Өнөөдөр болсон “Орон сууцны ипотекийн, малчны, өндөр настны тэтгэвэр барьцаалсан зээлийн хүүгийн талаарх зарим асуудал” сэдэвт хэлэлцүүлэгийн үеэр ахмадуудын тэтгэвэрийн зээлтэй хэд хэдэн асуудал сөхөгдлөө. Учир нь Монголын Ахмадын холбооны тэргүүн Г.Баасан монголын ахмадууд өнөөдөр тэтгэвэрийн зээлтэй, өртэй тэнгэртээ хальж байгаа талаар ярьсан бөгөөд банкуудын зүгээс тэтгэвэрийн зээлийн өндөр хүүгээ багасгах ямар арга зам, боломж байгааг судлаж ажиллахыг хүссэн юм. Харин МУИС-ын судлаачид ахмад настнуудын дунд судалгаа хийжээ. Тус судалгааны үр дүнд тэтгэвэрийн насны ахмадуудаар тэжээлгэдэг залуу үеийнхэн эрс нэмэгдсэн талаар хэлэв. Түүнчлэн ахмад настан тэтгэвэрийн зээлээ өөрсөддөө зарцуулж байгаа тохиолдол тун ховор байгаа төдийгүй ихэнх нь ар гэрийнхний ятгалгаар зээл авдаг гэнэ. Энэ нь нэг талаараа хүчирхийлэл, хүний эрхийг зөрчиж байна гэж тэд үзлээ. Тиймээс тэтгэвэрийнх нь 80 хувийг зээлээр олгоод үлдсэн 20 хувийг нь өөрсдөд нь үлдээж болох саналыг ч дэвшүүллээ.
УИХ-ын Өргөдлийн байнгын хороонд иргэдээс ирүүлсэн өргөдлийн дагуу тус байнгын хорооноос Монголын банкуудын холбоотой хамтран “Орон сууцны ипотекийн, малчны, өндөр настны тэтгэвэр барьцаалсан зээлийн хүүгийн талаарх зарим асуудал” сэдвийн дор хэлэлцүүлэг хийлээ. Тус хэлэлцүүлэгт УИХ-ын гишүүн Өргөдлийн байнгын хорооны дарга Ж.Батзандан болон УИХ-ын нэр бүхий гишүүд, ХАХНХЯ, ХХААЯ, БХБЯ, Монголбанк, арилжааны банкны төлөөллүүд, Монголын ахмадын холбоо, Стратеги судлалын хүрээлэн, Их дээд сургуулийн багш, судлаачид оролцлоо. Хэлэлцүүлгийн эхэнд байнгын хорооны дарга Ж.Батзандан ипотекийн зээлтэй холбоотой мэдээлэл өгсөн юм. Энэхүү хэлэлцүүлэгийн үеэр тэрээр ипотекийн зээлийг ирэх сараас 5 хувь болгох боломжтой гэдгийг хэлсэн юм. Өнөөдөр 18 мянга 882 айлын орон сууц ашиглалтад орсон эзнээ хүлээж байгаа бол 50-иас дээш хувийн гүйцэтгэлтэй 22 мянга 303 айлын орон сууц, 50 хувийн гүйцэтгэлтэй 24 мянга 661 айлын орон сууц баригдаж буй. Гэр хороололд амьдардаг иргэдийн 189 мянга нь орон сууцанд хамрагдах хүсэлтэй байдаг бөгөөд орон сууцны зээлд хамрагдах хүсэлтэй 169 мянга гаруй өрх байгаагаас зээлд хамрагдаж орон сууц худалдан авах чадвараа баталгаажуулсан 63 мянга 915 өрх бий юм. Өөрөөр хэлбэл 8 хувийн зээлд хамрагдах боломжтой 64 мянган өрх байна гэсэн үг. Гол нь хаврын чуулганы эхэнд хууль батлаж байж шилжих боломжтой гэдэг мөн хэллээ.
“Дэлхийн Монгол ногоон нэгдэл” ТББ-ын тэргүүн Х.Бээжинд эрүүгийн хэрэг үүсгэн шалгаж байна. Тэрээр саяхан Сонгинохайрхан дүүргийн нутаг дэвсгэрт машинтай явж байх үедээ машинтай мөргөлдөн осол гаргажээ. Улмаар тус машиныг жолоодож явсан Б-г зодож хүнд гэмтэл учруулжээ. Тиймээс Сонгинохайрхан дүүргийн цагдаагийн хэлтсээс түүнд танхайрсан гэх үндэслэлээр эрүүгийн хэрэг үүсгэн шалгаж эхэлжээ.
Өнөөдөр өрх толгойлсон ганц бие, эцэг, эхэд үзүүлэх нийгмийн халамжийн хуулийн төслийн хэлэлцүүлэг Төрийн ордонд боллоо.
Үндэсний их баяр наадмын тухай хуулийн 2 дугаар зүйл, Ази, Европын дээд түвшний 11 дүгээр уулзалтыг зохион байгуулах Үндэсний зөвлөлийн саналыг үндэслэн Засгийн газрын тогтоол гаргаж, аймаг, дүүрэг, сумын баяр наадам, бүс, аймгийн хэмжээний томоохон уралдааныг 2016 оны долдугаар сарын 15-25-нд зохион байгуулах арга хэмжээ авахыг аймаг, нийслэлийн Засаг дарга нарт Засгийн газраас даалгалаа.
Нам даралтын зуух дэлбэрч, хүн гэмтжээ. Нийслэлийн Баянзүрх дүүргийн 10 дугаар хороонд суух иргэн М гэртээ гал түлэх гэж байх үед нам даралтын зуух буудаж, гэмтэл авчээ. 
Улаанбурханы эсрэг дархлаажуулалтын вакциныг хийж эхэлжээ. Нийт 70 000 хүн тун вакцин хүлээн авч, одоогийн байдлаар 5000 гаруй хүн дархлаажуулалтад хамрагдсан байна.
Хөдөө, орон нутгийн иргэддээ чиглэсэн үе шаттай бодлогуудыг Засгийн газраас хэрэгжүүлж байгаа. Тухайлбал, хязгаар нутагт шатахууны үнийг төвийн бүсийнхтэй ойролцоо түвшинд хүргэх ажлыг зохион байгуулснаар баруун аймгуудад шатахууны үнийг 150-350 төгрөгөөр буулгасан. Мөн орон нутагт энэ оны дөрөвдүгээр сараас том онгоцоор нисгэхээр Засгийн газраас чиглэл өгч, ажиллаж байна. Малчны зээлийн хүүг бууруулсан, мах экспортолж эхэлсэн зэрэг хөдөөд чиглэсэн ажлуудыг хэрэгжүүлж байна. Эдгээр бодлогын зангилаа нь орон нутгийн иргэдэд хүрч буй мэдээллийн түвшин адилхан байх юм. Тиймээс өнөөдрийн “Шийдлийн цаг” уулзалтаар хөдөө, орон нутагт интернэт дамжуулах сүлжээ болон үйлчилгээний үнийг бууруулах асуудлыг ярилцаж байна гэж Монгол Улсын Ерөнхий сайд Ч.Сайханбилэг хэллээ. Тус уулзалт Мэдээллийн технологи, шуудан харилцаа, холбооны газарт болж, тус газрын дарга Ц.Жадамбаа интернэт хэрэглээний хот хөдөөгийн ялгаатай байдлын талаар танилцууллаа.
Цагдаагийн ерөнхий газрын сургалтын төвөөс НҮБ-ын