Ерөнхийлөгчийн сонгуулийн тухай хуулийг бие даасан байдлаар өргөн барьсантай холбогдуулж Сонгуулийн Ерөнхий хорооны дарга Ц.Содномцэрэнгээс асуудлыг тодрууллаа.
-Ерөнхийлөгчийн сонгуулийн тухай хуулинд өөрчлөлт оруулах саналыг СЕХ-ноос гаргасан гэж ойлгож болох уу?
-Сонгуулийн төв байгууллагын тухай хуулинд сонгуультай холбоотой саналыг Сонгуулийн ерөнхий хороо гаргаж УИХ-д хүргүүлнэ гэсэн заалттай. Мөн УИХ-ын намрын чуулганы хэлэлцэх асуудлын дараалалд сонгуулийн тухай хуулинд нэмэлт өөрчлөлт оруулахаар тусгасан. Энэ хүрээнд Н.Энхболд нарын гишүүд хамтарч одоогийн хуулийн төслийг өргөн барьсан. Тиймээс хуулийн төсөлтэй холбогдуулж Сонгуулийн Ерөнхий хороо саналаа хүргүүлсэн юм.
-Уг хуулийн төсөлд зохион байгуулалтын чанартай хэд хэдэн өөрчлөлт туссан гэсэн тайлбарыг зарим гишүүдээс өгч байсан. Ямар өөрчлөлт туссан гэсэн үг вэ?
-Хуулинд зарчмын чанартай томоохон өөрчлөлт ороогүй. Том өөрчлөлт гэвэл нэгдсэн хуулиасаа Ерөнхийлөгчийн сонгуулийн тухай хуулийг салгаж, бие даасан хууль болгож байгаагаараа онцлогтой.
Түүнчлэн нэгдсэн хуулинд орхигдуулсан зүйл заалт цөөнгүй байсан. Тодруулбал, сонгууль өгөх эрх бүхий иргэдийг орхигдуулсан тал бий. Энэ заалтыг хуулийн төсөлд нэмж оруулсан. Батлан хамгаалах яамны шугамаар алба хаагчдыг бүртгэхээр хуульчилсан бол хилийн цэргийнхнийг бүртгэх эсэх нь тодорхойгүй байсан.
-Бие даагч гишүүн С.Жавхлан парламентад суудалгүй намд элсээд тухайн нам нь парламентад суудалтай нам болж улмаар Ерөнхийлөгчид нэр дэвшиж болох уу?
-Болохгүй гэдгийг Улсын Дээд шүүх тайлбарласан.
-Сонгууль болохоос зургаан сарын өмнө Сонгуулийн тухай хуульд өөрчлөлт оруулж болохгүй гэсэн заалтыг хуулиндаа оруулаагүйгээс нэлээн дуулиан тарьж байсан. Одоогийн энэ хуульд таваас доошгүй сарын өмнө хуулинд өөрчлөлт оруулж болохгүй хэмээн тусгаж байгаа нь олон улсын жишигт нийцэж байна уу?
-2016 оны УИХ-ын сонгуулийг ажигласан Европын аюулгүй байдал хамтын ажиллагааны байгууллагын эцсийн тайлан СЕХ-нд ирсэн. Сонгууль товлон зарласнаас хойш сонгуулийн хуульд өөрчлөлт оруулж байгаа нь буруу юм. Ийм учраас үүнийгээ засч хуучин хэвэнд нь оруулах хэрэгтэй гэсэн зөвлөмж өгсөн.Тэр зөвлөмжийн дагуу сонгууль товлон зарласнаас хойш Ерөнхийлөгчийн сонгуульд өөрчлөлт оруулахыг хориглоно гэсэн заалт оруулсан.
-Сонгуулийг хэзээ товлож байна вэ?
-Хэзээ товлох нь УИХ-ын бүрэн эрхийн асуудал. Ерөнхийлөгчийн сонгуулийн тухай хууль батлагдвал сонгуулиа товлоно.
“Хөдөлмөр, нийгмийн зөвшлийн гурван талт үндэсний хороо”-ны өнгөрсөн оны дөрөвдүгээр сарын 20-ны өдрийн хуралдаанаар хөдөлмөрийн хөлсний доод хэмжээг 25 хувиар буюу 240 мянган төгрөг байхаар тогтоосон.
Сүхбаатар дүүргийн Засаг даргын Тамгын газар Нийслэлийн шүүхийн шийдвэр гүйцэтгэх газар болон Сүхбаатар дэвшил ОНӨААТҮГ хамтран ажиллах гурвалсан гэрээтэй.
2017 оны хүндийн өргөлтийн насанд хүрэгчдийн УАШТ Спортын төв ордонд эхэлж, медальтнууд тодорч эхэллээ. Хүндийн өргөлтийн эмэгтэйчүүдийн 48кг-д төрөлжсөн сургалттай биеийн тамир спортын дунд сургууль, “Аврагч” спорт хорооны тамирчин Б.Тунгалаг алтан медаль хүртлээ. Мөн эмэгтэйчүүдийн 53кг жинд нийлбэр дүнгээр Ч.Нямзул түрүүлсэн байна.
Монгол Улсаас БНТУ-д суугаа Элчин сайд Б.Батхишиг Туркийн хамтын ажиллагаа, хөгжлийн агентлагийн /ТИКА/ дарга Сердар Чамтай 2016 оны 12 сарын 30-ны өдөр уулзаж, хоёр улсын эдийн засгийн харилцаа болон Монгол, ТИКА-гийн хамтын ажиллагааны талаар ярилцав.
Монголбанкны Ерөнхийлөгчийн 2016 оны 10 дугаар сарын 25-ны өдрийн А-295 дугаар тушаалаар “Орон сууцны ипотекийн санхүүжилтийн журам”-ыг шинэчлэн баталсан бөгөөд, тус журмын дагуу санхүүжилтээ хэвийн олгож байна гэж Монгол банкнаас мэдээлэв.
Монгол Улсын Их Хурлын 2017 оны 1 дүгээр сарын 06-ны өдрийн чуулганы нэгдсэн хуралдаанд Монгол Улсын Ерөнхий сайд Ж.Эрдэнэбат “Хүнсний хангамж, аюулгүй байдлыг хангах чиглэлээр Засгийн газраас авч хэрэгжүүлж байгаа арга хэмжээ”-ний талаар мэдээлэл хийнэ.
Өчигдөр нээлтээ хийсэн “Амьдралоги” романтик, инээдмийн уран сайхны киноны гол дүрд тоглосон Б.Янжиндулам БНСУ-ын Урлагийн үндэсний их сургуулийн шилдэг оюутан болжээ.
Мал тооллогын урьдчилсан дүнгээр улсын хэмжээнд 61.5 сая толгой мал тоологдон дээд хэмжээндээ хүрсэн нь өмнөх оныхоос 5,5 сая толгой мал буюу 9.9 хувиар өссөн дүнтэй байна. Төв аймгийн хэмжээнд нийт 4.7 сая толгой мал тоолуулснаас 382 мянган толгой адуу тоолуулж адуун сүргээрээ Төв аймаг улсдаа тэргүүлсэн байна. Мөн 2400 толгой хонь тоологдон, улсын хэмжээнд хонин сүргээрээ гуравдугаарт бичигджээ. Мал тооллогын 2016 оны дүнгээр сүрэгт хонины эзлэх хувь 0.7 хувиар өсөж, үхэр ямааных 0.2-0.5 хувиар буурч, адуу тэмээний эзлэх хувь өссөн байна.