Өнөөдөр Монголын Марктингийн холбооноос санаачлан жил бүр зохион байгуулдаг “Смарт-2016” форум болж амжилттай өндөрлөлөө. Энэхүү форумын үеэр тавьсан илтгэлийн хэсгээс та бүхэндээ сонирхуулж байна. Маркетингийг амжилттай хийхийн тулд хүний үнэ цэнэт зүйлийг хэрхэн ашиглах талаар оновчтой хийгдсэн жишээн дээр тулгуурлан энэхүү илтгэлээ бэлтгэжээ.
Бизнесийн орчин гэдэг бол хүмүүсийн ажиллаж амьдарч байгаа орчин юм. Энэ орчинд компаниуд байнгын өрсөлдөөнд ажилладаг. Харин “Макдоналдс” компани нэг өдөр ч гэсэн энх тайван байя гэсэн санааг сурталчилгаандаа ашигласан байна. Энэ нь энх тайвныг хүсэмжлэх хүн бүрийн дотоод хүсэл дээр тулгуурлажээ. Ингээд маркетингийн энэ ажлаа энхтайвны өдөр цацаж тухайн брэнд бүтээгдэхүүнээ сурталчлах боломжийг олж харснаараа амжилттай болсон юм.
Хоёр дахь чухал зүйл бол хүмүүсийн амьдралд брэнд бүтээгдэхүүнийг тухайн хүний амьдралд үр ашиг өгөх үнэ цэнэтэй зүйл юм гэдгийг мэдрүүлэх юм. Жишээ нь нэгэн амжилттай болсон сурталчилгаан дээр зургийн хэрэгслийг сурталчлахдаа хүүхдийн бүтээлч сэтгэхүйг харуулж зураг зурж байгаа тухай харуулсан. Энэ нь хүүхэд гэдэг өөрөө гэр бүлд үнэ цэнэтэй байдаг. Нөгөө талаар эцэг эхчүүд хүүхдүүдийнхээ бүтээлч байдлыг өсгөхийг хүсдэг. Ингэснээрээ тэднээр бахархах бахархалыг нь бий болгосноороо энэхүү компанит ажил үр дүнтэй болсон байна. Тиймээс маркетерууд маань бодох хэрэгтэй. Хэрэглэгчдэд ямар үнэ цэнэ өгөх вэ, юуг дэмжиж байгаагаа мэдэж хийх хэрэгтэй болж байна.
Гурав дахь чухал зүйл бол мэдээж технологийн хөгжил. Ээж аавуудын хувьд хүүхдийнхээ дархлааг сайжруулж өвтгөхгүй байна гэдэг бол сэтгэл амар ажлаа хийх боломжийг олгож байдаг. Энэ үнэт зүйлийг нь ажиглаад технологийн дэвшлийг ашиглаад өдөр тутам байнга өөрийнхөө бараа бүтээгдэхүүнийг сануулах боломжийг олгосон реклам хийсэн байна. Тэгэхээр маркетеруудын ажил бол тухайн бараа бүтээгдэхүүнийг тухайн цагт нь хурдан борлуулах ажил биш юм. Хүмүүс технологи их ашиглаж байгаа энэ үед түүгээр дамжуулаад хүмүүст бараа бүтээгдэхүүнээ хүргэх нь маш чухал юм. Мөн тухайн хэрэглэгчид зориулж байнга ажилладаг боловч бодит байдал дээрээ ийм төгс байдалд шилжээгүй байгаа.
Хүн бүхэн харилцаа холбооны зуунд ажиллаж байгаа энэ нөхцөлд үйл хөдлөл бүрийг нь маш сайн мэдэж байх хэрэгтэй. Үүнийг мэдэхийн тулд “connected life” судалгааг хийж байна. Энэ судалгаагаар нэгдүгээрт хүмүүс харилцаа холбооны технологийг ашиглаад хэрхэн бие биетэйгээ холбогдож байна вэ? Хоёрдугаарт би хэрэглэгчийнхээ аль моментод нь хүрч өөрийнхөө мэдээллийг хүргэх вэ? Гуравдугаарт нь ямар контентоор юмуу, ямар дэлгэцээр хэрэглэгчтэйгээ харилцах боломжтой байна вэ? Дөрөвдүгээрт нь хэрэглэгчдээ мэдээлэл өгсний дараа тэрхүү сэдлээ яаж худалдан авалтруу шилжүүлэх вэ гэсэн дөрвөн агуулгыг тодорхой болгож өгнө.
Энэхүү судалгаагаа нь монголын 56 зах зээл дээр 70 мянган хэрэглэгчтэй нүүр тулан уулзах болон интернэтээр ярилцаж хийсэн хамгийн том судалгаа болох юм. 2016 оны судалгааг харах юм бол дэлхий ертөнц гар утсан дээр суурилсан хэрэглээн дээр тулгуурлаж байна. Амерк хүмүүс өдөрт 83 удаа интернэт рүү орж ямар нэг байдлаар харилцаа холбоо хийдэг байна. Бүр нарийвчилбал 11 минут тутамд утасныхаа түгжээг онгойлгож ямар нэг үйлдэл хийдэг байна. Энэ үйлдэл юунд зориулагдаж, ямар давтамжтай байна вэ гэдэг маркетеруудад маань маш чухал.
Интернэт ашиглаж байгаа хандалт өссөөр байгаа. Цаашдаа ч өснө. Шинэ сонирхолтой апликэйшн, сувгууд ихээр нэмэгдэж байгаа. 55-с дээш насныхан мэдээ, мэдээлэл их сонирхож үздэг бол 14-24 насныхан бие биетэйгээ харилцаа холбоо тогтоох маягаар сүлжээг их ашигладаг. Хөгжингүй орнуудын хувьд онлайн шопинг хийх маягаар илүү хэрэглээний чиглэлрүүгээ сүлжээг ашиглаж байна.
Филлипиний Маркетингийн холбооны Ерөнхийлөгч Хенри Тенедеро: Ирэх долоо хоногт Солонгосын Сөүл хотод олон улсын марктингийн шагнал гардуулах ёслол болно. Монголоос анх удаа Азийн марктингийн холбооноос зохион байгуулдаг шагнал гардуулах ёслолд монголоос оролцсон. Энэ удаагийн Сөүлд болох ёслолд “Агь” компаний “Лавшаа” брэнд оролцох гэж байна. Нийгэмд үйлчлэх гэдэг төсөл хөтөлбөрийг амжилттай хэрэгжүүлсэн туршлагаа хуваалцах юм. Энэ бүтээгдэхүүн нь хэрэглэгч болон байгаль орчиндоо чиглэснээрээ онцлог бүтээгдэхүүн болсон.
О.ӨНӨР
Нэр бүхий иргэн Үндсэн хуулийн цэцэд хандаж, Сонгуулийн тухай хуулийн 160 дугаар зүйлийн 160.5 дахь хэсэгт орон нутгийн хурлын сонгуульд нэр дэвшигчид хууль зөрчсөн тохиолдолд бусад сонгуульд нэр дэвшигчтэй харьцуулахад хэт өндөр хариуцлага хүлээлгэхээр хуульчилсан байгаа нь Монгол Улсын Үндсэн хуульд заасан хүн бүр хууль, шүүхийн өмнө эрх тэгш байх, хүнийг эрхэлсэн ажил, албан тушаалаар нь ялгаварлан гадуурхаж үл болох тухай зэрэг заалтыг зөрчсөн гэсэн мэдээлэл ирүүлсэн бөгөөд түүний дагуу Үндсэн хуулийн цэц маргаан үүсгэв.
НИТХ дахь АН-ын бүлгээс өнөөдөр өглөө мэдээлэл хийсэн. Тэд НИТХ нээлттэй үйл ажиллагаа явуулах зарчмаас ухарч, сар бүр хуралдахгүй байгаагаас Улаанбаатар хотын ажил амьдрал, бүтээн байгуулалт тасалдаж байна гэж мэдээлсэн. Үүнтэй холбоотойгоор НИТХ-ын Тэргүүлэгчдийн нарийн бичгийн дарга М.Буяндэлгэр мэдээлэл хийлээ.
Улсын Их Хурлын гишүүн, Байгаль орчин, хүнс, хөдөө аж ахуйн байнгын хорооны дарга Ц.Гарамжав, Улсын Их Хурлын гишүүн, тус байнгын хорооны гишүүн Б.Батзориг, А.Сүхбат нар өнөөдөр Ус сувгийн удирдах газрын харьяа Төв цэвэрлэх байгууламжийн үйл ажиллагаатай танилцлаа.
Монгол Улс оны эхний найман сард 20.4 сая ам.долларын самнасан ноолуур экспортолсон нь өмнөх оны мөн үеэс 14.7 хувиар буурсан талаар Үндэсний Статистикийн Хорооноос мэдээллээ. Үүнээс хамгийн их буюу 15.4 сая ам.долларын үнэ бүхий ноолуурыг Итали улсад экспортолжээ. Энэ нь Нийт экспортын 76 хувийг бүрдүүлж байна. Харин 10.7 хувь буюу 2.2 сая ам.долларын ноолуурыг Их Британид, 8.1 хувь буюу 1.6 сая ам.долларын самнасан ноолуурыг БНХАУ-д экспортолжээ. Монгол Улсын хувьд боловсруулсан ноолуурын гол зах зээл нь Итали, Их Британи зэрэг Европын орнууд байгаа ба “Ханбогд кашмер”, “Говь” зэрэг компани бүтээгдэхүүнээ экспортод гаргаж байгаа аж. Харин Монгол, Японы Эдийн засгийн түншлэлийн хэлэлцээр хэрэгжиж эхэлсэнтэй холбоотойгоор Монголоос Японд экспортлох ноолуур, ноолууран бүтээгдэхүүний хэмжээ нэмэгдсэн байна. 2016 оны эхний найман сард нийт 293.1 мянган ам.долларын самнасан ноолуур Японд экспортолсон нь жилийн өмнөхтэй харьцуулахад 3.7 дахин өссөн талаар Үндэсний Статистикийн Хорооноос мэдээллээ.
Эдийн засгийн түншлэлийн хэлэлцээрийн хүрээнд гаалийн тарифын хөнгөлөлт эдэлж бүтээгдэхүүнээ экспортод гаргах хүсэлтэй 20 гаруй компани МҮХАҮТ-аас 100 гаруй төрлийн гарал үүслийн гэрчилгээ аваад байгаа аж. Ялангуяа ноолууран бүтээгдэхүүн голлох хувийг эзэлж, “Говь”, “Буян” компаниуд бүтээгдэхүүнээ экспортлоод байна. “Говь” компанийн хувьд Европоос гадна ОХУ-ын зах зээлд гаргах экспорт нь нэлээд жин дардаг. Самнасан ноолуурын экспорт биет дүнгээрээ 308.8 тоннд хүрсэн нь 2015 оны эхний найман сартай харьцуулахад 2.8 хувиар буурсан дүн болж байна.
Монгол Улсаас БНЧУ руу 2016 оны эхний хагас жилийн байдлаар 140 сая ам.долларын бүтээгдэхүүн экспортолсон байна. Харин импортын дүн тайлант хугацаанд 44 сая ам.доллар 
БСШУСЯ-наас 2016 оны судалгааны тэтгэлгийг эрдэмтэнд“Докторын дараах судалгаанд сайдын нэрэмжит инновацийн тэтгэлэг олгох” журмын дагуушилдэг 10 залуу эрдэмтэнд тэтгэлэг олгожээ. Тодруулбал, БСШУС-ын сайд Ж.Батсуурь өнөөдөр буюу есдүгээр сарын 14-нд шагналыг гардуулж өглөө. Манай улсын шилдэг 10 залуу эрдэмтэд шинжлэх ухаан, инноваци шингээсэн бүтээлч аж үйлдвэрлэлийг эх орондоо хөгжүүлэхэд судалгаагаа чиглүүлж, тодорхой үр дүнд хүрэхийг хичээнэ гэдгээ илэрхийлэв. Энэхүү тэтгэлгийн хэмжээ 10 сая төгрөг бөгөөд 45 хүртэлх насны залуу эрдэмтэд шалгаруулалтад оролцдог аж. Мөн залуу эрдэмтдийн судалгааны ажлын чанарыг дээшлүүлэх, олон улсын түвшинд хүрсэн судалгааны ажлыг эхлүүлэх, оюуны өмчөөр баталгаажсан шинэ бүтээгдэхүүн, үйлчилгээг бий болгоход чиглэгдэх юм. Сайдын нэрэмжит инновацийн тэтгэлгийг 2010 оноос хойш нийт 66 шилдэг залуу судлаачид хүртсэн ажээ. Дээрх шилдэг арван залуу эрдэмтэнд ШУТИС-ийн залуу эрдэмтэн Г.Мөнхсайхан“Молибденитын гадаргууд нанолитографи хийх технологи” бүтээлээр, МУИС-ийн залуу эрдэмтэн О.Алтансүх“Монгол орны намхархаг газрын тоон мэдээллийн сан үүсгэх, түүнийг хиймэл дагуулын мэдээгээр таних технологийн боломж” зэрэг бүтээлээр шалгарчээ.Эдгээр шилдэг арван залуу эрдэмт
Лондон хотын
Гадаад Харилцааны Яамны Дипломат Байгууллагын Үйлчилгээ Эрхлэх газрын 65 жилийн ойн баярын шатрын тэмцээн боллоо. Уг тэмцээнийг Монголын Шатрын Холбоотой хамтран Гадаад хэргийг бүгд эрхлэн шийтгэгч яамны Анхны тэргүүн сайд Чин Ван М.Ханддоржийн өргөөнд зохион байгууллаа. Тэмцээний нээлт, хаалтын үйл ажиллагаанд ГХЯ-ны ДБҮЭГ-ын Захирал О.Заяамандах, Дэд захирал А.Сүхбалт, Захиргаа удирдлагын хэлтсийн дарга Л.Баянмонгол болон Монголын Шатрын Холбооны төлөөллүүд оролцов. Уг тэмцээнд ГХЯ, ГАЯ, ДБҮЭГ-ын албаны ахмад, залуу, өсвөрийн шатарчид оюун ухаанаа сорьж, 1-р байрт Ж.Цэнд, 2-р байрт Х.Дорж, 3-р байрт Б.Батширэм, Өсвөрийн шатарчдын 1-р байрт Ц.Буянтогтох, 2-р байрт С.Билгүүн 3-р байрт Э.Будхүү нар тус тус шалгарлаа. Энэхүү тэмцээн нь ГХЯ-ны Дипломат Байгууллагын Үйлчилгээ Эрхлэх Газрын болон Монголын шатрын холбооны хамтын ажиллагааны эхлэл болж байгаагаараа онцлог ажээ.