Өчигдөр Оросын Холбооны улсын “Олимпийн Хороо” нийтдээ 250 гаруй тамирчнаа ирэх сард болох “Рио 2016” олимпийн наадамд илгээх болсноо зарлажээ. Уг нь Олимпийн баг нь 387 тамирчинтай боловч Путины нэрлэсэн “ялгаварлан гадуурхсан” шалтгаанаар 100 гаруйг нь оролцох эрхгүй болгосон гэнэ. Эдгээрийн дотор хөнгөн атлетикийн 68 тамирчин багтаж байгаа аж. Олимпийн тамирчдыг үдэх арга хэмжээний үеэр В.В.Путин “хэзээ ч сэргээш илэрч байгаагүй Елена Исинбаева зэрэг оддыг оролцуулахгүй болсонд харамсаж байна” гэдгээ илэрхийлжээ. Мөн тэрбээр “бид сэргээштэй хэзээ ч нэр холбогдож байгаагүй тамирчдаа ялгаварлан гадуурхахыг тэвчихгүй” гэж В.В.Путин тамирчдаа “Рио-2016”-д үдэх ёслолын үеэр Кремльд хэлсэн байна. Энэ үеэр олимпийн хоёр удаагийн аварга Исинбаева нүдэндээ нулимстайгаар тамирчдыг үдэн, тэднээс “юу чаддагаа харуулах хэрэгтэй шүү” хэмээн уриалсан байна. Оросын “Олимпийн Хороо”-ны тэргүүн Александр Жуков “Рио 2016”-д явах тамирчдын бүрэн жагсаалтыг долдугаар сарын 30-нд зарлахаа мэдэгджээ.Ингэж хойшлуулсан шалтгаан нь зарим спортын холбоод, тухайлбал гимнастикийн төрлийн тамирчдын хариу ирээгүй байгаатай холбоотой аж. Энэ долоо хоногийн эхээр “ОУГХ” Оросын 21 тамирчнаас оролцох боломжтой тамирчдын жагсаалтыг гаргаж, Олон Улсын Олимпийн хорооноос эцсийн зөвшөөрлийг хүлээж байна гэж мэдэгдсэн байна.
Өнөөдөр өглөө Сүхбаатар дүүргийн нутаг дэвсгэрт нэгэн охин 12 давхраас үсэрч, амиа хорлохыг завдсан үйлдэл гарсан байна. Тэрээр 15-16 орчим настай бөгөөд СБД-ийн 11-р хорооны “Хангай” хотхоны 502 тоот байрны 12 давхрын дээвэр дээрээс үсэрсэн байна. Онцгой байдлын аврах албаныхан иргэдийн өгсөн мэдээллийн дагуу ослын газарт шуурхай ажиллаж, анхны тусламжийг яаралтай үзүүлснээр охины амийг аварсан бөгөөд 09.35 цагийн үед Гэмтэл согог, судлалын үндэсний төвийн хүлээн авах тасагт аваачжээ.
Дэлхийн хошой аварга, Олимпийн хүрэл медальт, Монгол Улсын гавьяат тамирчин С.Батцэцэгийн тухай “Батцэцэг-Монгол хатан” хэмээх баримтат кино “Youtube.com” сайтад өнгөрсөн лхагва гаригт байршин, олны хүртээл болжээ. Дэлхийн чөлөөт бөхийн нэгдсэн холбооноос бүтээсэн энэхүү кинонд гавьяат тамирчны нутаг ус, ижий аав, төрсөн гэр зэргийг нь харуулсан байна.
…Хөлөө дэвслэн, хөмхийгөө зуун бухимдаж харагдана, хэсэг бүлэг нөхөд. Өрсөлдөгчид хийгээд өрсөлдөөнт зах зээлийн талаар өчүүхэн төдий хардалт төрүүлээгүй олон жилийн бизнест нь гэнэтийн саад уул мэт урд нь босоод ирсэнд уурсаж байгаа нь энэ. “Эрдэнэт” хэмээх шавхраагүй их баялгаар түнтийж бүдүүрсэн дэлгээтэй хэтэвчинд хуруу шургуулан олз хамах эрхгүй болсонд хорсон байж дэвсэлж байгаа нь үнэндээ өнөө цагийн Монголын нэг цөхрөл, доройтол юм.
“Аз жаргалын эрэлд” номыг зохиогч Д.Мөнх-Эрдэнэтэй номынх нь талаар товч ярилцлаа.
Улаанбаатар хотын төмөр замын хоёрдугаар ангиас долдугаар сарын 29-ний 22:00 цагаас 30-ны 07:00 цагийн хооронд 396 дугаар км-ийн гарам буюу Таван шарын төмөр замын гармаар нэвтрэх тээврийн хэрэгслийн хөдөлгөөнийг бүрэн хааж засвар үйлчилгээ хийхээр болжээ. Иймд дээрх хугацаанд уг замаар зорчих жолооч нар өөр бусад замыг сонгох, орон нутгаас Улаанбаатар хотыг чиглэн орж ирэх хот хоорондын нийтийн зорчигч тээврийн хэрэгслүүд 4 дүгээр цахилгаан станцын замыг сонгож явахыг анхааруулж байна гэж Автотээврийн үндэсний төвөөс мэдээллээ.
“Найрсаг Улаанбаатар” хөтөлбөрийн хүрээнд Монголын бурханы шашны сүм хийдүүд, Нийслэлийн ЗДТГ-тай хамтран “Хүрээ цам-Даншиг наадам” шашин соёлын наадмыг ирэх сарын 6, 7-нд “Хүй долоо худагт”-т зохион байгуулна. Уг наадмын хөтөлбөрийг танилцуулж байна.
Тэрээр жирийн л нэг хөдөөний хүү байв. Түүний ээж аав нь ногоо худалдаалж амь зуудаг харин Болт ахынхаа хамт өдөржин гудамжинд хөл бөмбөг тоглож цагийг өнгөрүүлдэг байжээ. Хүүхэд байхдаа хөнгөн атлетикийн тухай огтхон ч боддоггүй байсан байна. Гэвч амжилтад хүрсний дараа түүний амьдрал эрс өөрчлөгдөж хамгийн сайн найз, туслах НЖитэйгээ Кингстон дахь гурван унтлагын өрөөтэй тансаг байрандаа тогоочоороо хоолоо хийлгэн, ханхар залуусаар бие хамгаалуулан амьдрах болсон гайхалтай түүхтэй. Пума брэндтэй байгуулсан 20 сая ам.долларын гэрээ нь түүнийг ингэж хангалттай амьдруулах болсон байна.
Шив шинэхэн алтлаг өнгийн Nissan GT-R. Тэр бараг л над шиг хурдан. 
Тэрбээр дөрвөн жилийн дараа Лондонгийн олимпоос мөн эдгээр төрөлдөө дахин алтан медалийн эзэн болсноор олимпоос зургаан алтан медальтан болжээ. Түүний дээд амжилт нь 2012 онд Лондонгийн олимпод тогтоосон 100 метрт 9.63 секунд юм.
Усэйн Болт нь 1986 оны наймдугаар сарын 21-нд Ямайк улсад төрсөн. Тэрбээр 15 настай байхдаа Ямайкийн Кингстонд болсон өсвөрийн аварга шалгаруулах тэмцээнд түрүүлж алтан медаль авсан нь түүний анхны амжилт байлаа. Үүний дараа түүнийг олон улсын хөнгөн атлетикийн холбоо хүлээн авч түүнд “Ирээдүйн од” шагнал гардуулснаас хойш “Цахилгаан Болт” нэрээр алдаршсан билээ. 
Тэрбээр шөрмөсөө гэмтээсэн ч 2004 онд Ямайк улсаас олимпод орох тамирчны тоонд орсон юм. Болт 2005, 2006 онд дэлхийн топ таван амжилтанд хүрээд байлаа. Харамсалтай нь гэмтэл нь хүндэрсний улмаас бүрэн эдгэтэл дараагийн тэмцээнүүдээс нь чөлөөлж байжээ. 
2007 онд улсынхаа 200 метрийн рекордыг эвдэхээр зорьж байсан ч 30 настай Доналд Куэйррид ялагдан мөнгөн медалийг хүртжээ. Дараа нь тэрбээр Япоын Осакад болсон дэлхийн аварга шалгаруулах тэмцээнд оролцож хоёр дахь мөнгөн медалиа авчээ. Энэ нь түүнд урам зоригийг өгч цаашдын амжилтын гараагаа бататгахад нь тус нэмэр болсон байна. 
2012 оны олимпийн 200 метрт түрүүлснийхээ дараа телевизэд өгсөн ярилцлагадаа “Энэ бол миний хүрч болох дээд амжилт. Би одоо домог болсон. Би цаг үеийнхээ хамгийн агуу тамирчин. Одоо надад өөр тогтоох амжит үлдээгүй” гэжээ. Тэрээр 2011 онд алдаад байсан дэлхийн аваргаа 2013 оны наймдугаар сарын 11-нд нөхөж авсан юм. Түүний өөрийгөө илтгэх нэрийн хуудас нь “Цахилгаан Болт” хоч болон энэхүү поз юм. 
Баян-Өлгий аймгийн Өлгий суманд 2016 оны долдугаар сарын 10-ны өдөр орсон хүчтэй аадар бороо, мөндрийн улмаас учирсан хохирлыг цаг алдалгүй даван туулах ажлын хүрээнд улсын нөөцөөс гаргасан гэр, хүнс, бараа, материал, тэдгээрийг тээвэрлэн хүргэсэн тээврийн зардал болон Баян-Өлгий аймагт ажилласан Улсын онцгой комиссын ажлын хэсгийн томилолт, нислэгийн зардалд шаардах хөрөнгийн асуудлыг Засгийн газрын өчигдрийн /VII.27/ хуралдаанаар шийдвэрлэлээ. Баян-Өлгий аймгийн гамшигт өртсөн иргэдэд шаардлагатай нийт 329 сая 512 мянган төгрөгийн санхүүжилтийн асуудлыг шийдвэрлэхийг Сангийн сайд Б.Чойжилсүрэнд, Улсын нөөц сангаас олгосон иж бүрэн 70 гэр, хүнсний бараа, материал, ариутгал, халдваргүйжүүлэлтийн бодисыг 2016 оны IV улиралд багтаан нөхөн бүрдүүлэхийг Монгол Улсын Шадар сайд У.Хүрэлсүхэд даалгалаа.