Москвагийн цагдаагийн газраас тус улс дахь Монголын ЭСЯ-ны байранд хууль бус мөрийтэй тоглоом, казино ажиллуулж байсныг илрүүлж эрүү үүсгэсэн тухай Asiarussia.ru мэдээллээ.
Цагдаагийн газрынхан гэрчийн мэдүүлгээр йога хичээллүүлдэг гэх газрыг хараандаа авчээ. Гэрч тус газрын хонгилын өрөөнд мөрийтэй тоглоом, казино бий хэмээсэн байна. Ингээд цагдаа нар мэдээллийг шалгахаар нэрийн хуудсан дээрх хаягийн дагуу очсон байна. Түүнд, “Хүндэт Александр танаа, завтай үедээ манай йогаар үйлчлүүлээрэй” гэж бичсэн байжээ. Хачирхалтай нь тус газар Монгол Улсын консулын газрын байрладаг барилга болох нь тогтоогджээ. Өөрөөр хэлбэл дээрх йога хичээлийн байр болон Монголын ЭСЯ нь нэг хаяг дээр байршиж байна.
Цагдаа нарыг ажиглалт хийхэд оройн цагаар эрэгтэйчүүд үнэтэй машинаас орж байгаа нь харагдсан байна. Гэвч тэдний нэг нь ч йога хийхэд шаардлагатай бэлтгэлийн цүнх, гудас бариагүй нь сэжигтэй байжээ. Цагдаа нар үйлчлүүлэгчдийн дүрээр барилга руу нэвтэрч, гуравдугаар давхар руу гартал автомат цоож бүхий төмөр бариултай хаалган дээ “ Його сургалт” хэмээн бичсэн байж.
Мөрдөгчдийг дотогш нэвтэртэл өрөөнд таван рулет, 17 мөрийтэй тоглоомын машин, покерын ширээ, зугаацах өрөө зэрэг байсан бөгөөд цагдаа нар 20 сая рубль олсон байна. Албаныхны мэдээлснээр тус казино нэг сая ам.долларын үнэ хүрэхээр байгаа аж. Цагдаа нарыг казинод нэвтрэхэд кассчин, хянагч, хамгаалагч зэрэг 10 хүн ажиллаж байжээ. Тэдний нэг нь тус газар бусад газартай харьцуулахад хоёр дахин их гар цайлгах мөнгө өгдөг тухай цагдаа нарт ярьсан байна.
Уг явдалтай холбогдуулан Москвагийн цагдаагийн газраас хууль бус мөрийтэй тоглоомын бизнес явуулсан байгууллагад эрүүгийн хэрэг үүсгэж, тус казино Монголын ЭСЯ-ны байранд байршиж буй шалтгааныг тодруулахаар мөрдөн шалгаж байгаа аж. ОХУ-ын Улсын бүртгэлийн газрын мэдэгдсэнээр тус барилга нь Монгол Улсын Засгийн газрын өмчид хамаарагддаг байна.
Одоогоор ЭСЯ-ны байранд яагаад хууль бус мөрийтэй тоглоомын үйл ажиллагаа явагдаж байсан нь хараахан тодорхой болоогүй байна. “Хэрвээ ЭСЯ-ны байрны тодорхой өрөө зай, талбайг хэн нэгэнд түрээслүүлсэн бол гар бичмэл бүхий гэрээ хэлэлцээрийг бидэнд үзүүлэх ёстой” хэмээн хуульч Руслан Коблев мэдээлсэн байна.
Уг хэрэг ОХУ-ын хуулийн хүрээнээс давж, Дипломат харилцааны тухай Венийн конвенцээр шийдвэрлэгдэж магадгүй тухай эх сурвалж мэдээллээ.
“Joy” хамтлагийнхан өнөөдөр Улаанбаатарт ирлээ. “Crocus Event Hall” 80, 90-ээд оны диско үдэшлэгийг тогтмол зохион байгуулдаг. Уг хөтөлбөрийн хүрээнд өнгөрсөн онд “London Beat” болон “La Bouche” хамтлагуудыг Монголд урьж тоглуулж байсан билээ. Харин энэ удаа Австрийн алдарт “JOY” хамтлаг маргааш Монголд тоглох юм. 
Архангай аймгийн Их тамир сумын Хөх нуур багийн “Тооройт” хэмээх газар өвөлжиж буй малчин Ж.Төмөрбаатарынд хотонд гурван ихэр тугал мэндэлжээ.
Монгол Улсын Ерөнхийлөгчийн 2017 оны хоёрдугаар сарын 20-ны өдрийн 28 дугаар зарлигаар Монгол Улсын Их Хурлын Төрийн байгуулалтын байнгын хорооны дарга, Улсын Их Хурлын гишүүн Н.Энхболдыг Сүхбаатарын одон, Улсын Их Хурлын гишүүн, Төсвийн зарлагын хяналтын дэд хорооны дарга З.Нарантуяаг Хөдөлмөрийн гавьяаны улаан тугийн одонгоор шагнасныг Монгол Улсын Их Хурлын дарга М.Энхболд өнөөдөр гардуулав.
Тулгар төрийн 2226 жил, Их Монгол Улс байгуулагдсаны 811 жил, Үндэсний эрх чөлөө, тусгаар тогтнолоо сэргээн мандуулсны 106 жил, Ардын хувьсгалын 96 жил, Монгол түмний уламжлалт сар шинийн баярыг тус тус тохиолдуулан эрхэлсэн ажилдаа олон жил үр бүтээлтэй ажилласан Монгол Улсын Их Хурлын гишүүдийг төрийн одон, медалиар шагнасныг сар шинийн өмнө гардуулах үед Улсын Их Хурлын гишүүн Н.Энхболд, З.Нарантуяа нар тойрогтоо ажиллаж байсан учир өнөөдөр шагналаа гардсан юм гэж УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв. 
Олон улсын эмэгтэйчүүдийн баярын өдөр энэ лхагва гаригт тохиож байгаа билээ. Тэгвэл энэ өдөр автомашинууд эрх дураараа давхиж болох нь ээ. Учир нь дугаарын хязгаарлалт ил өдөр үйлчлэхгүй. Сүүлийн үед уяатай нохой шиг урагшилж чадахаа байсан хэдэн автомашинууд маань баярын өдрүүдээс бусад өдрүүдэд тал эрхээ хасуулан грашинд хэвтэх нь хэвтэж, хашаанд өнжих нь өнжих болсон. Тэгвэл эмэгтэйчүүдийн эрхийн өдөр тэдэнд бүтэн эрхийг нь мэдрүүлэн бүхэл өдөржин ажлаа амжуулж эхнэрээ баярлуулах боломжийг олгох нь ээ.
Монголын Үндэсний сэтгүүлзүй үүсэн байгуулагдсаны 104 жилийн ойг тохиолдуулан Чингис зочид буудлын Тэмүүжин танхимд “Сэтгүүлзүй–104 жил” ёслолын ажиллагаа боллоо.
Баянзүрх дүүргийн Засаг дарга удтал маргаантай байсны эцэст Нийслэл хотын захирагч сар шинийн үеэр шинэ даргыг томилж бөөн шуугиан дэгдээсэн билээ. Шинэ дарга Э.Бат-Амгалан хуучин даргынхаа өрөөний хаалгыг эвдэн орж, өрөөний камернуудыг скочдон таглаж байгаад тамга тэмдгээ хүлээж авсан өдөр саяхан. Тэгвэл өнөөдөр Нийслэлийн захирагч С.Батболд тогтоолоо хүчингүй болгож шүүхийн шийдвэрийг хүндэтгэх болно гэж мэдэгдсэнээр ганцхан өдрийн настай шинэ Засаг дарга Э.Бат-Амгалан ажлын байраа хүлээлгэн өгч хуучин дарга Д.Пүрэвдаваа албан өргөөндөө олон сэтгүүлчдийг дагуулан орлоо.
“Бөөр хамгаалах дэлхийн өдөр”-ийн хүрээнд өнгөрсөн амралтын өдрүүдэд Улсын нэгдүгээр төв эмнэлгийн Бөөрний төвийн эмч нар, Рафаэл Интернэйшнл Олон Улсын ТББ хамтран Төв аймгийн Баяндэлгэр суманд сайн дурын эрүүл мэндийн урьдчилан сэргийлэх үзлэг, эмчилгээ хийжээ. Энэ жилийг “Бөөрний өвчлөл болон таргaлалт” гэсэн уриатайгаар тэмдэглэн өнгөрүүлж байна.