Month: June 2016

Тулгар төр байгуулсны 2225, Их Монгол Улсын 810, Ардын хувьсгалын 95 жилийн ойн баяр наадам хэдхэн хоногийн дараа эхэлнэ. Үүний сацуу зарим наадамчин төрсөн нутгийнхаа зүг хүлгийн жолоо залж, аймгийнхаа баяр наадмыг үзэхээр төлөвлөж суугаа нь мэдээж.

Уншигч та бүхэн аймгуудын баяр наадмын хуваарийг сонирхоно уу.

Нийслэлийн Засаг дарга бөгөөд Улаанбаатар хотын Захирагч Э.Бат-Үүл “Түгээмэл тархацтай ашигт малтмал олборлож буй аж ахуйн нэгж, байгууллага, иргэдийн ачаа тээвэрлэлтийн үйл ажиллагаанд хяналт шалгалтын ажлыг зохион байгуулах тухай” А/520 дугаар захирамж гаргалаа. Захирамжаар дараах үүрэг даалгаврыг өглөө. Үүнд:

• Хан-Уул дүүргийн 10, 12, 13, 14 дүгээр хорооны нутаг дэвсгэрт ачааны автомашин даац хэтрүүлэн ачаа тээвэрлэж зам, замын байгууламжийг эвдэх, элс, хайрга, шороо асгах, дуут дохио өгөх, тоос, шороо ихээр босгож иргэдийн эрүүл, аюулгүй орчинд амьдрах нөхцөлийг алдагдуулсан талаар санал, гомдол гаргаж байгаатай холбогдуулан Нисэхийн тойргоос Био, Шувуу хүртэлх автозамд ачааны автомашины бүх жинг 10 тонноор хязгаарлах, хорооллын дотор дуут дохио өгөхийг хориглох болон заах тэмдгүүдийг байрлуулж ажиллахыг Улаанбаатар хотын Цагдаагийн газарт, “Замын хөдөлгөөний удирдлагын төв” Орон нутгийн өмчит үйлдвэрийн газарт, шаардлагатай газруудад тэмдэг байрлуулахыг “Нийтийн үйлчилгээний Улаанбаатар нэгтгэл” Орон нутгийн өмчит үйлдвэрийн газарт, тэмдэг байрлуулах ажилд хяналт тавихыг нийслэлийн Авто замын газарт

• Түгээмэл тархацтай ашигт малтмал олборлож байгаа аж ахуй нэгж, байгууллага, иргэдийн технологийн зам маршрут, ачаа тээвэрлэлтэд хяналт шалгалт явуулахыг нийслэлийн Тээврийн газарт, Улаанбаатар хотын Цагдаагийн газарт

• Хан-Уул дүүргийн 8, 10, 12, 13, 14 дүгээр хорооны нутаг дэвсгэр дэх хатуу хучилттай автозамд цэвэрлэгээ үйлчилгээг хийж, тогтмол хяналт тавьж ажиллахыг “Нийтийн үйлчилгээний Улаанбаатар нэгтгэл” Орон нутгийн өмчит үйлдвэрийн газарт

• Түгээмэл тархацтай ашигт малтмал тээвэрлэлтийн үйл ажиллагааг технологийн замаар ачаа тээвэрлэх ажлыг зохион байгууллахыг “Элс, хайрга, дайрга, үйлдвэрлэгч компаниудын холбоо” Төрийн бус байгууллагад

• Түгээмэл тархацтай ашигт малтмал олборлож буй аж ахуйн нэгж, байгууллага, иргэдийн ачаа тээвэрлэлтийн үйл ажиллагаанд хийх хяналтад шаардагдах нийт 26 сая 063 мянган төгрөгийг нийслэлийн Засаг даргын нөөц хөрөнгөөс санхүүжүүлэхийг Тамгын газарт

• Хяналт тавих үйл ажиллагаанд оролцох ажилтнуудын цалингийн зардлыг холбогдох хууль журмын хүрээнд байгууллагын батлагдсан цалингийн зардлаас тооцож олгохыг нийслэлийн Тээврийн газар, Улаанбаатар хотын Цагдаагийн газарт тус тус үүрэг болгов.

Монгол Улсын Засгийн газрын 2010 оны 172 дугаар тогтоолоор жил бүрийн зургадугаар сарын дөрөв дэх ням гаригт “Хуульчдын өдөр”-ийг тэмдэглэдэг болсон билээ. Монголын Хуульчдын холбооноос “Хуульчдын өдөр”-ийг угтан өнөөдөр 11:00 цагаас Хууль зүйн үндэсний хүрээлэнгийн хойно байрлах “Хуульчдын талбай”-д өдөрлөг зохион байгуулна. Өдөрлөгийн үеэр иргэдэд хууль зүйн зөвлөгөө, нотариатын үйлчилгээг үнэ төлбөргүй үзүүлнэ. Мөн шинээр батлагдсан хуулиудын эмхэтгэл, ном зэргийг тараах бөгөөд 15:00 цаг хүртэл үргэлжилнэ.

Төрийн сангаар жилд 120 гаруй эмч сувилагч суралцаж, 450 сая төгрөг зарцуулагддаг байна. Мөн улсын болон хувийн эмнэлгүүд байгууллага хоорондын гэрээ, хамтын ажиллагаа, төсөл болон гадны байгууллага, хувь хүмүүсийн дэмжлэгтэйгээр жилд 150-200 мэргэжилтэнг өндөр хөгжилтэй оронд сургаж байна.

Цаашид гадаадад суралцах эмч сувилагчийн тоог нэмэгдүүлэн ялангуяа сувилагчийн тоог олшруулах, багаар нь тодорхой нэг эмчилгээ арга технологийг эзэмшүүлэхээр үүрэг даалгавартай явуулахад Ардчилсан нам анхаарч ажиллана. Тэд эч нарын мэдлэг боловсролыг дээшлүүлэхэхд анхаарч жил бүр 300 эмч, 600 сувилагчийг гадаадад сургах болон гадаадын эмч, мэргэжилтнийг дагалдуулан багаар нь төрийн сангаар сургах юм байна.

Элсэлтийн ерөнхий шалгалтын хариу задарсан хэмээн гомдол мэдээлэл их гарсан. Үүнтэй холбоотойгоор цагдаагийн байгууллагаас тухайн үед нь шалгалт хийж байна. Улмаар Ерөнхий боловсролын сургуулийн 12-р анги төгссөн хүүхдүүд нийгмийн болон матетатикийн шалгалтын бар код бүхий хариуг тус бүрийг 200 мянган төгрөгөөр авсан болох нь тогтоогджээ. Ингээд энэ хариуг хэнээс авсаныг цааш нь лавшруулан шалгахад тухайн хүүхдүүд ерөнхий боловсролын сургуулиа төгссөн З гэх хүүхдээс авсан болох нь мөн л тогтоогдсон байна.

Харин З-г шалгаж үзэхэд уг шалгалтын дүнг нэгэн хувийн их сургуульд багшилдаг Д гэгч 52 настай эрэгтэй хүнээс авсан гэдгээ мэдүүлсэн байна. Д гэгч бол эдийн засгийн онолын багш ажилтай хүн бөгөөд математик болон нийгмийн хичээлээр сурагчдад давтлага өгдөг байсан аж. Улмаар элсэлтийн ерөнхий шалгалтад ирэх магадлал бүхий тест гэж боловсруулж өгсөнийг нь З гэх хүүхэд авч нэг хүүхдэд зарсан нь цааш даамжирч, нөгөөх нь ашиг хонжоо олох зорилгоор “элсэлтийн ерөнхий шалгалтын тестийн хариу задарсан” гэж хэлээд хүүхдүүдэд зарсан болох нь цагдаагийн байгууллагын шалгалтаар тодорхой болжээ.

Тиймээс элсэлтийн ерөнхий шалгалтын материалын тест задраагүй, харин магадлал өндөртэй гэж боловсруулсан тестийн хариуг ашиг хонжоо олох зорилгоор зарсан байсан гэдгийг албаны эх сурвалж мэдээллэж байна. Уг хэргийг Баянгол дүүргийн цагдаагийн хэлтэст эрүүгийн хэрэг үүсгэн шалгаж эхэлжээ.

Хүүхэд бүрийн хэрэгцээ, сонирхол, авьяас чадварын онцлогт тулгуурлан эх хэлээрээ, зөв ярьж, уншиж бичих, санал бодлоо чөлөөтэй илэрхийлэх, сурах арга барилд дадаж хэвших зэрэг хувь хүний суурь чадваруудыг бага боловсролоор эзэмшүүлдэг. Бага боловсролыг чанартай эзэмшсэнээр дараагийн боловсролын суурь сайн тавигддаг. Бага боловсролын үйлчилгээний чанарыг сайжруулах, багшийн үнэ цэнийг дээшлүүлэх чухал арга хэмжээ бол бага ангийн багшийн цалинг нэмэгдүүлэх юм.

Тиймээс Ардчилсан нам эрдэм боловсролтой монгол хүн хөтөлбөрийн хүрээнд бага ангийн багшийн цалинг хоёр дахин нэмэгдүүлэхээр тусгажээ. Цаашид бүх багш нарын цалинг нэмэгдүүлэх талаар шат дараатай арга хэмжээ авч хэрэгжүүлэх юм байна.

Иргэний харьяалал, шилжилт хөдөлгөөний ерөнхий газрын мэдээг үндэслэн Нийслэлийн Аялал жуулчлалын газраас гаргасан статистик мэдээллээр 2016 оны 5 дугаар сарын байдлаар манай улсад ирсэн жуулчдын тоо 30 мянга 553 буюу өмнөх оны мөн үетэй харьцуулахад 6 хувиар нэмэгджээ. Гол зах зээлийн орнуудаар үзвэл Япон (+30%), АНУ (+22%), ОХУ (+25%), БНКУ (+3.8%), ХБНГУ (+10%), Австрали (+47%), Франц (+34%) хувиар өсөж, харин БНХАУ (-6%), БНСУ (-4%), ИБУИНВУ (-4%) хувиар тус тус буурсан үзүүлэлттэй байна гэж Нийслэлийн Аялал жуучлалын газраас мэдээллээ.

1 / 1