Month: January 2018

Малчид, тээвэрчид, иргэдэд зориулсан мэдээ:

Ойрын 2 хоногтоо зарим газраар бага зэргийн цас орж, зөөлөн цасан шуурга шуурч, нутгийн өмнөд хэсгээр салхи шуургатай байна.

2018 оны 01 дүгээр сарын 14-ний 20 цагаас 01-р дүгээр сарын 15-ны 20 цаг хүртэлх
цаг агаарын урьдчилсан мэдээ:

УЛААНБААТАР ХОТ: Үүлшинэ. Шөнөдөө ялимгүй цас орж, явган шуурга шуурна. Өдөртөө цас орохгүй. Салхи баруун хойноос секундэд 6-11 метр. Шөнөдөө Яармаг-Сонгины орчмоор 30-32 градус, бусад хэсгээр 21-23 градус, өдөртөө 14-16 градус хүйтэн байна.

БАРУУН АЙМГУУДЫН НУТГААР: Шөнөдөө үүлэрхэг, нутгийн зүүн хэсгээр цас орж, зөөлөн цасан шуурга шуурна. Өдөртөө үүлшинэ, цас орохгүй. Салхи баруун хойноос секундэд 5-10 метр, Алтайн уулсаар секундэд 15-17 метр хүрч ширүүснэ. Увс нуурын хотгор болон Завхан голын эх, Идэр, Тэс голын хөндийгөөр шөнөдөө 38-43 градус, өдөртөө 28-33 градус, Их нууруудын хотгор, Хүрэн бэлчир орчим шөнөдөө 30-35 градус, өдөртөө 20-25 градус, бусад нутгаар шөнөдөө 22-27 градус, өдөртөө 13-18 градус хүйтэн байна.

ТӨВИЙН АЙМГУУДЫН НУТГААР: Үүлэрхэг. Шөнөдөө нутгийн өмнөд хэсгээр цас орж, зөөлөн цасан шуурга шуурна. Өдөртөө цас орохгүй. Салхи баруун хойноос секундэд 6-11 метр. Дархадын хотгороор шөнөдөө 39-44 градус, өдөртөө 29-34 градус, Хангай, Хэнтэйн уулархаг нутаг болон Орхон-Сэлэнгэ, Хараа, Ерөө, Туул, Тэрэлж голын хөндийгөөр шөнөдөө 28-33 градус, өдөртөө 16-21 градус, бусад нутгаар шөнөдөө 19-24 градус, өдөртөө 11-16 градус хүйтэн байна.

ЗҮҮН АЙМГУУДЫН НУТГААР: Үүлшинэ. Шөнөдөө цас орохгүй. Өдөртөө нутгийн өмнөд хэсгээр цас орж, цасан шуурга шуурна. Салхи баруун хойноос секундэд 6-11 метр. Хэрлэн, Онон, Улз, Халх голын хөндийгөөр шөнөдөө 23-28 градус, өдөртөө 11-16 градус, бусад нутгаар шөнөдөө 17-22 градус, өдөртөө 7-12 градус хүйтэн байна.

ОТРЫН НУТАГ ХЭРЛЭНБАЯН-УЛААН ОРЧМООР: Үүлшинэ. Цас орохгүй. Салхи баруун хойноос секундэд 6-11 метр. Шөнөдөө 26-28 градус, өдөртөө 12-14 градус хүйтэн байна.

ГОВИЙН АЙМГУУДЫН НУТГААР: Үүлшинэ. Шөнөдөө нутгийн баруун хэсгээр, өдөртөө зарим газраар бага зэргийн цас орж, цасан шуурга шуурна. Салхи баруун хойноос секундэд 5-10 метр, зарим газраар секундэд 12-14 метр хүрч ширүүснэ. Дундговийн нутгаар шөнөдөө 23-28 градус, өдөртөө 9-14 градус, бусад нутгаар шөнөдөө 15-20 градус, өдөртөө 5-10 градус хүйтэн байна.

2018 оны 01 дүгээр сарын 16-наас 01 дүгээр сарын 20-ныг хүртэлх
цаг агаарын урьдчилсан төлөв:

16-нд нутгийн зарим газраар, 17-нд нутгийн хойд хэсгээр, 18-нд зүүн аймгуудын нутгийн зарим газраар бага зэргийн цас орж, зөөлөн цасан шуурга шуурна. Салхи 16,17-нд зарим газраар секундэд 12-14 метр, 18-19-нд төв болон зүүн аймгуудын нутгийн зарим газраар секундэд түр зуур 16-18 метр хүрч ширүүснэ. Нутгийн хойд хэсгээр хүйтэрч Увс нуур, Дархадын хотгор болон Завхан голын эх, Идэр, Тэс голын хөндийгөөр шөнөдөө 40-45 градус, өдөртөө 30-35 градус, Хүрэн бэлчир, Хараа, Ерөө, Туул, Тэрэлж голын хөндийгөөр шөнөдөө 31-36 градус, өдөртөө 19-24 градус, Алтай, Хангай, Хөвсгөл, Хэнтэйн уулархаг нутаг болон Хэрлэн, Онон, Улз, Халх голын хөндийгөөр шөнөдөө 28-33 градус, өдөртөө 15-20 градус, говийн бүс нутгийн өмнөд хэсгээр шөнөдөө 15-20 градус, өдөртөө 5-10 градус, бусад нутгаар шөнөдөө 22-27 градус, өдөртөө 12-17 градус хүйтэн байна.

(2018.01.15-2018.01.21)

ХОНЬ:

Туйлын зорилгодоо хүрэх гэж хичээсэн долоо хоног байх болно. Мягмар гаригт одоогийн ажил төрөлтэй холбоотой чухал шийдвэр гаргана. Аливааг өөдрөгөөр харж, боломжит хамгийн сайн хувилбар руу тэмүүлээрэй. Хичээж хөдөлмөрлөж, шаргуу ажилласны үр өгөөж гарах болно. Хосуудын харилцаа гайхалтай сайхан байх бололтой.

ҮХЭР:

Та аливаа асуудлыг бодитоор үнэлж, бодитоор ханддаг хүн. Гэхдээ одоо хүрээллээ жаахан ч болов тэлэх цаг иржээ. Мягмар гаригт мэдлэг, боловсролоо дээшлүүлэх, гадаадад аялах зэрэг чухал шийдвэр гаргана. Саад тотгороос эмээх хэрэггүй, зоригтой байгаарай. Баасан гаригаас эхлэн ажилдаа төвлөрсөн цаг үе эхлэх болно. Албан тушаал ахих, эсвэл цалин хөлс нэмэгдэх зэрэг таатай өөрчлөлт айсуй.

ИХЭР:

Дотоод сэтгэл, сэрэл мэдрэмж, итгэл үнэмшил гээд бүгдийг цоо шинээр эхлүүлсэн мэт санагдах болно. Өөрийгөө цоо шинээр мэдэрч, жижиг зүйлсээс ч урам зориг авах болно. Оюун ухаан хурц байх тул шалгалт, ухаан сорьсон төсөл хөтөлбөрт та чамгүй амжилт олох нь гарцаагүй. Аз таныг ивээх тул лоттонд хожиж ч мэднэ.

МЭЛХИЙ:

Таны сэтгэхүй, хүсэл тэмүүлэл бүгдийг тодорхойлсон долоо хоног байх болно. Ялангуяа хайр дурлалын асуудалд зүрх сэтгэлээ сонсож, оюун бодлоо цэгцлэх хэрэгтэй. Та сайхан хайрыг хүртэх эрхтэй. Гагцхүү яг юу хүсч байгаагаа өөрөө эхлээд ойлгох шаардлагатай. Амралтын өдрүүд романтик, хөгжилтэй өнгөрөх бололтой.

АРСЛАН:

Таны сэтгэл зүй, эрч хүч, оюун ухаан гээд бүгд дээд цэгтээ тулж ажилласан завгүй бөгөөд таатай долоо хоног хүлээж байна. 2018 оны зорилгоо тун ч хялбар гүйцэлдүүлж чадах мэт санагдана. Үүний төлөө та өөрөө ч шаргуу зүтгэхээр шийдсэн бололтой. Ямартай ч үр дүн нь эртнээс мэдрэгдэж, улам илүү урам зоригтой байх болно. Хайр дурлал, найз нөхдийн харилцаа таатай сайхан байх болно.

ОХИН:

Таныг хөдөлгөгч хүчин зүйл юу болохыг та ойлгоно. Харин үүнийгээ юунд зарцуулахаа анхаарах хэрэгтэй. Онцын шаардлагагүй зугаа цэнгэл, баяр наадам, аялал зугаалгад цаг хугацаа, хөрөнгө мөнгө, эрч хүчээ дэмий үрэх хэрэггүй. Тэртэй тэргүй таны яаравчлах ёстой олон асуудал шил шилээ дагаад хүлээж байна. Өөдрөг байж, саад бэрхшээлтэй нүүр тулгар. Эрүүл мэнддээ анхаар.

ЖИНЛҮҮР:

Сэтгэл хөдлөлдөө автсаар л байна уу? Аливаад хэт сэтгэл хөдлөлөөр ханддаг та ялих ялихгүй зүйлээс болж нэлээд тавгүйтэх бололтой. Хүний, өөрийн бүхий л асуудалд хамаатай мэтээр сэтгэж, өөрийгөө зовох хэрэггүй. Долоо хоногийн сүүлээр байдал дээрдэх болно. Амралтай өдрүүд таны хувьд баяр баясгалан, бүтээлч сэтгэхүй сэргэж, амьдралын сайхныг мэдэрсэн мөчүүд байх бололтой.

ХИЛЭНЦ:

Бусадтай харилцах харилцаа, биеэ авч яваа байдалдаа анхаар. Хувь хүний хөгжилд анхаарч, шат ахих цаг нь болжээ. Сэрэл мэдрэмждээ итгэ. Болзошгүй санхүүгийн хүндрэлийг тооцоолж, эртнээс бодолтой байхыг сануулъя.

НУМ:

Боловсрол дээшлүүлэх сургалт, аялал, бас олон нийтийн арга хэмжээнээс татгалзах хэрэггүй. Тэндээс та хувь хүний хөгжил болоод санхүүгийн ач холбогдол бүхий чухал хүмүүстэй учрах болно. Мягмар гаригт орлогын эх үүсвэрээ нэмэгдүүлэх шинэ санаа олох бололтой. Эрсдэлээс эмээх хэрэггүй.

МАТАР:

Туйлын зорилгоо тодорхойл. Учирч болох саад бэрхшээлээс эмээх хэрэггүй. Эс бөгөөс та хэзээ ч амжилтад хүрч, хүссэнээрээ амьдарч чадахгүй. Жижиг сажиг зүйлсээр оролдох хэрэггүй. Асуудлыг томоор харж, том зүйлийн төлөө тэмц. Од эрхэс таныг ивээх болно.

ХУМХ:

Хэрхэн салахаа мэдэхгүй, орооцолдож орхисон ээдрээт асуудал шийдэгдэнэ. Таныг багагүй хугацаанд шаналгасан асуудал шийдэгдсэнээр сэтгэл санаа хөнгөрч, амьдрал цоо шинээр эхэлсэн мэт санагдах нь гарцаагүй. Өөртөө цаг зав зориул. “Төвийг сахиж”, асуудалд голтой хандахыг хичээгээрэй.

ЗАГАС:

Зорилготой бай. Юуны төлөө мал мэт зүтгэж, өөрийгөө ч умартаж байгаагаа дахин нэг бодож үзээрэй. Бие махбодь, сэтгэл зүйн хувьд зарим асуудалд зүгээр л бууж өгөөд, мартаж орхих нь илүү хялбар. Баасан гаригт ямар нэг таатай зүйл тохионо. Санхүүгийн хувьд гэнэтийн таатай зүйл хүлээж байна. Эрүүл мэнддээ анхаар.

Төрийн ордонд УИХ дахь намын бүлгүүд хуралдана.

11.00 цагт Төмөр замын дуу, бүжгийн соёлын ордонд Баянгол дүүргийн Цагдаагийн I хэлтсийн 2017 оны ажиллагааны тайлангийн хурал болно.

11.00 цагт УУХҮЯ-нд Уул уурхай, хүнд үйлдвэрийн дэд сайд Д.Загджав цаг үеийн асуудлаар мэдэгдэл хийнэ.

11.30 цагт “Монгол ньюс” мэдээллийн төвд мэргэжлийн үс арчилгааны “Ревлон-Бидний хайртай өнгө” тэмцээний зохион байгуулагчид мэдээлэл хийнэ.

12.00 цагт III хороололд байрлах Апекс их дэлгүүрт “Баянголд Үйлдвэрлэв “, “Цагаан сар – 2018” үзэсгэлэн худалдааны нээлт болно. Утас: 91000017

14.00 цагт СТӨ-нд Ерөнхийлөгч Х.Баттулга Сүхбаатар дүүргийн иргэдтэй уулзана.

14.00 цагт ЭМЯ-нд зарим аймаг, сумын эмнэлэгт тоног төхөөрөмж гардуулах арга хэмжээ болно.

14.00 цагт ЦЕГ-ын Сүлд чуулгын байранд Баянзүрх дүүргийн Цагдаагийн II хэлтсийн 2017 оны ажиллагааны тайлангийн хурал болно.

15.00 цагт ХСҮТ-д Францын мэс заслын академийн хүндэт гишүүн, доктор, клиникийн профессор Ж.Чинбүрэнд хүндэтгэл үзүүлэх арга хэмжээ болно.

Өглөө бүр тантай хамт байдаг “Өдрийн сонин”-ы даваа гаригийн дугаар 24 нүүрээр хэвлэгдэж, та бүхний гар дээр хүрч байна.

Оюутолгой тэргүүтэй Монголын компаниуд тээврийн машинаа хилийн цаанаас авч чадахгүйгээс болж үйл ажиллагаа нь зогсож эхэлжээ. Үүний талаар тэргүүн нүүрэн дэх “Винсвэй”, “Чалько” компани Монголын Засгийн газрын тогтоолыг эсэргүүцэн, Ганцмодны боомтын замыг хааж жагсаал хийлгэж байна” сурвалжилгаас уншаарай.

УИХ-ын гишүүн С.Бямбацогттой хийсэн ярилцлагыг нэгдүгээр нүүрнээс үзээрэй. Тэрээр “Татвар нэмсэн асуудлаа эргэж харах боломж бүрдсэн” хэмээн онцлон хэлжээ.

“Цаазын ялыг сэргээх нь хүний эрхийг ноцтой зөрчиж байгааг Европын холбоо анхааруулжээ” сурвалжилгыг улс төрийн хоёрдугаар нүүрнээс хүлээн аваарай.

Өнгөрсөн баасан гаригийн УИХ-ын нэгдсэн чуулганы хуралдаанаар нэлээд олон хуулийн төслүүдийг хэлэлцэж баталлаа. Энэ талаар улс төрийн тавдугаар нүүрэн дэх “Хилс хэрэгт хэлмэгсдэд наян сая хүртэлх тэтгэмж, улсын баатарт хоёр зуун мянга, депутатад 150 мянган төгрөг олгохоор болов” сурвалжилгаас хараарай.

“Өдрийн сонин”-ы нийтлэлийн бодлогыг тодорхойлогч, ард түмний дуу хоолой болдог, баримт, үзэл бодлын гуравдугаар нүүрнээс “Улс төрийн дахин хуваарилалт хийх боломжтой юу” нийтлэлийг хүлээн авч үзээрэй.

Баянзүрх дүүргийн XXI хорооны нутаг дэвсгэрт үйл ажиллагаа явуулдаг “Очир төв”-ийн зочид буудалд арван гурван настай охин харамсалтайгаар амиа алдсан хэрэг гарсан билээ. Хэрэг юу болж байгаа талаар талийгаачийн аав Т.Лхагвасүрэнтэй ярилцлага хийснийг VII нүүрнээс хүлээн авч хараарай.

Уран зохиолын судлаач, шинжлэлч, шүүмжлэгч доктор Г.Батсуурьтай ярилцлага хийжээ. Тэрээр “Над шиг шүүх цагдаад дуудагдсан шүүмжлэгч Монголд л лав байхгүй” гэжээ.

Эрхэм уншигч та, манай сонины өнөөдрийн дугаарыг “Монгол шуудан” компанийн нийслэл Улаанбаатар дахь 35 салбар, “Түгээмэл” шуудан, “Улаанбаатар”, “Скай” шуудангийн салбаруудаас очиж авч болох ба сонин борлуулах бүхий л цэгүүд, Хэвлэлийн биржээс худалдан авах боломжтой юм. Мөн “Мөнгөн завьяа” дахь сонин борлуулах цэг, Сансрын үйлчилгээний төв дэх сонин борлуулах цэг, Хан-Уул дүүргийн 19 дүгээр хорооллын үйлчилгээний төвд байрлах сонин борлуулах цэг, Саппорогийн “Миний дэлгүүр” дэх сонин борлуулах гол гол цэгүүдээс худалдах авч болохыг дуулгая. “Өдрийн сонин”-ы өөрийн байранд ирж худалдан авч бас болно.

Та бүхэн манай сонины цахим хувилбарыг https://admin.dnn.mn/plugins/news/login/хаягаар хүлээн авч уншаарай.

“Өдрийн сонин”-той холбоотой бүхий л мэдээллийг Мэдээлэх эрхийн утас 19001987-оос лавлаж болох ба захиалга өгөхийг хүсвэл 9911-2954, 8811-1375 дугаарт холбогдоно уу. Хэрэв цахим хэлбэрээр нь захиалахыг хүсвэл 99090658, 88085029 дугаарт холбогдож дэлгэрэнгүй мэдээллийг лавлаарай.

“ӨДРИЙН СОНИН” ӨГЛӨӨ БҮХНИЙ УРГАХ НАРНААР ТАНТАЙ ХАТ

Өнөөдрөөс эхлэн зарим шатахуун түгээх станцууд үнээ доод тал нь 250-300 төгрөгөөр нэмнэ хэмээн Засгийн газар мэдэгдснийхээ дагуу үнээ нэмжээ. Тодруулбал, “Петровис” АИ-95 бензинийхээ үнийг литр тутамд 1970 болгон өсгөжээ. Харин “Жаст-Ойл”, “Сод Монгол ХХК” зөвхөн өөрийн карттай үйлчлүүлэгчид шатахуун хязгаарлалттай өгч байна. Харин зарим ШТС-ууд цагийн болон үнийн хязгаарлалттай олгож байгаа аж.

Бөхчүүдийн гэргий нар хамтран сайн үйлсийн аян өрнүүлжээ. Тэд “Сайхан сэтгэл” аяны хүрээнд Эх, хүүхдийн эрүүл мэндийн үндэсний төвд шарлагын аппарат, хүчилтөрөгчийн аппарат, дуслын автомат шахуурга, тэргэнцэр, ор зэрэг зургаан сая гаруй төгрөгийн багаж, тоног төхөөрөмж хандивласан байна.

Энэхүү аяныг Улсын гарьд Ж.Бат-Эрдэнийн гэргий Ө.Баярчимэг, заан Б.Пүрэвсайханы гэргий Б.Шижиртуяа нар санаачилсан аж. Мөн хандивт Улсын аварга Г.Эрхэмбаяр, Ч.Санжаадамба, С.Мөнхбат, арслан П.Бүрэнтөгс, Б.Ганбат, Н.Батсуурь, Ц.Содномдорж, Р.Пүрэвдагва, гарьд Н.Ганбаатар, Б.Гончигдамба, Ж.Бат-Эрдэнэ, Ш.Жаргалсайхан, заан Д.Бумбаяр, М.Өсөхбаяр, Б.Пүрэвсайхан, Н.Түвшинбаяр, Н.Жаргалбаяр тэргүүтэй 90 гаруй бөхийн гэргий нар уг аяныг дэмжин оролцжээ.