Засгийн газрын ээлжит хуралдааныг өнөөдөр 16.00 цагт зарласан байсан бөгөөд дөнгөж сая эхэллээ. Уг хуралдаанаар хэлэлцэх асуудал тодорхойгүй байгаа юм. Гэхдээ цаг үеийн асуудлууд голлох болов уу гэсэн мэдээлэл байна.
Хамгийн сүүлд Засгийн газар өнгөрсөн зургадугаар сарын 28-нд ээлжит бусаар хуралдаж, “Эрдэнэт” үйлдвэрийн 49 хувийг Монголын үндэсний компани эзэмших шийдвэрийг гаргасан юм.
Ростех болон Монголын Зэс Корпораци ХХК-иуд 2016 оны зургадугаар сарын 24-ний өдөр Орос-Монголын хамтарсан хоёр уул уурхайн компани (Эрдэнэт үйлдвэр ХХК болон Монголросцветмет ХХК)-иуд дахь Ростехийн эзэмшлийн 49 хувийн хувьцааг Монголын Зэс Корпораци ХХК-д худалдах гэрээнд гарын үсэг зурав.
Рио-2016 зуны олимп эхлэхэд 30 гаруй хоног үлдээд байна. Одоогийн байдлаар манай улсаас 40 орчим тамирчин гаргасан амжилтаараа Бразил улсад болох олимпод оролцох эрхээ аваад байна. Энэ тамирчдын 10 тамирчин нь 70 жилийн түүхтэй Зэвсэгт хүчний “Алдар” спорт хорооны тамирчид багтаж байна.
Өнөөдөр ЗХЖШ-ын дарга, хошууч генерал Д.Даваа, Батлан хамгаалах яамны Төрийн нарийн бичгийн дарга, хурандаа Б.Батсайхан тэргүүтэй БХЯ, ЗХЖШ-ын удирдлага, алба хаагчид, Зэвсэгт хүчний анги байгууллагын удирдлагууд, “Алдар” спорт хорооны дарга, хурандаа Г.Өсөхбаяр болон бусад тамирчид Рио-2016 олимпод оролцох тамирчдад баяр хүргэж, хүндэтгэл үзүүллээ.
Тамирчдыг төлөөлж, зургаа дахь олимпдоо оролцохоор бэлтгэлээ хангаж байгаа Хөдөлмөрийн баатар, Монгол Улсын гавьяат тамирчин, дэд хурандаа О.Гүндэгмаа “Алтан соёмбот төрийн далбаагаа мандуулах мөч бүрт бидний ард батлан хамгаалах салбар, шилдэг дайчид байдагт баярлаж, бахархаж байна. Энэ жил түүхэндээ хамгийн олон буюу 10 тамирчин маань оролцож байгаа нь тамирчдын бэлтгэл, “Алдар” спорт хорооны удирдлагын хичээл зүтгэл байгааг илэрхийлэх байх. Хүндэтгэл үзүүлж буй явдалд баярлалаа. Бид төрийнхөө далбааг Бразилийн тэнгэрт мандуулахын төлөө хичээх болно” гэсэн юм.
“Алдар” спорт хорооны дарга, хурандаа Г.Өсөхбаяр “Манай тамирчдад БХЯ, ЗХЖШ-ын удирдлагууд, алба хаагчид баяр хүргэж хүндэтгэл үзүүлж байгаад баярлаж байна. Манай О.Гүндэгмаа зургаа дахь олимпдоо оролцох гэж байна гэдэг бол түүний тасралтгүй хичээл зүтгэл байгааг харуулж байна. Манай улсын түүхэнд анх удаагаа таеквондогийн төрлөөр Зэвсэгт хүчний “Алдар”-ын тамирчин П.Тэмүүжин оролцоно. Хүндийн өргөлтөөр анх удаа Монгол Улсын түүхэнд анх удаа олимпийн эрх авчирсан тамирчин бол бас манай хорооны тамирчин М.Анхцэцэг юм. Олимпийн олон аварга төрөх байх гэж найдаж байна. Ерөөл бат орших байх аа” гэсэн юм.
“Рио-2016” зуны олимпод оролцохоор Зэвсэгт хүчний “Алдар” спорт хорооны 10 тамирчин буудлага, чөлөөт бөх, жүдо, марафон, таеквондо, бокс, хүндийн өргөлт гэсэн спортын долоон төрөлд оролцох эрхээ гардаж, Алтан соёмбот төрийнхөө далбааг Бризали Улсын тэнгэрт мандуулахаар ийн зорих гэж байна.
1. Монгол Улсын Хөдөлмөрийн баатар, Монгол Улсын гавьяат тамирчин, дэд хурандаа О.Гүндэгмаа /буудлага/
2.Монгол Улсын гавьяат тамирчин, ахмад Г.Мандахнаран /чөлөөт/
3. ОУХМ П.Орхон /чөлөөт/
4.ОУХМ О.Үйтүмэн /чөлөөт/
5.ОУХМ Б.Мөнхзаяа /марафон/
6.ОУХМ М.Анхцэцэг /хүндийн өргөлт/
7.ОУХМ А.Цолмон /жүдо/
8.ОУХМ П.Тэмүүжин /таеквондо/
9.ОУХМ, дэд ахлагч Б.Чинзориг /бокс/
10. ОУХМ, дэд ахлагч Х.Энх-Амар /бокс/
АН-ын удирдлагууд Төрийн ордонд шуурхай мэдээлэл хийлээ. Хурлын эхэнд АН-ын дарга З.Энхболд МАН Сонгуулийн тухай хууль зөрчсөн үйлдлийн талаар мэдээлэл өгөв.
Тэрбээр “Мргааш шинэ парламентын Анхдугаар чуулган зарлагдсан. Гэхдээ Ерөнхийлөгч тус чуулганыг хийхийн өмнө УИХ-д суудалтай намуудтай зөвшилдөх ёстой. Энэ зөвшилцөх ажил хийгдээгүй байгаа учраас бид чуулганыг хийх нь зохимжгүй гэдгийг хэлмээр байна. Яагаад гэвэл олон зөрчил илэрсэн. Энэ асуудлыг Сонгуулийн ерөнхий хороо тоохгүй байгаа учраас өнөөдөр бид мэдэгдэл хийж байна” гэсэн юм.
Улмаар сонгуулийн үеэр илэрсэн зарим томоохон зөрчлийг дурдаж, МАН-ыг шалгуулах хүсэлтэй байгаагаа дуулгалаа.
–МАН-ын дарга М.Энхболд, Ц.Сандуй нарын бичлэгийг хууль, хяналтын байгууллагынхан шалгахгүй байгааг онцоллоо.
-Мөн “18 мянган сонгогч өөрийн биеэр очоогүй байхад нэрсийн жагсаалтад хамруулж, санал өгсөнд тооцсоноос гадна улсын бүртгэлд бүртгэгдээгүй 234 иргэний санал хар машинаас илүү гарсан.
-Бас канондсон саналын хуудсаар иргэдээс санал авсан зэрэг зөрчлийг дурдлаа.
Түүнчлэн “Царцааны нүүдлийг Ерөнхийлөгч, Сонгуулийн ерөнхий хороо дахин нягталж, МАН-аас хэдийг нь төрд оруулах эсэхээ шийдэх учиртай. Сонгуулийн тухай хуулийн олон заалтыг зөрччихөөд УИХ-ын гишүүн болно гэдэг утгагүй. МАН-ын гишүүд ээ. Бид шударга сонгуулийг хүсч байна. Энэ зөрчлийг шалгаж, шийдвэрлэхэд хоёр долоо хоног шаардлагатай болов уу гэж бодож байна. Хууль бус УИХ-ыг эхлүүлэхгүйн тулд шалгах хэрэгтэй. Хуулийн дагуу ажиллаач ээ төрийн байгууллагынхаан” гэв.
УИХ-ын Хууль зүйн байнгын хорооны хуралдааныг өнөөдөр хуралдуулахаар болжээ.
Удахгүй хуралдана гэх мэдээллийг УИХ-ын Хууль зүйн байнгын хорооны дарга Д.Ганбат хэллээ. Ямар асуудлыг хэлэлцэх болсон талаар лавлахад “Төрийг хууль бусаар авсан тухай хэлэлцэх гэж байна. Ардчилсан намын дарга одоохон мэдээлэл хийсний дараа УИХ-ын Хууль зүйн байнгын хорооны хуралдаан болно” гэсэн тайлбар хийлээ.
Мөн тэрбээр УИХ-ын бүрэн эрхийн хугацаа дуусаагүй байгаа учраас УИХ-ын Хууль зүйн байнгын хороо хуралдах боломжтой гэсэн юм.
Монгол, Азербайжаны хооронд тогтмол шууд нислэг үйлдэх боломжийн судалж, хэлэлцэж байгаа талаар Азербайжаны Иргэний нисэхийн Ерөнхий газраас мэдээлснийг иш татан azernews.az дамжууллаа.
Энэ асуудлаар хоёр орны иргэний агаарын тээврийн байгууллагын төлөөлөгчид Улаанбаатар хотод хэлэлцээ хийсэн байна.
Тус уулзалтын хүрээнд талууд “Азербайжан, Монгол Улс хоорондын агаарын тээврийн үйлчилгээ” гэрээний төслийг харилцан тохиролцсон талаар эх сурвалж мэдээллээ.
Сануулахад энэ оны нэгдүгээр сард Азербайжаны Ерөнхийлөгч Илхам Алиев Монгол Улсаас Азербайжанд суух Элчин сайд Б.Батхишигийн итгэмжлэх жуух бичгийг хүлээн авсан юм.
Монгол Улсын Ерөнхийлөгч Ц.Элбэгдоржийн урилгаар БНСУ-ын Ерөнхийлөгч Пак Гын Хэ 2016 оны 7 дугаар сарын 17-18-ны өдрүүдэд Монгол Улсад албан ёсны айлчлал хийнэ.
БНСУ-ын Ерөнхийлөгч Пак Гын Хэ-гийн албан ёсны айлчлал хоёр орны “Иж бүрэн түншлэл”-ийн харилцааг гүнзгийрүүлэн хөгжүүлэх, дээд, өндөр түвшний харилцан айлчлалын давтамжийг хадгалах, ялангуяа эдийн засгийн хамтын ажиллагааг эрчимжүүлэх, иргэд харилцан солилцоог нэмэгдүүлэхэд чухал ач холбогдолтой юм.
Талууд эдийн засаг, худалдаа, мэдээллийн технологи, эрчим хүч, соёл, боловсрол, эрүүл мэнд, хөгжлийн хамтын ажиллагааны салбарт хамтран ажиллах талаар болон бүс нутаг, олон улсын харилцан сонирхсон асуудлаар санал солилцоно.
Айлчлалын үеэр Ерөнхийлөгч Ц.Элбэгдорж Ерөнхийлөгч Пак Гын Хэ-тэй албан ёсны хэлэлцээ хийж, Ерөнхий сайд, УИХ-ын дарга нартай уулзана. Мөн Ерөнхийлөгч Пак Гын Хэ Монгол-Солонгосын бизнес форумд оролцож, манай улсад амьдарч ажиллаж буй солонгос иргэдийн төлөөлөлтэй уулзахаар төлөвлөж байна.
Ерөнхийлөгч Пак Гын Хэ албан ёсны айлчлалын өмнө АСЕМ-ын дээд түвшний 11 дэх удаагийн уулзалтад оролцоно. БНСУ-ын Засгийн газар АСЕМ-ын дээд түвшний уулзалтын арга хэмжээг амжилттай зохион байгуулахад тодорхой дэмжлэг үзүүлсэн болно.
Монгол, Германы улстөрч залуусын анхдугаар чуулган энэ сарын 6-15-ны өдрүүдэд Улаанбаатар хотноо болох гэж байна. Үүнтэй холбогдуулан Ханнс Зайделийн сан, Герман, Монголын хамтарсан “Отгонбаяр” сан, Бавари мужийн “CSU” намын Айхах Фриэдбэрг дэх намын залуучуудын холбооны төлөөлөгчид хэвлэлийн бага хурлыг “Өдрийн сонин”-ы “Асуух эрхийн танхим”-д хийлээ.
Монгол улс, Холбооны Бүгд найрамдах Герман улстай дипломат харилцаа тогтоосноос хойш 40 гаруй жил өнгөрсөн бөгөөд энэ хугацаанд хоёр улс боловсрол болон үйлдвэрлэлийн салбарт хамтран ажилласаар иржээ. Энэхүү харилцааг бэхжүүлэх өргөжүүлэх үүднээс хоёр улсын улс төрд бэлтгэгдэж буй залуучуудын чуулга уулзалтыг зохион байгуулах гэж байна. Тиймээс улс төрч залуучуудын уулзалтад залуусыг идэвхитэй оролцохыг зохион байгуулагчдын зүгээс уриаллаа.
АН-ын шинэчлэлийн хөдөлгөөн болон АН-ын залуучуудын байгууллагын төлөөлөл, дүүргийн ИТХ-ын зарим төлөөлөгчид Ардчилсан Намыг шинэчлэх түр хороо байгуулж буйгаа өнөөдөр мэдэгдсэн юм. Улмаар АН-ын шинэчлэлийн хөдөлгөөнөөс тус намын дарга З.Энхболдыг огцрохыг шаардаад байгаа.
Тэгвэл Ардчилсан Намын удирдлагууд Төрийн ордонд 13:30 цагт хэвлэлийн хурал зарлалаа.
“Евро-2016”-ын хасагдах шатны шөвгийн 8 багийн тоглолт өнгөрсөн амралтын өдрүүдэд явагдаж, шилдэг 4 багийн нэр тодорлоо.
Португал-Польш
Шөвгийн наймын эхний тоглолт Португал, Польшийн тоглолтоор эхэлж тус тоглолтонд Португалийн шигшээ торгуулийн цохилтоор 3:5-аар хожсон юм.
Уэйлс-Бельги
Харин дараагийн тоглолт Уэйлсийн шигшээ баг Бельгийн шигшээг буулган авч, сенсацитайгаар гарч ирсэн тоглолт байлаа.Тоглолтын эхний гоолыг Бельгичүүд оруулж 1-0 харьцаатайгаар тэргүүлж эхэлсэн хэдий ч Уэльсийн шигшээ баг гурван гоол дараалан оруулсанаар 3:1 харьцаатай ялалт байгуулж чадлаа.
Уэльсийн шигшээ баг шөвгийн дөрөвт Португалын багийн эсрэг тоглох юм.
Герман-Итали
Шөвгийн наймын хамгийн анхаарал татаж байсан Герман Италийн шигшээгийн тоглолтод “Герман машин”-ууд илүүрхлээ. Тоглолтын үндсэн цаг 1:1-ээр өндөрлөж, хоёр баг торгуулийн цохилтоор ялагчаа тодруулсан. Германчууд 6:5-аар өрсөлдөгчөө буулгаж авлаа.
Франц-Исланд
Шөвгийн наймын хамгийн сүүлийн тоглолт болох Франц болон Исландын шигшээ багуудын тоглолт болж өндөрлөлөө. Тоглолтын эхний үед 4:0 харьцаатайгаар илүүрхэж өндөрлөсөн.Тоглолтын хоёрдугаар үед Францын шигшээ баг нэг гоол оруулсан харин Исландчууд хоёр гоол оруулсан юм. Ингэснээр тоглолт 5:2 харьцаатай Францын шигшээ багийн ялалтаар дуусч дараагийн шатанд хүчирхэг Германы шигшээ багтай таарлаа.
