Албаны эх сурвалжийн мэдээгээр манай улсад албан ёсны зөвшөөрөлтэй БНХАУ-ын долоон мянга орчим иргэн байдаг аж. Үүнд сурдаг, ажил хийдэг болон байнгын оршин суудаг бүх иргэд орж байгаа гэнэ. Манай улсад оршин суух хятад иргэдийн тоо өмнөх жилүүдээс цөөрсөн гэж албаныхан онцолж буй.
Өнгөрсөн долоо хоногт БНХАУ-аас Монгол Улсад суугаа Онц бөгөөд Бүрэн эрхэт Элчин сайд Ван Шяолун Хөдөлмөрийн сайд С.Чинзоригтой уулзах үеэрээ хоёр улсын Засгийн газар хооронд харилцан тохиролцсон, хамтран хэрэгжүүлж буй томоохон төсөл хөтөлбөрүүдэд ажиллах мэргэжилтэй ажилчдын асуудлыг онцгойлон авч үзэхийг хүсчээ. Тэрбээр Хөдөлмөрийн сайдад БНХАУ-аас хуулийн дагуу авдаг ажиллах хүчний тоог нэмэгдүүлэх санал тавьж, энэ чиглэлд хамтарч ажиллах хүсэлтэй байгаагаа уламжилсан байна.
Харин С.Чинзориг сайд эдийн засаг хямралтай, гадаадын хөрөнгө оруулалт буурсан, дотооддоо ажилгүйдэл нэмэгдэж буй энэ үед БНХАУ-аас авдаг ажиллах хүчний тоог нэмэх боломж байхгүйг тайлбарлаад цаашдаа тус улсаас зөвхөн Боловсролын яамнаас нь олгосон мэргэжлийн үнэмлэхтэй, жинхэнэ мэргэшсэн ажилчдыг л авах бодлого барина гэдгээ хэлжээ.
Алтай констракшны дэргэдэх Үндэсний авто мото спортын клубын тамирчин ОУХМ Э.Халиунболд “Loretta Lynn” олон улсын тэмцээнд түрүүллээ. Өнгөрөгч амралтын өдрүүдэд бу
Төв азийн бүс нутгийн эдийн засгийн хамтын ажиллагааны хүрээнд CAREC /KAPEK/-ийн гишүүн орнуудын удирдах ажилтнууд уулзалтыг Улаанбаатар хотноо зохион байгуулж байна. Энэ удаагийн уулзалтаар бүс нутгийн эрчим хүчний хамтын ажиллагааг хэрхэн өргөжүүлэх талаар холбогдох албаныхан санал солилцож байгаа юм. “КАРЕК”-ийн гишүүн орнууд сүүлийн 10 жилийн хугацаанд, Төв азийн бүс нутгийн эрчим хүчний сүлжээ бий болгож, эрчим хүчний худалдааг дэмжихэд зориулж, дөрвөн тэрбум америк долларын өртөг бүхий 33 төсөл хэрэгжүүлсэн байна.
Германы онгоцыг санаатайгаар осолдуулсан хэрэгт туслах нисэгч Андриас Лубитзийг буруутгаж байгаа. Туслах нисэгчийн экс найз бүсгүй түүнийг онгоцны ослыг зохион байгуулах талаар ярьж байсан гэж зарим хэвлэл мэдээлсэн байна. Мария гэдэг нэрнээсээ өөр мэдээлэл өгөхийг хүсээгүй 26 настай бүсгүй онгоцны үйлчлэгч хийдэг байжээ. Өнгөрсөн жил Лубитзтэй хамт таван сарын турш нислэгт гарсан аж. 
ШӨХТГ-аас онгоцны шатахууны зах зээлд үйл ажиллагаа явуулж байгаа компаниудад хяналт шалгалт хийж байгаа. Энэ хүрээнд ШӨХТГ-ын дарга Т.Аюурсайхан “МИАТ” ХК, “Аэромонголиа” ХХК, “Тэнгэрийн улаач” ХХК, “Томас эйр” ХХК, “Геосан” ХХК, “Блю Скай” ХХК-иудын захирлуудтай уулзалт хийсэн байна.Уулзалтын үеэр ШӨХТГ-ын дарга Т.Аюурсайхан “Онгоцны шатахууны үнэ цаашдаа ч бууруулах боломжтой гэдгээ бидэнд илэрхийлсэн. Бид үндэсний авиа компаниудаа аль болох дэмжих, зах зээлийн тааламжтай нөхцөл бүрдүүлэхийн төлөө ажиллаж байна. Та бүхэн харин өөрийн хэрэглэгчид болох агаарын тээврийн зорчигч үйлчлүүлэгчдэдээ үнийн болон үйлчилгээний илүү таатай нөхцөлөөр үйлчлэх боломжийг бүрдүүлэн ажиллахыг хүсч байна” гэж онцолжээ. Авиа компаниудын удирдлагууд “Шатахуун бол манай нийт зардлын 30-40 хувийг эзэлдэг. Онгоцны шатахууны зах зээлд шударга өрсөлдөөн бий болгох, энэ зах зээл дээр үйл ажиллагаа явуулж байгаа компаниуд давуу байдлаа ашиглан авиа компаниудад хандаж байгааг зогсоож өгөхийг хүсч байна. Шатахууны зах зээлд илүү таатай нөхцөл үүсвэл бид ч бас зорчигч тээврийн үнээ бууруулах боломжтой” гэжээ. 
Германы авиа компани “Germanwings”-ийн 4U 9525 дугаарт нислэгийн онгоц Францын Альпийн нуруунд осолдож 150 хүн амиа алдсан. Одоогоор 78 хохирогчийн ДНК-г тодорхойлсон гэж шинжээчид мэдээлсэн байна. Онгоцыг санаатайгаар осолдуулсан гэх туслах нисэгч Андриас Лубитзийн цогцсын хэсэг олдоогүй гэж Германы хэвлэлүүд мэдээлж байна. Осол болсон газарт ард иргэд нь олноор үрэгдсэн үндэстнүүдийн төрийн тэргүүнд очсон. Мөн хохирогчдийн ар гэрийнхэн ч очсоор байна. Ослын газарт гадны олон машин, хүн нэвтэрч буй нь шинжилгээний багийнханд ихээхэн хүндрэл учруулж байгаа аж. Ийм шалтгаанаар өнөөдрөөс ямар ч машин нэвтрүүлэхгүй байхаар тогтжээ. 
Уулын спортын олон улсын хэмжээний мастер Б.Цэвээндаш ирэх сарын 6-нд Эверестэд авирахаар болжээ. Б.Цэвээндаш энэ талаар “Өдрийн сонин”-ы асуух эрхийн танхимд өнөөдөр мэдээлэл хийлээ. Тэрээр ахмад уулчин, Монгол Улсын гавьяат тамирчин Т.Гүррагчаагийн хамт авирах юм байна. Б.Цэвээндашийн хувьд 2012 онд Эверест рүү урд талаас нь авирч 8848 метрийн өндөрт байх ноён оргил Жомолунгмад амжилттай авирч байсан. Уг туршлагадаа тулгуурлан энэ удаад хойд талаас нь авирч Эверестийн оргил дээр хоёр дахь удаагаа эх орныхоо алтан соёмбот төрийн далбааг мандуулахаар болжээ. Манай уулчид Балбын Катманду олон улсын нисэх буудал дээр газардсан хойноо олон улсын уулчидтай багт нэгдэн аяллаа албан ёсоор эхлүүлэх юм. Урьдчилан тооцоолж буйгаар дөрөвдүгээр сарын сүүл хүртэл Эверестийн бэл буюу 5300 метр хүртэл аялах юм байна. Уг аялал дунджаар 10 хоног үргэлжилдэг аж. Тэндээсээ цаг агаарт дасан зохицох бэлтгэл сургуулилт хийх бөгөөд үндсэн авиралт тавдугаар сарын 10-20-ны хооронд болох гэнэ. 
Худалдаа, хөгжлийн банкны бүх салбар, тооцооны төвүүд өнгөрсөн долоо хоногоос эхлэн жирэмсэн эхчүүд, 0-2 насны хүүхэдтэй эхчүүд, өндөр настнууд болон хөгжлийн бэрхшээлтэй иргэдэд тусгайлсан үйлчилгээний цонх гарган, дараалалгүйгээр үйлчилж эхэлжээ. 
Энэ жил 22 дахь жилдээ зохион байгуулах “Эврика” багш, оюутны онол практикийн эрдэм шинжилгээний их хурлын салбар хуралдаанууд өнөөдөр эхэллээ. Нэгдүгээр шат буюу сургуулийнхаа эрдэм шинжилгээний хурлаас шалгарч үлдсэн шилдэг залуу судлаач, багш, оюутнууд эдийн засаг болон бизнесийн салбар хуралдаанаар “Эврика” эрдэм шинжилгээний бага хурлаа эхлүүлж байгаа аж. Эдийн засгийн салбарт долоон сургуулийн 30 орчим оюутнууд материалаа ирүүлэн оролцож байгаа бол дөрвөн сургуулийн шилдэг 10 залуу багш судлаачид илтгэлээ тавих нь. Салбар хуралдаанаас шалгарсан багш оюутнууд дөрөвдүгээр сарын11-ний Бямба гарагт Төрийн Ордонд зохион байгуулах Нэгдсэн хуралдаанд оролцох юм байна.
Монгол Улсын Их Хурлын дарга Зандаахүүгийн Энхболдод өнөөдөр /2015.03.30/ Монгол Улс дахь хүний эрх, эрх чөлөөний байдлын талаарх 14 дэх илтгэлийг Хүний эрхийн Үндэсний Комиссын дарга Ж.Бямбадорж өргөн барив.