Month: May 2017

Нийслэлийн статистикийн газраас гуравдугаар сарын IV долоо хоногийн хүнсний бүтээгдэхүүнийн үнийг судалгааг гаргажээ.

МАХНЫ ДУНДАЖ ҮНЭ

2017 оны 5-р сарын 1-р долоо хоногт хонины ястай нэг килограмм мах дунджаар 7255 төгрөг, үхрийн ястай мах нэг килограмм нь дунджаар 8210 төгрөгийн үнэтэй байна. Үхрийн ястай махны үнэ өмнөх долоо хоногтой харьцуулахад 3.7 хувиар буюу 290 төгрөгөөр, үхрийн цул махны үнэ 2.2 хувиар буюу 200 төгрөгөөр тус тус өссөн байна. Энэ 7 хоногийн ажиглалтаар үхрийн мах “Хархорин” хүнсний захад хамгийн хямд буюу 6500 төгрөг, харин “Меркури”, “Таван-Эрдэнэ” хүнсний захуудад хамгийн өндөр үнэтэй буюу 9000 төгрөг байна. Хонины ястай махны үнэ өмнөх долоо хоногтой харьцуулахад 1.6 хувиар буюу 120 төгрөгөөр, хонины цул махны үнэ 1.2 хувиар буюу 90 төгрөгөөр буурсан байлаа. Энэ долоо хоногийн ажиглалтаар хонины мах “Хархорин” хүнсний захад хамгийн хямд буюу 5500 төгрөгөөр, харин “Меркури” хүнсний захад хамгийн өндөр үнэтэй буюу 9500 төгрөгөөр худалдаалж байна.

ГУРИЛЫН ҮНЭ

2017 оны 5-р сарын 1-р долоо хоногт нийслэлийн хүнсний томоохон зах, дэлгүүрт “Алтан тариа” савласан нэг кг гурилын үнэ дээд зэрэг нь 1100-1500 төгрөг, 1-р зэргийнх 900-1300 төгрөг, 2-р зэргийнх 749-850 төгрөг байна. Худалдан авагч олон байдаг “Хүчит шонхор”, “Таван эрдэнэ”, “Бөмбөгөр”, “Баянзүрх”, “Хархорин” хүнсний захуудад задгайгаар буюу шуудайгаар худалдаж буй нэг кг дээд зэргийн “Алтан тариа” гурилын үнэ 1140-өөс 1300 төгрөгийн үнэ ханштай байна. Харин “Барс” хүнсний захад дээд зэргийн “Алтан тариа” гурил 1100 төгрөг, 1-р зэргийн гурил 950 төгрөгөөр тус тус зарагдаж байна. “Атар” талх хүнсний зах, дэлгүүрт 1100-1210 төгрөгийн үнэтэй байна. “Оргил”, “Хархорин” хүнсний захуудад “Атар” талхыг хамгийн хямд буюу 1100 төгрөгөөр, харин “Сансар” супермаркетад хамгийн өндөр үнээр буюу 1210 төгрөгөөр худалдаалж байна.

ТӨМС, ХҮНСНИЙ НОГОО

2017 оны 5-р сарын 1-р долоо хоногт өмнөх долоо хоногтой харьцуулахад монгол лууван 1.1 хувиар буюу 10 төгрөг, байцаа 1.4 хувиар буюу 25 төгрөг, хятад сонгино 2.0 хувиар буюу 30 төгрөгөөр тус тус өссөн байна.

Өнөөдөр 29 дүгээр сургуулийн сурагчдын эцэг эхийн төлөөлөл мэдээлэл хийлээ. Тэд хүүхдүүдийнхээ боловсрол санаа зовж байгаагаа уламжилсан юм.

Учир нь 29 дүгээр тусгай сургууль нь Монгол Улсын хэмжээнд сонсголын бэрхшээлтэй хүүхдэд боловсрол олгодог ганц сургууль. Гэтэл энэ сургуулийг төгссөн сурагчид сургуульд сурсан гэхэд хэцүүхэн боловсролтой төгсөж байгаа аж. Сургалтын хөтөлбөр, стандартгүйгээс сурагчид бичиг үсгийн боловсролгүй, бичих чадваргүй, уншаад юм ойлгохгүй түвшинд л суралцдаг гэж эцэг эхчүүд хэлж байв.

Жишээ нь, авиа тавилтын хичээлийг долоо хоногт нэг удаа зааж байгаа нь хангалтгүй гэв. Дохионы хичээл ч бага цагаар заадаг байна. Мөн хүүхдүүд эцэг эхдээ дохионы хэл муу ойлгодог болон сурах бичгийн хүрэлцээ маш муу талаар байнга хэлдэг гэнэ. Уг нь сонсголгүй хүүхдүүд харах мэдрэхүйгээр дамжуулан суралцах бүрэн боломжтой аж. Мөн сургуулийн захирлыг халсан ч заах арга зүйг өөрчлөхгүй бол ямар ч үр дүн гарахгүй гэж хэвлэлийн хуралд оролцсон эцэг эхчүүд үзэж байна.

Онцгой байдлын ерөнхий газраас АНУ-ын Номхон далайн цэргийн командлалтай хамтран Өмнөговь аймагт зохион байгуулж байгаа “Говийн чоно-2017” гамшгийн хор уршгийг арилгах олон улсын сургалт, дадлага сургууль дөрөв дэх өдрөө үргэлжилж байна.

23 жилийн хорих ялаар шийтгүүлэн, ял эдэлж буй Г.Маралмааг мөрдөн байцаалтын явцад “Цагдаагийн албан хаагчид хүчиндүүлсэн” гэх мэдээлэл өгсөн нь ил боллоо.

Дөрвөн настай, дагавар охиноо хөнөөсөн хэрэгт буруутгагдсан Г.Маралмаа энэ талаараа “Баянзүрх, Чингэлтэй, Сүхбаатар дүүргийн эрүүгийн хэргийн шүүхийн байранд хэргийн материалтай танилцаж байх үеэр хүлээлгийн өрөөний халуун усны өрөөнд түүнийг дэслэгч Б хүчирхийлсэн” гэсэн агуулгатай мэдүүлэг өгсөн аж.

Г.Маралмаагийн энэ гомдлын дагуу цагдаагийнхан шүүхийн байранд очиж, камерын бичлэг шалган, гэрчүүдээс мэдүүлэг авсан байна. Мөн Г.Маралмаагийн гомдол гаргасан цагдаагийн албан хаагч Б-гээс ч тайлбар мэдүүлэг авсан байна. Энэ үйл явдал болоод нэлээд удсан байна.

Гэтэл дэслэгч Б хэргийн мөрдөн байцаалтын явцад гэртээ нас барсан байдалтай олджээ. Мэдээллийг албаны эх сурвалжууд баталж байна.

Дэслэгч Б “Хүчирхийлсэн асуудал байхгүй. Толгой өвдөөд байхаар нь өрөөндөө оруулж, толгойгоо бариулсан” гэсэн мэдүүлгийг өгч байсан аж. Үүнийг нь тухайн үед шүүхийн байранд хамт байсан цагдаа нотолжээ.

Одоогоор хэргийг Мөрдөн байцаах албаны Тусгай субъектийн хэлтэст шалгаж байна.

Авто тээврийн үндэсний төвөөс энэ сарын эхний хагасын дунд үеэр ихэнх нутгаар салхи 18 м/с, зарим үед 24 м/с хүртэл ширүүсч цасан болон шороон шуурга шуурч сэрүүснэ хэмээн анхаарууллаа. Мөн манай орны гол мөрний хаврын шар усны үерийн оргил үе гол төлөв тавдугаар сарын эх ба дунд үеэр ажиглагддаг. Энэ жил ихэнх гол мөрний усны түвшин тухайн сарын олон жилийн дунджаас бага ба түүний орчим байх төлөвтэй байна. Харин тавдугаар сарын дунд үеэр зарим томоохон голын усны түвшин өмнөх өдрийнхөөс 5-20 см нэмэгдэх төлөвтэй байгаа аж.

Иймд иргэд, тээвэрчдийг

Тээвэрчид эвдэрч нурсан зам гүүр болон гол, нуурын мөс цөмрөх магадлалтай байгаа тул авто зам, замын байгууламжийг техникийн нөхцөл шаардлагын дагуу ашиглах, гүүрээр түүний тооцоот даацад тохирсон жинтэй тээврийн хэрэгслээр тээвэрлэлт гүйцэтгэх, тээврийн хэрэгслийн даац, суудлын тоог хэтрүүлэхгүй хөдөлгөөний аюулгүй байдлыг хангах;

Хүчтэй шороон шуурганы үеэр үзэгдэх орчин хязгаарлагдах, автозам, даваа цасанд хаагдах, хальтиргаа гулгаа үүссэний улмаас тээврийн хэрэгсэл саатах, бөөгнөрөл үүсэх зэрэг хүндрэл гардаг;

Иймээс хүчтэй салхи шуурганы үед замд гарахгүй байх, зайлшгүй шаардлагатай тохиолдолд хол, ойрын замд гарахдаа тээврийн хэрэгслийн бүрэн бүтэн байдлыг хангаж бензин, шатахууны нөөцтэй, дулаан хувцастай зорчихыг анхааруулж байна.