Засгийн газрын ээлжит хуралдаан (2017.04.12) болж, Гаалийн албан татвараас чөлөөлөх тухай болон Гаалийн албан татвараас чөлөөлөх тухай хуулийг дагаж мөрдөх журмын тухай хуулийн төслийг хэлэлцэн дэмжиж УИХ-д өргөн мэдүүлэхээр болов.
Гаалийн албан татвараас чөлөөлөх тухай хууль 2008 онд батлагдсан. Хуулийн дагуу импортоор оруулж байгаа хөдөө аж ахуйн зориулалттай шинэ трактор, комбайн, машин механизм, гурилын үйлдвэрийн болон усалгааны тоног төхөөрөмж, бордоо, ургамал хамгааллын бодисыг 2016 оны 12 дугаар сарын 31-ний өдөр хүртэл гаалийн албан татвараас чөлөөлсөн юм.
Энэ нь уналтад орсон, зардал өндөртэй газар тариалангийн салбарыг сэргээж, тогтвортой өсөлт бий болгох, тариаланчид, үйлдвэрлэгчдийн эдийн засгийн чадавхийг сайжруулах, хөдөлмөр эрхлэлтийг тууштай дэмжиж, иргэдийг эрүүл, аюулгүй хоол хүнсээр хангах томоохон дэмжлэг болжээ. Иймээс гаалийн албан татвараас чөлөөлөх хугацааг сунгах нь зүйтэй гэж Засгийн газар үзэж байна.
Засгийн газрын 2016-2020 оны үйл ажиллагааны хөтөлбөрт газар тариалангийн зориулалттай дэвшилтэт техник, технологи, тоног төхөөрөмж, бордоо, ургамал хамгааллын бодисыг татварын бодлого, санхүүгийн лизингийн аргаар дэмжинэ гэж заасан юм.
Одоогоор үр тарианы шинэчлэл 65 хувьтай байгаа бөгөөд төмс, хүнсний ногооны механикжуулалтын түвшин хангалтгүй байгаагаас тарих, хураах, сортлох ажлын ихэнх хувийг гар аргаар хийдэг. Мөн бордоо, ургамал хамгааллын бодисыг ихэвчлэн импортоор авч байна.
Өргөдлийн байнгын хорооны өнөөдрийн хуралдаанаар Сууц өмчлөгчдийн холбооны асуудлыг хэлэлцэв. Иргэдээс СӨХ-той холбоотой 467 өргөдөл тус байнгын хороонд иржээ. Энэ дагуу БХБЯ-наас ажлын хэсэг гаргаж, нийслэлд үйл ажиллагаа явуулж байгаа 240 СӨХ-ийн үйл ажиллагааг шалгасан байна.
Засгийн газрын ээлжит хуралдаан (2017.04.12)-наар “Эгийн голын усан цахилгаан станцын төсөл”-ийг хэрэгжүүлэх бэлтгэл болон барилга угсралтын ажлыг хариуцан, ашиглах чиг үүрэг бүхий төрийн өмчит “Эгийн голын усан цахилгаан станц” ХХК байгуулахаар боллоо. Төвийн эрчим хүчний системийн диспетчерийн горим, тохиргоог хангаж, импортын эрчим хүчийг бууруулах зорилгоор дээрх шийдвэрийг гаргасан байна. Үүнтэй холбогдуулан “Эгийн голын усан цахилгаан станцын төсөл”-ийн нэгжийг татан буулгахаар боллоо.
ЗХЖШ-ын удирдлагууд өөрийн байранд хэвлэлийн бага хурал хийлээ. Өчигдөр Нийслэлээс 55 км-т байрлах Таван толгойн сургалтын нэгдсэн төвд 17:40 цагийн үед ЗХЖШ-ын 350-р анги байлдааны сургуулилт хийж байх үеэр осол гарч, хоёр байлдагч амиа алдсан хэрэг гарсан билээ. Ахмад Б.Мөнгөншагай багаа ахалж байгаад дэлбэрэлтийн үеэр газар дээрээ нас барсан. Мөн хугацаат цэргийн албан хаагч Б.Ариунболд нас барсан байна. 
ЗХЖШ-ын орлогч дарга, хошууч генерал Ж.Бадамбазар: Шархадсан найман цэргийг өчигдөр Улаанбаатар хот руу авч ирсэн байгаа. Алба хаагчдад эмнэлгийн үйлчилгээ үзүүлж, хагалгаа хийх бэлтгэл ажлыг хангах бие бүрэлдэхүүнээр хангахаас гадна ар гэрийнхэнд нь цэргийн албан хаагчдыг сахих, биеийн байдлыг нь харах нөхцөл боломжийг хангах зэрэг ажлыг зохион байгуулсан. Ирсэн даруйд нь хоёр албан хаагчид хагалгаа хийж эрчимт эмчилгээ хийж байна. Нас барсан ахмад Б.Мөнгөншагай нь 1987 онд төрсөн, 30 настай, эхнэр хүүхдийн хамт амьдардаг байсан. Батлан хамгаалахын их сургуульд Зэвсгийн албаны офицер мэргэжлээр бэлтгэгдэж төгссөн, хэд хэдэн цэргийн ангид ажиллаж, Афганистан, Судан улсуудад энхийг сахиулах үйл ажиллагаанд оролцоод ирсэн туршлагатай офицер байсан. Ахлагч Б.Ариунболд 1993 онд Баян-Өлгий аймгийн Буянт суманд төрсөн, эхнэр хүүхдийн хамт амьдарч байсан. Бүгд Найрамдах Өмнөд Судан улсад цэргийн ажиллагаанд оролцож байсан. Бусад шархадсан найман алба хаагчид 22-28 насны, бүгдээрээ мэргэжлийн ахлагч бэлтгэх сургууль төгссөн. Энхийг сахиулах ажилд оролцож байсан туршлагатай хүмүүс байсан. Зарим хэвлэл мэдээллийн хэрэгслээр удахгүй болох марш тактикийн аварга шалгаруулах тэмцээний бэлтгэл ажлыг хангах үүднээс бэлтгэлд гарсан гэх ташаа мэдээлэл гарсан байна. 
Цэргийн төв эмнэлгийн Эмчилгээ эрхэлсэн орлогч дарга Дэд хурандаа Т.Сүхбаатар:
Засгийн газрын ээлжит хуралдаан (2017.04.12) боллоо. Уг хуралдаанаар Дорноговь аймгийн Сайншанд болон Дэлгэрэх сумыг холбосон 130 км хатуу хучилттай автозамын төслийн концессын гэрээг “Засаг чандмань майнз” ХХК-тай байгуулахыг Үндэсний хөгжлийн газарт зөвшөөрлөө.
Нийслэлийн Засаг даргын тамгын газар, нийслэлийн Хөдөлмөр эрхлэлтийн газар, “Эйч ар” клуб хамтран энэ сарын 14-ний өдөр Жанжин Д.Сүхбаатарын талбайд “Нэг өрх-нэг ажлын байр” ажлын байрны нээлттэй өдөрлөгийг зохион байгуулах гэж байна. Өдөрлөгт Хөдөлмөр, нийгмийн хамгааллын яам, нийслэлийн Засаг даргын тамгын газар, нийслэлийн Хөдөлмөр эрхлэлтийн газар, Хөдөлмөр халамжийн үйлчилгээний хэлтсүүд, Монголын хүний нөөцийн удирдлага, бүтээмжийн менежментийн академийн дэргэдэх “Эйч ар” клуб, ажил олгогч аж ахуйн нэгж зэрэг төрийн болон төрийн бус, хувийн хэвшлийн нийт 70 орчим байгууллага оролцоно.
Засгийн газрын ээлжит хуралдаан (2017.04.12) болж, “Элэг бүтэн Монгол” үндэсний хөтөлбөрийг баталж, шаардагдах хөрөнгийг жил бүрийн Үндсэн чиглэл, улсын болон орон нутгийн төсөвт тусгаж, олон улсын байгууллагын зээл, тусламжид хамруулж байхыг холбогдох сайд нарт даалгалаа.
2017 оны 04 дүгээр сарын 10-14-ний өдрүүдэд “Гамшгийн эрсдэлийг бууруулах Сендайн үйл, ажиллагааны хүрээ баримт бичгийн хэрэгжилтийг орон нутгийн түвшинд хангах, гамшгийн эрсдэлийг үнэлэх нь” сэдэвт II шатны сургалт Онцгой байдлын ерөнхий газарт болох юм.
Албан хаагчид сургалтын үеэр эрсдэлийг тооцоолох түргэвчилсэн аргад суралцахын зэрэгцээ цаашид орон нутгийн гамшгаас хамгаалах төлөвлөгөөндөө тусган ажиллана гэж Онцгой байдлын ерөнхий газраас мэдээллээ.
СБД-ийн IV хорооны өндөр настан Ш.Батсүх