Шинэ нисэх буудлын хурдны замын ажил ирэх сарын 15-нд эхлэх юм байна.Хөшигийн хөндийн шинэ нисэх буудлын бүтээн байгуулалтын ажил 76 хувийн гүйцэтгэлтэй байгааг төслийн удирдагч Н.Энхбат ярьсан. Монголын талын хариуцан барих гурван барилгын асуудал шүүхийн шатанд удаашралтай байгаагаас хүлээлт үүсчээ. Мөн хурдны авто зам, шатахууны заавал байх нөөц, ангарын барилга, ангар болон катерингийн барилгууд, дагуул хотын асуудал болон эрчим хүчний нэхэмжлэх, хугацаа хоцорч төлбөр хийгдсэний алданги зэргийг яаралтай шийдвэрлэж өгөх хүсэлтийг салбарын яаманд хүргэжээ. Шинэ нисэх буудлын хурдны замын ажил ирэх сарын 15-нд эхлэх юм байна. Харин дагуул хотын асуудлыг Барилга хот байгуулалтын сайдтай яаралтай уулзалт зохион байгуулж, шийдэлд хүрэхээр тогтсон байна.
Дөрвөн настай охины амийг хөнөөсөн гэх Т.Цогт, Г.Маралмаа нарын хэрэгт анхан болон давж заалдах шатны шүүхээс тус бүр 24 жилийн хорих ял ногдуулсан билээ.
УИХ дахь МАН-ын бүлгээс Нэмэгдсэн өртгийн албан татварын тухай шинэ хуулийн хэрэгжилттэй холбогдуулан аж ахуйн нэгжүүдийг торгохгүй байхыг хүссэн албан тоотыг Сангийн сайд Б.Болорт илгээсэн байна.
Нийслэл болон хөдөө, орон нутгийн жижиг, дунд бизнес эрхлэгч олон мянган иргэд, аж ахуйн нэгжийн төлөөлөл болсон Монголын ноос, ноолуурын холбоо, Монголын хүнсний худалдаа эрхлэгчдийн нэгдсэн холбоо, Баар, рестораны холбоо, “Да хүрээ трейд”, “Нарантуул трейд” худалдааны төвийн худалдаа эрхлэгчдийн холбоо, хүнсний дэлгүүрийн эздийн төлөөллөөс НӨАТ-ын хуулийн хэрэгжилт, үр дагаврын талаар олон санал, гомдлыг МАН-ын бүлэгт ирүүлсэн. Ялангуяа татварын албанаас худалдаа эрхлэгчдийг өндөр үнэтэй кассын машин, программ хангамж авахыг тулган шаардаж, аваагүй тохиолдолд торгууль ногдуулж байгаа нь орлогогүй болсон аж ахуйн нэгжүүдэд хүнд дарамт үүсгэж байгаад иргэд, аж ахуйн нэгжүүд шүүмжлэлтэй хандаж байгаа юм.
Амиа золиослогчийн тэсэлсэн бөмбөгөнд 69 хүн эрсэдсний ихэнх нь хүүхэд эмэгтэйчүүд байгаа аж.Зүүн Пакистаны томоохон хот болох Лахорын цэцэрлэгт хүрээлэнд христ шашинтнууд олноор цуглан Улаан өндөгний баяр тэмдэглэж байхад ийм явдал болжээ.Одоогоор Пакистан дахь талибанчууд халдлагын хариуцлагыг хүлээгээд байна.Гэмтэж шархадсан хүний тоо 200 дөхөж хотын томоохон эмнэлгүүд бэлэн байдалд ажиллаж байгаа тухай мэдээлэл ирж байна. Пакистаны Ерөнхийлөгч болсон явдалд эмгэнэл илэрхийлээд улс даяар гурав хоногийн үндэсний гашуудал зарлаөд байна.
“Дэлхийн Монголчууд Глобал” нийгэмлэгээс зохион байгуулж буй арга хэмжээний хүрээнд боксын тэмцээн, шатрын тэмцээн зохион байгуулагдсан билээ. Тэгвэл өчигдөр “Монгол туургатан мисс” тэмцээний эцсийн шатны шалгаруулалт “Corporate Hotel”-ын “Convention Center”-т болж өндөрлөлөө.
“Монгол туургатан мисс-2016” наадамд Монгол, Халимаг, Буриад, Тува, ӨМӨЗО-ны 20 мисс өрсөлджээ.
Монгол улсын заан цолонд хүндэтгэл үзүүлэх улс, аймгийн алдар цолтой 224 бөхийн барилдаан өчигдөр болж өнгөрлөө. Тус барилдаанд Монгол Улсын харцага Ц.Содномдорж түрүүлж, гарьд Д.Рагчаа үзүүрлэлээ. Их шөвөгт Ц.Содномдорж харцага Т.Баасанхүү начинтай тунаж хутгахад нь дагуулж өргөж хавираад давсан бол гарьд Д.Рагчаа заан Т.Санчирыг давуулж гуядаад хаясан билээ. Энэхүү барилдаанд улсын аварга Г.Эрхэмбаяр, улсын арслан Н.Батсуурь, улсын гарьд Д.Рагчаа, Б.Гончигдамба, улсын заан М.Өсөхбаяр, Т.Санчир, Д.Амгаланбаатар, Б.Батмөнх, Б.Соронзонболд, улсын харцага Ц.Содномдорж, Т.Өсөх-Ирээдүй, А.Цацабшир, Ж.Амартүвшин, Б.Одгэрэл, улсын начин Р.Пүрэвдагва тэргүүтэй бөхчүүд зодоглосон юм.