Month: June 2015

Categories
мэдээ нийгэм

НАМЗХ-ны бүтэц, зохион байгуулалт, дүрэмд ийм өөрчлөлт оржээ

МАН-ын дэргэдэх НАМЗХ-ны V Их хурал 2015 оны 6 дугаар сарын 20-нд болж өнгөрсөн. “Хариуцлагатай залуу, Хүчирхэг Монгол” уриан дор зохион байгуулагдсан Их хуралд бүх, аймаг, сум, дүүргийн 339 төлөөлөгчид оролцож, НАМЗХ-ны бодлого, дүрэм, бүтэц зохион байгуулалтын асуудлыг хэлэлцэн шийдвэрлэсэн байна.

Ардчилал, тэгш эрх, эв нэгдэл, төлөөллийн шударга зарчимд тулгуурласан V Их хурлаар НАМЗХ-нд олон томоохон өөрчлөлт хийгджээ. Анхан шатны байгууллагуудад тогтвортой, хариуцлагатай ажилласан залуучуудыг, орон нутгийн байгууллагын төлөөллийг холбооны Удирдах зөвлөл, бага хуралд квотоор оруулдаг механизмыг бий болгосон аж. Залуучуудын талаар төрөөс баримтлах бодлогын баримт бичигтэй болох асуудлыг хэлэлцэн шийдвэрлэсэн гэнэ. Залуучуудын эв нэгдэл, ёс зүйн асуудал, хариуцлагын тогтолцоог нэвтрүүлэх томоохон өөрчлөлтүүдийг хийсэн байна.

НАМЗХ анх удаа дүрмэндээ нийт гишүүд, удирдлагын багийн 25 хувь нь эмэгтэй төлөөлөл байна гэсэн дүрмийн өөрчлөлт хийжээ.

Олон улсын залуучуудын байгууллагын жишиг, орчин үеийн чиг хандлагад тулгуурлан НАМЗХ-ны нийт гишүүдийн 3/2 нь 18-35 хүртэл насны, 3/1 хувь нь 39 хүртэлх насны залуу байна гэсэн дүрмийн нэмэлт өөрчлөлтийг 339 төлөөлөгчдийн 72.56 хувийн саналаар батласан гэнэ. Урьд өмнө НАМЗХ-ны зарим гишүүд нь 35 насандаа сонгогдож дараагийн Их хурал хүртэл сонгуульт ажлаа гүйцэтгэж иржээ. Ийнхүү өмнөх нөхцөлийг олон улсын залуучуудын байгууллагын жишигтэй нийцүүлэн дүрмэндээ тусгасан аж. Гэхдээ шинээр бүрдсэн Бага хурал, Удирдах зөвлөл, Дэд Ерөнхийлөгчид, Нарийн бичгийн дарга нарын нас 35-аар хязгаарлагдаж байгаа юм байна.

Энэхүү Их хурлаар НАМЗХ-ны Ерөнхийлөгчөөр Г.Тэмүүлэнг төлөөлөгчдийн 100 хувийн саналаар сонгосон. Энэхүү Их хурлаас орон нутаг, нийслэл, дүүргийн төлөөллийг жигд хангасан 229 залуучуудын бүрэлдэхүүнтэй Бага хурлыг шинээр байгуулжээ. Бага хурлаас НАМЗХ-ны Ерөнхий нарийн бичгийн даргаар С.Мөнгөнчимэгийг томилсон байна. Мөн дэд Ерөнхийлөгчөөр Г.Өнөрбаяр, Э.Золбоо, Г.Түвдэндорж, Х.Алтанзагас, Б.Мөнхбат, Х.Нямбаатар, Ж.Тогтохбаяр, П.Батхүлэг, Ч.Мэндбаяр, Э.Бат-Амгаланг, Нарийн бичгийн даргаар Ж.Мөнхжаргал, Г.Мөнхсүх, Ц.Амарсанаа, Б.Мөнхбаатар, Д.Мөнх-Эрдэнэ нарыг сонгогдов. Харин Удирдах зөвлөлийн гишүүнээр дараахь 29 гишүүнийг сонгожээ.

  • Т.Мөнхболд Сүхбаатар аймгийн МАН-ын дэд дарга
  • Я.Пүрэвсүрэн Говьсүмбэр аймгийн НАМЗХ-ны дарга
  • Ш.Ёл Дорнод аймгийн НАМЗХ-ны дарга
  • М.Батзориг Өвөрхангай аймгийн НАМЗХ-ны дарга
  • Б. Ууганбаяр Булган аймгийн НАМЗХ-ны дарга
  • Б.Дашравдан Орхон аймгийн НАМЗХ-ны дарга
  • Ө.Баттулга Хөвсгөл аймгийн НАМЗ-ны дарга
  • Г. Жаргал Ховд аймгийн НАМЗХ-ны дарга
  • Б.Хүрэлхүү Өмнөговь аймгийн НАМЗХ-ны дарга
  • Б.Мөнхтогтох Дундговь НАМЗХ-ны дарга
  • Х.Пүрэвжаргал НАМЗХ-ны Бага хурлын гишүүн
  • З.БауржанНАМЗХ-ны Бага хурлын гишүүн
  • Т.Цолмон НАМЗХ-ны Бага хурлын гишүүн
  • А.Баяр НАМЗХ-ны Бага хурлын гишүүн
  • Э.Нарантунгалаг НАМЗХ-ны Бага хурлын гишүүн
  • Ш.ОргилСэлэнгэ аймгийн НАМЗХ-ны Тэргүүлэгч,
  • Х.Улам-Өрнөх НАМЗХ-ны Бага хурлын гишүүн
  • Э. ТамирНАМЗХ-ны Бага хурлын гишүүн
  • Б.Азжаргал Дархан-Уул аймгийн НАМЗХ-ны Тэргүүлэгч
  • Н.ГанбаатарМонгол Улсын гарьд
  • Д.Мөнхтөр Чингэлтэй дүүргийн НАМЗХ-ны дарга
  • Б.Батболд Багануур дүүргийн НАМЗХ-ны дарга
  • Д.Мөнхбат Нийслэлийн НАМЗХ-ны Тэргүүлэгч
  • Ц.Арилдийпүрэв Нийслэлийн НАМЗХ-ны Тэргүүлэгч
  • А.Амар Отгон Нийслэлийн НАМЗХ-ны Тэргүүлэгч
  • З.Түвшинжаргал Нийслэлийн НАМЗХ-ны Тэргүүлэгч
  • Ж.Батбаатар Багахангай дүүргийн НАМЗХ-ны дарга
  • С.Далхаасүрэн Баянгол дүүргийн НАМЗХ-ны дарга
  • О.Анхбаяр НАМЗХ-ны Бага хурлын гишүүн

НАМЗХ-ны Хяналтын хорооны даргаар О.Доржсүрэнг, гишүүдээр К.Айдос, Ж.Баттулга, У.Насанбат, М.Отгонтуяа, С.Буянзаяа, Т.Энхбаяр, М.Цогт, Ш.Чинбат нарыг сонгосон аж.

Ийнхүү энэ удаагийн НАМЗХ-ны V Их хурлаар бүтэц зохион байгуулалт, бодлого, шинэчлэлт, дүрмийн нэмэлт өөрчлөлтийн асуудлыг хэлэлцэн шийдвэрлэжээ.

Categories
мэдээ эдийн-засаг

Монголбанк 61.5 сая юань худалдав

Өнөөдрийн гадаад валютын дуудлага худалдаагаар банкууд ам.доллар,
юань худалдан авах санал иүүлсэн бөгөөд Монголбанк 1929.70 төгрөгийн
хаалтын ханшаар 16 сая ам.доллар, 310.60 төгрөгийн хаалтын ханшаар 61.5
сая юань тус тус нийлүүлэв. Энэ өдрийн ээлжит гадаад валютын своп, форвард хэлцлээр банкууд 47.3
сая ам.доллар худалдан авах төгрөгийн своп хэлцэлийн санал ирүүлж,
Монголбанк саналыг 100 хувь биелүүлэв. Гадаад валютын дуудлага худалдаа гэдэг нь валютын дотоодын захын үйл ажиллагааг ил тод, нээлттэй явуулах, үр ашгийг нэмэгдүүлэх, төгрөгийн ханшийн тогтвортой байдлыг хангах, зах зээлийн зарчмаар тодорхойлох зорилгоор Монголбанкнаас захад оролцох нэг арга хэрэгсэл юм.

Монголбанкнаас гадаад валютын дуудлага худалдааг долоо хоног бүрийн Мягмар, Пүрэв гарагуудад тогтмол зохион байгуулдаг ба дуудлага худалдаанд зөвхөн банкны үйл ажиллагаа эрхлэх зөвшөөрөлтэй, Монгол Улсын нутаг дэвсгэр дээр үйл ажиллагаа явуулж буй банкууд оролцдог.

Categories
мэдээ нийгэм

Эрдэнэтэд үер буужээ

Эрдэнэтэд үер буужээ Монгол орны нийт нутгаар хур тунадас ихтэй байна.
Өмнөговь аймагт энэ сарын 9, 10-нд үер бууж, байгалийн гамшигт үзэгдэл
болсон. Харин 17,18-нд Говь-Алтай аймагт үргэлжлэн орсон борооны улмаас
үер бууж, ойролцоох Ховд аймгийн Дарви сумын нутаг дахь Евийн гүүр
нурсан. Одоогоор гүүрийг засах ажил үргэлжилж байгаа аж.

Тэгвэл өчигдөр Эрдэнэт орчимд үер бууж, засмал зам давж урссан байна.
Улмаар зам хаагдах дээрээ тулж, гамшигт үзэгдэл болжээ. Одоогоор үерийн
улмаас ямар нэгэн гарз хохирол учирсан талаар мэдээлэл гараагүй байна.
Categories
мэдээ нийгэм

Зуслангийн чиглэлд автобус явж эхэллээ

Нийслэлийн ногоон бүсийн зуслангийн чиглэлийн нийтийн
тээврийн үйлчилгээ өнөөдрөөс эхэлж байна. Ингэхдээ “ЗҮ-1
Гүнт-Жигжид-Тэнгис кино театр”, “ТҮ-2 Гоодой-Тэнгис кино театр”, “ТҮ-3
Баянбулаг-Тэнгис” чиглэлд нийр дөрвөн том оврын автобус үйлчилнэ.

Categories
мэдээ нийгэм

260 ортой эмнэлэг барина

Төрийн тусгай албан хаагчдын нэгдсэн эмнэлгийн дуусаагүй барилгыг
эмнэлгийн зориулалтаар шинэчлэн сайжруулж, 260 ор бүхий нэгдсэн
эмнэлгийг ажиллуулах төслийн концессийн гэрээг “Юниверсити хоспиталь”
компанитай байгуулахаар болжээ.

Дуусаагүй барилгыг эмнэлгийн зориулалтаар шинэчлэн сайжруулж, 260 ор
бүхий нэгдсэн эмнэлгийг ажиллуулах төслийн нийт хөрөнгө оруулалт 28
тэрбум төгрөг аж. Концесс эзэмшигч нь 2015 оны арванхоёрдугаар сард
амбулатори, 2016 оны дөрөвдүгээр сард хэвтэн эмчлүүлэх хэсгийг
ашиглалтад оруулах бөгөөд нийт барилгын ажлыг 2 жилд багтаан дуусгахаар
гэрээний төсөлд тусгажээ.

Уг төсөлд төрөөс ямар нэгэн санхүүгийн эх үүсвэр өгөхгүй бөгөөд 25
жилийн дараа үнэ төлбөргүйгээр төрийн өмчид шилжүүлж өгөх юм байна.

Categories
мэдээ эдийн-засаг

Доллар 1938 төгрөгтэй тэнцэв

Тавдугаар сард 1879 төгрөг болж буурсан ам.долларын ханш зургадугаар сар гарсаар бага, багаар өсч байна.
Ам.долларын ханш өсөх болсон шалтгааныг Гацууртын ордын төрийн
эзэмшлийн хувь хэмжээг тогтоох тухай тогтоолын төсөл УИХ дээр унасантай
холбон тайлбарлаж байна.

Хар зах буюу “Найман шарга” зах дээр нэг ам.доллар 1930 төгрөгтэй
тэнцэж байна. Харин арилжааны банкуудын хувьд нэг ам.долларыг 1930-1938
төгрөгийн хооронд зарж байна. Тэгвэл Монголбанкны хаалтын ханшаар
ам.доллар 1931 төгрөгтэй тэнцэж байгаа юм.

Ханшийн харьцуулалт

Голомт

1,907.00 5.00

1,930.00

\ХХБанк

1,907.00 5.00

1,933.00 3.00

ХААН

1,913.00 10.00

1,933.00 2.00

КРЕДИТ банк

1,918.00 3.00

1,935.00

Капитал банк

1,918.00 1.00

1,935.00

Төрийн банк

1,909.00 4.00

1,936.00 3.00

Капитрон

1,918.00 1.00

1,938.00 2.00

Categories
гадаад мэдээ

“Samsung”-ийн өв залгамжлагч уучлал гуйв

Өмнөд Солонгосын толгой группуудын нэг “Samsung”-ийн өв залгамжлагч өнөөдөр телевизээр дамжуулан олон нийтээс уучлал гуйлаа.

Тодруулбал “Samsung
Electronics” компанийн дэд захирал Ли Жэ Ён тус группын байгуулсан
эмнэлэг титэм вирусын халдварын голомт болж олон нийтийн эрүүл мэндэд
эрсдэл учруулсанд уучлал гуйжээ.

Өмнөд
Солонгост титэм вирусаар 175 хүн өвчилсний бараг тал хувь нь “Samsung”
эрүүл мэндийн төвд халдвар авсан байна. Тиймээс өнөөдөр “Samsung Electronics” компанийн дэд захирал Ли Жэ Ён ийнхүү олон нийтээс уучлал гуйжээ.

Categories
онцлох-нийтлэл туслах-ангилал

20 сая төгрөгийн зүтгүүрийг 800 сая болгосон Г.Сэрээнэндоржийн түүх

800 саяар авсан гэх зүтгүүр

“Монгол-Орос”-ын хувь нийлүүлсэн нийгэмлэг УБТЗ-ын даргын үүрэг гүйцэтгэгч асан Г.Сэрээнэндоржийг Авлигатай тэмцэх газар хэд хэдэн хэрэгт буруутгаад бай­гаа билээ. Энэ тухай манай сонин өмнө нь мэдээлж бай­сан. Тэгвэл түүнийг буруут­гаад байгаа зүтгүүр ямар учиртай болохыг бид нэхэн сурвалжиллаа. Энэ тухай баримт дэлгэхээс өмнө түүний баривчлагдахаасаа өмнө хэвлэлд зүтгүүрийн тухай өгсөн яриаг сийрүүлье. Тэрбээр “Нэгдүгээрт, энэ бол өртөөний зам дээр явдаг хөд­лөх бүрэлдэхүүний болон сэл­гээний зүтгүүр биш. Байгуул­лагын хашаан дотор явдаг тэрэг. Манай төмөр замчид ТГМ гэдэг юм. Хоёрдугаарт, 800 сая ам. доллараар биш 800 сая төгрөгний үнэтэй. Яагаад ийм ТГМ авах болсон тухай манай төмөр зам 2012 онд 20, 2013 онд 21 сая тонн ачаа тээвэрлэсэн. Энэ хэмжээнд болоод үүнээс илүү ачаа тээвэр­лэхэд вагоны хүрэлцээ муу. Бид өмнө нь гадаадаас , Оросоос өндөр үнээр вагон түрээсэлдэг. Гэтэл Монголд, тухайлал “Болд төмөр-Ерөө гол” гэж компанид 700 орчим вагон сул зогсч байдаг. Адилхан л Оросын вагон. Хэрвээ засварлаад авбал хамаагүй хямд, хоногийн 20 мянган төгрөгөөр түрээслэх боломжтой. Тэгээд тэдгээр 700 вагоныг Зүүнхараагийн вагон депо руу татаж аваад засч эхэлсэн. Татах, засвар­лаад замд гарах зэрэг нь өндөр зардалтай, эргэлт удаантай, байгаа сэлгээний тэрэгний хүрэлцээ ч муу байсан. Хэрвээ ТГМ –тэй бол хамаагүй бага зардлаар, маш богино хугацаанд энэ ажлыг хийх бололцоотой. Цаашдаа ч төмөр замд их хэрэгтэй учраас Зүүнхараагийн вагон депо­гийнхон 500 сая төгрөгөөр ийм ТГМ авах гэж төлөвлөгөөнд тусгуулаад мөнгө нь хүрээгүй. Дараа жил нь 800 сая төгрөгөөр авна гэж жилийн ажлын төлөвлөгөөнд тусгуулсан. Тэгсэн ч 800 сая төгрөгт олдохгүй байсан. Цоо шинэ нь хамгийн багадаа нэг сая гаруй долларын үнэтэй эд л дээ. Тэгж явсаар бид батлагдсан төсөвтөө багтааж өмнө нь ашиглаж байсан, арай шинэвтэр, цаашдаа 20 жил ашиглах техникийн боломжтой, бас баталгаатайг нь 800 сая төгрөгөөр авч чад­сан” хэмээжээ. Г.Сэрээнэн­дорж цааш нь ярихдаа “Бид­ний авсан шиг хуучин ТГМ ер нь хамгийн багадаа 400 мянган доллар, шинэ нь нэг сая долларын үнэтэй байгаа. Энийг дурын хүн интернэтээс харж болно” гэдгийг хэлсэн байсан.

Интернэтээс харвал үүнийг үнэхээр дурын сайтаас харж болох бөгөөд худалддаг олон ч газар байдаг юм бай­на. Гэхдээ түүнийг хэл аманд өртүү­лэх болсон тэр зүтгүүр нь 1987 оных. Төмөр замчид бол зүтгүүр гэдэггүй хөдлөх бүрэлдэхүүн гэж ярьдаг юм. Г.Сэрээнэндорж энэ хөдөлгүүрийг 800 сая төгрөгөөр авсан гэдэг боловч 20 сая төгрөгөөр авсан гэдэг нь батлагдсан байна.1987 оных гэхээр мэдээж тус зүтгүүрийн үнэ хамаагүй хямд болж таарч байгаа юм. Он оноор нь ТГМ зүтгүүрийн үнэлгээ байдаг аж. 2013 онд энэ ТГМ23B48 загварын зүтгүүрийг авсан гэхээр 15 жил эдлэгдсэн интернэт хаягаас үзсэнээр бол 20 сая төгрөгнөөс дээш үнэ хүрдэггүйд гол учир нь байгаа аж.

Зам, тээвэр барилга хот байгуулалтын сайдын 2011 оны аравдугаар сарын 28-ны өдрийн 296 дугаар тушаал гэж гарчээ. Энэ тушаалаар Монгол Улсын хилээр нэвтэрч буй хөдлөх бүрэлдэхүүний бүртгэл хөтлөх, хүлээлцэх журмыг баталсан байдаг юм байна. Журмын 4.1-ийн зургаад буюу Төмөр замын тээвэрлэлтэд ашиглахаар Монгол Улсад оруулж ирэх хөдлөх бүрэлдэхүүн нь үйлд­вэрлэгчээс тогтоосон ашиглал­тын хугацааны 3.1-ээс ихгүй байх ба түүнийг тодорхойлох баримт бичиг (сертификат)-тай байна гэж заажээ.

Оросын зам тээврийн байгууллагын баталсан үнийн дүн нь оноосоо хамаарч ТГМ23B48 загварын зүтгүүр нь 15 жилийн ашиглалтын хугацаатай гэдгийг баталгаа­жуулж өгсөн бичиг байдаг юм байна. Үүгээр бол Монголд дээд тал нь таван жил болсон зүтгүүр оруулж ирэх ёстой аж. Харин манай төмөр замынхны авсан ТГМ зүтгүүр нь 2013 онд авсан гэхээр 25 жил ашигласан байжээ. Энэ жил 2015 он гэвэл тус зүтгүүр нь аль хэдийн 27 жил болсон бараг хэрэгцээнээс гарсан төхөөрөмж юм байна. Ийм зүтгүүр нь интернэтэд 500 сая рубль буюу манай төгрөгийн ханшаар 20 сая төгрөг болж байгаа юм. Тэгэхээр “Арвижих трейд” компаниар зуучлуулж Оросын компаниас авсан дээрх зүтгүүр нь 800 сая бус дөнгөж 20 сая төгрөгт хүрч байгаа юм. Тэгвэл үлдсэн 780 сая төгрөг хаачсан бэ. Үүнийг дангаараа эрх мэдэл албан тушаалаа ашиглан Г.Сэрээнэндорж “Монгол-Орос”-ын хувь нийлүүлсэн нийгэмлэг УБТЗ-ын даргын үүрэг гүйцэтгэгч байхдаа хувьдаа завшсан уу гэдэг асуудал гарч байгаа юм. Хэдийгээр тэрбээр тус газрыг удирдаж юуг хэдээр худалдаж авахаа мэдэх эрх мэдэлтэй байсан ч гэсэн тэр ганцаараа энэ хэргийг хийгээгүй гэдэг нь тодорхой болж байгаа бололтой. Ялангуяа үүнийг тухайн үеийн Зам, тээврийн сайд мэдэж байсан. Мөн тус яамны хоёр газрын дарга ч энэ хэрэгт оролцоотой гэсэн мэдээлэл хууль хяналтынханд ирээд байгаа юм байна. 20 сая төгрөгний зүтгүүрийг 800 сая болгож дундаас нь дээрх хардагдаж буй хүмүүс авсан гэдэг асуудал сөхөгдөж буй. Гэвч энэ хэргийг байгууллагын даргын хувьд “Би тухайн үед эрх мэдлийнхээ хүрээнд зүтгүүр авсан. Зүтгүүр 20 сая биш 800 саяар худалдаж авсан” хэмээн Г.Сэрээнэндорж мэдүү­лээд байгаа аж. Түүний хам­­саатан болох хүмүүс ч Г.Сэрээнэн­доржийг баривчлагдсаны дараа хэвлэлээр өөрсдийн байр суурийг ил далд хэлбэ­рээр илэрхийлж эхэлжээ. “Г.Сэрээнэндоржийг хууль бусаар цагдан хорьж байна, сулла. Түүнийг хэлмэгдүүлж байна” гэсэн утгатай ажлыг ойрноос хийх болсон гэх мэдээ­лэл ч ирж буй юм. Энэ тухай прокурорын эх сурвалжаас тодруулахад “Г.Сэрээнэндоржтой хол­боо­той зүтгүүр болон век­селийн хэргийг шалгаж байгаа. Тэрбээр эрх мэдэл, албан тушаалаа урвуулан ашиглаж улсад их хэмжээний хохирол учруулсан. Тэрээр Орос-Монголын хамтарсан нийгэмлэгийн дарга байхдаа 20 сая төгрөгний үнэтэй зүтгүүрийг 800 сая төгрөгөөр авсан нь тогтоогдсон. Энэ нь албан тушаалын хэрэг. Цагдан хорьж шалгахаас өөр арга байхгүй. Нөгөө талаар мөн хуурамч вексель бусдад гаргаж өгсөн. Ингэхдээ олон хууль тогтоомж зөрчсөн байдаг. Түүнд холбогдуулан шалгаж буй хэрэг олон хүний гарын үсгээс бүрдэж байж тодорхой шийдэлд хүрдэг. Нэг үгээр хэлбэл ганцхан Г.Сэрээнэндорж гэдэг хүний гарын үсэг байгаад зогсохгүй холбогдох байгууллагуудын албан тушаалтнуудын гарын үсэг шаардлагатай. Тэр бүх гарын үсэг зураг­даж байж шийдвэрүүд гар­га­сан байдаг. Тэгэхээр Г.Сэрээнэн­дорж зөвхөн энэ хэрэгт буруутгагдаад өнгөрөх асуудал биш. Нарийвчлах шаардлагатай зүйлийг мөрдөн байцаалтын явцад тодруулж бай­гаа” гэж хариулав. Мөн дээрх хэрэгтэй хамт хувь ний­лүүл­сэн компанид зарим аж ахуйн нэгж бараа бүтээгдэхүүн нийлүүлсэн байдаг юм байна. Хэнд ч хэрэггүй нийлүүлсэн шахааны бизнес нь 37 тэрбум төгрөгт хүрчээ.

Интернэтэд 500 сая рубль
буюу манай төгрөгийн ханшаар 20 сая төгрөг
болж байгаа юмМонгол Улсад оруулж ирэх
хөдлөх бүрэлдэхүүн нь үйлдвэрлэгчээс тогтоосон
ашиглалтын хугацааны 3/1-ээс ихгүй байх ба түүнийг тодорхойлох баримт бичиг (сертификат)-тай
байна гэж заажээ

ТГМ зүтгүүрийн үнэлгээ

Д.МАРГАД

Categories
мэдээ соёл-урлаг

БНХАУ-ын циркчид Улаанбаатар хотод айлчлан тоглоно

Энэ сарын 30-ны өдөр БНХАУ-ын У Хань
хотын циркийн бүлгэм Монгол улсад хүндэтгэлийн айлчлан тоглолт хийх гэж
байна. Соёлын төв өргөөнд болох тус тоглолтыг Улаанбаатар дахь Хятадын
соёлын төв болон БНХАУ-ын У Хан хотын Ардын засгийн газар хамтран зохион
байгуулж байгаа юм.

У Хан хотын циркийн бүлгэм нь жил
дараалан өөрийн орондоо төдийгүй дэлхийн 150 гаруй улс оронд айлчлан
тоглолт хийсний дээр тусгай үзүүлбэрүүд бүхий бизнесийн тоглолт хийж
үзэгчдийн талархалыг хүлээж байсан түүхтэй юм байна. 1953 онд Шиа Жү
Хуа тэргүүтэй урлаг соёлын алдарт зүтгэлтнүүдийн санаачлагаар
байгуулагдсан тус бүлгэм улсын “Шилдэг циркчид”-ийн наадмаас алтан
медаль, дэлхийд нэр хүндтэй Монакко, Монте Карлогийн олон улсын циркийн
наадмуудаас “Алтан алиалагч” шагнал, Франц улсад болсон циркийн наадмын
алтан медаль, У Хан “ Шар тогоруу ”–ийн нэрэмжит олон улсын циркийн
наадмаас мөн “Алтан медаль” хүртэж байжээ.

Мөн энэ үеэр “ У Ханы биет бус урлагийн
өв болон гар урлагийн бүтээлийн үзэсгэлэн” болно. Үзэсгэлэнд “Хан Шиу”
уран хатгамал, уран сийлбэр, уран хайчилбар, навчин зураг ба халаасан
сийлбэрийн төрлүүд зэрэг биет бус өв соёл, У Ханы үзэсгэлэнт байгалийн
онцлогийг шингээсэн уламжлалт гар урлалын бүтээлүүдийг дэлгэн үзэгч
таны мэлмийг баясгах болно.

Үзэсгэлэн Улаанбаатар дахь Хятадын
соёлын төв/Их Чингис хааны талбай, Централ тауер 7 давхар 701 тоот/-д
6-р сарын 29-30 өдрүүдэд болно.

Categories
мэдээ нийгэм

Үндэсний музейд “Бэсрэг наадам” зохион байгуулагдана

Үндэсний их баяр наадмыг угтан БСШУЯ-ны Палеонтологи, археологийн
музейн шинэчлэл төслийн нэгж, Монголын Үндэсний музей, Монголын
Залуучуудын Эвсэл, Морин хуурын музей хамтран эрийн гурван наадмын үүсэл
түүх, ёс заншил, дэг жаяг зэргийг харуулсан “Бэсрэг наадам”-ыг Монголын
Үндэсний музей дээр 07 сарын 10-ны өдрийн 17:00-21:00 цагийн хооронд
зохион байгуулах гэж байна. Үзэгч Та бүхэн “Бэсрэг Наадам”-д хүрэлцэн
ирснээр үндэсний уламжлалт наадмынхаа утга агуулгатай дэлгэрэнгүй
танилцах, наадамтай холбоотой музейн танхимуудыг тайлбартай үзэх, морин
хуур, уртын дуу, хөөмий, бий биелгээн тоглолт үзэх, эрийн гурван наадам
зэрэгт оролцох боломжтой болох юм.

Арга хэмжээний хөтөлбөр:

17:00-17:20 Нээлт

17:20-18:00 Урлагийн тоглолт (Морин хуурын музейгээс)

18:00-20:30 Үндсэн үйл ажиллагаа (Бөх, шагай, үйчүүр,
сур харвааны дүрэм, дэг жаягтай танилцах, тоглох Монголын Үндэсний
түүхийн музейн Монголын уламжлалт хувцас, гоёл чимэглэл, Монголын эзэнт
гүрэн XIII-XIV зуун, Уламжлалт соёл, Уламжлалт ахуйн танхимуудыг
тайлбартай үзэх)

20:30-20:40 Бэсрэг наадмын ялагчдад гарын бэлэг гардуулах

20:40-21:00 Хаалтын ажиллагаа

Холбоо барих:

Жуулчны гудамж-1
Улаанбаатар-14201

Утас: +976-11-326802, +976-70110911, 99123922

Факс: +976-11-326802

И-мэйл: nmm@nationalmuseum.mn