Өнөөдөр Архивын ерөнхий газрын шинэ байр ашиглалтад орж архивын бүх үйлчилгээг нэг дороос үзүүлж эхэллээ.
Өмнө нь Үндэсний төв архив, кино, гэрэл зураг, дуу авианы баримтуудын төвүүд тус тусдаа байранд үйлчилгээ үзүүлж байсан юм. Үндэсний төв архив өдөрт 50-100 орчим иргэн, жилд дунджаар 30 мянга хүртэлх хүнд архивын лавлагаа олгодог. Ингэхдээ хүн амын тооллого, цалин, ажилласан жилийн тодорхойлолтын лавлагаагаар үйлчилдэг байна. Архивын бичиг баримтыг стандартын дагуу хадгалах шинэ цогцолбор барилга ашиглалтад орохтой холбоотойгоор зарим төрлийн лавлагаа мэдээллийг хоёрдугаар сарын 29 хүртэл олгохгүй хэмээн өнгөрөгч 11 дүгээр сард тус газраас мэдэгдээд байсан бол өнөөдрөөс үйл ажиллагаагаа хэвийн явуулж байна. Архивын ерөнхий газар нь Хан-Уул дүүргийн 10 дугаар хороо буюу “Буян – Ухаа-2” хорооллын баруун талд байрлаж байна.
Ховд аймгийн Хар-Ус нуурын мөсөн дээр “Мөнгөлөг шагшуурга-2016” уламжлалт мөсний баяр боллоо. Энэ удаагийн баярт аймгийн 17 сум, төрийн болон төрийн бус байгууллагын төлөөлөл оролцжээ. Энэ үеэр тэшүүрийн Аймгийн аварга шалгаруулах тэмцээн, Мөсний шагай, мөсний олсны тэмцээн зохион байгуулж сумдыг Чандмань сум тэргүүлсэн бол байгууллагуудыг “Ховд их сургууль” тэргүүлсэн байна.
Монголын моно жүжгийн төвийн уран бүтээлчид “Ялагчийн цуваа-Улаанбаатар 2016” нэртэй олон улсын хоёр дахь фестивалийг зохион байгуулах гэж байна. Уралдааны бүртгэл өнгөрсөн сарын 25-наас эхэлсэн бөгөөд шалгаруулалт нь ирэх зургаадугаар сарын 25-наас долоодугаар сарын 1 хүртэл үргэлжлэх гэнэ. Тэдгээрээс шалгарсан нэг бүтээлийг олон улсын моно жүжгийн фестиваль үзэх буюу шалгаруулалтад тэнцсэн тохиолдолд Улаанбаатар хотноо болох “Ялагчийн цуваа-2016” олон улсын фестивальд тоглуулах аж.
Өмнөговь аймгийн Хүрмэн сумын төвөөс урд зүгт 25 км-т “Замтын-Ар” гэдэг газарт өчигдөр буюу хоёрдугаар сарын 29-ний өдөр газар хөдлөлт болжээ.
Монголын оюутны холбооноос санаачлан хэрэгжүүлж буй “21700 оюутныг ажлын байртай болгох нь” хөтөлбөрийн хүрээнд АСЕМ-д ажиллах оюутнуудыг бүртгэж эхэллээ. Энэ талаар Монголын оюутны холбооны дэд ерөнхийлөгч З.Төмөр “Ирэх долоодугаар сард оюутнуудын амралтын үе таарч байгаа учраас АСЕМ-д олон мянган оюутан ажиллах боломжтой. Хичнээн оюутан ажиллаж болох тухай нарийн тоог гаргаагүй байгаа” гэжээ. Монголд нийт 217 мянган оюутан байдгаас тэдний арван хувийг ажлын байранд зуучлахаар төлөвлөөд байна. Бүртгэлийг 
Засгийн газрын өчигдрийн хуралдаанаар Засгийн газрын хэрэжүүлэгч агентлаг Ашигт малтмалын газрын даргаар Д.Үүрийнтуяаг томилсон байна. Тэрбээр тус газрын даргын үүрэг гүйцэтгэгчээр ажиллаж байсан юм.
Засгийн газраас АСЕМ-ын Дээд түвшний 11 дүгээр уулзалт, АСЕМ-ын 20 жилийн ойн арга хэмжээг зохион байгуулах ажлын хүрээнд гуравдугаар сарын 1-нийг АСЕМ-ын өдөр болгон зарласан юм. Мөн энэ өдөр АСЕМ-ын Мэдээллийн төвийг МОНЦАМЭ агентлагийн байранд нээж, ГХ-ийн сайд Л.Пүрэвсүрэн мэдээлэл өгсөн.
Улз голын сав газрын захиргаа, тусгай хамгаалалттай газар нутгийн Дорнод хамгаалалтын захиргааныхан хамтарч Угтам ууланд амьдардаг амьтдад зориулсан өвс, шүү тавьж өгсөн байсан. Тодруулбал, буга, бор гөрөөс, зээр ихээр ундаалж, бэлчээрлэдэг Угтам уулын рашаан булаг, Аргалантын арын булгийн эхэнд биотехникийн арга хэмжээ авч хэрэгжүүлэн гурван тонн өвс, Дашбалбар сумын Шүүтийн уураас 1.5 тонн байгалийн шүү татаж авчран ан амьтны зөрөг зам дээр байрлууллаа.
Нийслэлийн удирдлагын зөвлөлийн ээлжит хуралдаан өчигдөр “Нийслэлийн үйлчилгээний нэгдсэн төв”-д болов.