Их Британийн хатан хааны ач хүү хунтайж Харри ирэх зургадугаар сард цэргийн албанаас халагдах юм байна. Кенсингтоны ордноос мэдэгдсэнээр хунтайж арван жил цэргийн алба хаасан аж. Харри цэрэгт байхдаа хоёр ч удаа Афганистанд энхийг сахиулагчаар очихдоо байлдааны нислэгт оролцож байсан билээ. Түүний хувьд цэргээс халагдаад цаашид юу хийх вэ гэдэг асуудал тулгарч байгаа юм.
Ю.Дэлгэр
Хан-Уул дүүргийн 115 дугаар сургуульд “Болор сан”-гийн 25 хүүхэд суралцдагаж.Тус сургуулийнхан хамгийн оролцоо сайтай ээжээр тэргүүн хатагтай Х.Болормааг нэрлэж байна лээ. Ээж, аав нар хүүхдийнхээ хичээлд ирж суух нь их болсон аж. Харин тус сургуулийн хувьд хамгийн оролцоо сайтай ээж нь тэргүүн хатагтай гэнэ. Тэрбээрүсэглэлийн баяраар заавалбайлцдаг төдийгүй сар болгон хүүхдүүдийнхээ хичээлд суудаг заншилтай аж.
Засгийн газрынхуралдаанаар шийдвэрлэсэн асуудлын талаар Ерөнхий сайдын зөвлөх Ц.Мөнхтөр мэдээлэл хийв. Хуралдаанаар хэлэлцсэн асуудлуудаас 260 ортойнэгдсэн эмнэлгийн тухай шийдвэр хүмүүст сонин байх болов уу. Оффисын зориулалттай болгосон байсан Төрийн тусгай албан хаагчийн эмнэлгийн барилгыг эмнэлгийн зориулалтаар нь ашиглах тухай Засгийн газрын хуралдаанаар шийдвэрлэжээ. 260 ортой эмнэлгийг ирэх наймдугаар сар гэхэд ашиглалтад оруулахаар болсон байна. Шаардлагатай ажлуудыг концессоор гүйцэтгэх гэнэ. Манай улсад эмнэлгийн тусламж, үйлчилгээний хүртээмж, чанарыг сайжруулахын зэрэгцээ хүн амын суурьшил, нягтрал, өвчлөлийн байдалд нийцүүлэн оновчтой болгох шаардлага бий. 2025 он гэхэд Монгол Улсад 2555 ортой, 12 эмнэлэгшаардлагатай гэсэн судалгааны дүн гарчээ.
“Road expo Mongolia-2015” ирэх сарын 16, 17-нд Дүнжингарав худалдааны төвийн үзэсгэлэнгийн танхимд зохиогдохоор болжээ. Авто замын салбарыг олон нийтэд сурталчлах, шинэ техник технологийг танилцуулах зорилгоор уламжлал болон зохион байгуулагддаг уг үзэсгэлэнд оролцох компани, хувь хүмүүсийг энэ сарын 09-нөөс ирэх сарын 03-ныг хүртэл Авто Замчдын Холбооны байранд бүртгэж байгаа юм байна.
Д.САР
Өнгөрсөн пүрэв гаригт АНУ-ын Фергюсон хотод цагдаагийн хоёр албан хаагчийг буудаж шархдуулсан ноцтой хэрэг гарсан. Гэмт этгээдийг цагдаагийн байгууллага олж баривчилсан байна. Тэрээр африк гаралтай, АНУ-ын иргэн, 20 настай Жеффри МакУильямс аж. Шүүхээс түүнийг Фергюсон хотод хоёр цагдааг буудаж шархдуулсан, галт зэвсэг хулгайлсан, хууль бусаар хадгалж байсан хэрэгт буруутай болохыг тогтоожээ.
Сент Луис Каунти тойргийн прокурор Роберт МакКулоч “Сэжигтэн Жеффри Л.Уильямсыг маш тодорхой нотлох баримтад үндэслэн баривчилсан” гэж мэдээлсэн байна. Түүний хэлснээр Ж.Макуильямс Фергюсон хотын гудамжинд болсон эсэргүүцлийн жагсаалын үеэр хоёр цагдааг буудсанаа мөрдөн байцаалтын явцад хүлээжээ.
Тэрээр машин дотроосоо 0.40 калибрын сумаар галласан бөгөөд 41 настай эрэгтэй нуруундаа, 32 настай эмэгтэй нүүрэндээ шарх авсан байна. Гэмт этгээд байцаалт өгч байхдаа “Цагдааг оноё гэж бодоогүй” гэж мэдүүлжээ. Түүнд хүний амь насанд халдсан, галт зэвсэг хулгайлсан, хууль бусаар хадгалж байсан гэсэн үндэслэлээр ял оноохоор төлөвлөж буй юм байна.
МХЕГ-аас “Хүний төлөө – Зөв тус” сарын аяныг өрнүүлж буй. Аяны хүрээнд Баян-Өлгий, Хөвсгөл, Завхан, Увс, Дундговь зэрэг аймгуудад барилга угсралт, эрчим хүч, дулаан, цэвэр ус хангамжийн салбарт үйл ажиллагаа эрхэлж буй аж ахуйн нэгжүүдэд хөдөлмөрийн аюулгүй ажиллагааг хэрхэн хангах, дотооддоо эрсдлийн удирдлагыг хэрэгжүүлэхэд дэмжлэг үзүүлэх ажлыг зохион байгуулжээ. Харин НМХГ-аас том оврын автобусаар нийтийн тээврийн үйлчилгээ эрхэлж буй 15 байгууллагад хөдөлмөрийн аюулгүй байдал, хөдөлмөрийн эрүүл ахуй, нийгмийн хамгааллын хяналтын чиглэлээр шалгалт хийж эхлээд байна.
Мөн аяны хүрээнд барилга байгууламжийн ашиглалтын үеийн аюулгүй байдал, барилга угсралтын ажлын чанар, аюулгүй байдал, барилгын зураг төслийн ажлын чанар аюулгүй байдлыг хангуулах тухай гурван төрлийн зөвлөмжийг нийслэл болон орон нутгийн аж ахуй нэгжүүдэд хүргүүлжээ.
Зөвлөмж хүргэгдсэн Дархан-уул, Говь-Алтай, Хөвсгөл, Булган, Орхон, Сэлэнгэ, Говьсүмбэр, Дорнод, Дундговь аймаг дахь барилга угсралтын 170, ашиглагч 179, барилгын зураг төслийн 12 аж ахуйн нэгж байгууллага болзошгүй эрсдлээс урьдчилан сэргийлэх ажлыг зохион байгуулж буй аж.
УИХ-ын Өргөдлийн байнгын хорооны дарга О.Баасанхүү, тус байнгын хорооны гишүүн Ж.Батзандан нар мэдээлэл хийлээ. Иргэд, сонгогчдоос Өргөдлийн байнгын хороонд хандаж, хуралдаа суудаггүй гишүүнд хариуцлага тооцдог байх шаардлагыг тавих болжээ. Тиймээс тус байнгын хороо нь УИХ-ын Дэгийн тухай хуульд өөрчлөлт оруулах хүрээнд чуулган, байнгын хороо, ажлын хэсгийн хуралдаанд оролцдоггүй гишүүнийг, мөн дээрх хуралдаанд согтуу ирсэн гишүүнийг эгүүлэн татах, хуралдаа нэг минут хоцорч ирсэн бол 100 мянган төгрөгөөр торгох зэрэг заалттай хуулийн төсөл боловсруулж буй аж. Уг хуулийн төслийг хаврын чуулганаар хэлэлцүүлэх юм байна.
Азийн хоккейн холбооноос зохион байгуулж буй “Сhallenge Cup” тэмцээн Тайваны Тайпэй хотноо үргэлжилж байна. Тус тэмцээнд оролцож буй манай шигшээ баг өчигдөр Арабын Нэгдсэн Эмират улсын багтай тоглож, 1:6 онооны харьцаатайгаар хожигдсон байна.
Эхний өдөр манай тамирчид Макаогийн багийг 8:1 онооны харьцаатайгаар ялсан юм. Монгол Улсын баг тамирчид гуравдугаар сарын 18-нд Тайвань, 19-нд Тайландын багтай тус тус тоглоно. Одоогийн байдлаар АНЭУ, Тайваны шигшээ багууд хоёр хожилтой тэргүүлж байгаа бол Монгол удаалж байгаа юм.
Гадаад хэргийн яамны хурлын танхимд “Эрчим хүчний хэлхээ холбоо” сэдэвт уулзалт болж байна. Зүүн хойд Азийн орнуудын шинжээчдийн түвшний уг уулзалт нь “Зүүн хойд азийн аюулгүй байдлын асуудлаарх Улаанбаатарын яриа хэлэлцээ” санаачилгын хүрээнд болж байгаа юм.
Хуралд Монголын төр, хувийн хэвшил, ОХУ, БНХАУ, БНСУ, БНАСАУ, ЯПОН зэрэг Зүүн хойд Азийн орнуудын Эрчим хүчний судалгаа шинжилгээний хүрээлэнгүүдийн төлөөлөл, олон улсын болон хувийн хэвшлийн 16 байгууллагын 24 эрдэмтэн судлаачид оролцож байна.
Гадаад хэргийн яам, Эрчим хүчний яамны дэмжлэгтэйгээр Стратегийн судалгааны хүрээлэн болон Эрчим хүчний эдийн засгийн хүрээлэн хамтран Зүүн хойд азийн орнуудын шинжээчдийн түвшний уулзалт, зөвлөгөөнийг зохион байгуулжээ.
Зүүн хойд азийн бүх улс оронтой найрсаг харилцаатай орны хувьд тус бүс нутагт тулгамдаж буй аюулгүй байдлын асуудлыг яриа хэлэлцээний замаар шийдвэрлэхэд хувь нэмэр оруулах үүднээс Монгол Улсын Ерөнхийлөгч Ц.Элбэгдорж “Зүүн Хойд Азийн асуудлаарх Улаанбаатарын яриа хэлэлцээ”-г өрнүүлэх санаачилгыг 2013 оны 04 дүгээр сард Ардчилсан орнуудын хамтын нийгэмлэгийн Сайд нарын 7 дугаар хүрлын үеэр дэвшүүлсэн юм.
Олон улсын хөлбөмбөгийн холбоонд бүртгэлтэй 209 улс бүгдээрээ 2018 оны дэлхийн аварга шалгаруулах тэмцээнд оролцохоор өргөдөл өгснөөс энэ сарын 12-ны өдөр рейтингээрээ хамгийн багад тооцогдох Азийн 12 улс халз тоглолтуудаа эхэлж, үндсэндээ ДАШТ-2018 үүдээ нээсэн. Энэтхэг-Балба, Иемен-Пакистан, Зүүн Тимор-Монгол, Камбож-Макао, Тайван-Бруней, Шри Ланка-Бутан гэсэн зургаан хос баг өнгөрсөн долоо хоногт халз тоглолтуудынхаа эхнийхийг хийлээ. Эдгээр хосуудаас шалгарсан зургаа нь үндсэн багуудтай нийлж 40 болж таван хэсэгт хуваагдан 2016 оны гуравдугаар сарын 29 хүртэл тоглоно гэх мэтчилэнгээр Азийн багууд шилдгүүдээ тодруулах журамтай юм билээ. Манай багтай тоглож буй Зүүн Тимор нь ОУХХ-ны албан ёсны чансаагаар 187 дугаарт бичигддэг. Харин манай баг 194 дүгээрт эрэмбэлэгдсэн юм байна лээ. Хоёр багийн эхний тоглолт Зүүн Тиморын талбайд болж манайх дөрвөн гоол алдаж, айлын хаалгыг нэг гоолоор мялаасан. Товчоор манай шигшээ баг 4:1-ээр хожигдсон гэсэн үг. Гэхдээ манай шигшээ багийн хувьд айлын хаалганд гоол оруулах тун чухал байсан юм. Хэдийгээр олон гоол алдсан мэт сонсогдож магадгүй ч бид сэтгэлээр унах болоогүй байна. Эхний тоглолтод цаг агаарын хэт халуун нөлөөлсөн гэдгийг хөлбөмбөгчид маань ярьж байна. Аргагүй шүү дээ, -10 хэмийн хүйтнээс гэнэт +31 хэмд очиж тоглохоор ямар олигтой байв гэж. Манай улсын шигшээ багийн дасгалжуулагч тоглолтын тухай “Олон цаг нисэж очсон учраас замдаа нэлээн ядарсан. Очтол бүгчим, чийглэг цаг агаар угтсан. Мөн талбай нь их муу, өнгөн хэсэгтээ шаварлаг, доороо хатуу байлаа. Тэнд гаргасан алдаагаа засаад сайн тоглохыг хичээнэ” гэж ярьсан. Бас сөрөг довтолгоогоор алдаа гаргаснаа хүлээн зөвшөөрч хоёр дахь боломж олгохгүй гэдгээ хэлж байв.
Өнөөдөр харин Улаанбаатарт +2 хэмийн дулаан, бага зэргийн үүлтэй байна. Хэдийгээр боломжийн дулаахан санагдаж болох ч гэлээ +30 хэмээс ирсэн нөхдүүдэд таатай байхгүй л болов уу. Дээрээс нь айлын дэвжээн дээр тоглох сэтгэл зүйн хувьд амаргүй. Эхний тоглолтод Зүүн Тиморын үзэгчид цэнгэлдэх хүрээлэнгээр нэг орилолдоод манайхныг нэлээн сандаргасан гэнэ лээ. Эхний хэдхэн минутад ойрхон хоёр гоол алдсан нь сэтгэл зүйтэй, тэндхийн хөгжөөн дэмжигчидтэй холбоотой байж мэднэ. Тэгэхээр энэ бүхний хариуг өнөөдөр хатуухан барих хэрэгтэй. Тоглолт 16.00 цагт эхлэх бөгөөд цэнгэлдэхийн үүдийг 14.00 цагт нээх юм билээ. Тоглолтын тасалбар 5000 төгрөгийн үнэтэй. Гэвч тасалбар цөөн хэдэн ширхэг үлдсэн байгаа гэсэн.
Энд Зүүн Тимор гэж ямар улс вэ гэдэг талаар бага зэрэг тайлбарлая. Зүүн Өмнөд Азийн үзүүрт байрлах Индонез улсаас2002 онд салан тусгаарласан тус улс нь нутгийн унаган иргэд, португали, индонез, австрали зэрэг хүмүүсийн хольцтой сая орчим хүн амтай. Тус улс нь үндсэн хоёр хэлтэй байдгийн нэг нь португал юм билээ. Тийм учраас энэ улсад бразилчууд олноороо амьдардаг, үүнийгээ дагаад ч шигшээ багт нь Бразилийн шидтэнгүүд нэг бус байдаг. Уг нь Зүүн Тимор анх ОУХХ-нд бүртгэгдэж байхдаа 202-т жагсаж байсан. Гэтэл түүнээс хойш арав гаруйхан жилийн хугацаанд амжилт нь хурдтайгаарахиж 20 гаруй шатаар дээшилсэн нь тэр бразилчуудтай холбоотой нь ойлгомжтой.
С.АЛТАНЦЭЦЭГ