Month: October 2017

Хөрөнгийн биржийн өнөөдрийн арилжаагаар I, II, III ангиллын 27 компанийн 70,814 ширхэг хувьцаа арилжсанаас 10 компанийн хувьцааны ханш өслөө.

Тодруулбал 12 компанийн хувьцааны ханш буурсан бол 5 компанийн хувьцааны ханш тогтвортой байв. Үүнээс “Монгол нэхмэл” компанийн хувьцааны ханш хамгийн өндөр буюу 13.79 хувиар өссөн бол “Ханын материал” компанийн ханш хамгийн өндөр буюу 12.0 хувиар унажээ.
ЗГҮЦ-ны хоёрдогч зах зээлийн энгийн арилжаагаар 4 751 ширхэг үнэт цаас 448 сая 554 мянган төгрөгөөр арилжаалсан байна.

Компанийн өрийн хэрэгслийн хоёрдогч зах зээлийн энгийн арилжаагаар 763 ширхэг үнэт цаас 76 сая 299 мянган төгрөгөөр арилжаалсан байна.

Мөн өдөр “MSE ALL” индекс 1071.88 нэгж болж 0.13 хувиар өссөн бол зах зээлийн үнэлгээ 2 их наяд 75 тэрбум 393 сая 995 429 төгрөг боллоо.

Монголын Залуучуудын Холбоо 2012 оны хоёрдугаар сараас эхлэн “Спирт үү, Спорт уу” аяныг орон даяар эхлүүлж байсан билээ. Аяны хүрээнд жил бүр уламжлал болсон олон ажлыг зохион байгуулдаг. Түүний нэг болох залуучуудын байгууллагуудын дунд спортын нөхөрсөг тэмцээнийг 2017 оны 9-р сарын 30-ны өдөр зохион байгууллаа.

Тэмцээн сагсан бөмбөг, дартс, теннис гэсэн 3 төрлөөр зохион байгуулагдсан. Сагсан бөмбөгийн төрөлд 1-р байранд Улаанбаатар Төмөр замын татах хэсгийн залуус, 2-р байранд МЗХ-ны дэргэдэх “Нийгмийн Хөтөч”, “Тэлмэн Түүчээ” клубийн баг, 3-р байранд МЗХ-ны Гүйцэтгэх хорооны “Акок” багууд орсон. Харин дартсын эмэгтэйчүүдийн төрөлд 1-р байранд МЗХ-ны ахлах мэргэжилтэн Д.Ундармаа, 2-р байранд МЗХ-ны БТГ-ын дарга Д.Цэрэндулам, 3-р байранд УБ Төмөр замын татах хэсгийн Н.Бүжмаа нар шалгарсан бол эрэгтэйчүүдийн төрөлд 1-р байранд МЗХ-ны зурагчин Г.Батбямба, 2-р байранд МЗХ-ны мэргэжилтэн С.Түвшин, 3-р байранд н.Жамбалсүрэн нар шагналт байр эзэллээ.

Ширээний теннисний төрөлд 10 гаруй хүн өрсөлдсөн юм. Эрэгтэйчүүдийн төрөлд 1-р байранд УБ Төмөр замын татах хэсгийн н.Амарсайхан, 2-р байранд УБ Төмөр замын татах хэсгийн н.Октябрь, 3-р байранд МЗХ-ны маркетингийн менежер Б.Төрболд нар тэргүүлсэн.

Залуус нэг өдрийг спиртээс татгалзаж, спортоор хичээллэж хурд хүч, авхаалж самбаагаа сорьсондоо баяртай байлаа.

Нийслэлийн Засаг дарга бөгөөд Улаанбаатар хотын Захирагч С.Батболд инженерийн хангамжийн байгууллагуудын өвөлжилтийн бэлтгэл ажил болон Шуурхай удирдлага, зохицуулалтын төвийн үйл ажиллагаатай танилцаж, инженерийн хангамжийн байгууллагуудын удирдлагуудтай уулзаж, ярилцлаа.

Уулзалтын үеэр Дулааны цахилгаан станцууд болон олон нийтийн үйлчилгээний байгууллагуудын төлөөллүүд өвөлжилтийн бэлтгэл ажлыг хангах ажлын явцын талаар танилцууллаа.

Дулааны IV цахилгаан станцын ерөнхий инженерийн орлогч Ч.Ганбат “2017-2018 оны өвлийн ачааллын бэлтгэл ажлыг хангахад 10 бүлэг төлөвлөгөө гарсан байгаа. Зохион байгуулалтын талаар дөрвөн ажлын төлөвлөгөө гаргаснаас хоёр нь бүрэн биелэлттэй явж байна. Техник үйлчилгээ, засварын бүрэн зогсолт хийх ажил 100 хувь хийгдсэн. Нүүрсний нөөцлөлтийн хувьд графикийн дагуу явж байгаа. Өнөөдрийн байдлаар 124.1 мянган тонн нүүрс буюу 14 хоногийн нөөцтэй байна” хэмээн танилцууллаа.

Дулааны III цахилгаан станцын дэд захирал Т.Энхтөр “Өвөлжилтийн бэлтгэл ажил хангагдсан. Бэлтгэл ажлыг хангах төлөвлөгөө 94 хувьтай биелсэн. Өнөөдрийн байдлаар 749 тонн мазут нөөцөлсөн. Энэ бол хангалттай хэмжээ. 60750 тонн буюу 20 хоногийн нүүрсний нөөцтэй байгаа. Гол бүтээгдэхүүнүүд хангалттай байна. Хөрөнгө оруулалтаар нийтдээ 23 ажил төлөвлөснөөс 21 ажил нь бүрэн хийгдэж, хоёр ажил нь 4 хувьтай байгаа үргэлжлээд явж байна. Барилгын засварын ажил бүрэн хийгдсэн. Өвөлжилтийн бэлтгэл бүрэн хангагдаад байна” хэмээлээ.

“Өнөөдрийн байдлаар манай станц 12798 тонн нүүрсний нөөцтэй байна. Хоногт 400 тонн орчим нүүрс зарцуулдаг. Одоогийн байдлаар суурилагдсан хүчин чадлын 17 хувь нь ачааллыг авч явж байна. Өвлийн их ачааллын үед 53 хувийн ачаалал авч явна. Манай станц их ачааллын үед 40 гаруй хувь, энгийн үед 60 гаруй хувийн ачаалал авах нөөц бий. Цаашдаа ачаалал авах бүрэн боломжтой” хэмээн Амгалан дулааны станцын ерөнхий инженер Ч.Цогтсайхан ярилаа.

Дулааны II цахилгаан станцын дэд захирал Г.Болдсайхан “Өвөлжилтийн бэлтгэл ажлыг хангах ажил нийтдээ 92 хувьтай байна. Өнөөдрийн байдлаар 14 мянган тонн буюу 20 хоногийн нүүрсний нөөцтэй” хэмээв.

Улаанбаатар дулааны сүлжээ ТӨХК-ийн Шуурхай удирдлагын албаны дарга Батмөнх “Өвөлжилтийн бэлтгэл ажил өнгөрсөн сарын 8-нд 100 хувь хангагдаж дууссан. Өнөөдрийн байдлаар Дулааны II, III, IV, Амгалан станцууд дулаанжуулалтын нөөц тоноглолтой горим, ажиллагааны хувьд хэвийн ажиллаж байна. Хэрэглэгч хүссэн цагтаа дулаанаа ав гэсэн зорилт тавиад ажилласны хувьд өнгөрсөн сарын 9-өөс эхлэн орон сууц аж ахуйн нэгжийг холбосон. Есдүгээр сарын 15 гэхэд нийт орон сууцны зөрчилтэй бус хэрэглэгчдийг 100 хувь хангаж холбосон байгаа” гэлээ.

ОСНААҮГ-ын ИБХХ-ийн дарга Ж.Пүрэвжамц “ОСНААҮГ энэ жил өөрийн хөрөнгөөр их засварын 32, урсгал засварын 40 нэр төрлийн ажил хийхээр төлөвлөсөн. Өнөөдрийн байдлаар бүх ажил хийгдэж 100 хувийн гүйцэтгэлтэй байна” гэв.

УБЦТС ТӨХК-ийн Инженерийн бодлогын хэлтсийн дарга Батцэцэг “Улаанбаатар хотын найман дүүрэг, Төв аймгийн 16 сумыг цахилгаан, эрчим хүчээр хангаж нийт 360 мянга гаруй хэрэглэгчид хүрч ажилладаг. Өнгөрсөн өвөл 114 мянган өрхөд шөнийн тариф тэглэсэн үнээр хөнгөлөлт үзүүлсэн байгаа. Ингэснээр шөнийн ачаалал 17 хувиар өссөн. Компанийн хэмжээнд урсгал засварын ажил 80 хувийн гүйцэтгэлтэй байна. Энэ сарын 15-н гэхэд их болон урсгал засвараа хийж дуусгана” хэмээн хэллээ.

“Өвөлжилтийн бэлтгэл ажлыг хангах нэгдсэн төлөвлөгөөний биелэлт салбарын хэмжээнд 94 хувьтай байна. Нийтийн тээврийн үйлчилгээний үндсэн чиглэлд гэрээтэй ажилладаг 21 аж ахуйн нэгжийн өвөлжилтийн бэлтгэл ажлыг шалгаж ажилласан. Үүнээс бүрэн хангалттай 9, хангалттай 7, бүрэн бус хангалттай 5, хангалтгүй үнэлгээтэй хоёр аж ахуйн нэгж байгууллага байна. Нийслэлийн Тээврийн газрын захиргааны зөвлөлөөр хэлэлцээд хангалтгүй үнэлгээтэй таван ААН-д хугацаатай үүрэг даалгавар өгсөн. Хангалтгүй үнэлгээ авсан хоёр ААН-д гэрээ цуцлах мэдэгдэл хүргүүлж, шаардлагатай зохицуулалтын арга хэмжээ авахаар болсон. Нийтийн тээврийн үйлчилгээний 5.12 стандартын дагуу үйлдвэрлэгдсэнээс хойш 12-оос дээш жил ашигласан бол нийтийн тээврээс хасна гэж заасны дагуу энэ оны арванхоёрдугаар сард 202 автобусыг үйлчилгээнээс чөлөөлөхөөр байгаа. Үүнээс өнөөдрийн байдлаар 14 ААН 81 тээврийн хэрэгслээр парк шинэчлэл, нөхөн хангалт хийсэн. Арванхоёрдугаар сараас өмнө таван ААН 46 тээврийн хэрэгслээр парк шинэчлэлт, нөхөн хангалт хийхээр төлөвлөөд гэрээ хийсэн” хэмээн Нийслэлийн Тээврийн газрын Зорчигч тээврийн хэлтсийн дарга Э.Баярт танилцууллаа.

Геодези, усны барилга байгууламжийн газрын ерөнхий инженер С.Батсайхан “Энэ жил үерийн хамгаалалтын далан сувгийн цэвэрлэгээний ажил бүрэн хийгдсэн. Авто замын борооны ус зайлуулах шугам сүлжээний их цэвэрлэгээ хийгдсэн. Давтан цэвэрлэгээний ажил дуусах шатандаа явж байна. Халиа, дошин үүсэхтэй холбоотойгоор Дэнжийн мянгын 1, 3-р суваг болон төв хэсгийн хөрсний усны шугамыг хөлдөлтөөс сэргийлэх ажил 100 хувь хийгдээд байна” хэмээн танилцууллаа.

Танилцуулгын дараа Нийслэлийн Засаг дарга бөгөөд Улаанбаатар хотын Захирагч С.Батболд “Улаанбаатар хот хүйтэн нийслэлийн нэг. Хот гэдэг их айлын хувьд өвөлдөө бэлтгэж, айл өрх, албан байгууллагууд өвлийг өнтэй давах бэлтгэлийг хангах нь маш чухал зүйл байдаг. Нийслэлийн Засаг даргын зөвлөлөөр гурван удаа өвөлжилтийн бэлтгэлийг авч хэлэлцсэн. Өнөөдөр нийслэл бүхэлдээ дулаанаа аваад, өвлийн горимдоо шилжээд дөрөв хонож байна. Энэ өдөр холбогдох албан тушаалтнуудтай уулзаж өвөлжилтийн бэлтгэл ажил дууссан байдал, цаашдаа болзошгүй аваар ослын үед хэрхэн ажиллах вэ гэдэг асуудлаар ярилцлаа. Та бүхний танилцуулгаас харахад өвлийн бэлтгэл бүрэн хангагджээ гэж харж байна” хэмээлээ.

Мөн тэрбээр “Цаашдаа хэд хэдэн зүйл дээр анхаарч ажиллах хэрэгтэй. Өвлийг дулаахан, цас багатай болно гээд тайвшрах хэрэггүй. Болзошгүй аваар ослын үед хэрхэн ажиллах вэ гэдэгт анхаарлаа хандуулж ажиллах шаардлагатай. Бид хэдийгээр улс, нийслэлийн төсвийн хөрөнгө оруулалтаар засварууд хийж байгаа ч Улаанбаатар хотын ерөнхий тоноглолууд нэлээд хуучирсан. Тиймээс болзошгүй аваар ослоос сэргийлж ажиллах шаардлагатай. Энэ үед шуурхай ажиллах багийг бэлдэх хэрэгтэй. Нийслэлийн Засаг даргын хувьд энэ тал дээр байнга анхаарлаа хандуулж ажиллана. Шаардлагатай тохиолдолд арга хэмжээ авах техник, хүн хүч, санхүүгийн нөөцийг бэлэн байлгахад анхаарч ажиллах хэрэгтэй” гэдгийг онцолж байлаа гэж нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Хөл бөмбөгийн дасгалжуулагч И.Отгонбаяр Азийн хөл бөмбөгийн холбооны дасгалжуулагчдын тэргүүн дээд “А” ангиллыг хүртсэн анхны монгол дасгалжуулагч болсон сертификатыг МХБХ-ны ерөнхийлөгч А.Ганбаатар гардуулж өглөө.

Монгол улсын шигшээ багийн ахлах дасгалжуулагчийн албыг 1997-2010 оны хооронд хашсан И.Отгонбаяр өнгөрсөн нэгдүгээр сарын 4-31-ны хооронд Бангкок хотод АХБХ-ны “А” ангиллын сургалтад сууж, тэнцсэнээр албан ёсоор “А” ангиллын сертификатаа гардан авч байгаа юм.

Монгол улсад АХБХ-ны “С ангилал”-тай 56, “В ангилал”-тай 31 дасгалжуулагч байдаг. Дашрамд дурдахад, АХБХ-ны “А ангилал”-ын дасгалжуулагчийн сургалтын эхний шат 2017 оны дөрөвдүгээр сард Улаанбаатар хотноо зохион байгуулсан. Сургалтын хоёр дахь шатны тов гараагүй ч Монголын шилдэг дасгалжуулагчдын оролцож буй уг сургалтаас дараа дараагийн “А ангилал”-тай дасгалжуулагчид төрөх боломж байгаа юм.

Цагдаагийн ерөнхий газрын Бүртгэл хяналтын төвөөс 2016 онд тээврийн хэрэгсэлд тусгай дуут дохио тавьж хэрэглэх зөвшөөрлийг 966 байгууллага, албан тушаалтны хүсэлтийн дагуу 818 байгууллага, албан тушаалтны 1819 тээврийн хэрэгсэлд олгож, зохих шаардлага хангаагүй 54 байгууллагад татгалзан шийдвэрлэжээ.

Хууль зүй, дотоод хэргийн сайдын 2016 оны 10 дугаар сарын 07-ны өдрийн А/62 дугаар тушаалаар “Тээврийн хэрэгсэлд тусгай дуут болон гэрэл дохио тавьж хэрэглэх журам” шинэчлэгдэн батлагдсан. Уг журмын хүрээнд 2017 оны эхний 10 сарын байдлаар зөвшөөрөл хүссэн 515 байгууллага, албан тушаалтны хүсэлт, холбогдох баримт бичгийг хүлээн авч, хянаж үзсэнээр 420 байгууллага, албан тушаалтны 937 тээврийн хэрэгсэлд тусгай зөвшөөрөл олгосон байна. Журмын хэрэгжилтийг хангах чиглэлээр Замын цагдаагийн албанаас хяналт шалгалт хийж зохих шаардлага хангаагүй, зөрчил гаргасан 79 аж ахуйн нэгжид мэдэгдэл хүргүүлж ажиллажээ.

Маргааш буюу 2017 оны аравдугаар сарын 05-ны Пүрэв гарагт хийх засварын хуваарийг танилцуулж байна. Хэрэглэгчид ээ, засвар хийх хугацаанд хэрэглээгээ түр зохицуулна уу.

БАЯНЗҮРХ ДҮҮРЭГ

11:00-15:00 цагт: 21-р хороо дунд Дарь-Эхийн 1-19, Сэлбийн 12-18, 27-32, ЖУӨ 1-6-р гудамжууд, Петростар ШТС, эдгээрийн ойр орчмоор
11:00-15:00 цагт: 16, 19, 22, 24-р хороо 065-р ЦА, Сол-Мон клуб, Цэргийн 1-5, СОТ-3-ын 1-4 ,6, 8-11, Цахлайн 1-7, Эмнэлгийн 21-26, Шар хадны 3, 4, Хоршооллын 1-8-р гудамжууд, Идэр авэйшн Монголия, Цагаан хаш, Суман гүн трейд, Бугат-Алтай, Хонгор унага ХХК-ууд, Банкны өр барагдуулах албаны гараж, Үндсэн хүнс, Дако, Санкредит, Зостын шовгор, Эм Си Импекс, Тарант, Баянхайрхан трейд, Дэлийн булаг ХХК-ууд, Христийн методист төв, эдгээрийн ойр орчмоор
11:00-18:00 цагт: 1-р хороо 12 хорооллын 22-25, 30-р байр, Их Соёмбо , Чигэстэйн ахан дүүс, ЭЭМА, Мон-Амар, Топуна, Аагфарм, Билэгтвай ХХК-ууд, Дөрвөн улирал, Замын хөдөлгөөний удирдлагын төв, Очирбат АОС, Нарлаг сансар СӨХ, Өнөр бүл төв, эдгээрийн ойр орчмоор

БАЯНГОЛ ДҮҮРЭГ

10:30-18:00 цагт: 6-р хороо 10-р хорооллын К102-К107-р байр, эдгээрийн ойр орчмоор
11:00-18:00 цагт: 20-р хороо ТЭБ бааз, Монресцветмет металь, СТО РП, Хийн цахилгаан станц, эдгээрийн ойр орчмоор

Цахилгаан эрчим хүчээр түр хязгаарлагдах хэрэглэгчдийг байршлаар нь баримжаалан жагсааж байгааг анхаарна уу. Цаг агаарын болон болзошгүй аваар саатлаас шалтгаалан хуваарьт өөрчлөлт орох магадлалтай ба өөрчлөгдсөн тохиолдолд УБЦТС ТӨХК-тай байгуулсан гэрээнд бүртгэлтэй утсаар холбогдож ААН, үйлдвэр, компаниудад мэдээлэх болно.

Цахим үйлчилгээ: http://my.tog.mn
Мэдээлэл, лавлагаа авах утас: 70047004

Нийтэлсэн: “УЛААНБААТАР ЦАХИЛГААН ТҮГЭЭХ СҮЛЖЭЭ” ТӨРИЙН ӨМЧИТ ХУВЬЦААТ КОМПАНИ

БНТУ-ын Ерөнхий сайдын дэргэдэх Туркийн хамтын ажиллагаа, зохицуулах агентлаг (ТИКА)-ийн Улаанбаатар дахь Хөтөлбөр зохицуулалтын газраас Гадаадын иргэн, харьяатын газар (ГИХГ)-т хэвлэлийн тоног төхөөрөмжийн тусламж үзүүлэх болж, төсөл хэрэгжүүлэх хэлэлцээрийг үзэглэв.

Уг арга хэмжээнд ГИХГ-ын дарга Д.Мөрөн, БНТУ-аас Монгол Улсад Суугаа Онц бөгөөд Бүрэн эрхт элчин сайд Ахмет Язал, ТИКА-гийн Улаанбаатар дахь хөтөлбөр зохицуулагч Вэйсэл Чифтжи нар оролцов.

Энэхүү төсөл нь ГИХГ-аас эрхлэн гаргадаг хууль тогтоомжийг олон нийтэд сурталчлан таниулах тараах материал, мэдээлэл, гарын авлага хэвлэх ажилд томоохон дэмжлэг болж байгааг тус газрын дарга Д. Мөрөн онцлов. Тэрбээр, “Манай байгууллага цахим хэлбэрээр виз олгох үйлчилгээ нэвтрүүлэхээр бэлтгэл ажил хангаж байгаа. БНТУ энэхүү үйлчилгээг амжилттай нэвтрүүлсэн улсын нэг. Тиймээс энэ орноос туршлага судлах боломж бүрдэнэ гэдэгт итгэлтэй байна” гэлээ.

Мөн үеэр БНТУ-аас Монгол Улсад Суугаа Онц бөгөөд Бүрэн эрхт элчин сайд Ноён Ахмет Язал, “Харилцан туршлага солилцох, сургалт зохион байгуулах чиглэлд хамтран ажиллах боломжтой. Мөн ГИХГ-аас “Turkish airlines” авиа компани нислэгээр зорчиж буй гадаадын иргэдэд холбогдох хууль тогтоомжийг сурталчилсан танилцуулга, гарын авлага тараах боломж бий” гэв.