Month: June 2018

Аваргуудын лигт дэд байр эзэлсэн Английн “Ливерпүүл” клуб энэ зуны солилцоо наймааны цонхоор идэвхитэй ажиллах бололтой.

Тэд Францийн “Монако” хагас хамгаалагч Фибианог эгнээндээ элсүүлээд байсан бол “Лион” клубээс довтолгооны чиглэлийн хагас хамгаалагч Набил Фекирыг худалдаж авах тохиролцоонд хүрэхэд ойрохн байгаа юм.

Мөн Герман мэргэжилтэн Юрген Клопп өөр нэг шилдэг залууг Анфилдэд газардуулахаар ажиллаж байгаа нь “Барселона”-гийн довтлогч Усман Дембеле. Испаний зарим хэвлэлүүдийн мэдээлж буйгаар “Ливерпүүл” клуб 21 настай Франц залууг худалдаж авахаар 100 сая фунт стерлингийнүнийн санал хүргүүлэхээр төлөвлөөд байгаа аж.

Дембеле өнгөрсөн улиралд Барселоно багийн төлөө 27 тоглолтод оролцож дөрвөн гоол оруулж, долоон гоолын дамжуулалт өгчээ.

Энэ сарын 9-10-нд Улаанбаатарт болох “Монголиа Опен-2018” чөлөөт бөхийн олон улсын тэмцээнд ОХУ-ын эмэгтэйчүүдийн шигшээ баг зодоглохоор болжээ. Багийн ахлагчаар ОХУ-ын эмэгтэйчүүдийн шигшээ багийн ахлах дасгалжуулагч Юрий Шахмурадов, дасгалжуулагчаар 2003 оны дэлхийн болон Европын аварга Ирбек Фарниев болон Андрей Бузин, Олег Марков нар ажиллах бол тэдний удирдлага дор 16 тамирчин хүч үзнэ. Тодруулбал ДАШТ-ий гурван мөнгө, ЕАШТ-ий алт, мөнгө, хүрэл медальт, Ирина Ологонова, 2013 оны Европын аварга, залуучуудын дэлхийн болон Европын аварга Валерия Чепсакарова, 2018 оны Европын аварга, залуучуудын ДАШТ-ий хошой мөнгөн медальт, Сталвира Оршуш, залуучуудын ДАШТ-ий мөнгө, ЕАШТ-ий алтан медальт, Анжела Катаева, ЕАШТ-ий хүрэл медальт, Иван Ярыгиний “Алтан Гран при”-гийн аварга Юлия Пронцевич зэрэг тив, дэлхийд танигдсан бүсгүйчүүд Улаанбаатарын дэвжээнд зодоглох юм

ОХУ-ЫН ЭМЭГТЭЙЧҮҮДИЙН ШИГШЭЭ БАГ:

50 кг: Анжелика Фетошкина, Валерия Чепсаракова
53 кг: Сталвира Оршуш, Екатерина Полешук
57 кг: Ирина Ологонова, Ольга Хорошавцева
59 кг: Вероника Чумикова, Ульяна Тукуренова, Светлана Липатова
62 кг: Валерия Суворова
65 кг: Юлия Пронцевич, Светлана Бабушкина
68 кг: Екатерина Еремина
72 кг: Татьяна Колесникова
76 кг: Кристиана Дудаева, Анжела Катаева

Испанийн алдарт “Реал Мадрид” клубын дасгалжуулагч Зинедин Зидан ажлаа хүлээлгэн өгч байгаа ажээ. Тэрээр Мадрид хотод хэвлэлийн бага хурал зарлаж энэ талаар мэдэгдсэн юм.

Зенедин Зидан 2015-2016 оны улиралд “Реал Мадридад”-д ирснээсээ хойш гурав дараалж Аваргуудын лигт түрүүлж дээд амжилт тогтоогоод байна. Мөн Испанийн Ла лигт нэг, Испанийн “Супер цом”-д нэг, Европын супер цомд хоёр, клубуудын ДАШТ-ний цомыг хоёр удаа өргөсөн юм.

Хэвлэлийн хурлын үеэр “Энэ шийдвэр та бүхэнд хачирхалтай санагдаж байж магадгүй. Энэ баг үргэлжлүүлэн ялалт байгуулж мөн өөрчлөлт хийх хэрэгтэй. Энэ 3 жилийн дараа тэдэнд өөр өнгө аяс, ажлын өөр арга аргачлал хэрэгтэй гэж бодож байна. Энэ бол миний энэ шийдвэрийг гаргасан шалтгаан. Би энэ багт хайртай, мөн багийн ерөнхийлөгчид ч гэсэн. Тэр л надад энэ багт тоглох бас дасгалжуулах боломжийг олгосон. Би түүнд мөнхөд талархаж явах болно. Гэхдээ одоо миний хувьд ч бусад хүмүүсийн хувьд ч өөрчлөлт шинэчлэлт хийх цаг болсон” гэж хэлсэн юм. Зидан тоглогч болон дасгалжуулагчийн хувиар Аваргуудын лигт түрүүлсэн ховор амжилт эзэмшиж байна.

БНСУ-ын Сөүл хотноо энэ сарын 27-нд болсон тэмцээнд оролцсон Монголын бодибилдинг фитнессийн холбооны баг тамирчид дөрвөн алт, гурван мөнгө, хүрэл хүрэл медаль хүртэж, нэг тамирчин “Pro card”-ын эзэн болжээ.

“Mr.Olympia amateur-Asian Grand prix 2018” тэмцээн нь “IFBB professional league” холбооноос Ази тивд зохион байгуулдаг хамгийн нэр хүндтэй тэмцээн юм. Тэмцээнд өндөр зэрэглэлийн тамирчид оролцдог “Азийн Гран при” гэдгээрээ онцлогтой юм.

Тус тэмцээнд Монгол Улсаас эрэгтэй 12, эмэгтэй дөрөв, нийт 16 тамирчин оролцсоноос Men’s physique junior болон Men’s physique “Class B” open ангилалд Э.Батдорж хос алтан медаль, “Bodybuilding 75 kg” ангилалд Л.Саруулбат, “Bikini Class B” ангилалд Г.Уянга нар алтан медалийн эзэд болжээ.

Харин “Men’s physique Class C” ангилалд У.Нямтулга, Men’s physique Junior ангилалд М.Мөнх-Од, Bodybuilding Master ангилалд Т.Чахар нар мөнгөн медаль хүртсэн бол “Men’s physique Class C open” ангилалд М.Мөнх-Од, “Men’s physique Class A open” ангилалд Б.Лхагвадорж, “Bikini Class B open” ангилалд Г.Уянга, “Bikini Novice” ангилалд А.Ичинноров тус тус хүрэл медалийн эзэд болжээ.

ФИБА 3х3 “Ulaanbaatar Challenger” дэлхийн Гранпри тэмцээн зургадугаар сарын 2-3-ны өдрүүдэд Сүхбаатарын талбайд зохиогдно. “Улаанбаатар” дэлхийн Гранпри нь Токио 2020 олимпийн наадмын хөтөлбөрт багтсан 3х3 төрлийн баг тамирчдад Олимпийн эрхийн оноо олгох чансаа өндөр тэмцээнүүдийн нэг юм.

Тэмцээнд дэлхийн аварга Сербийн шигшээ болон чансаагаараа тэргүүлэгч Словени, Австрали, Польш, ОХУ, Канад, Япон, Бразил, Индонез, Монгол зэрэг шилдэг 12 шигшээ баг оролцох аж. Эхний хоёр байрт шалгарсан багууд 10 дугаар сарын 13-14-ний хооронд Малайз улсад болох Дэлхийн Их дуулгын тэмцээнд оролцох эрх авна.

Тэмцээний үеэр ФИБА U23 насны үндэснүүдийн дэлхийн лигийн тэмцээн давхар болох юм. БНХАУ, Индонез, Шри Ланк, Уганда, Монгол гэсэн багуудын эрэгтэй эмэгтэй тамирчид оролцоно.

Монголын 3х3 Үндэсний шигшээ багийн энэ жилийн гол зорилт бол Токио 2020 олимпийн наадамд оролцох эрх авах явдал юм. Уг эрхийн төлөө оноо цуглуулахад “Ulaanbaatar Challenger” дэлхийн Гранпри тэмцээн чухал ач холбогдолтой. Тиймээс тэмцээнд энэ жилийн дэлхийн аварга Сербийн шигшээ болон чансаагаараа тэргүүлэгч Словени, Австрали, Польш, ОХУ, Канад, Япон, Бразил, Индонез, Монгол зэрэг шилдэг 12 шигшээ баг оролцоно.

“Хамаг Монгол” студи, бөхийн “Жавхлант” дэвжээ хамтран “Монгол туургатны бөхийн барилдаан”-ыг зургадугаар сарын 2-ны өдөр Төв цэнгэлдэх хүрээлэнд зохион байгуулахаар болсон билээ. Барилдаанд БНХАУ-ын ӨМӨЗО, ОХУ-ын Тува, Буриад улсаас бөхчүүд оролцоно. Монгол үндэсний болон Өвөрмонгол, Буриад бөхийн барилдаанууд болох бөгөөд зочин бөхчүүд бүх барилдаанд оролцож болох юм байна. Харин манай бөхчүүд аль нэг төрлийг нь сонгон барилдах аж.

Монгол туургатны бөхийн барилдааны техникийн зөвлөгөөн өнөөдөр 17:00 цагаас Төв цэнгэлдэх хүрээлэнд болж, оролцох бөхчүүд тодрох юм байна. Энэ удаагийн барилдаанд Өвөрмонгол, Тува, Буриадаас алдартай бөхчүүд оролцохоор болжээ.

2008 онд Монгол туургатны барилдаан үндэсний бөхийн төрлөөр Улаанбаатарт анх удаа болж байсан бол энэ удаа гурван төрлөөр зохиогдохоор болсон байна.