Төв аймгийн Батсүмбэр, Эрдэнэ сум, Булган аймгийн Гурванбулаг, Сэлэнгэ сум болон Сэлэнгэ аймгийн Ерөө, Мандал, Хүдэр сумдад гарсан гал түймрийг унтраахад зориулж иргэд, ААН-үүд, ТББ-ууд сайн дураараа нэгдэн, гал сөнөөгчдөд тусламж илгээсээр байна.
Улсын хэмжээнд асч буй гал түймрийг унтраах үйл хэрэгт бүхий л нөөц, хүч чадлаа зориулан ажиллаж байгаа Онцгой байдлын ерөнхий газарт “Хөдөө аж ахуйн бирж” ХХК-ийн хамт олон өөрсдийн нэг өдрийн цалингаа хандивласан байна.
Дашрамд дурьдахад өчигдөр 12.00 цагийн байдлаар Онцгой байдлын ерөнхий газрын хандивын дансанд 84 иргэний 32.471.835 төгрөг, 34 төрийн болон төрийн бус байгууллага, аж ахуйн нэгжийн 197.367.971 төгрөг, нийт 229.839.806 төгрөгийн мөнгөн хандив цугласан байна.
Нийслэлийн Засаг дарга бөгөөд Улаанбаатар хотын Захирагч С.Батболд нийслэлийн 2017-2018 оны өвөлжилтийн бэлтгэл ажлыг хангах зарим арга хэмжээний тухай албан даалгавар гаргалаа. Албан даалгаварт улс, нийслэлийн болон бусад хөрөнгө оруулалтаар хэрэгжүүлэх авто зам, инженерийн шугам сүлжээ, сургууль, цэцэрлэг, эмнэлгийн барилга байгууламжийн их, урсгал засвар, шинэчлэлтийн ажлыг графикт хугацаанд нь гүйцэтгүүлэн өвлийн улирал эхлэхээс өмнө байнгын ашиглалтад хүлээн авах ажлыг шуурхай зохион байгуулж ажиллахыг нийслэлийн Засаг даргын хэрэгжүүлэгч агентлаг, Улаанбаатар хотын Захирагчийн харьяа байгууллага, дүүргүүдийн Засаг даргын Тамгын газар болон холбогдох байгууллагуудад тус тус даалгасан байна. Мөн албан даалгаварт чиглэл салбар тус бүрээр өвөлжилтийн бэлтгэл ажлыг хангах хүрээнд хийж хэрэгжүүлэх ажлыг тодорхойлж холбогдох албан тушаалтнуудад хугацаат үүрэг даалгавар өгсөн байна. Албан даалгаврын хэрэгжилтийг нэгдсэн удирдлагаар ханган, биелэлтэд нь хяналт тавьж ажиллахыг Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөрт үүрэг болгожээ гэж НЗДТГ-ын Хэвлэл мэдээлэл, олон нийттэй харилцах хэлтсээс мэдээлэв.
Монголын урчуудын эвлэлд анх удаа зохион байгуулж буй керамик урлагийн үзэсгэлэн өнөөдөр 17 цагт нээлтэй хийлээ. Олон улсын гэдгээрээ онцлогтой энэхүү үзэсгэлэнд Недэрланд болон Өмнөдмонголоос оролцсон аж. Нийт 35 бүтээлч 100 гаруй бүтээлээ үзүүлжээ. Уг үзэсгэлэн нь “керамик урлагийг хөгжүүлэх болон залуу керамикчидаа дэмжих мөн улс хоорондын харилцааг өргөжүүлэх зорилготой. Түүнчлэн керамикийн материалаар том хэмжээний баримлыг ч хийж болно гэдгийг хүмүүст харуулахыг хичээсэн. Цаашдаа Улаанбаатар хотын үзэмжид өнгө нэмэн өнгөт баримлыг хийх зорилттой байгаа. 20 хоногийн турш эрчимтэй ажилласны үр дүнд үзэсгэлэн амжилттай боллоо” хэмээн үзэсгэлэнг зохион байгуулагч Монголын урчуудын эвлэлийн гишүүн, керамикчин Дашдоржийн Отгонбаяр хэллээ. Үзэсгэлэнд Төрийн соёрхолт зураач Ц. Амгалан, Төрийн соёрхолт зураач Ш.Чимиддорж, Дэлхийд алдартай зураач С.Дагвадорж нар керамик урлагт анх удаагаа уран бүтээл хийж оролцжээ. Энэхүү үзэсгэлэн нь долоодугаар сарын 17, 18-ны өдрүүдэд гарах аж.
Туул голын эрэг орчмын ил задгай хог хаягдлыг багасгаж, орчны бохирдлыг бууруулах зорилгоор хог хаягдал түр хадгалах сав хийж суурилуулах сайн дурын ажлыг эхлүүлээд байна. Уг ажлын хүрээнд Баянзүрх дүүргийн Засаг даргын Тамгын газрын Тохижилт, нийтийн аж ахуйн хэлтэс, Солонгос улсын KOICA Олон Улсын байгууллага хамтын ажиллагаагаа эхлүүллээ..jpg)
Ноён Михаель Мюллер мөн Монгол Улсад урьж, найрсаг хүлээн авсанд талархал илэрхийлээд “Герман, Монгол улс хамтын ажиллагааны олон жилийн түүхтэй. Бидний зүгээс мэргэжлийн боловсрол олгох, төрийн захиргааны албан хаагчдыг сургах тал дээр хамтран ажиллах боломжтой гэж үзэж байна.” гэсэн юм.