Баянзүрх дүүргийн Засаг даргын Тамгын газраас иргэдийн ая тухтай, таатай орчинд амьдрах нөхцөлийг бүрдүүлэхийн тулд бүтээн байгуулалт, тохижилтын ажлыг шат дараатай зохион байгуулан ажиллаж байна. Тухайлбал гэр хороолол дундах замыг хусч, тэгшлэх мөн орон сууцны хороолол доторх авто замын нөхөөсийн ажлыг өнгөрсөн долоо хоногоос хийж эхэлжээ.
Тус дүүргийн “Нийтлэг үйлчилгээний газар-3” ОНӨААТҮГ дүүргийн хэмжээнд нийт 21 хорооны 1.975 м.кв талбайн хатуу хучилттай авто замын нөхөөсийн ажлыг хийж гүйцэтгэхээр төлөвлөн ажлаа эхлүүлээд байна. “Нийтлэг үйлчилгээний газар-3” ОНӨААТҮГ-ын албан хаагчид өнгөрсөн хугацаанд дүүргийн 22 дугаар хорооны ‘’Төгөл хус’’ хотхоны 100 м.кв талбайн хатуу хучилттай авто замын нөхөөсийн ажлыг хийж гүйцэтгэжээ.
Жил бүр Улаанбаатар хотын хэмжээнд борооны ус зайлуулах шугам сүлжээний цэвэрлэгээ, засварын ажил хийдэг. Энэ жилийн эхний шатны ажил хийгдэж дуусчээ. Тодруулбал, Хан-Уул дүүргийн Наадамчдын гудамж, Баянмонгол хорооллын нүхэн гарц, Энхтайвны гүүрний нүхэн гарц, Вокзалын арын уулзвар, Богд ар хорооллын шугам, Сонгино-Хайрхан дүүргийн Үйлдвэрчний эвлэл, Драгон орчмын шугам, Чингэлтэйн борооны усны шугам, Долоон буудлын борооны шугам, Жавсранжавын гудамж, Чингисийн өргөн чөлөөний байршилд тус тус хийгдсэн байна.
Аргентины нийслэлд энэ оны долдугаар сарын 27-28-нд болсон “G20” буюу “Их 20”-ийн орнуудын хөдөө аж ахуйн сайд нарын уулзалтаас гаргасан тунхаглалд сайд нар дэлхий дахинд өлсгөлөн хүчтэй газар авч байгаад сэтгэл түгшиж буйгаа илэрхийлээд, өлсгөлөнг үндсээр нь арилгах чиглэлд хамтран ажиллахаа мэдэгджээ.
Дуучин бүсгүй 13 сартай ихрүүд болох Роми, Сэр нартайгаа амарч явна. Шоу бизнесийн ертөнцийн хүчирхэг хос Жи Зей, Бейонсе нар дэлхийг тойрсон аялан тоглолтынхоо завсраар ийнхүү түр зур амсхийж үнэтэй дарвуулт завь хөлслөн далайд амарч байна. Ихрүүдээс гадна тэдний 6 настай охин Блю Айви ч аялалд нэгджээ.
Шинжлэх ухааны доктор Х.Ыханбай саяхан гаргаж нээлтээ хийсэн “Ойн тухай нийтийн ойлголтод” номын борлуулалтын орлогоосоо Баян-Өлгий аймгийнханд хандив өргөнө гэв.
Сүүлийн жилүүдэд Хөвсгөл нуурыг үзэх гэсэн аялагчид эрс нэмэгдсэн байна. Гэхдээ дотоод аялагчдын тоо нэмэгдэж, гадаад аялагчдын тоо буурах болжээ. Тодруулбал, өнгөрсөн онд гадаадын 11500, дотоодын 61256 нийт 72756 жуулчин ирсэн гэх тоо мэдээлэл гарсан аж.
Монгол Улсын Засгийн газар болон Эрүүл мэндийн яам хамтран элэгний өвчлөлийг бууруулж, үүнээс үүдэх нас баралтын тэглэх зорилгоор “Элэг бүтэн Монгол” хөтөлбөрийг хэрэгжүүлээд хоёр жилийн хугацаанд хэрэгжүүлсэн юм. Энэ хүрээнд, 40-65 насны даатгуулагчийг хепатитын В, С вирусийн илрүүлэг шинжилгээнд хамруулах ажил орон даяар үргэлжилж байна.
Цаг уурын байгууллагаас ирүүлсэн мэдээллээр өнөөдрийн байдлаар Хэнтийн нуруунаас эхтэй Балж, Онон, Хэрлэн, Алтай нуруунаас усжих Ховд, Увс нуурын савын Хархираа зэрэг голуудын усны түвшин нэмэгдсэн байна. Мөн энэ сарын 30-нд баруун, төвийн аймгуудын зарим газар, говь болон зүүн аймгуудын нутгаар, 31-нд зарим газраар түр зуурын бороо орохыг анхааруулжээ.
Байгаль орчин, аялал жуулчлалын дэд сайд Ц.Батбаяр даргатай Булган аймгийн Хутаг-Өндөр сумын Нутгийн зөвлөл аймгийнхаа түүхт 80 жилийн ойн бэлэг болгож 30 хүний суудалтай дунд оврын автобус гардуулжээ.