Month: April 2016

Categories
мэдээ нийгэм

Тариаланчдын зээлийг “Монгол тариалан” корпорациар дамжуулан олгоно

Засгийн газрын өчигдрийн хуралдаанаар “Монгол тариалан” дэд хөтөлбөрийг
баталсан. Хөтөлбөр хэрэгжсэнээр тариалан эрхлэгч иргэн, аж ахуйн нэгж
намрын ургац, газар эзэмших эрхээ барьцаалан зээл авах боломж бүрдэж
байгаа юм. Энэ хүрээнд тариалан эрхлэгчдэд 50 хүртэл тэрбум төгрөгийн
зээлийг арилжааны банкнаас гадна “Монгол тариалан” төрийн өмчит улсын
үйлдвэрийн газраар дамжуулан олгохоор болжээ. Өнгөрсөн онд газар
тариалангийн салбар ургацынхаа 80 гаруй хувийг алдаж, 400 орчим тэрбум
төгрөгийн хохирол амссан. Тиймээс энэ жил тариалан эрхлэгчдэд дэмжлэг
үзүүлэх зорилгоор засгийн газраас 100 тэрбум төгрөгийн хөнгөлөлттэй зээл
олгохоор болсон юм. Арилжааны банкуудаар тариаланчдад олгож буй зээлийн
нөхцөл өндөр нь салбарынханд хүндрэл болжээ. Энэ асуудлыг харгалзан
үзэж ийнхүү арилжааны банкнаас гадуур тариаланчдад 50 тэрбум төгрөгийг
зээлэхээр болсноо ХХААЯ мэдэгдлээ.

Хаврын тариалалтын бэлтгэл байдал бүрэн
хангагдсан. Ирэх долоо хоногоос тариаланчдад хөнгөлөлттэй нөхцөлөөр зээл
олгоод эхэлчихвэл хаврын ажил жигдрэх шатандаа орно гэж салбарын
яамнаас мэдээллээ. Мөн энэ үеэр мал төллөлтийн нөхцөл байдлын тухай
танилцууллаа.

Харин улсын хэмжээнд өнөөдрийн байдлаар
900 мянга гаруй мал хорогджээ. Өнгөрсөн долоо хоногт л гэхэд 27 мянган
мал хорогдсон байна. Сүхбаатар, Увс, Архангай, Завхан аймгууд хамгийн их
малын хорогдолтой байна. Ойрын өдрүүдэд цаг агаар тогтворгүй, салхи
шуургай ихтэй байх учраас малчид, ард иргэдийг хаврын хавсрагаас
сэрэмжтэй байхыг салбарын яамнаас анхаарууллаа.

Categories
онцлох-нийтлэл туслах-ангилал

Фото: Ази Европын парламентын түншлэлийн 9 дүгээр уулзалт

АСЕМ-ийн Дээд түвшний уулзалтын хүрээнд Улаанбаатар хотноо зохиогдож буй Ази Европын парламентын түншлэлийн 9 дүгээр уулзалтын нээлтийн ажиллагаа өнөөдөр Төрийн ордны Их Танхимд боллоо.

Ази, Европын Парламентын Түншлэлийн 9 дүгээр уулзалтад түнш 32 орон болон Европын парламентаас 170 төлөөлөгч оролцож байна. Монгол Улсын Их Хурлын дарга Зандаахүүгийн Энхболд уулзалтыг нээж хэлсэн үгэндээ, өнгөрсөн түүхэнд болон даяарчлалын өнөө үед Ази, Европын хооронд нэгэн гүүр болж ирсэн Монгол Улсад зохиогдож буй Ази-Европын Парламентын Түншлэлийн 9 дүгээр уулзалтад уригдан ирсэн Та бүхэнд Монгол Улсын Их Хурлын нэрийн өмнөөс болон хувиасаа баяр хүргээд, манай улсад тавтай зочлохыг хүсье. Энэхүү уулзалт нь 7 дугаар сард Улаанбаатар хотноо болох АСЕМ-ын дээд хэмжээний уулзалт болон түүнийг угтан зохион байгуулагдах арга хэмжээнүүдийн салхийг хагалж, түүчээ болж байгаагаараа онцлог юм.

Categories
мэдээ нийгэм

“Хүүхдийн хөдөлмөрийг устгая” аяны нээлт болов

“Хүүхдийн хөдөлмөрийн эсрэг дэлхийн өдөр” буюу зургадугаар сарын 12-ны өдрийг угтаж Хөдөлмөрийн сайдын санаачилгаар “Хүүхдийн хөдөлмөрийн эсрэг аян”-ыг орон даяар зохион байгуулахаар болжээ. Аяны нээлтийн үйл ажиллагаа өчигдөр Монголын хүүхдийн ордонд зохион байгуулагдлаа. Энэ үеэр Хөдөлмөрийн яамны сайд Г.Баярсайхан үг хэлсэн юм. Тэрээр “Дэлхий нийтээр 2025 он гэхэд хүүхдийн хөдөлмөрийн тэвчишгүй хэлбэрийг устгах зорилго тавьж байгаа. Уул уурхай, барилгын салбарт хүүхдүүдийг ажиллуулж байгаа нь байж боломгүй зүйл юм. Өрхийн орлого бага байгаа нь хүүхдүүд ажил хийх гол шалтгаан болж байна. Хүүхдийн хөдөлмөрийг устгахад хүн бүрийн оролцоо чухал. Ялангуяа Монгол Улсын Засгийн газар онцгой анхаарах, ёстой. Бичил бизнесийг дэмжих, олон ажлын байр бий болгох, өрх бүрийг орлоготой болгох хэрэгтэй” гэв.

өдөлмөрийн яамнаас хүүхдийн хөдөлмөрийг хориглосон жагсаалтыг шинэчилсэн. Уг жагсаалтыг зөрчсөнөөс хүүхдийн амь нас, эрүүл мэнд хохирсон бол гэм буруутай этгээдэд Зөрчлийн тухай хуулийн дагуу эрүүгийн хариуцлага хүлээлгэнэ. Үүнд хүүхдийг барилга дээр ажиллуулах, морин уралдаанд оролцуулахыг хориглосон. Хууль хяналтын болон бизнесийн байгууллагууд энэ хуулийг хэрэгжүүлнэ гэж найдаж байна. Энэ бол хүүхдийн эрхийг хамгаалж байгаа чухал хэлбэр юм гэдгийг онцолж байлаа..

Б.МӨНХТУЯА


Categories
мэдээ соёл-урлаг

Улаанбаатарт Дэлхийд алдартай уран бүтээлчдийн үзэсгэлэн болно

Нийслэлийн удирдлагын зөвлөлийн хуралдаан болж, “Найрсаг Улаанбаатар” хөтөлбөрийн хүрээнд “С.Дали ба П.Пикассо” үзэсгэлэнг Улаанбаатарт анх удаа Г.Занабазарын нэрэмжит Дүрслэх урлагийн музейтэй хамтран зохион байгуулах асуудлыг хэлэлцлээ.

Г.Занабазарын нэрэмжит Дүрслэх урлагийн музейд ОХУ-ын Екатеринбург хотын оршин суугч, цуглуулагч Я.Щадрины хувийн цуглуулгаасаа алдарт С.Дали, П.Пикассо нарын эх бүтээлийг дэлгэн үзүүлэхээр хүсэлт гаргасны дагуу үзэсгэлэн гаргахаар болжээ. Үзэсгэлэнд хоёр уран бүтээлчийн уран бүтээлийнхээ хамгийн оргил үед бүтээсэн уран баримал, уран зураг, зураасан зураг, керамик урлалын бүтээлүүдийг дэлгэн танилцуулна.

Ингэснээр нийслэлчүүд төдийгүй нийслэлийг зорин ирсэн жуулчдад дэлхийн дүрслэх урлагийн түүхэнд хамгийн нэр хүндтэй алдартай уран бүтээлчдийн эх бүтээлийг ямар нэгэн нэмэлт зардал гаргахгүйгээр үзүүлэх боломжтой болох юм. Үзэсгэлэнд С.Далигийн уран зургуудаас гадна түүний уран баримлын бүтээлүүдийг дэлгэн үзүүлж байгаагаараа онцлог юм. Үзэсгэлэнг 2016 оны 04 дүгээр сарын 29-нөөс 05 дугаар сарын 29-ний өдрийг хүртэлзохион байгуулахаар төлөвлөжээ.

Г.Занабазарын нэрэмжит Дүрслэх урлагийн музейн захиргаанаас дэлхийд алдартай уг үзэсгэлэнг зохион байгуулахад дэмжлэг үзүүлж, бүтээлийг танилцуулах шилэн хорго түрээслэх, бүтээлийн каталоги хийх ажилд зарцуулах 5,7 сая төгрөгийг шийдвэрлэж өгөх хүсэлтийг хотын захиргаанд тавьсан.

Нийслэлийн удирдлагын зөвлөлийн хуралдаанаар уг асуудлыг хэлэлцэж, иргэдийн урлагийн мэдрэмжийг дээшлүүлэх, нийслэл төдийгүй нийслэлийг зорьж ирсэн жуулчин, орон нутгийн иргэд дэлхийн алдартай бүтээлийг дэргэдээс нь үзэх боломжийг олгох нь Найрсаг Улаанбаатар хөтөлбөрийн зорилгод бүрэн нийцнэ гэж үзээд дэмжлэг үзүүлэхээр шийдвэрлэлээ.

Энэ үеэр нийслэлийн Засаг дарга “Дэлхийн алдартай, гайхалтай бүтээлийг дэргэдээс нь үзнэ гэдэг маш сайхан санагдаж байна. Сонгодог урлагийн бүтээл, уран зураг шимтэн сонирхдог иргэддээ барих таатай бэлэг байх болно” гэдгийг онцлон хэллээ. Цуглуулагчийн зүгээс үзэсгэлэнг үзэхэд тасалбар олгох бөгөөд орлогын тодорхой хувийг Г.Занабазарын нэрэмжит Дүрслэх урлагийн музейд хандивлахаар тохиролцсон байна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.

Categories
мэдээ спорт

Олон улсын 40 шүүгч олимпийн эрх олгох тэмцээнийг шүүж байна

Монгол улсад зуны олимпийн XXXI наадмын
чөлөөт бөх, сонгомол барилдааны сонгон шалгаруулах дэлхийн “The first
“Last-Chance” /Эхний –сүүлчийн бололмж/ тэмцээн болж байна. Буянт-Ухаа
спортын ордонд олимпийн эрхийн тэмцээн өнөөдөр сонгомол барилдаанаар
эхэллээ. Тэмцээнд оролцохоор 80 орны 600 гаруй тамирчид багийн хамт
хүрэлцэн ирээд байна. Мөн Дэлхийн бөхчүүдийн нэгдсэн холбооны
ерөнхийлөгч Сербийн иргэн Ненад Лалович, ДБНХ-ны дэд
ерөнхийлөгч, Гүйцэтгэх хорооны болон Товчооны гишүүн Узбекстаны Ахрол
Ахмедович Рузиев, ДБНХ-ны шүүгчдийн зөвлөлийн дарга Германы
иргэн Антонио Силвестри нарын хүндэт төлөөлөгчид хүрэлцэн ирсэн.

Тэмцээнийг шүүхээр олон улсын шүүгч 40
шүүгч ажиллаж байна. Тэдний дунд олимпийн зэрэглэлийн шүүгч, олон улсын
шүүгч Ц.Сэрээтэр, Б.Төмөрбаатар нар багтсан юмн

Олимпийн эрх олгох тэмцээний нээлтийн
ажиллагаа өнөөдөр 17.30 цагаас эхлэх бөгөөд үргэлжлээд сонгомол
барилдааны финалын тоглолтууд болно.

Энэ удаагийн тэмцээн гурван дэвжээн дээр
явагдаж байгаа бөгөөд “А” дэвжээний барилдааныг “МҮОНТ”, “Б” дэвжээний
барилдааныг “НТВ”, “С” дэвжээний барилдааныг “Сүлд” телевиз шууд
дамжуулж үзүүлж байна.

Categories
онцлох-нийтлэл туслах-ангилал

Ирц хүрээгүйн улмаас хуралдааныг хаалаа

УИХ-ын чуулганы үдээс хойших хуралдаан 14.00 цагт эхлэх байсан ч гишүүдийн ирц бүрдээгүй тул чуулганы хуралдааныг хаалаа.

Чуулганы үдээс хойшхи хуралдааныг удирдах
үүрэг хүлээгээд байсан УИХ-ын дэд дарга Л.Цог “Ази Европын парламентын
түншлэлийн есдүгээр чуулган болж байгаатай холбоотойгоор УИХ-ын
гишүүдийн гишүүдийн ирц хуульд заасан хэмжээнд хүрэхгүй байгаа тул
өнөөдрийн хуралдааныг хаалаа” хэмээн мэдэгдлээ.

Categories
мэдээ соёл-урлаг

“Хайрыг гэрчил” жүжиг нээлтээ хийнэ

“Мөрөөдлийн театр”-ын уран бүтээлчид
“Хайрыг гэрчил” хэмээх цоо шинэ жүжиг тоглох гэж байна. Жүжгийн гол дүрд
тус театрын жүжигчин СТА Г.Эрхэмбаяр, Б.Баттулга нар тоглосон бөгөөд
ирэх сарын 6-нд Үйлдвэрчний соёлын төв ордонд нээлтээ хийх юм.

Уянгын драмын жүжгийн зохиолыг СГЗ
зохиолч, яруу найрагч Ш.Гүрбазар бичиж, Монгол улсын Төрийн соёрхолт,
УДЭТ-ын ерөнхий найруулагч Н.Наранбаатар найруулжээ. Мөн шинэхэн жүжгийн
дууг хөгжмийн зохиолч Л.Балхжав бүтээж, дуучин А.Хишигдалай,
Б.Замбалгарав нар хамтран дуулжээ.

Categories
мэдээ нийгэм

Өнөөдрийн байдлаар 11.9 сая төл мал бойжиж байна

Өнөөдрийн байдлаар нийт эх малын 50.3 хувь буюу 12.1 сая эх мал төллөж,
11.9 сая төл хүлээн аваад байгаа тухай Хүнс хөдөө аж ахуйн яамны Мал аж
ахуйн бодлогын хэрэгжилтийг зохицуулах газрын ахлах мэргэжилтэн
Б.Мэнджаргал өнөөдөр сэтгүүлчдэд мэдээллээ. Төлийн тоо өмнөх долоо
хоногоос 1.9 саяар нэмэгдсэн байна. Үүнээс 34.2 мянган ботго, 103.2
мянган унага, 309.9 мянган тугал, 6.2 сая хурга, 5.2 сая ишиг бойжиж,
төл бойжилт 92.7 хувьтай байна. Нийт малын хорогдол 931.4 мянга болж
өмнөх долоо хоногоос 27.0 мянгаар нэмэгдсэн байна. Үүнээс, тэмээ 325,
адуу 34.2 мянга, үхэр 90.5 мянга, хонь 334.6 мянга, ямаа 471.7 мянга
буюу оны эхний нийт малын 1.7 хувийг эзэлж байна. Хамгийн их хорогдолтой
аймагт Сүхбаатар (149.220), Увс (147.994), Архангай (101.630), Завхан
(93.559), Баянхонгор (87.100) аймгууд багтаж байна. Энэ нь оны эхний
нийт малын 2.3-5.4 хувийг эзэлж байгаа юм. Ойрын өдрүүдэд цаг агаар
тогтворгүй, салхи шуурга ихтэй байгаа ч малын зүй хорогдлоос бусад
хохирол гарсан мэдээ одоогоор ОБЕГ болон яамны Шуурхай штабт ирээгүй
байна.

Categories
мэдээ нийгэм

Сүхбаатар дүүргийн “Ажил олгогчид”-ын III чуулган болж байна

Нийслэлийн Сүхбаатар дүүргийн “Ажил олгогчид”-ын III чуулган өнөөдөр Монголын хүүхдийн ордонд болж байна.

Энэхүү чуулган нь Хөдөлмөр, нийгмийн
зөвшлийн гурван талт 2013-2014 оны улсын хэлэлцээр, Монгол Улсын Засгийн
Газрын 370 дугаар тогтоолын хэрэгжилтийг хангах, хүчин төгөлдөр
мөрдөгдөж байгаа хууль, тогтоомжуудийн хэрэгжилтийг хангахад чиглэгдэж
байгаа юм. Дүүргийн төр захиргааны байгууллагууд, ажил олгогчид,
үйлдвэрчний эвлэлийн байгууллагын хамтын ажиллагааг эрчимжүүлэн үр дүнд
хүргэх, холбогдох хууль тогтоомжуудын хэрэгжилтийг хангах, нийгмийн
түншлэгч талууд, хувийн хэвшлийн хамтын ажиллагааг сайжруулах зорилготой
юм.

Categories
мэдээ нийгэм

Нийслэлчүүддээ талархал илэрхийллээ

Ази Европын парламентийн түншлэлийн
уулзалт болж байгаатай холбогдуулан Нийслэлийн засаг даргын
2016.04.15-ний өдрийн А/286-р захирамж гарсан. Энэхүү захирамжын хүрээнд
2016 оны 04-р сарын 21-ны пүрэв гаригт тэгш тоогоор төгссөн тээврийн
хэрэгслүүд явсан бол 2016 оны 4 дүгээр сар 22-ний баасан гаригт сондгой
тоогоор төгссөн тээврийн хэрэгслүүд хөдөлгөөнд оролцож байна.

Нийслэл Улаанбаатар хотын иргэд маань
Нийслэлийн засаг даргын гаргасан захирамжыг маш сайн мөрдөж байгаа нь
өнөөдрийн замын хөдөлгөөнөөс харагдаж байгааг албаны эх сурвалж онцолж
байна. Тиймээс нийслэл Улаанбаатар хотын иргэддээ Замын цагдаагийн
газрын нийт алба хаагчдын өмнөөс талархал илэрхийллээ.