“Өдрийн сонин”-ы лхагва гаригийн дугаар 20 нүүрээр хэвлэгдэн гарлаа. Энэ өдрийн дугаарт “Эрдэнэс Монгол” компанийн гүйцэтгэх захирал, “Оюу толгой” компанийн ТУЗ-ийн гишүүн Б.Бямбасайхантай хийсэн сонирхолтой ярилцлага нийтлэгдсэн юм. Түүнчлэн төрийн шагналт, ардын уран зохиолч яруу найрагч Б.Лхагвасүрэн, “Авьяаслаг Монголчууд” нэвтрүүлгийн шүүгчээр ажиллаж буй “Харанга хамтлагийн Ц.Чулуунбаатар, “Баялаг бүтээгчдийг дэмжих холбоо”-ны ерөнхийлөгч Ч.Даваабаяр нарын сонирхолтой, уншууртай ярилцлагууд хэвлэгдлээ. Мөн улстөрийн мэдээллийн хоёрдугаар нүүрээс Сангийн сайд Б.Болортой хийсэн “Дэд сайдын орон тоог цомхотгосноор 600 гаруй сая төгрөг хэмнэсэн” хэмээх ярилцлагыг уншаарай. Саяхан анагаахын сургууль төгсөгчид лицензийн шалгалтдаа тэнцдэггүй тухай мэдээлэл, шүүмж цахим ертөнцөөр нэлээд гарсан. Тэгвэл тэр талаар АҮШУС-ийн холбогдох албан тушаалтантай хийсэн ярилцлага 15 нүүр нийтлэгдлээ. Анагаахын сургууль төгсөгчдөөс алдаатай текстээр шалгалт авдаг гэсэн байх юм. Түүнчлэн ШУ-ы гавьяат зүтгэлтэн, академич, төрийн шагналт Т.Намжимтэй хийсэн ярилцлагыг дөрөвдүгээр нүүрээс унших боломжтой. Гадаад хэргийн сайд асан Л.Эрдэнэчулуун “Төвийг сахих нь үеэ өнгөрөөсөн бодлого” гэжээ.
Ярилцлагуудын хувьд ийм байна. Баримт, үзэл бодлын гуравдугаар нүүрт нэрт нийтлэлч Баабарын “Ёс суртахууны тулгуур багана” хэмээх нийтлэл хэвлэгджээ. Уг нийтлэлээрээ хувь хүн юун түрүүнд өөрийн эрх ашгийг тавьдаг бөгөөд түүнд нь тохирсон нийгэм байж л ёс суртахуун хэв журам жинхэнэ ёсоороо биеллээ олох талаар тун нухацтай өгүүлжээ. Цахим орчинд итгэл олж охид бүсгүйчүүдийг зүй бусаар хүчирхийлдэг этгээдийн талаар өмнөх дугаарт нийтэлсэн. Харин өнөөдрийн дугаарт түүний үргэлжлэлийг “Фэйсбүүкээр танилцаж, од болгох нэрийдлээр секс сүрдүүлэг хийдэг болжээ” хэмээх нийтлэлээр хүргэж байна. Мөн түүнчлэн авлигын хэрэгт холбогдож Интерполоор эрэн сурвалжлагдаж байгаа Б.Хуяг, Н.Энхтуяа нарын тухай шинэ мэдээллийг долдугаар нүүрээс уншаарай. Улаанбаатар-Берлин чиглэлийн онгоц Новосибирскт хоёр цаг саатсан нь сүүлийн хэдэн өдөр олны анхаарлыг татсан. Тэр талаар албаны хүмүүсийн өгсөн тайлбарыг 15 дугаар нүүрээс сонирхох боломжтой юм. Энэ мэтчилэн спорт, гадаад мэдээ, цаг үеийн бусад мэдээллүүдийг багтаалаа.
“Өдрийн сонин” өглөө бүр тантай хамт
Эдийн засгийн байдал хүндэрч, гадаадын хөрөнгө оруулалт буурсан энэ үед уул уурхайн төслүүдийн цаашдын хувь заяаг бараг хүн бүр сонирхож байгаа. Тэгвэл “Өдрийн сонин”-д “Эрдэнэс Монгол” компанийн гүйцэтгэх захирал, “Оюу толгой” компанийн ТУЗ-ийн гишүүн Б.Бямбасайхантай хийсэн сонирхолтой ярилцлага нийтлэгджээ. Монголчуудын хамгийн их найдлага тавьж буй томоохон компанийн төлөөлөл учраас түүний үг бүр нь үнэтэй. Ярилцлага “Олон улсын банкуудаас авах Оюу толгойн зээл оны өмнө нь шийдэгдэх нь тодорхой болсон” хэмээх гарчигнаасаа эхлээд анхаарал татсан зүйл ихтэй. Б.Бямбасайхан ярилцлагадаа “2015 онд Оюу толгой дотоодын эдийн засагт нийтдээ 800 гаруй сая ам.долларыг оруулж ирнэ гэсэн төлөвлөгөө бий. Багцаагаар 1.6 их наяд төгрөг гэсэн үг” гэжээ. Мөн “Зах зээл унаж байгаа үед бүтээн байгуулалтаа хийгээд гүний уурхайгаа барьчихвал зэсийн үнэ өссөн үед том ашиг олох боломж бүрдэнэ. Дэлхий даяар зах зээл хүндрэлтэй ийм үед барьж байгуулах боломжийг л хайх хэрэгтэй. Тэгвэл үнэ өссөн үед ашгаа хүртэж эдийн засаг хурдан сэргэх боломжтой” зэргээр уул уурхайн салбарын сүүлийн үеийн мэдээлэл, шинэ санаачлагуудаасаа хуваалцсан байна. 
Засгийн газрын ээлжит хуралдааны дараа
Хан-Уул дүүргийн 11-р хорооны хүнсний дэлгүүр, Баянгол дүүргийн “Түмэн
Энэ сарын 03-ны 17 цаг 58 секундэд Баянзүрх дүүргийн Улиастайн хөндийн салбар Шарын аманд магнитуд нь 4,4 хүчтэй газар хөдлөлт болсон билээ. Энэ үед Бэлх, Шаргаморьт, гачуурт тосгоны оршин суугчдад хүнгэнэсэн дуу чимээ сонстож, хүчтэй чичиргээ мэдрэгдсэн ба хотын бүх дүүргийн оршин суугчдад чичирхийлэл мэдрэгдэж сандрал үүсгэсэн байна.
Эдийн засгийн байнгын хорооны хуралдаанаар Барилгын тухай хуулийн шинэчилсэн найруулгын төслийг хэлэлцэх эсэхийг шийдлээ. Барилгын тухай хуулийн шинэчилсэн найруулгын төсөл нь 9 бүлэг 53 зүйлтэй бөгөөд төсөлд барилга байгууламжийг төвөгшлөөс нь шалтгаалан таван хэсэг хуваасан байна. Барилгын үйл ажиллагаанд тусгай зөвшөөрөл олгох, тухайн барилгад зөвшөөрөл олгох асуудлыг шууд ангилалтай нь холбож өгсөн байна. Хэлэлцэж байгаа асуудалтай холбогдуулан байнгын хорооны гишүүдийн асуултад Барилга хот байгуулалтын сайд болон холбогдох албаны хүмүүс хариулт өгсөн юм.
Улсын Их Хурлын Төрийн байгуулалтын байнгын хорооны өнөөдрийн
Зам тээврийн сайдын энэ сарын 2-ны өдрийн 255 дугаар тушаалаар Завхан аймгийн Алдархаан, Идэр, Яруу сумдын нутаг дэвсгэр дэх Загастайн даваа орчмын тээврийн хэрэгслийн хөдөлгөөнийг хаахаар болжээ. Тус давааг энэ сарын 8-наас эхлэн хоёр сарын хугацаанд хаах юм байна.