Month: June 2018

Жилийн өмнө үнэт цаасны зах зээлд бонд гарган амжилттай арилжаалж буй үндэсний ууган үйлдвэрийн нэг “Сүү” ХК Монголын Хөрөнгийн биржтэй байгуулсан хамтран ажиллах гэрээгээ өнөөдөр дүгнэлээ.

Улаанбаатар хотын агаар, орчны бохирдлыг бууруулах, агаарын чанарыг сайжруулах хүрээнд хэрэгжүүлж байгаа ажлыг иргэд, олон нийтэд танилцуулах зорилгоор “Агаар, орчны бохирдлыг бууруулахад иргэд, олон нийтийн оролцоог нэмэгдүүлэх нь” сэдэвт нээлттэй хаалганы өдөрлөгийг долоодугаар сарын 4-ний өдөр Баянгол дүүрэгт, долоодугаар сарын 5-ны өдөр Баянзүрх дүүрэгт тус тус зохион байгуулах тул үйл ажиллагаагаа сурталчилан оролцох аж ахуй нэгж, байгууллагуудыг хүрэлцэн ирэхийг урьж байна.

Холбогдох утас: 314876, 318551 /Т.Отгонзаяа НАББГ-ын мэргэжилтэн/

Шүүх хуралдаан үргэлжилж байгаа, сэжигтнүүд хэргээ хүлээхгүй байгаа талаарх мэдээллийг бид өмнө нь хүргэсэн билээ.хаар иргэдийн төлөөлөгчид тэнд очоод байсан.

Монголчуудын хайрлан, шүтэж ирсэн байгалийн үзэсгэлэнт Дархан цаазат Богдхан уул нь дэлхийн сэрүүн бүсийн ой тайга, Төв Азийн хуурай хээр, говь, цөлийн бүсийн торгон зааг дээр оршдог эко системийн өвөрмөц тогтоцтойгоороо онцлогтой.

Эко үзэл санааг түгээн дэлгэрүүлэх, олон нийтийг байгаль орчноо хайрлан, хамгаалах үйл ажиллагаанд уриалан оролцуулж, эерэг өөрчлөлтийг бий болгоход үйл ажиллагаагаа чиглүүлж ажилладаг Жэй Си Ай Эко салбар байгууллага өнөөдөр Зууны мэдээ сонины мэдээллийн төвд хэвлэлийн хурал хийхдээ доорх баримтыг онцоллоо.

Тодруулбал, Монгол орны ойн тооллогын статистик үзүүлэлтээс дүгнэхэд Богдхан уулын ойн санд экологийн тэнцвэрт байдлыг хадгалах өндөр ач холбогдолтой ой үүсгэгч моддын байгалийнх нь өөрийн сэргэн ургалт нь хангалтгүй гэж дүгнэгджээ.

Үүнээс гадна өөр нэгэн бодитой сүүлийн үеийн тоон мэдээлэл дурдахад, Богдхан уулын нийт 22129 га ойн талбайгаас 3 га газарт нь залуу шинэсэн ой, 17 га талбайд нь гацууран ой ургадаг бол залуу хуш модон ой огт тоологдоогүй нь ноцтой байгааг илтгэж байна.

Иймд Жэй Си Ай Эко салбар байгууллагын залуучууд Богдхан уулынхаа залуу ойг нэмэгдүүлэх болон дэлхийн экосистемийн үнэт өв, сэрүүн бүсийн ойн төгсгөл хэсгийн экологийн тэнцвэрт байдлыг хангах, нөхөн сэргээх үндсэн зорилгоор “Залуу ой” төслийг санаачлан хэрэгжүүлж, иргэд олон нийт, аж ахуй нэгжүүдийг энэхүү үйлсэд уриалж хамгийн эхний бүлэг залуу моддыг 2018 оны 06 сарын 30-ны өлзий билэгт сайн өдөр тарьж ургуулахаар товлоод байна.

Богдхан ууланд залуу ой төглийг ургуулах энэхүү төсөлд байгаль эх дэлхийгээ гэсэн сайхан сэтгэлтэй иргэд, олон нийт, хамт олон, аж ахуй нэгжүүдийг хамтран оролцож болох юм байна.

Зуны амралт аялал зугаалгын цаг эхэлсэнтэй холбогдуулан эцэг эхчүүд хүүхдийнхээ аюулгүй байдалд анхаарлаа хандуулаарай.

Таны хамгийн хайртай нандин эрдэнэ болсон хүүхдийг тань

Таниас өөр хэнч илүү их хайрлахгүй

Хүүхдийнхээ аюулгүй байдалд цаг хором бүр анхаарлаа хандуулдаг

Хариуцлагатай аав, ээж нартаа баярлалаа

Нийслэлийн хүүхэд, гэр бүл хөгжлийн газар

Монгол Улсын Засгийн газраас НҮБ-ын Гамшгийн эрсдэлийг бууруулах газартай хамтран долоодугаар сарын 03-06-ны өдрүүдэд Улаанбаатар хотноо “Гамшгийн эрсдэлийг бууруулах Азийн сайд нарын бага хурал”-ыг зохион байгуулна.

Монголын Улаанзагалмайн нийгэмлэгээс хурлын үеэр ажиллах сайн дурын идэвхтнүүдийг сонгон шалгаруулсан юм. Бага хурлын үеэр ажиллах сайн дурын ажилд хүүхдийн байгууллагууд, ротари клубуудын төлөөллүүд болон их, дээд сургуулийн 500 оюутан, залуус бүртгүүлснээс 250 сайн дурын идэвхтнийг шалгаруулан, сургалтад хамруулаад байна.

Сургалт Азийн сайд нарын бага хурлын үйл ажиллагаа, олон улсын харилцаа, дипломат ёс, дэг жаяг, төрийн ёслол хүндэтгэлийн арга хэмжээний үеэр баримтлах зарчим, сайн дурын ажилтны ажлын байранд тавигдах шаардлага зэрэг сэдвийн хүрээнд зохион байгуулагдсан байна.

Үндэсний их баяр наадмын хурдан морины салбараас энэ жилийн наадмын үйл ажиллагааны талаар мэдээлэл хийлээ.

Наадмын үеэр 2500-3000 төрийн албан хаагчид ажиллана. Долдугаар сарын 9-нөөс уралдах морьдыг бүртгэж эхлэх ба зургаан наснаас дээш морьдыг оруулах, монгол морийг хэмжих, ялгах ажлыг мал эмнэлэгийн ерөнхий газрын мэргэжилтнүүд гүйцэтгэх аж.

Долдугаар сарын 10-ны өдөр Хязаалан,шүдлэн насны морьд уралдах бол 11-нд азарга, их нас, 12-нд соёолон, даага, 13-ны өдөр шинэ монгол адууны уралдаан болох юм. Морьдыг бариандаа ирэхээс өмнө “Морьтон монгол” үзүүлбэр болох юм байна. Харин унаач хүүхдүүдийн хувьд долоон наснаас дээш, морь унаж сурсан хүүхдээр унуулна. Шагналын20 хүртэлх хувийг унаач хүүхдүүд хүртэх дүрэм баталсан байна.

Мөн энэ жил бүх аймаг сумын унаач хүүхдүүдийн хурууны хээг баталгаажуулж, цахим бүртгэлээр үнэмлэх олгохюм байна. Ингэснээрээ зөвхөн зөвшөөрөл авсан хүүхдүүд орох юм. Түүнчлэн эцэг эхийн зөвшөөрлийг албан бичгээр авах аж. Зөвшөөрсөн бичиг байхгүй тохиолдолд оруулахгүй байхаар шийджээ. Унаач хүүхдүүдийнамь насны даатгал гэж жилд 30 мянган төгрөг авдаг. Амь насаа алдсан тохиолдолд таван сая төгрөг өгдөг байна. Зарим аймаг сумдад таван мянган төгрөг ч авдаг тохиолдол байна. Жил бүр 100 мянган төгрөг төлснөөр гэнэтийн осол гарахад 20 сая төгрөгний нөхөн олговор авна гэж хүүхэд залуучуудын хөгжлийн газраас мэдээллээ. Ирэх даваа гарагт хүүхдүүдийг даатгалд хамруулах компаниудын нэрс гарах юм.

Ц.УРАНБОЛОР

Сүхбаатар дүүргийн Засаг даргын захирамжаар тус дүүргийн хэлтэс, албадын албан хаагчид дөрвөн багт хуваагдан, хяналт шалгалт хийж байна. Албан хаагчид ерөнхий боловсролын сургууль, цэцэрлэг, нийтийн эзэмшлийн тоглоомын талбай, биеийн тамирын талбай. Мөн хүүхэд тоглуулах үйлчилгээ эрхэлдэг аж ахуйн нэгж, байгууллагуудын техник, хэрэгслийн техникийн аюулгүй байдал бүрэн хангагдаж байгаа эсэхэд хяналт, шалгалт хийж зөрчлийг арилгуулахаар ажиллаж байна.

Орчны гэрэлтүүлэг, гадна, дотор хяналтын камер, тоног төхөөрөмж, тоглоом хэрэгслийн бүрэн бүтэн байдал, авто замын аюулгүй байдал, тэмдэг тэмдэглэгээг шалгаж байна. Үүнээс гадна техник, хэрэгслийн техникийн аюулгүй байдал, хөдөлмөрийн аюулгүй байдлыг хангасан байдал чиглэлээр үзлэг, хяналт хийж зөрчлийн мэдээллийг нэгтгэж, шаардлагатай арга хэмжээг шуурхай зохион байгуулах аж.