Month: November 2016

Categories
мэдээ нийгэм

Цочир хүйтний үеэр сурагчдыг амраахгүй гэв

Улсын Онцгой комиссын хуралдаан өчигдөр Төрийн ордонд болсон билээ. Хуралдаанд Цаг уур, орчны шинжилгээний газар ирэх саруудын цаг агаарын төлөв байдлын талаар мэдээлэл хийсэн юм.

Цаг уур, орчны шинжилгээний хүрээлэнгээс өгсөн мэдээллээр энэ сарын 17-оос 25-ныг хүртэлх хугацаанд манай оронд сүүлийн 10 гаруй жилд ажиглагдаагүй онцгой хүйтэн буюу хасах 40-өөс 47 хэмийн хүйтэн болох төлөв гарчээ. Энэхүү цочир хүйтний үеэр ЕБС-уудыг хичээллэхгүй байх саналыг эцэг, эхчүүдийн зүгээс гаргаад байгаа юм.

Албан эх сурвалжийн мэдээлснээр энэ хугацаанд сурагчдыг амраах шийдвэр гаргаагүй аж. Үүнд эцэг эхчүүд шүүмжлэлтэй хандаж байна.

Categories
мэдээ нийгэм

Нийтийн тээвэрт явж байгаа том оврын автобусны осол буурахгүй байна

Өчигдөр нийслэлийн хэмжээнд зам тээврийн ослын 398 дуудлага бүртгэгджээ. Автобусны жолооч хүн мөргөж, гэмтээсэн хоёр ч осол гарсан байна. Тухайлбал, МУБИС-ийн баруун урд уулзварт “Нийслэлийн зорчигч тээврийн нэгтгэл” ОНӨААТҮГ-ын Daewoo BS106 автобусны жолооч Г нь хоёр явган зорчигчийг мөргөж гэмтээсэн байна.

Мөн Нийслэлийн зорчигч тээврийн нэгтгэл” ОНӨААТҮГ-ын Daewoo BS106 автобусны жолооч О нь Нарантуул зочид буудлын урд замд 46 настай эмэгтэй мөргөж гэмтээжээ.

Нийтийн тээврийн үйлчилгээнд өнөөдрийн байдлаар 37 аж ахуйн нэгж компани явж байна. Тэгвэл энэ оны эхний 10 сарын байдлаар 37 аж ахуйн нэгжийн 27 нь зам тээврийн осол гаргажээ. Энэ дундаас “Автобус нэгтгэл” компани 112 удаа зам тээврийн осол гаргаснаараа нэгдүгээрт бичигдэж байна. Үүний араас “Тэнүүн Огоо”, “Эрдэм транс” компанийн автобус осол ихээр гаргажээ.

Энэ хугацаанд нийтийн тээврийн автобустай холбоотой 497 мөргөлдсөн, шон мөргөсөн гурав, онхолдсон нэг, явган зорчигч мөргөсөн 64 тохиолдол бүртгэгдсэн байна. Улмаар нийтийн тээврийн автобусны ослын улмаас 10 сарын дотор зургаан хүний амь нас эрсэджээ. Үүнээс гурав нь автобусанд зорчиж явсан, нөгөө гурав нь явганаар замын хөдөлгөөнд оролцсон байна.

Categories
мэдээ улс-төр

МАН-ын сайдууд зодолдсон гэв үү

Хэд хоногийн өмнө Засгийн
газрын хоёр сайд хоорондоо ам мурийж, асуудал нь нэлээд хурц хэлбэрт шилжсэн
гэх мэдээлэл цацагдав. Зарим мэдээлэлд дурдсанаар “зүгээр ч нэг жижиг маргаад,
цохилцоод өнгөрөөгүй, оёдол тавиулаад амжсан” гэх. Тэгвэл энэ асуудал үнэн эсэхийг
МАН-ын зарим гишүүн үгүйсгэхгүй байгаа аж. Чухам ямар асуудлаас
болж хэн, хэн зодолдсон гэдгийг нам дотроо ихэд нууцалж байгаа гэнэ.

Categories
булангууд мэдээ шинжлэх-ухаан-технологи

Хуучин гэрэл зурагнуудаа гар утсаар “сканердах” боломжтой боллоо

Google компани өнөөдрөөс PhotoScan нэртэй аппликэшнийг Android, iOS системүүдэд зориулан гаргалаа.

Уг аппликэшн нь таны гэр бүлийн цомогт байгаа хуучин гэрэл зурагнуудыг чанартайгаар “сканердаж” гар утсанд оруулах юм. Ингэхдээ зургийг хэсэг хэсгээр хуулаад дараа нь machine learning технологийн тусламжтайгаар эвлүүлж, нэгэн бүхэл гэрэл зураг болгодог.

Өмнө нь та гар утасны камераар цаасан дээр байгаа зургийг авахад гэрэл ойсон, чанар муу, тэгш хэмтэй бус зураг бий болдог байсан. Тэгвэл энэхүү аппликэшн нь энэ бүх асуудлыг шийдэж өгсөн байна.

Аппликэшнийг эхлээд ажиллуулаад оруулах зураг руу чиглүүлэхэд дөрвөн хэсэг цэг гарч ирнэ. Тэдгээр цэгүүд дээр ээлж ээлжээр камераа шилжүүлэхэд зургийг бүхэлд нь оруулж дуусах юм.

Ганцхан хувь үлдсэн, үрэгдэж гээгдэх магадлалтай, ховор гэрэл зургуудаа ийм аргаар дижитал болгож болохоор болжээ.


Categories
мэдээ нийгэм

71-р сургуулийн халаалт зогсоод 14 хонож байна

СБД-гийн 71-р сургуулийн халаалт зогсоод 14 хонож байна гэлээ. Дөрвөн давхар энэ сургуульд 1314 сурагч хичээллэдэг аж. Уурын зуух нь 2006 онд ашиглалтад орсноос хойш ямар ч засвар хийгээгүйгээс уурын зуухын тогоо нь цоорч 11 дүгээр сарын 2-д халаалт нь бүрэн зогсжээ. Ингээд усан халаагуур тависан ч хангалтгүй байгаа учир хүүхдүүд нь гадуур хувцастайгаа хичээллэж байна. БСШУ-ын сайд 50 сая төгрөг гаргаж өгсөн гэнэ. БСШУ-ы дэд сайд Ё.Отгонбаяр асуудлыг шийдэж өгнө гэжээ. Харин тус сургуулийн багш, сурагчид энэ долоо хоногтоо шийдэж өгөхгүй бол ойрын үед 47 градус хүрч хүйтэрнэ гэж байгаа үед сургалтын үйл ажиллагаа явуулах ямар ч боломжгүй болно гэж үзэж байгаа юм байна.

О.ӨНӨР

Categories
мэдээ улс-төр

Сонгуулийн зөрчлийн талаар мэдээлнэ

УИХ-ын гишүүн Л.Болд хэвлэлийн хурал зарлалаа. Тэрбээр Сум, дүүргийн сонгуулийн зөрчлийн талаар мэдээлэх юм байна. Хэвлэлийн хурал Төрийн ордонд14.00 цагт болно. Түүнчлэн өнөөдөр Төрийн байгуулалтын байнгын хорооны хуралдаанаар орон нутгийн сонгуулийн талаар мэдээлэл хийх юм.

Categories
гадаад мэдээ

Нигерт 75 мянган хүүхэд өлсөж үхэх эрсдэлтэй байна

nigerya

НҮБ-аас Нигерийн зүүн хойд нутагт ойрын хэдэн сарын хугацаанд 75 мянга орчим хүүхэд өлсөж үхэх эрсдэлтэй байна гэж мэдэгдсэнийг ВВС уламжлав. НҮБ-ын хүмүүнлэгийн асуудал хариуцсан мэргэжилтэн Питер Лундбергийн мэдэгдсэнээр, “Боко Харам” босогчдын бүлэглэлийн түшиц газар байсан тус бүс нутагт нийтдээ 14 сая хүнд хүмүүнлэгийн тусламж хэрэгтэй байгаа аж.

Тэрээр мягмар гаригт Нигери улсын нийслэл Абужа хотод мэдэгдэл хийх үеэрээ “Энэ хямралыг шийдвэрлэх хангалттай санхүүжилт НҮБ-д байхгүй” хэмээн цохон тэмдэглээд, “Хүмүүнлэгийн тусламж хэрэгтэй 14 сая хүн, тэдний дотор 400 мянган хүүхэд байна. Хэрвээ бид яаралтай ямар нэгэн арга хэмжээ авахгүй бол ойрын хэдэн сарын дотор 75 мянган хүүхэд өлсөж үхэх эрсдэл нүүрлээд байна” гэжээ.

2009 оноос “Боко Харам” бүлэглэл Нигерийн зүүн хойд нутгийн Борно муж болон бусад газарт халдлага үйлдэж эхэлснээс хойш хэдэн арван мянган хүн амь үрэгдэж, хоёр сая гаруй хүн орон гэрээсээ дүрвэсэн байна. Өнгөрсөн долдугаар сард НҮБ-аас Борно мужид 250 мянган хүүхэд хоол тэжээлийн дутагдалд ороод байна хэмээн анхааруулжээ.

Categories
мэдээ улс-төр

МАН-ын бүлэг хуралдаж дуусчээ

УИХ дахь МАН-ын бүлэг өнөөдрийн байнгын хороодоор хэлэлцэх асуудлын талаар хуралдсан байна. Тодруулбал, зарим асуудалд байр сууриа нэгтгэх шаардлага байсан учир Байнгын хороодын хуралдааныг үдээс хойш хуралдуулахаар болжээ.

Үдээс хойш Эдийн засаг, Төрийн байгуулалт, Хууль зүйн байнгын хороод хуралдах юм. Хуралдаанаар Төрөөс мөнгөний бодлогын талаар 2017 онд баримтлах үндсэн чиглэл батлах тухай” Улсын Их Хурлын тогтоолын төсөл /Монголбанк 2016.09.29-ний өдөр өргөн мэдүүлсэн, эцсийн хэлэлцүүлэг/; “Монгол Улсын эдийн засаг, нийгмийг 2017 онд хөгжүүлэх үндсэн чиглэл батлах тухай” Улсын Их Хурлын тогтоолын төсөл /Засгийн газар 2016.10.27-ны өдөр өргөн мэдүүлсэн, анхны хэлэлцүүлэг/;

Төмөр замын тээврийн талаар төрөөс баримтлах бодлогын хэрэгжилт, төмөр замын транзит тээврийн байдал, тулгамдсан асуудлуудын талаар Зам, тээврийн хөгжлийн сайдын мэдээллийг сонсох аж.

Мөн Монгол Улсын иргэний харьяаллын тухай хуулийн шинэчилсэн найруулгын төсөл, Монгол Улс дахь Хүний эрх, эрх чөлөөний байдлын талаархи Хүний эрхийн үндэсний комиссын 15 дахь илтгэлийг сонсох юм байна.

Categories
гадаад мэдээ

Афганистан, Иракт алба хаасан америк цэргүүд аймшигт өвчин тээж ирдэг хэмээн мэдээлжээ

АНУ-д лейшманиоз буюу хүн амьдаараа зомби болж хувирах аймшигт шинж тэмдэг бүхий өвчний тохиолдол их гаргах болжээ. Уг өвчин нь шимэгч хорхойноос үүдэлтэй бөгөөд халуун болон дулаан бүсийн орнуудад тархсан нэгэн төрлийн шумуулаар хүний биед халдварладаг ажээ. Афганистан, Иракт байлдаж байсан америк цэргүүд эх орондоо буцахдаа өвчнийг тээн ирж байгаа юм байна. Тэднээс гадна, Төв болон Өмнөд Америкт аялсан эко жуулчид энэ өвчнөөр өвчлөх тохиолдол олон байгаа ажээ.

Уг өвчнийг үүсгэдэг нэг эст лейшман нь үхдэл, сэгэнд ихээр агуулдагддаг юм байна.“Лалын улс” бүлэглэл хүний амь хөнөөснийхөө дараа гудамжинд хаа, хамаагүй хаяж орхидог нь өвcний дэгдэлт ихсэхэд тодорхой хэмжээгээр нөлөөлж байгаа гэсэн гаргалгааг АНУ-ын эрдэмтэд хийсэн аж.

Оклахома, Техас мужид сүүлийн нэг сарын дотор хэдэн арван хүн лейшманиоз өвчнөөр өвдсөн нь Эрүүл мэндийн яамнаас анхааруулга гаргахад хүргэжээ. Яамнаас Ойрхи дорнод, Өмнөд, Төв Америкийн орнуудад зорчигсдод шумуулнаас хамгаалах тос заавал авч явж хэрэглэхийг зөвлөх болсон байна.

Categories
мэдээ нийгэм

Бусдын биеийг үнэлүүлж байсан этгээдүүдийг шалгаж эхэлжээ

Өнгөрсөн амралтын өдрүүдэд Улаанбаатар хотын цагдаагийн газар, Гэмт хэргээс урьдчилэн сэргийлэх хэлтсээс нийслэл хотын гудамж талбайд наагдсан “Саун, массаж, спа” гэх зарын дагуух үйл ажиллагаанд шалгалт хийсэн байна.

Шалгалтын явцад 1398 зар хуулж авсан бөгөөд эдгээр зарыг өгсөн 84 иргэнийг rap утас эзэмшигчийн дугаараар илрүүлэн шалгаж эхэлжээ. Мөн Баянзүрх дүүрэгт саун массаж ажиллуулж, ард нь иргэдийн биөийг үнэлүүлж байсан хоёр иргэнд эрүүгийн хэрэг үүсгэн шалгаж буй юм байна. Энэ төрлийн гэмт хэргийн гаралт нууц далд хэлбэрт шилжжээ.