Бүгд найрамдах Солонгос Улсад хөдөлмөрийн гэрээгээр ажиллах хүсэлтэй иргэдийн бүртгэл маргааш буюу энэ сарын 5-аас эхлэн Хөдөлмөр эрхлэлтийн үйлчилгээ, судалгаа, мэдээллийн үндэсний төвд гурав хоног үргэлжилнэ.
Бүртгэлд хамрагдах иргэд 18-39 насны буюу 1975 оны наймдугаар сарын 06-аас 1997 оны наймдугаар сарын 05-ны хооронд төрсөн, хорих ял эдэлж байгаагүй байх ёстой аж.
Мөн Солонгосоос албадан гараагүй буюу албадан гаргах арга хэмжээ авахуулж байгаагүй, БНСУ-д ажиллаж байгаад оршин суух хугацаандаа багтаж сайн дураараа нутаг буцаж ирсэн байх буюу 2010.01.01-нээс хойш ирсэн иргэд, Монгол Улсаас гарах эрхээ хязгаарлуулаагүй зэрэг шалгуур хангах ёстой юм байна.
БНСУ-д хөдөлмөрийн гэрээгээр ажиллаж байгаад хугацаандаа нутаг буцсан, дахин гэрээгээр ажиллах хүсэлтэй иргэдийг бүртгэлд хамруулан, солонгос хэлний түвшин тогтоох шалгалтыг компьютерт суурилсан тестийн аргаар авах бөгөөд БНСУ-ын гадаадын иргэдийн хөдөлмөр эрхлэх зөвшөөрлийн тогтолцооны дагуу тус улсад ажиллах хүсэлтэй иргэд Солонгос хэлний түвшин тогтоох шалгалтад тэнцсэн байх ёстой юм.
2008-2014 оны төсөвт тусгагдсан ч тухайн жилдээ санхүүжилтээ бүрэн аваагүй төсөл, арга хэмжээг санхүүжүүлэхээр болжээ. Ингэхдээ ажлын гүйцэтгэл нь 80 хувиас дээш байх ёстой гэсэн шаардлага тавьж байгаа юм. Энэ ажилд 176,2 тэрбум төгрөг зарцуулах юм байна.
Монгол Улсад төмөр замын байгууллага үүсч хөгжсөний 77 жил, Оросын хувь нийлүүлсэн нийгэмлэг УБТЗ байгуулагдсаны 66 жилийн ойг тохиолдуулан 2015 оныг авто тээврийн чанарыг сайжруулах жил болгон зарлажээ. Мөн Монгол Улсыг дамжин өнгөрөх хурдны галт тэрэгний маршрутыг судлан, хурдын төмөр замыг хөгжүүлэх тал дээр анхааран ажиллаж байгаа аж. Энэ хүрээнд Монгол Оросын хувь нийлүүлсэн нийгэмлэг, УБТЗ-ын дарга Л.Пүрэвбаатар Эрээн-Улаанбаатар хотын хооронд 200 км цагийн хурдтай хурдны галт тэрэг аялуулах төлөвлөж байгаагаа дуулгажээ.
“Төрийн захиргааны байгууллагын тогтолцоо, ерөнхий бүдүүвч” батлах тухай УИХ-ын тогтоолд нэмэлт оруулах тухай тогтоолын төслийг УИХ-д өргөн мэдүүлэх боллоо. Төсөл батлагдвал “Эрүүл мэндийн даатгалын ерөнхий газар” байгуулагдах гэнэ. Түүнчлэн уг төсөл батлагдсанаар Үндсэн хуулиар тогтоосон иргэдийн эрүүл мэндээ хамгаалуулах, тусламж, үйлчилгээ авах үндсэн эрхээ хэрэгжүүлэх, “Даатгуулагч” төвтэй эрүүл мэндийн даатгалын тогтолцоог бэхжүүлэх үндэс тавигдах гэнэ. Тогтоолыг 2016 оны нэгдүгээр сарын 1-нээс мөрдөхөөр төсөлд тусгажээ. 
Засгийн газрын наймдугаар сарын 3-ны ээлжит хуралдаанаар ямар асуудал хэлэлцэн, шийдвэрлэсэн талаар Ерөнхий сайдын хэвлэлийн төлөөлөгч Ц.Мөнхтөр сэтгүүлчдэд мэдээлэл хийлээ.
Жолоочгүйгээр уруу газар,
“Blue Moon” арт галлерей нь 2012
“Хангарьд” клубийн тамирчин спортын мастер М.Дэлгэрхүү Дэлхийн оюутны универсиад их наадмын гуравдахь өдөр 100 метрийн өврөөр даллах сэлэлтээр уралдаж 00:55.71 амжилтаар Монгол улсын рекордыг шинэчлэн тогтоосон байна. Энэ рекордыг Лондонгийн олимпод оролцсон спортын мастер А.Тамир 2012 оны Лондонгийн олимпид 00:56.37 амжилтаар эзэмшиж байжээ. Харин одоо тэрээр ОХУ-ын Казаньд болж байгаа усанд спортын 16 дахь удаагийн ДАШТ-д оролцож байгаа юм. Уг тэмцээнийг БНХАУ-ын баг тамирчид хошуучилж байгаа бөгөөд манай улсаас эрэгтэй хоёр, эмэгтэй хоёр тамирчин оролцож байна. 
“Найрсаг Улаанбаатар” хөтөлбөрийн хүрээнд “Даншиг наадам-Хүрээ цам хөтөлбөрийн эхний өдөр буюу наймдугаар сарын 08-ны өдрийн 06:00-08:00 цагийн хооронд Чингисийн талбайд сүсэгтэн олонд зориулж ном айлдах тул тус үйл ажиллагаанд оролцох иргэдийг нийтийн тээврийн үйлчилгээгээр хангахаар болжээ. Тодруулбал Орбит, Нарангийн гол, Ханын материал, Баянхошуу, Нисэх, Яармаг, Дэнжийн 1000, Чингэлтэй, Бэлх, Шархад, Зүүн салаа, Улаанхуаран гэсэн нийт 12 суурьшлын цэгээс 24 тээврийн хэрэгсэл өглөөний 05:30, 05:45 цагаас Чингисийн талбай руу үнэ төлбөргүй иргэдийг тээвэрлэх аж.
Сүхбаатар аймгийн Эрдэнэцагаан сумын иргэн шавжинд хазуулснаас биеийн байдал нь хүндэрсэн билээ. Түүнийг Улаанбаатар хот руу авчирч эмнэлэгт үзүүлсэн ч өнгөрөгч сарын 28-нд нас барсан юм. Одоогоор нас барсан шалтгааныг шавжинд хазуулснаас болсон уу, эсвэл хууч архаг өвчтэй байсан уу гэдгийг тодруулахаар шинжилгээ хийж байгаа ажээ. Түүнээс гадна Сүхбаатар аймгийн нэгдсэн эмнэлэгт шавжинд хазуулсан нэг хүүхэд, нэг том хүн хэвтэн эмчлүүлээд гарчээ. Сүхбаатар аймагт тохилдсон энэ үйл явдлаас үүдэн аймгийн халдвар судлалын эмч нараас бүрдсэн тандалт судалгааны баг ажлаа үргэлжлүүлж байна. Эх сурвалжийн мэдээлж буйгаар хүн хазсан шавжийг үхэр хэдгэнэ байж магадгүй гэжээ.