Үл хөдлөх хөрөнгийн “Медиа экспо-2016” аяныг “Монголын медиа корпораци” өнөөдрөөс албан ёсоор эхлүүллээ.Ингэснээр “Медиа экспо”-д нэгдсэн барилгын компаниудын мэдээ, мэдээлэл, сурталчилгаа “Ийгл Ньюс” телевиз болон FM 91.1-ээр 11.30, 14.00, 18.30, 20.30 цагуудаас өдөр бүр, “Ардын эрх” сонин болон “Тойм” сэтгүүлээр даваа гараг бүр цацагдах юм.
Үл хөдлөх хөрөнгийн “Медиа экспо”-д өнөөдрийн байдлаар нийт 30 төсөл бүртгэгдсэн байгаагаас эхний 15 төслийг “Медиа экспо” онцолж байна.
Барилгын компаниуд бүтээгдэхүүнээ сурталчлах зорилгоор телевиз, сайт, сэтгүүл, сонин, сошиал медиагаар нэгэн зэрэг, цацсанаар хүссэн зорилтот хүрээндээ хүрэх боломжийг “Монголын медиа корпораци” анхлан хэрэгжүүлж эхэллээ.
Засгийн газрын ээлжит хуралдаан өчигдөр болсон юм. Хуралдаанаар үндэсний их баяр наадмын тухай хуулийн хоёрдугаар зүйл, Ази, Европын дээд түвшний 11 дүгээр уулзалтыг зохион байгуулах Үндэсний зөвлөлийн саналыг үндэслэн аймаг, сум, дүүргийн баяр наадмыг зохион байгуулах тогтоол гаргалаа. Тогтоолоор аймаг, дүүрэг, сумын баяр наадам, бүс, аймгийн хэмжээний томоохон уралдааныг ирэх долдугаар сарын 15-25-нд зохион байгуулах арга хэмжээ авахыг аймаг, нийслэлийн Засаг дарга нарт даалгав.
Хүн төрөлхтний эв нэгдлийн баяр, Зуны XXXI дэх олимпийн наадам Бразилын Рио де Жанейро хотноо ирэх наймдугаар сарын 5-21-ний өдрүүдэд болно.
Засгийн газрын 2010 оны 289 дүгээр тогтоолоор баталсан “Агаарын тээврийг хялбаршуулах үндэсний хөтөлбөр”-т улсын бүртгэлийн байгууллага нь гадаад улсад зорчих баримт бичгийг зохиох, хэвлэх, тараах, цахим хэлбэрт шилжүүлэх, олон улсын стандартад нийцүүлэх, машинаар уншигдах боломжтой гадаад улсад зорчих баримт бичиг олгох, хугацааны сунгалт хийгдэхгүй болон уншигдах хэсэгт өөрчлөлт, засвар оруулах боломжгүй биометрик мэдээлэл хадгалсан паспортыг хэрэглээнд нэвтрүүлэх, машинаар уншигдахгүй гадаадад зорчих баримт бичгийг 2015 оны арваннэгдүгээр сарын 24-ний өдрөөс өмнө эргэлтээс бүрэн хасах тухай заасан.
Үндэсний сэтгүүл зүй үүсч хөгжсөний 103 жилийн ойг Нийслэлийн Засаг даргын Тамгын газар, Монголын сэтгүүлчдийн нэгдсэн эвлэлтэй хамтран энэ сарын 4-ны өдөр Соёлын төв өргөөнөө тэмдэглэхээр боллоо. Монголын сэтгүүлчдийн нэгдсэн эвлэлээс энэ өдрийг тодорхой сэдвийн дор тэмдэглэн, нээлттэй хэлэлцүүлэг өрнүүлж, хамтарсан тунхаг бичиг гаргадаг бөгөөд энэ удаад мэдээллийн ил тод байдал, нээлттэй засаглалын тухай ярилцах аж.
Хан-Уул дүүргийн 10 дугаар хороонд Онцгой байдлын 30 дугаар ангийн хашаанд баригдаж буй 10 давхар барилгын зургаан давхраас хүн унаж гэмтсэн байна. Тодруулбал, “Монгол Алтай Гоулд” ХХК-ийн туслах ажилтан, Баянгол дүүргийн 20 дугаар хороонд суух 27 настай, эрэгтэй А тус барилгын зургаан давхарт өргөгч цамхаг байрлуулсан тавцан дээрээс унаж гэмтсэн байжээ. Тэрбээр Гэмтэл согог судлалын үндэсний төвд хэвтэн эмчлүүлж байгаа аж. Хэргийг Хан-Уул дүүрэг дэх цагдаагийн хоёрдугаар хэлтэст шалгаж байна.
Үндэсний номын сангийн 95 жилийн ой маргааш болох юм байна. Ойн хүрээнд энэ жил 95 ажил зохион байгуулахаар төлөвлөжээ. Маргааш Үндэсний номын сангийн Их уншлагын танхимд болох нээлтийн арга хэмжээнд Боловсрол, соёл, шинжлэх ухааны яамны удирдлага, бусад номын сангийн удирдлага болон хамтран ажилладаг байгууллагуудын төлөөлөл, Ардын уран зохиолчид оролцох аж. Мөн энэ үеэр “Бид номын санчид” видео танилцуулга, “МУҮНС-95 жил” фото үзэсгэлэн, Коха номын сангийн цогц программ товч танилцуулга, Үндэсний номын сангийн шинэ вэб сайт товч танилцуулгыг хийх аж.
Монгол Улсын Хөдөлмөрийн яам, Бүгд Найрамдах Солонгос Улсын Хөдөлмөр эрхлэлт, хөдөлмөрийн яам хооронд байгуулсан санамж бичгийн дагуу БНСУ-д хөдөлмөрийн гэрээгээр ажиллах хүсэлтэй иргэдээс Солонгос хэлний түвшин тогтоох 12 дахь удаагийн шалгалт авах тов гарчээ. Шалгалтын бүртгэл энэ сарын 04-11-ний өдрүүдэд 08:30-12:30, 13:30-17:30 цагуудад аймаг, дүүргийн Хөдөлмөрийн хэлтсүүдэд болно.