Topshop компанийнхан дуучин Рианнагийн зургийг өөрийн бүтээгдэхүүн дээр хэвлэснийхээ төлөө шүүхэд дуудагдаад байсан билээ. 2013 онд дуучин бүсгүйн зургийг зөвшөөрөлгүйгээр ханцуйгүй цамцан дээр хэвлэн худалдаанд гаргаснаас хойш хоёр жилийн турш үргэлжилсэн хуулийн маргааныг шүүх байгууллага эцэслэн шийдвэрлэж, Рианнад 3.3 сая фунт стерлинг төлүүлэхээр болжээ.
Topshop болон түүний толгой компани Arcadia нь шүүхээс тогтоосон төлбөрийн хэмжээг бууруулан, нэг сая доллар болгохоор заргалдаж байсан билээ. Гэсэн ч шүүхээс энэ бүхнийг хүлээн зөвшөөрөөгүй аж. Уг цамцыг дэлгүүрт худалдахыг хориглосон шийдвэр гарснаас хойш хэдэн долоо хоногийн дараа ийнхүү шүүхийн тогтоол гарсан байна.
“MIXX” хэмээх нэрэн дор хүсэл мөрөөдлөөрөө нэгдсэн залуус анх удаа Дарханд хотод аялан тоглолтоо хийхээр товоо гаргажээ. Энэ удаагийн тоглолтоо “Хаалгаа нээ” нэртэйгээр хийх аж.
Германы Канцлер Ангила Меркел, Францын Ерөнхийлөгч Франсуа Олланд нар өнөөдөр 19.00 цагийн үеэд Украинд ажлын айлчлал хийхээр болжээ. Тэд тус улсын Ерөнхийлөгч Петр Порошенкотой уулзаж, зүүн хязгаарын асуудлаар байр сууриа солилцох гэнэ. Канцлерийн хэвлэлийн төлөөлөгч “Меркел, Олланд нар энэхүү айлчлалаа өндөрлүүлсний дараа Орост айлчилж, Ерөнхийлөгч В.Путинтэй уулзахаар болсон” гэж ярьжээ. 
МАН-ын дарга, УИХ-ын дэд дарга М.Энхболд Монголын төр, нийгмийн нэрт зүтгэлтэн, Ардын хувьсгал, МАН-ыг үндэслэгч анхны долоогийн нэг, маршал, өрлөг жанжин Хорлоогийн Чойбалсангийн мэндэлсний 120 жилийн ойг тохиолдуулан маршалын зээ охин Ч.Халиуныг хүлээн авч уулзан хүндэтгэл үзүүллээ. МАН-ын дарга М.Энхболд улс төрийн нөхцөл байдал амаргүй байсан үед маршал Х.Чойбалсан нь эх орныхоо тусгаар тогтнолын төлөө амь биеэ хайрлахгүй зүтгэж ирсэн улс төр, нийгмийн зүтгэлтэн, цэргийн жанжин хүн байсныг онцлоод он цаг улирах тусам түүхийн үнэн, маршалын үйл хэрэг улам бүр тодорч байна гэлээ. Тэрээр “Сүүлийн үед зарим нэг хүн түүхэн бодит үнэнийг гуйвуулж байгаад харамсдаг. Түүхийг хэзээ ч мушгин гуйвуулж болохгүй. Монгол Улсын тусгаар тогтнолын түүх бол МАН-тай салшгүй холбоотой. Маршал Х.Чойбалсан бол орчин цагийн ардын арми, батлан хамгаалах салбарыг үндэслэгчдийн нэг байсан. 1921, 1939 онд эх орноо харийн булаан эзлэгчдээс чөлөөлж, 1945 онд эх орноо тусгаар тогтносон бүрэн эрхт улс болохыг хүлээн зөвшөөрүүлсэн манай эх орны түүх нь маршал Х.Чойбалсангийн түүхэн үүрэг, гавьяа замналтай салшгүй холбоотой, хойч үеийн бахархан дуурсах үйлс мөн юм. Маршалын мэндэлсний 120 жилийн ойг тохиолдуулан танд болон таны төрөл төрөгсдөд МАН-ын дарга болон МАН-ын Удирдах зөвлөлийн нэрийн өмнөөс талархал илэрхийлье” гэлээ.
Дуучин, жүжигчин агсан Уитни Хьюстоны охин Бобби Кристина Брауныг таван өдрийн турш комын байдалд байсан тул амьсгалын аппаратнаас салгасан байна. 
Авлигатай тэмцэх газрын дэд дарга Б.Хурцыг Тагнуулын Ерөнхий газрын даргаар томилсон. Түүнээс хойш АТГ-ын дэд даргын суудал эзэнгүй байгаа гэж хэлж болно.
Цагдаагийн газрын 2014 оны 4-р улирлын нэгдсэн сургалт, зөвлөгөөн батлагдсан төлөвлөгөө, хөтөлбөрийн дагуу явагдан, газрын нийт 108 алба хаагч хамрагдаж, “Харилцааны соёл, сэтгэлгээ хандлага өөрчлөх нь”, “Эрүүгийн байцаан шийтгэх ажиллагаа явуулахад гаргаж байгаа алдаа, дутагдал, цаашид хамтарч ажиллах”, шинээр батлагдсан Цагдаагийн байгууллагын үйл ажиллагааны журам /код/, “Харилцах урлаг” “Хүн барьцаалах гэмт хэрэг”, “Олон нийтийн аюулгүй байдлыг хангах”, “Байгууллагын болон хувь хүний аюулгүй байдлыг хангаж ажиллахад анхаарах”, “Нэг хүнд болон олон хүнд нөлөөлөх тусгай хэрэгсэл хэрэглэх арга, ажиллагаа, анхаарах асуудал” -аар тус тус сургалт мэдээлэл өгч дадлага хийсэн. Мөн алба хаагчдын “Сахилга хариуцлагын зөвлөгөөн”-ийг зохион байгуулж, газрын дарга, цагдаагийн хурандаа О.Ганбат “2014 оны ололттой тал, дутагдалтай тал” сэдвээр мэдээлэл хийж, Рашаант суман дахь цагдаагийн хэсгийн дарга, цагдаагийн хошууч Х.Мөнхжаргал, Хишиг-Өндөр суман дахь цагдаагийн хэсгийн дарга, цагдаагийн хошууч Б.Батжаргал, Хангал сум дах цагдаагийн хэсгийн дарга, цагдаагийн хошууч Т.Норпил нар хариуцсан цагдаагийн хэсгийн хэмжээнд зохион байгуулсан ажлын талаарх тайланг тус тус тавьж, алба хаагчдын дунд санал шүүмжлэл өрнүүлсэн.
Говь-Алтай аймгийн Мэргэжлийн хяналтын газраас “Цагаан сар–Таны оролцоо” аяны хүрээнд Есөнбулаг сумын төвд үйл ажиллагаа явуулж буй хүнсний худалдааны бөөний төв, дэлгүүрүүдэд урьдчилан сэргийлэх хяналт хийжээ. Хяналт шалгалтын үеэр Ховд аймгийн Ярантын боомтоор импортлон оруулж ирсэн алимнаас дээж авч, аймгийн Мэргэжлийн хяналтын газрын нэгдсэн лабораторид шинжлүүлэхэд жимсний улаан хачиг илэрчээ. Хачигтай алим худалдаалж байсан газарт нь ариутгал хийлгэн, алимыг хурааж битүүмжлэн, устгахаар болжээ.
Нийслэлийн Сонгинохайрхан дүүргийн есдүгээр хороонд байрлах Баруун Баян-Уулын гудамжинд суух Э-гийн хашаанд эрэгтэй хүний занданшуулсан шарил байхыг цагдаагийн байгууллагынхан илрүүлээд байсан. Улмаар энэхүү шарилыг шинжилгээнд оруулж, хэдий үеийн, ямар хүнийх болохыг тогтоохоор ажлын хэсэг гарч ажилласан байна. Тэгвэл бурханч лам Г.Пүрэвбатаар ахлуулсан ажлын хэсгийнхэн энэхүү занданшуулсан шарилыг ард олноо “Өвгөн Гэсэр лам” хэмээн өргөмжлөгдсөн их хувилгааны шавь Цорж Санжжавынх болохыг тогтоожээ. Цорж Санжжав нь 200 гаруй жилийн өмнө амьдарч байсан бөгөөд Гэсэр багшаасаа 25 насаар дүү хүн байсан аж.