгай зөвшөөрөлгүйгээр иргэд, хуулийн этгээд харилцан тохиролцох замаар мөнгө солилцож байгаа нь хууль бус үйл ажиллагаа бөгөөд иргэд хууль эрх зүйн мэдээлэлгүйгээс мөнгөө хүлээн авах боломжгүй болж, иргэд хохирч, хуулийн байгууллагад хандаад байна. Мөн тодорхой бус сошиал хаягаар зар мэдээлэл түгээж, дансны дугаар илгээж, мөнгө хуримтлуулсан гэсэн мэдээлэл ирсэн тул мөнгөн гуйвуулгын тусгай зөвшөөрөлгүй иргэд, хуулийн этгээдээр үйлчилгээ хийлгэхгүй байх, мөнгө санхүүгээрээ хохирохгүй байхыг анхааруулж сэрэмжлүүлж байна.
Цэцэрлэгүүд энэ сарын 25-
Куветийн Засгийн газрын буцалтгүй тусламжаар Төрийн ордон барих 12 сая ам доллараар “Түлэнхийн төв” барихаар болсон. Энэ хүрээнд эмнэлгийн барилгыг ирэх есдүгээр сарын 30-нд ашиглалтад оруулахаар ажиллаж байгаа аж. Санхүүжилтийн асуудал хэсэг хугацаанд шийдэгдэлгүй гацсан ч Сангийн яам шийдэж өгчээ. 
Говь-Алтай аймгийн Засаг даргын тамгын газар, “Алтайн халиун буга” ТББ-тай хийсэн гэрээний дагуу аймгийн Хантайширын нуруунд хоёр дахь жилдээ буга нутагшуулах ажлыг амжилттай хэрэгжүүлж байна. Хоёрдугаар ээлжийн бугыг Хустайн нуруунаас холыг зорин очихтой зэрэгцэн өнгөрсөн жилийн нутагшуулсан ижил сүрэг нь Хантайширын их нурууны салбар уулсад сул тавигдаж, уул усандаа эзэн суухаар морджээ. Энэхүү ажил нь Хантайширын нурууны бугын популяцийг судлах, устахаас нь өмнө хамгаалах, цаашид хүний оролцоо шаардлагатай бол цус сэлбэх, байгальд нь өсгөх, энэ бүсийн популяцийг дэмжих зорилгоор уугуул нутгаа унаган төрхөөр нь гэсэн уриатай ажлыг эхлүүлж байжээ.
Улсын Их Хурлын гишүүн Н.Оюундарь өнөөдөр БНХАУ-ын Жөзян мужийн Лишуй хотын төлөөлөгчдийг Төрийн ордонд хүлээн авч уулзлаа. БНХАУ-ны төлөөлөгчид манай улсад “Нэг бүс, нэг зам” санаачилгын хүрээнд хүрэлцэн ирсэн бөгөөд уулзалтын эхэнд Улсын Их Хурлын гишүүн Н.Оюундарь Монгол Улсын нийгэм, эдийн засгийн байдалтай танилцаж, хамтын ажиллагааны чиглэлээ тодорхойлохоор хүрэлцэн ирсэн Лишуй хотын Соёлын даамал Zhang Fune тэргүүтэй хүмүүст талархал илэрхийлэв. Тэрбээр мөн Сэлэнгэ аймгаас сонгогдсон гишүүний хувьд Сэлэнгэ аймгийг Лишуй хоттой хамтын ажиллагаатай болгож, урлаг соёл болон гар урлал, ноолууран бүтээгдэхүүний худалдааны чиглэлээр харилцаагаа хөгжүүлэх хүсэлтэй байгаагаа тэмдэглэсэн. Лишуй хотын Соёлын даамал Zhang Fune “Лишуй хот нь шаазан ваар, сэлэм, чулуун сийлбэрээр улсдаа алдартай гээд урлаг соёл болон гар урлал, ноолууран бүтээгдэхүүний худалдаа, аялал жуулчлал зэрэг өргөн хүрээнд хамтын ажиллагаа тогтоож, тууштай хамтран ажиллах хүсэлтэй байна хэмээв.
Баянхонгор аймгийн Зоонозын өвчин судлалын төв 2018 оны 07-р сарын 16-ны өдөр тарваган тахал өвчний эсрэг дархлаажуулалтын ажлыг эхлүүлж, 15 сум, 3 албан байгууллага, аж ахуй нэгжийн 1127 иргэдийг дархлаажуулалтад хамруулаад байна.
Иргэдийн аялал зугаалгын улирал эхэлж нийслэлээс орон нутгийг чиглэсэн болон орон нутгаас нийслэлийг чиглэсэн замын хөдөлгөөн ихэссэнтэй холбогдуулан Баянзүрх дүүрэг дэх Замын цагдаагийн хэлтсээс ‘’Орон нутгийн зам-Хөдөлгөөний соёл-2018’’ аяныг амжилттай зохион байгуулж байна.