ХЗДХ-ийн сайд Ц.Нямдорж Бүгд Найрамдах Энэтхэг Улсын Хилийн аюулгүй байдлын хүчний /ХАБХ/ ерөнхий захирал Кришан Кумар Шармаг өнөөдөр хүлээн авч уулзлаа.
Уулзалтын эхэнд Кришан Кумар Шарма Монгол Улсын ХХЕГ болон Энэтхэгийн Хилийн аюулгүй байдлын хүчний харилцаа, хамтын ажиллагаа өргөжиж байгаад сэтгэл хангалуун буйгаа илэрхийлэв.
Цаашдаа Хил хамгаалах байгууллагатай харилцан туршлага судлах, хамтарч ажиллах өргөн боломж нээгдэж байгааг энэ үеэр хэлж байлаа. Энэ хүрээнд англи хэл, компьютерийн чиглэлээр мэргэжлийн сургалт зохион байгуулж байгаа аж.
Энэтхэгийн Ерөнхий сайд Нарендра Модиг Монгол Улсад айлчилсны дараа Хилийн асуудлаарх хамтарсан хороо байгуулагдаж, нэг удаа уулзалт хийсэн байна. Дараагийн уулзалт нь Энэтхэгт болох юм.
ХЗДХ-ийн сайд Ц.Нямдорж Энэтхэг, Монголын ард түмэн эртнээс найрсаг харилцаатай байсныг онцлов. Энэтхэгийн Ерөнхий сайд Нарендра Модигийн айлчлал хоёр орны харилцаа, хамтын ажиллагаанд шинэ хуудас нээснийг Ц.Нямдорж сайд уулзалтын үеэр тодотголоо. Иймд сайдын хувиар ч Засгийн газрын гишүүний хувьд ч цаашид хоёр орны харилцаа, хамтын ажиллагааг өргөжүүлэх чиглэлд дэмжиж ажиллана гэсэн юм.
IMDb буюу Internet Movie Data Base сайт 2018оны Америкийн кино урлагийн академийн дээд шагнал гардуулах “Оскар” наадамд нэр дэвших эрхээ авсан 92 кинонд үзэгчдийн дунд санал асуулга явуулж байгаа юм. Энэ санал асуулгад одоогоор Монгол найруулагч Доржийн Золбаярын “Чингисийн хүүхдүүд” уран сайхны кино 9.2 оноогоор 92 киноноос эхний 4-р байранд явж байна. 
Улс Монголын нэр нүүр, сор болсон залуучууд Отгонтэнгэр хайрханы оргилыг эзэлж яваад харамсалтайгаар амь эрсэдлээ. Дэлхийн ноёлог их уулсын оргилыг эзэлнэ гэдэг зөвхөн уулчдын бус хүн төрөлхтний эрэлхэг шонхруудын хийдэг ажил юм. Өөрийн бүтээн цогцлоосон ертөнцтэй, үзэл бодолтой, эр зориг, хүсэл тэмүүлэл, элгэн халуун сэтгэлтэй тийм л зоримог дайчин хөвгүүд охидын эрсхэн босдог талбар юм. Эзэн Чингисийн хүлэг баатрууд ийм л байсан болов уу гэж бодохоор ир бяр, ур ухаан жагссан 17 залуу амиа алдлаа. Өөрийн эрхгүй зүрх шимширч, гол харлаж байна. Гадаад дотоодын их дээд сургуульд боловсрол эзэмшсэн, нийгэмд зөв сайхан зүйлийн үлгэр дууриалал болсон, Монголын хөгжил дэвшлийн түүчээ болон гялалзах идэр шонхруудаа цэл залуухнаар нь бид алдлаа.
БХБЯ-ны Сайдын зөвлөлийн анхны хуралдаан 2017 оны аравдугаар сарын 30-нд боллоо. Сайдын зөвлөлийн анхны хуралдаанаар Техникийн ухааны доктор Н.Тогтох, Монгол Улсын зөвлөх инженер Н.Даш нарын “Цахилгаан дамжуулах агаарын шугамын тулгуурын Ердийн болон урьдчилан хүчитгэсэн арматуртай төмөрбетон конусан шон” нэртэй оюуны бүтээлийг танилцуулж, улмаар Төрийн шагналд нэр дэвшүүлэхийг дэмжсэн юм. Уг бүтээлийг Эрчим хүчний яам, Байгаль орчин, аялал жуулчлалын яам мөн дээрх шагналд дэвшүүлэхээр дэмжиж байв.
Монголын үндэсний номын санд тархан Суурьшсан Монголчууд Байгууллага (ТАСАМ)-аас эрхлэн хэвлүүлсэн “Ил хаадын урлаг, соёлын бүтээлүүд” (Иран, Мараге музей) номын нээлт 2017 оны 10-р сарын 31-ний 17:00 цагт Монгол Улсын Үндэсний Номын Сангийн Их уншлагын танхимд болно.
Өсвөрийн таэквондочид “Макао-2017” нээлттэй тэмцээнд амжилттай оролцжээ. Найман орны 450 гаруй өсвөр, бага насны тамирчид өрсөлдсөн байна. Эх орноо төлөөлж оролцсон Г.Сүхбат, М.Тэмүүлэн, Э.Төрболд, Э.Алтантуяа, Э.Энх-Энэрэл, Б.Ундрам, Н.Эрхэс, Б.Гарьд нарын тамирчид бүгдээрээ алтан медаль хүртжээ.
Яг одоо Хангарьди ордонд Нийслэлийн иргэдийн Төлөөлөгчдийн Хурлын ээлжит 12 дугаар хуралдаан хуралдаж байна. Хуралдаанд нийт 45 төлөөлөгч суухаас 27 төлөөлөгч буюу 57.8 хувийн ирцтэй эхлэв. Өнөөдрийн хуралдаанаар “Нийслэлийн эдийн засаг, нийгмийг 2017 онд хөгжүүлэх үндсэн чиглэлийн хэрэгжилтийн явцыг сонсох, нийслэлийн эдийн засаг, нийгмийг 2018 онд хөгжүүлэх үндсэн чиглэл батлах тухай”, “Агаар, орчны бохирдлыг бууруулах чиглэлээр 5-9 дүгээр сард хэрэгжүүлсэн үйл ажиллагааны тусгай төлөвлөгөөний биелэлт”, “Нийслэлийн иргэдийн Төлөөлөгчдийн Хурлын дотоод зохион байгуулалтын тухай” гэсэн гурван асуудлыг хэлэлцэх юм.
