Month: June 2016

Нийслэлийн ИТХ-ын Тэргүүлэгчдийн ээлжит хуралдаан өнөөдөр болж хуралдаанаар Концессын гэрээ байгуулах тухай хэд хэдэн асуудлыг хэлэлцэн батлав. Хуралдаанд энэ асуудлыг нийслэлийн Засаг даргын Санхүү эдийн засгийн асуудал хариуцсан орлогч Н.Батаа танилцууллаа.

Чингэлтэй дүүргийн 15 дугаар хороонд 83 дугаар цэцэрлэгийн 240 хүүхдийн өргөтгөл барих ажлыг нийслэлийн Концессын зүйлийн жагсаалтад оруулан баталсан. Тус ажлыг “Үүр тээл” ХХК гүйцэтгэхээр сонгон шалгарсан байна. Хайлаастад шинээр барих цэцэрлэгийн өргөтгөл нь хоёр давхар, 1648 ам метр талбайтай байх бөгөөд концесс эзэмшигч өөрийн хөрөнгөөр 240 хүүхдийн цэцэрлэгийн өргөтгөлийн зураг төсвийг боловсруулан, цэцэрлэгийн барилгыг барьж нийслэлийн өмчид шилжүүлнэ. Мөн Сонгинохайрхан дүүргийн 22 дугаар хороо, Тахилтын 188 дугаар цэцэрлэгийг өргөтгөж нэмж 150 хүүхэд хүлээн авах хүчин чадалтай болгох юм.

Энэ төслийн санхүүжилт нь 1 719 000 000 төгрөг бөгөөд концесс эзэмшигч өөрийн хөрөнгөөр цэцэрлэгийн барилга барьж, нийслэлийн өмчид шилжүүлнэ. Хан-Уул дүүргийн 13 дугаар хорооны нутаг дэвсгэр, Туул тосгонд 150 хүүхдийн цэцэрлэгийн өргөтгөл барина. Энэ төслийг “Цонбон тоосго” ХХК хэрэгжүүлнэ. Эдгээр цэцэрлэгийн барилгыг энэ жилдээ дуусган ашиглалтад өгөхөөр төлөвлөж байгаа юм байна.

Түүнчлэн нийслэлийн авто замын сүлжээг сайжруулах зорилгоор хэд хэдэн чиглэлд шинээр автозам барихаар төлөвлөж, стратегийн хувьд хамгийн чухалд тооцсон зарим замыг концессын гэрээгээр хэрэгжүүлэхээр өнөөдөр НИТХ-ын Тэргүүлэгчдийн хуралдаанаар хэлэлцэн батлав.

Тодруулбал, Хувьсгалчдын гудамжны авто замаас Хайлаастын авто зам хүртэлх 2,8 км авто замыг шинээр барихаар “Рингроуд” ХХК-тай концессын гэрээ байгуулан хэрэгжүүлэхээр боллоо. Тус замыг Хувьсгалчдын гудамж буюу Зурагтаас Хайлааст хүртэл уулан дээгүүр тавих юм байна.

Мөн Сүхбаатар дүүргийн 19 дүгээр хороо, Хуурай мухарын аманд шинээр 2,0 км авто зам барих төсөл ,Чингэлтэй дүүргийн 19 дүгээр хороо, Яргайтын богинын 1,6 км авто зам барих төслийг концессын гэрээгээр гүйцэтгэнэ.

Ардчилсан намынхан өнгөрсөн дөрвөн жилийн хугацаанд бүтээн байгуулалтын томоохон ажлууд хийжээ.

Тухайлбал, нийтийн тээврийн чиглэлд ихээхэн ажил хийсэн. Үүний нэг нь угсраа автобусыг үйлчилгээнд нэвтрүүлсэн явдал юм. Мөн монголдоо үйлдвэрлэсэн эко автобусыг нийтийн тээвэрт ашиглахаас гадна иргэд UB смарт карт ашиглан зорчдог болсон. Ингэснээр нийтийн тээврийн үйлчилгээний хүнд сурталыг халж иргэдэд ихээхэн тааламжтай нөхцөл байдал бий болсон юм.

Түүнчлэн ирэх дөрвөн жилд Улаанбаатар хотод тусгай замын автобусыг нийтийн тээврийн үйлчилгээнд нэвтрүүлэхээр болжээ. Энэхүү зам ашиглалтад орсноор хотын нийтийн тээврийн хөдөлгөөний зохион байгуулалт 90 хувиар өсч, тасалбарын орлого 25-30 хувиар нэмэгдэх юм байна.

Мөн иргэд автобусны зогсоолоос интернэт, гар утсаараа ямар чиглэлийн автобус хэзээ ирэхийг мэдэж боломжтой аж. Түүнчлэн агаарын бохирдлыг бууруулахад ч тустай гэнэ. Судалгаагаар автобусны дундаж хурд нэг цагт 3-5 километр байгаа нь тогтоогдсон байна. Энэхүү систем нэвтэрвэл нэг цагт 15 километр явах боломжтой.Мөн Нийслэл хотын баруун урд талаар өнгөрөн гарах “Богдхан” төмөр замын төсөл хэрэгжүүлэх юм байна.

Нийслэлийн
Засаг дарга “Нийслэлийн орон сууцны хөтөлбөрийн үлдэгдэл санхүүжилтийг
шийдвэрлэх тухай” А/460 дугаар захирамж гаргалаа.

Захирамжаар
нийслэлийн төсвийн хөрөнгөөр 2015-2016 онд санхүүжүүлэх орон сууцны
хөтөлбөрийн хөрөнгөөр хэрэгжүүлэх Шинэ суурьшлын бүсийг хөгжүүлэх
урьдчилсан судалгаа, хот төлөвлөлтийн суурь судалгаа, хэсэгчилсэн
ерөнхий төлөвлөгөө, барилгажилтын төсөл боловсруулах ажлын үлдэгдэл
санхүүжилтийн жагсаалтыг нэгдүгээр, Иргэдийн оролцоотой газар шинэчлэн
зохион байгуулах төслийн талбарын судалгаа, барилгажилтын зураг төсөл
боловсруулах ажлын үлдэгдэл санхүүжилтийн жагсаалтыг хоёрдугаар,
Ашиглалтын шаардлага хангахгүй нийтийн зориулалттай орон сууцны барилгын
судалгаа хийх, барилгын эх загвар зураг төсөл боловсруулах ажлын
үлдэгдэл санхүүжилтийн жагсаалтыг гуравдугаар, Нийслэлийн орон сууцны
нэгдсэн судалгаа, мэдээллийн сан байгуулах зөвлөхийн ажлын үлдэгдэл
санхүүжилтийн жагсаалтыг дөрөвдүгээр, Нийслэлийн орон сууцны корпорацийн
үйл ажиллагаанд шаардлагатай тоног төхөөрөмжийн үлдэгдэл санхүүжилтийн
жагсаалтыг тавдугаар хавсралтаар тус тус батлав.
Хөрөнгө оруулалтын ажлыг гүйцэтгэлээр санхүүжүүлэхийг нийслэлийн Засаг
даргын Тамгын газрын Санхүү, төрийн сангийн хэлтэст даалгалаа гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

ШИНЭ СУУРЬШЛЫН БҮСИЙГ ХӨГЖҮҮЛЭХ УРЬДЧИЛСАН СУДАЛГАА, ХОТ ТӨЛӨВЛӨЛТИЙН СУУРЬ СУДАЛГАА, ХЭСЭГЧИЛСЭН ЕРӨНХИЙ ТӨЛӨВЛӨГӨӨ, БАРИЛГАЖИЛТЫНТӨСӨЛ БОЛОВСРУУЛАХ АЖЛЫН

АШИГЛАЛТЫН
ШААРДЛАГА ХАНГАХГҮЙ НИЙТИЙН ЗОРИУЛАЛТТАЙ ОРОН СУУЦНЫ БАРИЛГЫН СУДАЛГАА
ХИЙХ, БАРИЛГЫН ЭХ ЗАГВАР ЗУРАГ ТӨСӨЛ БОЛОВСРУУЛАХ АЖЛЫН ҮЛДЭГДЭЛ
САНХҮҮЖИЛТИЙН ЖАГСААЛТ

НИЙСЛЭЛИЙН ОРОН СУУЦНЫ НЭГДСЭН СУДАЛГАА, МЭДЭЭЛЛИЙН САН БАЙГУУЛАХ ЗӨВЛӨХИЙН АЖЛЫН ҮЛДЭГДЭЛ САНХҮҮЖИЛТИЙН ЖАГСААЛТ

НИЙСЛЭЛИЙН ОРОН СУУЦНЫ КОРПОРАЦИЙН ҮЙЛ АЖИЛЛАГААНД ШААРДЛАГАТАЙ ТОНОГ ТӨХӨӨРӨМЖИЙН ҮЛДЭГДЭЛ САНХҮҮЖИЛТИЙН ЖАГСААЛТ

Хар тамхины хэрэгт холбогдсон Тээврийн прокурорын газрын
хяналтын прокурор Х.Тамир нарын дөрвөн хүнд холбогдох шүүх хурал өнгөрсөн сарын
17-нд Баянгол, Сүхбаатар, Хан-Уул дүүргийн Эрүүгийн хэргийг шүүх танхимд
эхэлсэн ч нэг өмгөөлөгч нь хуралтай гэсэн шалтгаанаар шүүх хурлыг хойшлуулсан
байгаа юм. Тэгвэл тэднийг шүүх хурал өнөөдөр болохоор тов гарчээ.

Сэжигтэнүүдийг Эрүүгийн хуулийн 188.3, 192.2, 272.2-аар гэх мэт
зургаан зүйл ангиар буруутган шүүх юм байна. Прокурор Х.Тамирын хамсаатан гэх
Б.Амарбаясгалан, Д.Жавхлан, Н.Мөнхбат зэрэг нь гадуур батлан даалтад байгаа бол
Б.Сүхбаатар нь цагдан хоригдож байгаа аж

Өнгөрсөн онд дөрвөн настай охиноо зодож, улмаар амийг нь хохироосон хэрэгт буруутгагдсан хойд эх Г.Маралмаа, төрсөн эцэг Т.Цогт нарт холбогдох хэргийг Улсын дээд шүүхээс мөрдөн байцаалтад буцаасан байсан.

Тэгвэл хэргийг шалгаж дуусаад прокурорт шилжүүлсэн байсныг Баянзүрх дүүргийн шүүхэд шилжүүлсэн байна. Харин өнгөрсөн сарын 31-нд шүүх хурал болох байсан ч өмгөөлөгч нь хурал давхацсан гэх шалтгаанаар энэ сарын 20 хүртэл буюу ирэх даваа гараг хүртэл хойшлуулсан юм. Дашрамд, Г.Маралмаа, Т.Цогт хоёрт Нийслэлийн эрүүгийн хэргийн давж заалдах шатны шүүхээс Эрүүгийн хуулийн 100 дугаар зүйлийн 100.1 дэх хэсэгт зааснаар анхан шатны шүүхээс оноосон 25 жилийн хорих ялаас хоёр жилийг өршөөж, тус бүр 23 жилийн хорих ял оноосон байгаа юм.

УИХ, НИТХ-ын тэргүүлэгчдийг сонгох 2016 оны сонгуулийн сурталчилгаа энэ сарын 11-нд албан ёсоор эхэлсэн билээ.

Сонгуулийн сурталчилгаатай холбогдуулан нэр дэвшигч бэлэн мөнгө тараасныг иргэн баримтаар СЕХ, цагдаад мэдээлбэл бэлэн мөнгийг 20 дахин нугалж олгох юм. Энэ тухай Сонгуулийн тухай хуулийн 71.1-д Сонгогчид бэлэн мөнгө, эд зүйл тараасныг сонгогч баримттайгаар цагдаагийн байгууллагад мэдэгдэж болно гэж заасан байдаг.

Мөн хуулийн 71.2-т Сонгогчид хууль бусаар мөнгө, эд зүйл тараасан этгээд захиргааны болон эрүүгийн хариуцлага хүлээсэн бол тухайн зөрчлийг мэдээлсэн иргэнд сонгуулийн төв байгууллага тараасан бэлэн мөнгө болон эд барааны үнийн дүнг 20 дахин нэмэгдүүлсэнтэй тэнцэх хэмжээний мөнгөн урамшууллыг олгож, гэм буруутай этгээдээр нөхөн төлүүлэхээр заасан байна.

Нийслэлийн нийт 152,000 метр
квадрат гудамж талбайд хөрс ариутгах, 170,000 мод сөөгөнд хортон
шавьжтай тэмцэх наалдуулагчийг 7-10 хоног наах, 3,500 эм улиасны үрийн молцогийг гараар түүж цагаан унгарил хийсэлтийг багасгах ажлуудыг хийжээ.

Энэ сарын 20-ноос зэрлэг ургамлыг устгах, мод, бут сөөг, ургамлан хашлагыг засч хэлбэржүүлэх юм байна.

Түүнчлэн “АСЕМ-11” уулзалтын бэлтгэлийг хангах ажлын хүрээнд хүрээнд 13 гудамжинд 5,500 мод сөөг тарьжээ.

Ногоон байгууламжийг арчлалтын ажил эхэлж график, төлөвлөгөөний дагуу
явагдаж байгаа бөгөөд зүлэг нөхөн болон шинээр тарих газруудад талбай
бэлтгэх ажил хийж байна. Зүлэгний үрлэгээг 06 сарын 05-наас 06 сарын 15-ны хооронд хийх юм гэж Улаанбаатар хотын Захирагчийн ажлын албанаас мэдээллээ.