ИБУИНВУ-д ажлын айлчлал хийж байгаа Ерөнхий сайд Ч.Сайханбилэг тус улсын Ерөнхий сайд Дэвид Камеронтой уулзжээ. Уулзалтын үеэр Ерөнхий сайд Ч.Сайханбилэг айлчлалын гол зорилго хөрөнгө оруулалт татах юм гэдгийг онцлоод хоёр талын хөрөнгө оруулалтын хэмжээг нэмэгдүүлэх, Британи улсын Засгийн газрын зүгээс Монгол Улсад үйл ажиллагаа явуулж буй Британийн компаниудад дэмжлэг үзүүлэх хүсэлтийг тавьжээ.
Харин ИБУИНВУ-ын Ерөнхий сайд Девид Камерон Британийн Засгийн газар Монгол Улстай эдийн засгийн хамтын ажиллагаагаа өргөжүүлж, дэмжлэг үзүүлж ажиллахаа илэрхийлсэн байна.
Мөн энэ өдөр Ерөнхий сайд Ч.Сайханбилэг ИБУИНВУ-ын Гадаад хэрэг, хамтын нөхөрлөлийн сайд Филип Хэммондыг хүлээн авч уулзжээ. Монгол Улсын Ерөнхий сайд Эдийн засгийн хамтын ажиллагааг өргөжүүлэх, иргэд хоорондын харилцаа түүний дотор соёлын харилцааг идэвхжүүлэх хэрэгтэй байгаа. Монголын Засгийн газар эдийн засагт ач холбогдол өгч, гадаадын хөрөнгө оруулалтыг татахад анхаарч ажиллаж байгаа гэсэн аж.
Энэ уулзалтаар бүс нутгийн хамтын ажиллагаа, худалдаа, эдийн засгийн харилцаа, аялал жуулчлал, оюутан солилцоо, боловсролын хамтын ажиллагааг нэмэгдүүлэх талаар ярилцсан гэнэ.
Монгол Улс НҮБ-ын хүний эрхийн зөвлөлд нэр дэвшсэнийг Британийн Засгийн газар дэмжиж байгаа гэж ноён Филип Хэммонд хэлжээ. 
Төв аймгийн Баян суманд өнөөдөр дунд сунгаа болж байна. Өнөөдөр даага, шүдлэн, хязаалан насны морьд уралдах аж. Маргааш Их нас, азарга, эрлийз насны уралдаан болох юм байна. Энэ жилийн Төрийн наадамд айрагдах тааварт баттай орж буй томоохон уяаны морьдын өнгийг манай сонины маргаашийн дугаараас уншаарай. 
Цагдаагийн албан хаагчийн дүрэмт хувцастай залуу 45 орчим насны эмэгтэйг зодож буй бичлэг олон нийтийн сүлжээгээр цацагдав. Энэ бичлэгийг үзсэн хүнд тэр цагдаагийн хэрцгий балмад үйлдэл жигшил төрүүлмээр. Гэгээн цагаан өдөр олон нийтийн газар авто зам дээр түгжрэл үүсгэн эмэгтэй хүнд гар хүрч буй түүнийг хараад хэлэх муу үг олдсонгүй. Эмэгтэйн толгой руу хэд хэдэн удаа цохиод авав. Тэр тоолонгоор нь эмэгтэйн толгой дальжгас гээд савагдах аж. Нөгөө эмэг тэй нь яасан их тэвчээртэй юм, цохиулаад зогсоод байх. Тэгснээ нөгөө эмэгтэйг цагдаа машиныхаа арын суу далд чихэж харагдав. Машины хаалгыг нь хаахдаа эмэгтэйн баруун хөлийг хавччих юм. “Яргачин” шиг л санагдав. Нөгөө эмэгтэй үг хэлсэн бололтой. Дургүй нь хүрсэн цагдаа эмэгтэйг дахиад цохиж буй дүр зураг харагдах аж. Эцэст нь нэг юм өнөө цагдаа машиндаа сууж, түгжирч зогссон машинууд ч хөдөлгөөнд оров. Энэ бичлэгт төрийн цагдаа биш нэгэн хүчирхийлэгчийн үйлдлийг харуулах шиг. Энэ бичлэгийг хийхээс өмнө тэр цагдаа авто замын нөгөө талаас эмэгтэйг үсдэж чирээд авчирсан гэдгийг жиргээч онцолсон байна. Бичлэгийг үзэж дуусаад цагдаа эмэгтэйг хаа нэгтээ аваачаад бараг алахаас наахнуур зүйл болсон байх даа гэж бодогдмоор. “Цагдаа болно” гэж ярьдаг жаахан хүүхдүүд энэ бичлэгийг үзсэн бол яах вэ. Цагдаа болох хүсэл мөрөөдөлдөө автаж яваа сонсогчид үүнийг хараад юу гэж бодох бол. Төрийн тусгай албан хаагчийн ёс зүйн хэм хэмжээнээс хэтийдсэн тэр цагдаа хэнийг ийн бөх зүрхтэйгээр гэгээн цагаан өдөр зодов. Арай эхнэрээ зоддог нөхөр биш биз гэсэн болгоомжлол олон нийтийн дунд түгсэн юм.
Цагдаагийн дотоод хяналтын албаныхан түүнийг хэн болохыг нь тогтоов. Эх сурвалжаас авсан мэдээллээр тэр цагдааг Нийслэлийн цагдаагийн газрын Дотоод хяналтын албаныхан хэн гэдгийг нь тогтоож шалгаж эхэлжээ. Тэрбээр Хан-Уул дүүргийн цагдаагийн хэлтсийн мөрдөн байцаагч, ахмад Э.Баасандорж гэнэ. Цагдаагийн байгууллагад олон жил ажиллаж байгаа бөгөөд эхнэр хүүхэдтэй юм байна. Түүнд зодуулж байсан эмэгтэй нь түүний шалгаж буй хэргийн сэжигтэн аж. Хэдий сэжигтэн байлаа ч төрийн цагдаа хэнд ч гар хүрэх ёсгүй. Төрийн цагдаад гар хүрэх эрх байдаггүйтэй адил төрийн цагдаа бас хэн нэгэнд гар хүрэх ёсгүй юм. Таны эрх чөлөө дараагийн хүний хамрын үзүүр хүртэл үргэлжилнэ гэсэн үг байдаг шиг санагдаж байна. Энэ бол танд эрх чөлөө бий ч бусад хүнд бас эрх чөлөө байгааг сануулсан үг юм. Цагдаа гэдэг бол хэн нэгнийг зодож дээрэлхэх бус нийгмийн хэв журмыг сахин хамгаалах үүрэг хүлээсэн төрийн тусгай албан хаагч. Төрийн тусгай албан хаагчийн хувцас өмсөнө гэдэг маш өндөр хариуцлага, үлгэр дуурайлал байдаг.
Ардын хувьсгалын баяр наадмын өдрүүдэд нийтийн тээврийн үйлчилгээнд 81 чиглэлд их багтаамжийн 615, туслах 17 чиглэлд бага багтаамжийн 90, зуслангийн 3 чиглэлд 4, нийт 725 автобус үйлчилгээнд ажиллах юм байна. Долдугаар сарын 11,12-ны өдрүүдэд Төв цэнгэлдэх хүрээлэн орох наадамчиддаа зориулж Мишээл экспо төв рүү нийт 11 чиглэлийн 98 автобус, Дүнжингарав төв рүү 22 чиглэлийн 121 автобус үйлчилнэ.
Баянгол дүүргийн IV хороо Ажилчдын гудамж, Гурвалжингийн гүүрэн дээр өчигдөр амины Toyota Prius маркийн автомашины жолооч Г нь явган зорчигч Б-г мөргөж амь насыг нь хохироосон хэрэг гарсан байна. Хохирогч нь Хан-Уул дүүргийн ТҮК-ийн ажилтан байжээ. Тиймээс жолооч нарыг замын нөхцөлд хурдаа зөв тохируулан, анхаарал болгоомжтой хөдөлгөөнд оролцохыг замын цагдаагийн газраас анхааруулж байна.
“Чингис хаан” гран при тэмцээн долдугаар сарын 3-5-ны өдрүүдэд Улаанбаатар хотод болох гэж байна. Энэ тэмцээн олимпийн оноо цуглуулах тэмцээн учраас гадаадын 50 гаруй улсын төлөөлөл, тамирчид оролцохоор ирж байна. Дэлхийн шилдэг, чансаа өндөртэй тамирчид барилдах энэ тэмцээнийг 180 оронд шууд дамжуулахаар болсон юм. Зохион байгуулагчдын зүгээс гран при тэмцээн бол Монголын спортын бодлогыг тодорхойлж байгаа том тэмцээн гэж үзэж, ач холбогдол өгч байна. Монголын баг тамирчдын хувьд жин тус бүрт дөрвөн тамирчин оролцуулж байгаа. Тэмцээний тасалбар гурван өдрийнх нь нийлээд 20000 төгрөг.
“Монгол хуушуур” фестивалийг Төв цэнгэлдэх хүрээлэн, Хүй долоон худагт долдугаар сарын 11, 12-ны өдрүүдэд зохион байгуулахаар болжээ. Энэхүү наадмын гол зорилго нь Монгол үндэсний уламжлалт хоолыг гадаадын жуулчид, зочид төлөөлөгчид, наадамчин олонд сурталчлах, хоол хийх урлагийг хөгжүүлэх, наадамчдад амт чанартай хоол хүнсээр үйлчлэх зэрэг болно. Энэ жил 850 аж ахуйн нэгжид хуушуурын зөвшөөрөл олгох бөгөөд Төв цэнгэлдэх хүрээлэн болон Хүй долоон худагт наадмаар худалдаа, үйлчилгээ эрхэлж буй аж ахуйн нэгж, иргэдээс фестивалийн хүрээнд хамгийн том хуушуур хийсэн хоёр, хамгийн амттай хуушуур хийсэн хоёр, хамгийн цэмцгэр асартай хоёр гэсэн нийт зургаан номинациар 12 иргэн, аж ахуйн нэгж байгууллагыг шалгаруулж тус бүр нэг сая төгрөгөөр шагнана гэв. Фестивалийн хүрээнд наадмын талбайд хуушуурын үйлчилгээ явуулж буй газрууд “Манайд зочлоорой” сэдэвт худалдаа үйлчилгээний асраар үйлчлүүлэх эрхийн бичгийг 20 наадамчдад гардуулна. Мөн Төв цэнгэлдэх хүрээлэн болон Хүй долоон худагт урлагийн тоглолт, үзэгчдийн дундах тэмцээн болох ба наадамчдын дунд “Хамгийн амттай хуушуур”, “Хэн олон хуушуур идэх вэ”, “АХА” танин мэдэхүйн хөгжөөнт тэмцээн, “Хамгийн том хуушуур”, “Хэн олон хуушуур чимхэж чадах вэ”, “Хэн хуушуурын гурилыг хурдан элдэх вэ”,“Би хуушуурыг хамгийн хурдан чимхэж чадна” зэрэг олон сонирхолтой тэмцээн зохион байгуулахаартөлөвлөөд байгаа аж. Мөн дүүрэг бүрийн наадмын талбай дээрх хуушуурын үйлчилгээний газрууд наадамчдад зориулан танилцуулга, ая дууны мэндчилгээ явуулж чөлөөт үзүүлбэрүүд үзүүлэх юм байна.
-ЦУСТАЙ ХОЛИЛДСОН ХҮМҮҮС ЭМНЭЛГИЙН ТУСЛАМЖ ИРТЭЛ ГАВТАЙГАА БАЙСАН
Энэ жил Хүй долоон худаг, Төв цэнгэлдэх хүрээлэн орчимд нийтдээ 850 гаруй хуушуурын гэр гарах юм байна. Үүн дээр бусад үйлчилгээнүүд нэмэг дээд нийт дээ 1000 орчим цэг болох аж. Эдгээр хуушуурын цэгүүдийн талбайг олгох эрхийг дүүргүүдэд нь шилжүүлсэн байна. Ойролцоогоор нэг дүүрэг 100 орчим хуушуурын цэг гаргах эрхтэй гэсэн үг. Дүүргүүдийн зарим нь зургадугаар сарын 20, нөгөө хэсэг нь зургадугаар сарын 25 орчмоос эхэлж иргэдээс өргөдөл, хүсэлтийг нь авчээ. Наадмыг тохиолдуулсан амралтын өдрүүд олширсонтой холбоотойгоор хуушуурын цэг ажиллуулах хүсэлтэй иргэд ихээр хандаад байгаа аж. Мөн ноднин жилээс эхлэн зөвхөн аж ахуйн нэгж гэлгүй иргэдэд хуушуурын асар гаргах эрх өгсөнтэй ч холбоотой гэнэ. Өдөрт л 100 хүсэлт ирж байснаас шалтгаалж дүүргүүд нэмж өргөдөл авахаа зогсоогоод байгаа юм байна. Сүхбаатар дүүрэгт гэхэд л хуушуурын 85 гэр гаргах эрх байгаа атал 165 өргөдөл ирээд байгааг албаны хүн нь хэлж байлаа. Өнөө жилийн нэг онцлог нь хуушуурын цэгүүдийг дүүргүүдийн тодорхой газруу дад ажиллуулах аж. Тодруулбал, Бөхийн өргөөний ард, Гачуурт чиглэлд Амгалангийн зам дагуу, Төмөр замын дээд сургуулийн дэргэд, X хорооллын зам дагуу, III, IV хороолол Байгаль эх цог цолборын дэргэд, Морин тойруулгын талбай, Цамбагаравын талбай, Сонгино хайрхан дүүргийн гуравдугаар үйлчилгээний төв, Драгон төвийн дэргэд, Тусгаар тогтнолын талбайд тус тус хуушуурын асар, гэрүүд гарах нь. Мөн Хүй долоон худаг, Төв цэнгэлдэх хүрээлэнгийн дэргэд тусгай талбайд Монгол хуушуур фестиваль болох юм байна. Долдугаар сарын 11, 12ны өдрүүдэд болох тус арга хэмжээгээр “Хамгийн том хуушуурыг хэн хийх вэ”, “Хэн хамгийн хурдан хуушуур чимхэх вэ”, “Хуушуурын