Энэ сарын 29-ний 16:00 цагт Тусгаар тогтнолын талбайд буюу Тэнгис кино театрын гадна талбайд, цаг бусаар амиа алдсан бяцхан хүүхдүүдэд эмгэнэл илэрхийлэх олон нийтийн цуглаан зохион байгуулахаар болжээ.
Энэхүү цуглаанд ирсэн хүмүүс хүүхдийнхээ тоглоомоос авчирч болохоос гадна ирсэн хүүхдүүдэд буяны зэд буюу ааруул, чихэр гэх мэт зүйлсийг бэлдэж ирж өгөх боломжтой юм байна. Зохион байгуулагчидтай холбогдох, дэлгэрэнгүй мэдээлэл авахыг хүсвэл 88103324 дугаарын утсаар холбогдох боломжтой ажээ.
БСШУС-ын сайд Ц.Цогзолмаа нийслэлийн бүх ЕБС-ийн захирал, дүүргүүдийн Боловсролын хэлтсийн дарга нартай уулзаж сургуулийн орчны аюулгүй байдал, засвар үйлчилгээг хийж сахилга хариуцлагыг сайжруулах асуудлаар үүрэг даалгавар өгөхдөө сургуулийн элсэлт, бүртгэл эхэлж буйтай холбогдуулан мөн үүрэг чиглэл өгөв. Үүнд:
Сүүлийн жилүүдэд Монгол орны нийт нутаг дэвсгэрт тархаад буй үлийн цагаан оготнотой тэмцэх, устгах ажлыг эрчимтэй хийж байна. Энэ ажлын хүрээнд малын бэлчээрийг хамгаалахын тулд сум бүрт таван сая төгрөг төсөвлөсөн ч үр дүн гарахгүй байгаа талаар албаныхан мэдээлж буй юм.
Тодруулбал, өнгөрсөн онд 473 мянган га газарт үлийн цагаан оготно устгах ажилд 756.8 сая төгрөг зарцуулсан тухай салбарын яамнаас мэдээлжээ. Мөн энэ онд 218 га газарт хүр хорхой устгах төлөвлөгөөт ажил явуулж, 4.5 тэрбум төгрөг зарцуулсан аж.
Одоогийн байдлаар тус ажлын гүйцэтгэл 60 хувьтай явагдаж буй юм байна. Ирэх долдугаар сараас эхлэн гэрээ хийсэн компаниудын хүр хорхойн устгал хийсэн үйл ажиллагаатай танилцаж, 14 хоногийн мониторинг судалгаа хийх ажээ.
“Хааны эрэлд 2018” Энхийг дэмжих ажиллагааны Олон Улсын цэргийн хамтарсан сургууль Таван толгой цэргийн сургуулилтын баазад 14 хоног болж, өнөөдөр хааж байна. 16 дахь удаагийн Олон Улсын хамтарсан хээрийн сургуульд 26 улсын цэргийн бие бүрэлдэхүүн оролцов.
Монгол Улсын Ерөнхий сайд У.Хүрэлсүх “Хааны эрэлд – 2018” Энхийг дэмжих ажиллагааны Олон Улсын цэргийн хамтарсан сургуулийг хааж хэлсэн үгийг бүрэн эхээр нь хүргэж байна.
Эрхэм хүндэт зочид, эрхэмсэг хатагтай, ноёд оо!
Энхийн үйлсийн зорилго дор нэгдсэн орон орны энхийг сахиулагчид, эрхэм генерал, офицер, ахлагч нар аа!
Та бүхэнд дэлгэр зуны энэ сайхан өдрийн мэндийг дэвшүүлье!
Хүн төрөлхтөний түүхэнд анхны төрт улсыг байгуулан, улс гэрээ төвхнүүлж, Их эзэн Чингис хааныхаа нэрээр дэлхийд танигдсан Монголчууд төв Азийн цээжинд дэх өргөн уудам нутагтаа мал сүргээ адгуулан амьдарч, нүүдэлчин соёл иргэншлийн сонгодог төлөөлөл болон оршин тогтнож ирсэн билээ.
Өнөөдөр Монгол Улс даян дэлхийн шударга улс түмэнтэй энх тайвнаар зэрэгцэн оршиж, ардчилал, шударга ёс, хүний эрх, эрх чөлөөг дээдэлсэн иргэний нийгмийг цогцлоон, улс орноо хөгжүүлэх зорилтыг хэрэгжүүлж байна.
Аливаа улс үндэстний хөгжин цэцэглэх үндэс суурь нь дайн самуунгүй, амар амгалан амьдрал юм. Монгол Улс хөгжилд тэмүүлэн урагшлахын зэрэгцээ НҮБ-ын гишүүн орны хувьд дэлхийн хамтын нийгэмлэгийн өмнө хүлээсэн үүргээ хариуцлагатайгаар ухамсарлаж энх тайван, амар амгалан амьдрал үгүйлэгдэж байгаа улс орон, ард түмэнд туслахыг байнга эрхэмлэж ирсэн билээ.
Тиймээс Монгол Улс олон улсын болон бүс нутгийн энх тайван, аюулгүй байдлыг бэхжүүлэх талаар гаргасан аливаа санал санаачлагуудыг талархан дэмжиж, үйл хэрэгт нь идэвхитэй оролцож ирсэн. Олон улсын энхийг дэмжих үйл ажиллагаанд Монгол Улсын Зэвсэгт хүчин оролцож, өөрийн хувь нэмрээ оруулж байгаа нь үүний нэгээхэн тодорхой жишээ юм.
Монгол Улсын үе үеийн Засгийн газар Зэвсэгт хүчнийхээ энхийг дэмжих ажиллагаанд оролцох эрх зүйн орчныг боловсронгуй болгох, үүрэг гүйцэтгэх чадавхийг бэхжүүлэх, энхийг сахиулагчдын мэдлэг, туршлага, мэргэжлийн ур чадварыг дээшлүүлэх талаар шат дараалсан олон арга хэмжээ авч хэрэгжүүлсний үр дүнд манай цэрэг дайчид олон улсад зүй ёсоор үнэлэгдэх боллоо.
Цаашид ч Монгол Улсын гадаад бодлогын үзэл баримтлалын хүрээнд манай улс дэлхий нийтийн тулгамдсан асуудлыг шийдвэрлэхэд идэвхитэй оролцож, олон улсын гэрээ, хэлэлцээрээр хүлээсэн үүргээ чанд биелүүлэн,энхийг дэмжих чадавхиа улам бүр бэхжүүлэхэд онцгой анхаарах болно.
НҮБ-ын Ерөнхий нарийн бичгийн дарга асан алдарт дипломатч Даг Хамершолд нэгэнтээ “…Энхийг сахиулна гэдэг цэрэг хүний хийх ажил биш. Гэвч гагцхүү цэрэг хүн л үүнийг хийж чадна…” гэж хэлсэнчлэн бусдын сайн сайхан, амар тайван амьдралын төлөө эрсдэл дунд алхаж чадах тийм аугаа их сэтгэлийн тэнхээ, хатан зоргийг зөвхөн энхийг сахиулагчид л гаргаж чадна. Тэд байгаль цаг уурын хүнд ширүүн нөхцөлд, амь нас, эрүүл мэндийн асар өндөр эрсдлийн дунд, хүлээсэн үүргээ чин үнэнчээр биелүүлж, энхийг сахиулагч гэх эрхэм нэр алдраа өндөрт өргөсөөр байна. Тэдний дунд Монгол хүн, Монголын энхийг сахиулагчид мөр зэрэгцэн алхаж яваа нь үнэхээр бахархалтай үйл хэрэг юм.
Монгол Улсын Ерөнхий сайдын хувьд би “Хааны эрэлд” сургуулийн улс төрийн ач холбогдлыг өндрөөр үнэлж байдаг юм. Учир нь уг сургууль бүс нутгийн орнуудын цэргийн итгэлцэл, нөхөрлөлийг гүнзгийрүүлэн, гадаад хамтын ажиллагааг өргөжүүлэх таатай нөхцлийг бүрдүүлэн өгч байна. Та бүхнийг энэхүү сургуульд оролцсоноороо олон орны мэргэжил нэгт нөхөдтэйгээ харилцан мэдлэг туршлагаа солилцон, мэргэжлийн ур чадвараа нэмэгдүүлж, энхийг дэмжих ажиллагааны чадавхиа дээшлүүлсэн гэдэгт итгэл төгс байна.
Энэхүү сургуулийг амжилттай зохион байгуулахад хүчин чармайлт гарган ажилласан нийт энхийг сахиулагчид, туслаж дэмжсэн бүх хүмүүст баяр хүргэж, Монгол Улсын Засгийн газрын нэрийн өмнөөс болон хувиасаа талархал илэрхийлье.
Тус сургуулийг зохион байгуулахад дэмжлэг үзүүлсэн АНУ болон цэргийн алба хаагчдаа илгээн оролцуулсан бүх улс орнуудын төр засгийн удирдлагад Та бүхнээр дамжуулан чинь сэтгэлийн талархал дэвшүүлье!
Энх тайвны төлөө зорилгод нэгдсэн эрхэм энхийг сахиулагчид Та бүхнийг эзэмшсэн мэдлэг, мэргэжлийн ур чадвараараа энхийг сахиулах үйл ажиллагаанд амжилттай оролцон олон олон эгэл жирийн гэр бүлүүдэд айх айдасгүй, элэг бүтэн, аз жаргалтай инээмсэглэлийг бэлэглэж чадна гэдэгт итгэл дүүрэн байна.
Та бүхэнд хамгийн сайн сайхныг хүсч, энхийг сахиулах гэгээн үйлсдээ их амжилт гаргахыг хүсэн ерөөе! гэлээ гэж Засгийн газрын Хэвлэл мэдээлэл, олон нийттэй харилцах хэлтсээс мэдээллээ.
Нийслэл болон орон нутагт үйл ажиллагаа явуулдаг бизнес эрхлэгчдийн дунд жил болгон “Бизнесийн итгэлийн индекс” судалгаа хийдэг билээ. Уг судалгааг Монголын Үндэсний Худалдаа Аж Үйлдвэрийн Танхимаас хийдэг бөгөөд өнөөдөр үр дүнгээ тайлагналаа. 2017 оны байдлаар бизнесийн орчин өмнөх жилүүдээс сайжирч, бизнес эрхлэгчдийн итгэл нэмэгдсэн байна. Итгэлийн индекс -0.32 гарсан нь өмнөх оноос 0.85-аар өссөн үзүүлэлт гарчээ. Бизнес эрхлэгчдийн хувьд 2018 оныг сүүлийн таван жилтэй харьцуулахад бизнест хамгийн эерэг жил болно хэмээн найдаж байгаа аж.
Бизнесийн тогтвортой, сайн орчин нь илүү өндөр бүтээмжтэй байдаг. Манай орны хувьд бизнесийн орчинг сайжруулахад зээлийн хүү өндөр, хугацаа богино байгаа нь сөргөөр нөлөөлж байна хэмээн бизнес эрхлэгчдийн 17 хувь нь үзжээ. 2016 онд хийсэн судалгаанд төрийн хүнд суртал бизнесийн орчинд сөрөг нөлөөтэй байна гэж хариулж байсан нь ийнхүү өөрчлөгдсөн байна. Мөн 15 хувь нь бодлогын тогтворгүй байдлыг, 11 хувь нь татварын хувь хэмжээ өөрчлөх шаардлагатай гэж хариулжээ. Энэ талаар МҮХАҮТ-ын орлогч дарга М.Сарандаваа “Бизнесийн орчинд сөргөөр нөлөөлж байгаа асуудлууд эрэмбэ нь өөрчлөгдөж байгаа боловч шийдэгдээгүй хэвээр байна. Энэ жилийн судалгаанд зээлийн хүү өндөр байгааг анхаарах нь зүйтэй гэж бизнес эрхлэгчдийн дийлэнх нь хариулсан. Хоёрдугаарт бодлогын тогтвортой байдал, дараа нь татварын хувь хэмжээг нэрлэсэн. Бодлогын тогтворгүй байдлаас болж бизнес эрхлэгчдэд өөрсдийн бодлого, стратеги төлөвлөгөөгөө гаргаж, гадаад түншүүдтэйгээ ойлголцож, дунд болон урт хугацаанд тогтвортой ажиллахад сөргөөр нөлөөдөг” хэмээн тайлбарлалаа.
Судалгаанд оролцогсдын 24 хувь нь Улаанбаатар хотод үйл ажиллагаа эрхэлдэг бол үлдсэн 76 хувь нь орон нутгийн бизнес эрхлэгчид байв. Нийтдээ 934 аж ахуйн нэгжийн дунд санал асуулгын болон онлайн хэлбэрээр 2017 оны 10-12 дугаар саруудад судалгаа явуулжээ. Ингэхдээ бизнесийн орчны ерөнхий төлөв байдал, ашиг орлого, макро эдийн засгийн үндсэн асуудлууд болох ядуурал, ажилгүйдэл, инфляци, хөрөнгө оруулалтын орчин зэргийн талаар бизнес эрхлэгчдийн байр суурь, цаашид яаж өөрчлөгдөх талаар хүлээлт зэрэг үзүүлэлтийг тоймлон гаргахыг зорьсон байна.
Эдийн засгийн гол салбаруудболох худалдаа, үйлчилгээ, боловсруулах үйлдвэр, барилга, газар тариалан, мал аж ахуй, аялал жуулчлал, тээвэр, мэдээллийн технологи, уул уурхайн салбарт судалгаа хийжээ.
Бизнесийн итгэлийн индексийн голлох үзүүлэлтүүдийн чиг хандлага:
Бизнесийн орчин
Бизнесийн орчин өмнөх жилийнхээс ямар нэгэн хэмжээгээр сайжирсан гэж нийт судалгаанд оролцогсдын 35 хувь нь хариулсан байна. Мөн 58 хувь нь ирэх жил илүү сайн бизнесийн орчин бүрдэнэ гэсэн хүлээлттэй байгаа хэмээжээ. Энэ нь гадаад зах зээлд түүхий эдийн үнэ ханш өссөнтэй холбоотой байж болно гэж судлаачид тайларлав.
Ашиг орлого
Харин орлого ашгийн хувьд 2017 оны байдлаар нийт оролцогчдийн 43 хувьд нь буурсан, 39 хувь нь нэмэгдсэн гэж хариулжээ. Гэсэн хэдий ч бизнес эрхлэгчид 2018 оныг ашиг орлогод эерэг нөлөө үзүүлэх таатай жил гэж төсөөлж байна. Ашиг орлого өснө хэмээн 64 хувь нь хүлээж байгаа ажээ.
Хөрөнгө оруулалт
Эдгээр бизнес эрхлэгчдийн 57 хувь нь хөрөнгө оруулалт хийсэн гэж хариулсан ба өмнөх судалгааны дүнгээс 22 хувиар өссөн байна. Энэ нь хүндрэлтэй байгаа эдийн засаг сэргэх дохио хэмээн судлаачид үзжээ. Улаанбаатар хотын бизнес эрхлэгчдийн 67 хувь, орон нутгийн бизнес эрхлэгчдийн 54 хувь нь хөрөнгө оруулалт хийсэн. Мөн 2018 онд та бизнестээ ямар нэг хэмжээгээр хөрөнгө оруулалт хийх сонирхол, боломж байна уу? гэсэн асуултад 79 хувь нь эерэг хариулт өгсөн байв.
Бизнес эрхлэгчдээс хамгийн түрүүнд өөрчилж сайжруулах шаардлагатай гэж үзсэн асуудлуудын 2016 болон 2017 оны эрэмбийг хүснэгтээр үзүүлэв.
|
2016 он |
Ранк |
2017 он |
|
Төрийн хүнд суртал |
1 |
Зээлийн өндөр хүү / богино хугацаа |
|
Авилга, хээл хахууль |
2 |
Бодлогын тогтворгүй байдал |
|
Зээлийн өндөр хүү / богино хугацаа |
3 |
Татварын хувь, хэмжээ |
|
Төрийн албаны нүсэр бүтэц |
4 |
Хариуцлагагүй, хууль хэрэгждэггүй байдал |
|
Шударга бус тендер шалгаруулалт |
5 |
Авилга, хээл хахууль |
|
Олон татвар, хураамж |
6 |
Төрийн албаны нүсэр бүтэц |
|
Хариуцлагагүй, хууль хэрэгждэггүй байдал |
7 |
Төрийн хүнд суртал |
Э.ЯНЖМАА
БНСУ-д 2:0-ээр хожигдож ДАШТ-ийг орхисныхоо дараа хэвлэлийн бага хуралд оролцох нь Германы шигшээ багийнхны хувьд хүндхэн байсан нь тодорхой. Гэсэн ч Йоахим Лёв тэргүүтэй тоглогчид хуралд оролцсон юм. Хэвлэлийн хурлын үеэр Германы сэтгүүлчид Йоахим Лёв руу “Энэ бол доромжлол” хэмээн дайрч давшилж байжээ.
Тэрээр “Тоглогчид маань ердийнх шигээ тоглож чадсангүй. Бүх хариуцлагыг би өөртөө хүлээнэ. Горецка бэлтгэл дээр маш сайн, Т.Мюллер муугүй байсан болохоор тоглуулахаар сонгосон. Бид энэ тоглолтод хожил авахын төлөө эрсдэл гаргаж, бүхнээ золиослосон. Гэсэн ч хамгаалалтынхаа хаалгыг нээгээд өгчихлөө. Ийм зүйл болсон нь санаандгүй хэрэг биш. Солонгосчууд сайн тоглосон. Тэд зөвхөн хамгаалаад зогсохгүй сайн довтолж байсан” хэмээн өгүүлжээ.
УИХ-ын 2018 оны хаврын ээлжит чуулган өчигдөр боллоо. Хэлэлцэх асуудлын дарааллыг батлах үеэр УИХ дахь АН-ын бүлэг Захиргааны ерөнхий хуульд өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төслүүдийн үзэл баримтлалыг хэлэлцэх эсэх асуудлаар тав хоногийн завсарлага авч буйгаа мэдэгдсэн юм. Мөн зарим гишүүний хэлж байгаачлан иргэдийн аюулгүй амьдрах эрхийг хангах үүрэгтээ Засгийн газар тэргүүтэй холбогдох байгууллагууд онцгойлон анхаарч ажиллах шаардлагатайг УИХ-ын дарга М.Энхболд санууллаа. УИХ-ын гишүүн М.Оюунчимэг, З.Нарантуяа нараас хүүхэд хамгааллын талаар Монгол Улсын Ерөнхий сайдад хүргүүлсэн асуулгын хариуг Баасан гарагийн хуралдаанаар сонсохоор шийдвэрлэв.
Батлан хамгаалах салбарын хуулиудыг баталлаа
Ийнхүү хэлэлцэх асуудлаа баталсны дараа Орон нутгийн хамгаалалтын тухай хуулийн төсөл болон хамт өргөн мэдүүлсэн бусад хуулийн төслүүдийн эцсийн хэлэлцүүлгийг хийлээ. Төслүүдийг эцсийн хэлэлцүүлэгт бэлтгэсэн талаарх Аюулгүй байдал, гадаад бодлогын байнгын хорооны санал дүгнэлтийг УИХ-ын гишүүн А.Ундраа танилцуулав. Байнгын хороо эцсийн хэлэлцүүлэгт бэлтгэхдээ төслийн агуулга, зарчмыг алдагдуулахгүйгээр үг хэллэг, үтцийн шинжтэй засварыг төсөлд тусгасан бөгөөд нэгдсэн хуралдааны анхны хэлэлцүүлгээр олонхийн дэмжлэг авсан саналыг төсөлд нэмж тусган байна. Танилцуулцуулгатай холбогдуулан гишүүд тодруулга хийх шаардлагагүй хэмээн үзсэн тул зарчмын зөрүүтэй саналын томъёоллоор санал хураалт явуулан шийдвэрлэлээ. Ингээд төслийг бүхэлд нь батлах санал хураалт явуулж, 66 хувь нь дэмжснээр Орон нутгийн хамгаалалтын тухай хууль батлагдав. Мөн хамт өргөн мэдүүлсэн хуулийн төслүүдийг батлахыг хуралдаанд оролцсон гишүүдийн олонх дэмжсэн юм.
Дараа нь Засгийн газраас өргөн мэдүүлсэн Дайчилгааны тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн бусад хуулийн төслүүдийн эцсийн хэлэлцүүлгийг хийж, Байнгын хорооны санал дүгнэлтийг УИХ-ын гишүүн А.Ундраа танилцуулав. Байнгын хороо эцсийн хэлэлцүүлэгт бэлтгэхдээ төслийн агуулга, зарчмыг алдагдуулахгүйгээр үг хэллэг, бүтцийн шинжтэй засварыг төсөлд тусгасан бөгөөд нэгдсэн хуралдааны анхны хэлэлцүүлгээр олонхийн дэмжлэг авсан саналыг төсөлд нэмж тусган байна. Танилцуулцуулгатай холбогдуулан гишүүд тодруулга хийх шаардлагагүй хэмээн үзсэн тул зарчмын зөрүүтэй саналын томъёоллоор санал хураалт явуулан шийдвэрлэлээ. Ингээд дээрх төслийг бүхэлд нь батлах санал хураалт явуулахад гишүүд 71.4 хувийн саналаар дэмжин баталлаа. Мөн хамт өргөн мэдүүлсэн хуулийн төслүүдийг олонхийн саналаар баталсан юм.
Анхны хэлэлцүүлгээр нь батлав
Үүний дараа УИХ-ын гишүүн О.Батнасан нарын гурван гишүүний өргөн мэдүүлсэн Эрүүгийн хуульд өөрчлөлт оруулах тухай хуулийн төслийн эцсийн хэлэлцүүлгийг хийв. Төслийг эцсийн хэлэлцүүлэгт бэлтгэсэн талаарх Хууль зүйн байнгын хорооны санал дүгнэлтийг УИХ-ын гишүүн Н.Оюундарь танилцууллаа. Нэгдсэн хуралдаанаар төслүүдийн анхны хэлэлцүүлгийн үеэр гишүүдийн олонхийн дэмжлэг авсан саналуудыг төсөлд нэгтгэн тусгаж эцсийн хувилбарыг боловсруулжээ. Түүнчлэн хуулийн дагаж мөрдөх хугацааг 2018 оны долдугаар сарын 05-ны өдөр байхаар хэлэлцэн, дэмжжээ. Үүнийг зэрэгцээ Эрүүгийн хуульд оруулах өөрчлөлттэй холбоотойгоор дагаж мөрдөх журмын тухай хууль гаргах шаардлагагүй хэмээн үзсэн гэлээ. Гишүүд танилцуулгатай холбогдуулан асуулт асууж, тодруулга хийх шаардлагагүй хэмээн үзсэн тул зарчмын зөрүүтэй саналын томъёоллоор санал хураалт явуулан шийдвэрлэлээ. Ингээд Эрүүгийн хуульд өөрчлөлт оруулах тухай хуулийн төслийг батлах санал хураалт явуулахад гишүүд 69.4 хувь нь дэмжив. Ингээд хууль батлагдсан тул УИХ-ын дарга эцсийн найруулгыг уншиж, танилцуулсан.
Төвлөрлийг сааруулах ач холбогдолтой хуулиудыг баталлаа
УИХ-ын гишүүн Д.Тогтохсүрэн нарын зургаан гишүүний өргөн мэдүүлсэн Нийгмийн даатгалын тухай хуульд өөрчлөлт оруулах тухай хуулийн төслийн эцсийн хэлэлцүүлгийг хийлээ. Нийгмийн бодлого, боловсрол, соёл, шинжлэх ухааны байнгын хорооны санал дүгнэлтийг УИХ-ын гишүүн А.Ундраа танилцуулсан. Гишүүд асуулт асуух шаардлагагүй хэмээн үзсэн тул төслийг бүхэлд нь батлах санал хураалт явууллаа. Чуулганы нэгдсэн хуралдаанд оролцсон гишүүдийн олонх буюу 72.9 хувь нь дэмжиж, батлав. Үргэлжлүүлэн Нийгмийн халамжийн тухай хуульд өөрчлөлт оруулах тухай хуулийн төслийнэцсийн хэлэлцүүлгийг хийв. Харъяалах байнгын хорооны эцсийн хэлэлцүүлэгт бэлтгэсэн талаарх санал дүгнэлтийг УИХ-ын гишүүн Н.Учрал танилцуулаа. Нэгдсэн хуралдаанаар явуулсан анхны хэлэлцүүлгээр олонхийн дэмжлэг авсан саналуудыг төсөлд нэмж тусган эцсийн хувилбарыг боловсруулсан байна. Төслийг эцсийн хэлэлцүүлэгт бэлтгэсэн талаарх танилцуулгаас гишүүд тодруулга хийх шаардлагагүй хэмээн үзсэн тул санал хураалт явууллаа. Гишүүдийн 72.3 хувь нь дэмжсэн тул Нийгмийн халамжийн тухай хуульд өөрчлөлт оруулах тухай хууль батлагдав. Дараа нь Хүүхэд хамгааллын тухай хуульд нэмэлт оруулах тухай хуулийн төслийн эцсийн хэлэлцүүлгийг хийж, УИХ-ын гишүүн Ц.Цогзолмаа Нийгмийн бодлого, боловсрол, соёл, шинжлэх ухааны байнгын хорооны санал дүгнэлтийг танилцуулсан. Гишүүд асуулт асуух, тодруулга хийх шаардлагагүй хэмээн үзсэн тул төслийг бүхэлд нь батлах санал хураалт явууллаа. Чуулганы нэгдсэн хуралдаанд оролцсон гишүүдийн 72.3 хувийн саналаар дэмжсэн тул Хүүхэд хамгааллын тухай хуульд нэмэлт оруулах тухай хууль батлагдав.
Багшийн хөгжлийн тухай хуулийг батлав
Багшийн хөгжлийн тухай хуулийн төсөл болон хамт өргөн мэдүүлсэн бусад хуулийн төслүүдийнэцсийн хэлэлцүүлгийг хийж, УИХ-ын гишүүн Л.Энх-Амгалан харъяалах Байнгын хорооны санал дүгнэлтийг танилцууллаа. Нэгдсэн хуралдаанаар төслүүдийн анхны хэлэлцүүлгийг явуулах үед хуралдаан даргалагчаас гүйцээн боловсруулах чиглэл өгсний дагуу ажлын хэсгээс бэлтгэсэн зарчмын зөрүүтэй саналын томъёоллуудаар санал хураалт явуулан шийдвэрлэжээ. Түүнчлэн үг хэллэг, хууль зүйн техникийн талаас хийсэн засвар, өөрчлөлтийг тусган төслийн эцсийн хувилбарыг боловсруулжээ.
Танилцуулгатай холбогдуулан УИХ-ын гишүүн Б.Пүрэвдорж, Н.Учрал, М.Оюунчимэг нар асуулт асууж, Ажлын хэсгийн ахлагчаас хариулт авсан юм. Төслийг боловсруулахдаа Хууль, тогтоомжийн тухай хуулийн дагуу орон даяар хэлэлцүүлэг явуулсан болохыг Л.Энх-Амгалан гишүүн дуулгалаа. Мөн УИХ-аас байгуулсан Ажлын хэсэг болон дэд ажлын хэсэг бүтэн жил ажиллаж, шаардлагатай тооцоо судалгааг хийж, холбогдох талуудтай ойлголцсон гэв. Монгол Улс урьд өмнө багш нарын хөгжилд зориулж төсөв баталж байгаагүй, харин энэ хууль батлагдсанаар хувьсах зардлаас хоёр хүртэл хувийг багшийн хөгжилд зарцуулах эрх зүйн зохицуулалттай болох юм байна. Үүнийн зэрэгцээ үр дүнд суурилсан цалин хөлсний шинэ тогтолцоонд манай улсын боловсролын салбар шилжих ач холбогдолтой гэдгийг дэлгэрэнгүй тайлбарлалаа. Багш бүрийн ажлын гүйцэтгэлийн үнэлгээний систем өөрчлөгдөн, илүү ажиллаж байгаа нь тэр хэрээрээ цалин, урамшууллаа нэмүү авдаг үр дүнгийн болон ажлын гүйцэтгэлийн үнэлгээний системийг хэмждэг болох аж. Түүнчлэн бүрэн дунд боловсролын сургуульд 44-өөс дээш хүүхэдтэй ангид туслах багш ажиллах орон тоог бий болгох, их дээд сургуульд суралцаж байхдаа дадлагажигчаар ажиллахад түүнийг нь кердитэд тооцох зэрэг олон талын боломжийг шинээр бүрдүүлж байгаа юм байна. Багш нар 5-10 жил ажиллаж байж зэрэг дэв нэмэх зохицуулалттай байсныг энэ төслөөр өөрчлөн ажлын өндөр үр дүн гаргах юм болох нэмэх бололцоог бүрдүүлж буйгаараа залуу багш нарт туйлын ач холбогдолтой аж. Түүнчлэн 1 жил ажилласан багш, 10 жил ажилласан багшийн цалин ердөө 4000 төгрөгийн зөрүүтэй байгааг өөрчилж байгаа талаар Н.Учрал гишүүн тайлбарласан.
Ийнхүү гишүүд асуулт асууж, тодруулга хийсний дараа зарчмын зөрүүтэй саналын томъёоллуудаар санал хураалт явуулан шийдвэрлэсэн. Ингээд төслийг бүхэлд нь батлах санал хураалт явуулахад нэгдсэн хуралдаанд оролцсон гишүүд 79.2 хувийн саналаар дэмжин Багшийн хөгжлийн тухай хуулийг баталлаа. УИХ-ын дарга М.Энхболд “Энэ хууль батлагдсанаар боловсролын салбар, сурган хүмүүжүүлэгчдийн хувьд ач холбогдолтой олон чухал асуудлуудыг шийдвэрлэгдэх юм. Тухайлбал, сургуульд багшийн хөгжлийг дэмжих төв байгуулагдан, хувьсах зардлынхаа хоёр хувьтай тэнцэхүйц төсвөөр багш нарынхаа хөгжлийг дэмжнэ. 1-2 дугаар ангийн ачаалал ихтэй ангиудад хүүхдийн тоо олон бол туслах багшийг ажиллуулах боломж бүрдэж байгаа юм. Багшийн ажлын чанартай уялдуулан цалин, урамшууллыг нэмэгдүүлнэ. Засгийн газар таван жил тутам багшийн хөгжлийг дэмжсэн хөтөлбөр баталж, хэрэгжүүлж байх үүргийг хүлээж байгаа юм. Сайн ажилласан багш нар заавал 5, 10 жил ажиллахгүйгээр зэрэг, дэвийг нэмэгдүүлэх юм шүү. Багш нарын мэдлэг боловсрол, нийгмийн асуудал, сургалтын чанарт чухал ач холбогдолтой хууль батлагдлаа. Тиймээс хуулийг багш нарт зөв зүйтэй сурталчлан таниулахад УИХ-ын гишүүд анхаарч ажиллаарай” гэлээ.
УИХ-ын тогтоолын төслүүдийг хэлэлцэв
Үүний дараа “Тогтоол хүчингүй болсонд тооцох тухай” УИХ-ын тогтоолын төслийн анхны хэлэлцүүлгийг явуулж, Нийгмийн бодлого, боловсрол, соёл, шинжлэх ухааны байнгын хорооны санал дүгнэлтийг УИХ-ын гишүүн Н.Учрал танилцууллаа. Гишүүд танилцуулгатай холбогдуулан асуулт, тодруулга хийгээгүй, иймд дээрх төслийг анхны хэлэлцүүлгээр батлуулах Байнгын хорооны горимын саналаар санал хураав. Нэгдсэн хуралдаанд оролцсон гишүүдийн олонхи дээрх горимын саналыг дэмжсэн тул УИХ-ын 95 дугаар тогтоолоор батлагдсан “Биеийн тамир, спортыг хөгжүүлэх талаар төрөөс баримтлах бодлого батлах тухай” УИХ-ын тогтоолыг хүчингүй болгох тухай төслийг батлах санал хураалт явууллаа. Гишүүд 74.5 хувийн саналаар дэмжснээр “Тогтоол хүчингүй болсонд тооцох тухай” УИХ-ын тогтоол батлагдсан юм.
УИХ дахь АН-ын бүлэг хоёр өдрийн завсарлага авав
“Таван толгойн ордыг эдийн засгийн эргэлтэд оруулах ажлыг эрчимжүүлэх тухай” УИХ-ын тогтоолын төслийн анхны хэлэлцүүлгийг явуулж, Эдийн засгийн байнгын хорооны санал дүгнэлтийг УИХ-ын гишүүн Б.Баттөмөр танилцууллаа. Төслийн анхны хэлэлцүүлгийг Байнгын хорооны хуралдаанаар хэлэлцэх үеэр УИХ-ын гишүүн Б.Баттөмөр, Б.Жавхлан, Л.Мөнхбаатар нараас тогтоолын төслийн 1 дэх заалтын 1, 4, 5 дахь заалтын дэд заалтуудыг өөрчлөн найруулах, бүтээн байгуулалтын ажилд ус ашиглах тухай дэд заалт нэмэх санал гаргасныг гишүүдийн олонх дэмжсэн байна. УИХ-ын гишүүн З.Нарантуяа, Д.Эрдэнэбат нар “Эрдэнэс Монгол” компанийн 49 хувийг ард иргэдэд эзэмшүүлэх, УИХ-ын 2010 оны 39 дэх тогтоолын 1 дэх заалтын 1 дэх дэд заалтын “охин” гэснийг, мөн “орд ашиглалтын тусгай зөвшөөрлийг хуваахгүйгээр шилжүүлэх, түүнтэй хөрөнгө оруулалтын гэрээ байгуулах” гэснийг хасах санал гаргасныг Эдийн засгийн байнгын хороо дэмжсэн аж.
Байнгын хорооны санал дүгнэлттэй холбогдуулан УИХ-ын гишүүн Л.Болд, А.Сүхбат, Н.Тэмүүлэн нар ард түмнээс “Эрдэнэс Тавантолгой” компанийн 30 хувийг хувьчлахтай холбоотойгоор хувьцаа эзэмшигчдийг оролцуулахгүй байгааг, уурхайн ус ашиглалтын талаарх судалгаа, төлөвлөлт, боломжийн талаар, “Эрдэнэс Монгол” компанийг хувьчлахтай холбоотой гишүүдийн саналын талаар тодруулан Д.Сумъяабазар сайд болон Ажлын хэсгээс хариулт авлаа. УИХ-ын гишүүн Т.Аюурсайхан IPO гаргахтай холбоотой тооцоо, судалгааны талаар тодруулахын зэрэгцээ эхний ээлжинд бэлтгэл ажлыг хангаад энэ талаар УИХ-д танилцуулсны дараа шийдвэр гаргах тухайд Ажлын хэсэг ямар байр суурьтай байсныг асуун хариулт авсан юм. Мөн Х.Болорчулуун гишүүн үнэлгээтэй холбоотой асуудлаарх байр сууриа илэрхийлсэн бол Л.Энх-Амгалан гишүүн хувьцаа эзэмшигчдийн эрх ашгийг хангах, шийдвэр гаргахад оролцоог хангахтай холбоотой асуудал болон IPOгаргахтай холбоотойгоор компанийн засаглалыг сайжруулах шаардлагын талаар санал хэллээ. Мөн компанийн үнэ цэнийг нэмэгдүүлэх зорилгоор IPO гаргахыг хүлээлгүй дэд бүтцийн асуудлуудыг шийдвэрлэх нь зүйтэй гэв. Ийнхүү гишүүд асуулт, тодруулга хийж хариулт авсны дараа зарчмын зөрүүтэй саналын томъёоллуудаар санал хураалт явуулан шийдвэрлэв. Энэ үеэр УИХ дахь АН-ын бүлэг хоёр өдрийн завсарлага авч, “Эрдэнэс Монгол” компанийн 49 хувийг иргэдэд эзэмшүүлэхтэй холбоотой асуудлыг нягтлах шаардлагатай гэлээ. Ийнхүү тус бүлгийн хүсэлтийг хүлээн авч ажлын хоёр өдрийн завсарлага өгөхөөр УИХ-ын дарга шийдвэрлэсэн юм.
Иргэний нисэх болон төмөр замын тээврийн талаар төрөөс баримтлах бодлогод өөрчлөлт оруулахыг дэмжив
Иймд дараагийн асуудал болох “Улсын Их Хурлын 2010 оны 32 дугаар тогтоолын хавсралтад нэмэлт, өөрчлөлт оруулах тухай” УИХ-ын тогтоолын төслийн үзэл баримтлалыг хэлэлцэх эсэхийг шийдвэрлэлээ. Төсөл санаачлагчийн илтгэлийг УИХ-ын гишүүн, Засгийн газрын гишүүн, Зам тээврийн хөгжлийн сайд Ж.Бат-Эрдэнэ, Эдийн засгийн байнгын хорооны санал дүгнэлтийг УИХ-ын гишүүн Б.Дэлгэрсайхан танилцууллаа. Төсөл санаачлагч нь төмрийн хүдэр, нүүрсний болон бусад эрдэс баялгийн экспортыг дэмжих, төмөр замын дэд бүтцийн сүлжээг өргөтгөх зорилгоор Дорноговь аймгийн Зүүнбаян өртөөнөөс хилийн Ханги боомт хүртэл, Эрдэнэт өртөөнөөс Хөвсгөл аймгийн Цэцэрлэг сумын Овоотын нүүрсний орд газар, цаашлаад хилийн Арцсуурь боомт хүртэлх шинэ чиглэлийн төмөр замын төслүүдийг “Төрөөс төмөр замын тээврийн талаар баримтлах бодлого”-д тусгахаар төслийг боловсруулжээ. Байнгын хорооны хуралдаанаар тогтоолын төслийн үзэл баримтлалыг хэлэлцэх үед гишүүд төмөр замын бодлогын асуудал нь зөвхөн УИХ-ын мэдэлд биш, Засгийн газар, ард түмний мэдэлд байдаг бөгөөд улс орны тусгаар тогтнол, аюулгүй байдлын амин чухал асуудал учраас бодлогоо зөв гаргах, ард иргэдийн саналыг авч, хэн ямар мөнгөөр, хэний өмчлөлд яаж барих, хаашаа хэрхэн ачаа зөөх, үр ашгийг нь хаана үлдээх зэрэг асуудлаа УИХ дээр нухацтай ярих хэрэгтэй гэсэн саналыг гаргасан гэв.
Төсөл санаачлагчийн илтгэл болон Эдийн засгийн байнгын хорооны санал дүгнэлттэй холбогдуулан гишүүд асуулт асуух, санал хэлэх шаардлагагүй хэмээн үзсэн юм. Иймд төслийн үзэл баримтлалыг хэлэлцэхийг дэмжих санал хураалт явуулахад нэгдсэн хуралдаанд оролцсон гишүүд 71.7 хувийн саналаар дэмжсэн юм. Иймд төслийг анхны хэлэлцүүлэгт бэлтгүүлэхээр Эдийн засгийн байнгын хороонд шилжүүлэв.
“Төрөөс иргэний нисэхийн салбарт 2020 он хүртэл баримтлах бодлого”-д өөрчлөлт оруулах тухай УИХ-ын тогтоолын төслийн үзэл баримтлалыг хэлэлцэх эсэх хэлэлцүүлгээр чуулганы нэгдсэн хуралдаан үргэлжилсэн. Төсөл санаачлагчийн илтгэлийг УИХ-ын гишүүн, Засгийн газрын гишүүн, Зам тээврийн хөгжлийн сайд Ж.Бат-Эрдэнэ, Эдийн засгийн байнгын хорооны санал дүгнэлтийг УИХ-ын гишүүн М.Оюунчимэг танилцууллаа. Агаарын харилцааг либералчлах, нислэгийн давтамжаар бус, суудлын багтаамжаар тохирох зохицуулалтад хүрэхийг эрмэлзэх замаар хоёр талын агаарын тээвэрлэгч зах зээлд ижил тэгш боломжоор хангагдаж, агаарын хөлгийн багтаамжаас хамаарсан дарамт, хүчин чадлын дутуу байдлыг арилгаж, үндэсний агаарын тээвэрлэгчид ач холбогдолтой уян хатан зохицуулалтыг бүрдүүлэх зорилгоор төсөл санаачлагч төслийг боловсруулжээ. Эдийн засгийн байнгын хорооны хуралдаанаар тогтоолын төслийн үзэл баримтлалыг хэлэлцэх үед УИХ-ын гишүүн Л.Болд энэ асуудал бол Монгол Улсын хувь заяаны асуудал учраас сайн ярих хэрэгтэй, манайх шиг хүн ам цөөн, нутаг дэвсгэр томтой улсын хувьд агаарын тээврийн хөгжил амин чухал ач холбогдолтой гэдгийг хэлсэн байна. Мөн тэрбээр, нэлээд хүч хөдөлмөр зарж байж өөрийн онгоцтой, үндэсний агаарын тээвэрлэгч болсон иргэний нисэхийг ард түмэн хувьцааг нь эзэмшсэн, нээлттэй, 100 хувийн хяналттай нислэгийн компани, нислэгийн үйлчилгээ болгох ёстой гэсэн саналыг гаргаж байсныг М.Оюунчимэг гишүүн танилцууллаа.
Төсөл санаачлагчийн илтгэл, Байнгын хорооны санал дүгнэлттэй холбогдуулан гишүүд асуулт асуух шаардлагагүй хэмээн үзүүлсэн бөгөөд УИХ-ын гишүүн Ш.Раднаасэд санал хэллээ. Иргэний нислэгийн асуудал хэлэлцэж буйтай холбоотойгоор орон нутгийн нислэгийн татаастай холбоотой асуудлаар, дотоодын нислэгийн үнэ тарифыг бууруулах шаардлагатайг хэлсэн юм. Ингээд санал хураалт явуулахад нэгдсэн хуралдаанд оролцсон гишүүдийн 66.7 хувь нь дэмжсэн тул “Төрөөс иргэний нисэхийн салбарт 2020 он хүртэл баримтлах бодлого”-д өөрчлөлт оруулах тухай УИХ-ын тогтоолын төслийг эцсийн хэлэлцүүлэгт бэлтгүүлэхээр харъяалах Байнгын хороонд шилжүүлэв.
Аж ахуйн нэгжийн орлогын албан татварын тухай хуулийн шинэчилсэн найруулгын төслийг хэлэлцэхийг дэмжив
Энэ өдрийн чуулганы нэгдсэн хуралдааны төгсгөлд Засгийн газраас энэоны зургаадугаар сарын 22-ны өдөр өргөн мэдүүлсэн Аж ахуйн нэгжийн орлогын албан татварын тухай хууль /Шинэчилсэн найруулга/-ийн төсөл болон хамт өргөн мэдүүлсэн бусад хуулийн төслүүдийн үзэл баримтлалыг хэлэлцэх эсэхийг хэлэлцэв. Төсөл санаачлагчийн илтгэлийг УИХ-ын гишүүн, Засгийн газрын гишүүн, Сангийн сайд Ч.Хүрэлбаатар, Төсвийн байнгын хорооны санал дүгнэлтийн Б.Баттөмөр гишүүн танилцуулсан юм.
Сангийн сайд танилцуулгадаа, УИХ-ын 2018 оны зургаадугаар сарын 14-ний өдрийн чуулганы нэгдсэн хуралдаанаар Аж ахуйн нэгжийн орлогын албан татварын тухай хуулийн шинэчилсэн найруулгын төслийг хэлэлцэж, хуулийн төслийг хууль санаачлагчид нь буцаахаар шийдвэрлэсэн билээ. Хуулийн төслийг хэлэлцүүлэх үед үндсэн хөрөнгийн элэгдэл, хорогдлын шимтгэл, суутган татварын хувь, удирдлагын зардал болон бусад асуудлаар УИХ-ын гишүүдээс гаргасан саналыг судлан үзэж, төслийг дахин боловсруулан танилцуулж байна. Үндсэн хөрөнгийн элэгдэл хорогдлын шимтгэл байгуулах зохицуулалтыг уул уурхай, олборлох салбарын үйл ажиллагаа эрхэлж буй аж ахуйн нэгжүүдийн хувьд хэвээр үлдээж, хуулийн төслийг илүү ойлгомжтой болгох үүднээс тодорхой техникийн засваруудыг хийсэн гэв.
Мөн Монгол Улсад байрладаг албан татвар төлөгчийн гадаад, дотоодын үнэт цаасны анхдагч болон хоёрдогч зах зээлд нээлттэй арилжаалах өрийн хэрэгсэл, хувьцаа, нэгж эрх худалдан авсан албан татвар төлөгчийн тухайн өрийн хэрэгслийн хүүгийн орлого, хувьцаа, нэгж эрхийн ногдол ашгийн орлогод 5 хувиар ногдуулах заалтыг олборлох салбарт үйл ажиллагаа эрхэлж буй аж ахуйн нэгжид хамаарахгүй байхаар хуулийн төсөлд тусгажээ. Татварын хуулийн шинэчлэлийг цогцоор нь хийх, Татварын ерөнхий хууль, Хувь хүний орлогын албан татварын тухай хуулийн шинэчилсэн найруулгын төсөлтэй уялдуулах үүднээс Аж ахуйн нэгжийн орлогын албан татварын тухай хуулийн төслийг УИХ-д өргөн мэдүүлж, эдгээр хуулийн төслийг хамтад нь хэлэлцүүлэх шаардлагатай болохыг Ч.Хүрэлбаатар сайд танилцуулгадаа онцлов.
Төсөл санаачлагчийн илтгэл, Байнгын хорооны санал дүгнэлттэй холбогдуулан Д.Эрдэнэбат, Х.Болорчулуун, Н.Амарзаяа, Т.Аюурсайхан, Г.Тэмүүлэн нарын гишүүд асуулт асууж, төслийн үзэл баримтлалтай холбогдуулан байр сууриа илэрхийлсэн юм. Гишүүдийн асуултад Сангийн сайд болон ажлын хэсэг дэлгэрэнгүй хариулт өгсөн. Үүний дараа төслийн үзэл баримтлалыг дэмжих томъёоллоор санал хураалт явуулахад гишүүд 70.2 хувийн саналаар дэмжлээ. Иймд Аж ахуйн нэгжийн орлогын албан татварын тухай хууль /Шинэчилсэн найруулга/-ийн төсөл болон хамт өргөн мэдүүлсэн бусад хуулийн төслүүдийг анхны хэлэлцүүлэгт бэлтгүүлэхээр Төсвийн байнгын хороонд шилжүүлсэн юм. Ингээд хуралдааны төгсгөлд хэд хэдэн хууль, тогтоолын эцсийн найруулгыг сонссоноор Лхагва гарагийн чуулганы нэгдсэн хуралдаан өндөрлөв гэж УИХ-ын Хэвлэл мэдээлэл, олон нийттэй харилцах хэлтэс мэдээллээ.
“Өдрийн сонин”-ы Асуух эрхийн танхимд өнөөдөр “Да хүрээ” зах орчимд автомашины техник хэрэгсэл, засварын үйл ажиллагаа явуулдаг иргэд аж ахуйн нэгжүүдийн үйл ажиллагаанд хяналт тавьж, хууль тогтоомжийн хэрэгжилтийг хангахаар байгуулагдсан ажлын хэсгийнхэн мэдээлэл хийлээ. Тус ажлын хэсэг БЗД-ийн иргэдийн хурлын тэргүүлэгчдийн тогтоолоор 14 хүний бүрэлдэхүүнтэй байгуулагджээ. Баянзүрх дүүргийн “Цайз” захын уулзвараас Шар хадны эмнэлэгийн тойрог хүртэлх энэ нутаг дэвсгэрт 164 аж ахуйн нэгж үйл ажиллагаа явуулж байгаа аж. “Да хүрээ” ХХК 6.5 га газрыг хамран үйл ажиллагаа явуулдаг ба одоогоор ажлын хэсгийн нэгдсэн дүгнэлт гараагүй байна. Зөвхөн “Да хүрээ” захыг нүүлгэснээр тус байршил дахь эмх замбараагүй байдал алга болохгүй. Ойр хавийн 164 аж ахуйн нэгжийн үйл ажиллагааг цэгцлэх шаардлагатай гэсэн ажлын хэсгийн урьдчилсан дүгнэлт гарсан аж.
БЗД-ийн иргэдийн хурлын төлөөлөгч Б.Дэмбэрэл “Манай ажлын хэсгийн үзэж байгаагаар зөвхөн Да хүрээ гэх нэг аж ахуйн нэгжийг нүүлгэснээр энэ нутаг дэвсгэрт эмх цэгц бий болохгүй. Харин энэ нутаг дэвсгэр орчим үйл ажиллагаа явуулж байгаа 164 иргэн, аж ахуйн нэгж нь хууль тогтоомжийн дагуу, стандартын шаардлага ханган ажиллаж, нийтийн эзэмшлийн зам талбайг чөлөөлж байж иргэдийн ая тухтай амьдрах орчин, эмх цэгц бий болно. Тухайлбал БЗД-ийн нутаг дэвсгэрт үйл ажиллагаа явуулдаг Цахлайн Хаан банк гэж бий. Тус банкаар өдөртөө 2500-3000 хүн үйлчлүүлдэг. Гаднаа дөрвөн автомашины зогсоолтой. Уг зогсоол дээр Хаан банкны ажилчид, захирал нь машинаа байрлуулдаг. Харин банкаар үйлчлүүлж буй хүмүүс замын нэгдүгээр эгнээнд машинаа тавьдаг. Үүнээс үүдэн замын түгжрэл, иргэдийн бухимдал бий болж байна. Манай ажлын хэсгийн зорилго бол тухайн нутаг дэвсгэрт амьдарч буй иргэдийн эрүүл, аюулгүй орчинд амьдрах эрхийг хамгаалах юм. Гэсэн хэдий ч энд бас хүний амьдрал яригдаж байгаа. Бид шууд хааж, торгууль тавьж ажиллахыг хүсэхгүй байна. Шат дараатайгаар арга хэмжээ авч, бизнес эрхлэгчидтэйгээ ойлголцож байна” гэв.
Ажлын хэсгийнхэн урьдчилсан дүгнэлтэд тулгуурлан тухайн нутаг дэвсгэрт стандарт бус, нийтийн эрх ашигт халдсан үйл ажиллагаа явуулж буй байгууллагуудад албан бичиг хүргүүлж, зөрчлийг арилгаж байгаа аж. Тухайлбал “Дизель хүрээ”, “Мөнгөн хүлэг”, “Буянхурах” зэрэг орж гарах нэг л гарцтай томоохон компаниудад албан бичиг хүргүүлж гарцыг томосгох ажил эхэлсэн байна. Эдгээр худалдааны төвүүдэд нийт 1000 гаруй автомашин худалдаалагддаг гэв. Энэ 1000 гаруй машинууд улсын бүртгэлтэй, хөдөлгөөнд оролцдог машинууд байдаг. Өглөө ирж зогсоод зарагдаагүй тохиолдолд орой буцаад гардаг байна. Мөн нийтийн эзэмшлийн талбайд зөвшөөрөлгүйгээр үйл ажиллагаа явуулдаг иргэн аж ахуйн нэгжүүдийг зорчих хэсгийг чөлөөлөхийг шаардаж байгаа аж.
Л.АНУДАРЬ
Өмнөговьчууд 2018 оныг “Бүтээн байгуулалтын жил” болгон онцолж, 103,8 тэрбум төгрөгийн хөрөнгө оруулалтын ажлыг 15 суманд тэгш хүртээмжтэйгээр хийж байна. Орон нутгийн компаниудаа дэмжиж, бүтээн байгуулалтад идэвхитэй оролцуулж байгаа бөгөөд тэднийг аймгийн удирдлагууд “Өглөөний цай”-нд урьж ярилцлаа.
Өмнөговь аймгийн баяр наадам 7 дугаар сарын 5, 6-ны өдрүүдэд болох бөгөөд уулзалтын үр дүнд баяр наадам угтсан тохижилтын ажлыг орон нутгийн компаниуд өөрсдийн санаачилгаар хийхээр боллоо. Нийт 14 тохижилт, бүтээн байгуулалтын ажлыг манай аймгийн компаниуд өөрсдийн хөрөнгө, нөөц бололцоондоо тулгуурлан хийж, ая тухтай орчинд наадах нөхцөлийг бүрдүүлэх юм.
Бүтээн байгуулалтад идэвхитэй оролцож буй компаниуддаа талархал илэрхийлж, ажлын өндөр амжилтыг хүсье.
“Уул уурхайн үйл ажиллагааны улмаас эвдрэлд орсон газарт техникийн болон биологийн нөхөн сэргээлтийг” тухайн уул уурхай эрхэлж буй компаниуд хийх ёстой.
Харин нөхөн сэргээлт хийж буй эсэхэд шат шатны Засаг дарга, Байгаль орчин аялал жуулчлалын газар, Мэргэжлийн хяналтын газар хяналт хийдэг. Аймгийн Засаг дарга Н.Наранбаатар болон холбогдох албаны хүмүүс Оюутолгой ХХК-ийн нөхөн сэргээлт хийхэд шаардлагатай тарьц ургац бэлтгэх, тарьмалжуулах ажилтай танилцаж, холбогдох заавар зөвлөгөөг өглөө. Тус компани нь нөхөн сэргээлтэд нэн шаардлагатай говийн үндсэн ургамлуудыг таван га талбайд тариалж байна.