09:00 цагт “Саусгоби сэндс” компанийн захирал Жастин Кабла нарын гурван хүнд холбогдох шүүх хурал Дүүргийн Эрүүгийн хэргийн анхан шатны хоёрдугаар шүүхэд болно. Утас: 96664674
10:00 цагт ШӨХТГ-ын хэвлэлийн танхимд дарга Т.Аюурсайхан сэтгүүлчидтэй танилцах уулзалт зохион байгуулах бөгөөд цаашид хийх ажлын талаараа ярилцана. Утас: 95521020
12:00 цагт “Blue Moon” арт галлерейд Ө.Баттайвангийн “Project 12” гэрэл зургийн үзэсгэлэнгийн нээлт болно.
12:45 цагт Монголын сагсан бөмбөгийн холбооноос “Үндэсний супер лигийн бүх оддын 2015” тоглолт болох гэж буйтай холбогдуулан “Зууны мэдээ” сонины Үндэсний мэдээллийн төвд мэдээлэл хийнэ. Хуралд зохион байгуулагчид, ивээн тэтгэгчдээс гадна легионер тоглогчид оролцоно.. Утас: 88023710, 99991273
Лигийн дөрвөн удаагийн аварга “Харцага” баг супер лигийн тэмцээнийг зургаан хожил таван хожигдолтойгоор үргэлжлүүлж байгаа билээ. Тэгвэл тус өнөө жил хоёр легионер тамирчнаас хүчээ зузаатган лигийг үргэлжлүүлж байгаа ч багийн түлхүүр тоглогч Бат-Очирын Одбаярын орон зай үгүйлэгдэж байсан юм. Анхдугаар супер лигийн үнэ цэнтэй тоглогчоор шалгарч байсан түүний хувьд өнөө жил лигийн тэмцээнийг Австрали улсад интернэтээр үзэж байв. Тэгвэл тэрбээр өчигдөр эх орондоо ирсэн бөгөөд ирэх даваа гаригт “Харцага” багийнхантайгаа анхны тоглолтоо хийхээр болоод байгаа юм. Түүнийг хүлээж байсан хөгжөөн дэмжигчдийнх нь одоо л нэг нар нь гарах байх даа. 
Японы мэргэжлийн сүмогийн нэгдүгээр сарын Хацү башё өндөрлөхөд дөрвөн өдрийн барилдаан үлдлээ. Токио хотын “Кокүгикан” спортын ордонд болж буй Хацү башёгийн 11 дэх өдөр буюу өчигдөр ёкозүна Хакүхо М.Даваажаргал озэки Гойэдог цүкидаши мэхээр өвдөг шороодуулж башёг итгэл төгс хошуучилж байна. Тэгвэл түүний араас ганц унаатай нэхэж явсан Харүмафүжи сэкивакэ Аойямад өвдөг шороодон хоёр унаатай болж тэргүүлэгчийн байрнаас ухарлаа. Тэгвэл отгон ёкозүна Какүрюү озэки Котошёгикүд мөн дийлдсэн юм. Ингэснээр Котошёгикүгийн хувьд тавин хувийн амжилтаа хийлээ. 
Аргын тооллын нэгдүгээр сарын 22. Бархасвадь гариг. Билгийн тооллын 2. Тооно одтой, шар нохой өдөр. Өдрийн наран 08.25 цагт мандан, 17.25 цагт жаргана. Тухайн өдөр бар, морь жилтнээ аливаа үйлийг хийхэд эерэг сайн ба үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хишиг даллага дуудуулах, насан бүтээл хийлгэх, хүүхэд үрчлэн авах, гэр, байшингийн суурь тавихад сайн. Эрдэнийг гадагш өгөх, нүүдэл суудал хийх, хэрүүл тэмцэл хийхэд муу. Өдрийн сайн цагнь бар, луу, могой, бич, тахиа, гахай болой. Хол газар яваар одогсод хойш мөрөө гаргавал зохистой. 
Монгол Улсын Дээд шүүхийн Иргэний хэргийн танхим өнгөрсөн онд 841 хэргийг хяналтын шатны шүүх хуралдаанаар хэлэлцсэнээс 181 нь ажлаас үндэслэлгүй халагдсан агуулгатай хөдөлмөрийн эрх зүйн маргаан байна. Үүний 65.7 хувь буюу 119 нэхэмжлэлийг шүүхүүд үндэслэлтэй гэж үзэж, ажилтныг хуучин эрхэлж байсан ажил, албан тушаалд нь эгүүлэн тогтоох, ажилгүй байсан хугацааны цалин хөлстэй тэнцэх хэмжээний нөхөх олговрыг ажил олгогчоос гаргуулан ажилтанд олгохоор шийдвэрлэсэн байна. Эдгээр хэрэгт хийсэн судалгаагаар бол 80 нь буюу ихэнх нь төрийн байгууллагатай холбоотой гэсэн дүн гарчээ. Мөн 397 сая төгрөгийг төсвөөс ажлаасаа хууль бусаар халагдсан хүмүүст олгох тооцоо гарчээ. Үүний нэг жишээ нь ЭМЯ-ны Төрийн нарийн бичгийн даргаар ажиллаж байсан Ж.Хатанбаатар юм.
Налайх, Багануур дүүрэгт хот байгуулах асуудлаар иргэдийн санал асуулга үргэлжилж байна. 17 цагийн байдлаар Налайх дүүргийн иргэдийн 33,9 хувь нь буюу 6626 иргэн, Багануур дүүргийн 28,6 хувь нь буюу 4644 иргэн саналаа өгчээ. Налайх дүүргийн иргэдийн саналыг өнөөдөр 21 цаг хүртэл 7 хэсгийн хорооны байранд авна. Харин Багануур дүүргийн иргэдийн саналыг маргааш 20 цаг хүртэл 5 хорооны хэсгийн байранд авна. Дараагийн ирцийн мэдээг 19 цагийн байдлаар танилцуулна гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
“Өдрийн сонин”-ы Асуух эрхийн танхимд “Эрүүл мэндийн салбарын тулгамдсан асуудлууд”-аар хэлэлцүүлэг өрнүүлсэн юм. Хэлэлцүүлгийн эхэнд тархины мэс заслаар Монголд тэргүүлэгч, Ардын эмч Ж.Хайрулла “Эрүүл мэндийн салбарт тулгамдсан асуудлаар хэлэлцүүлэг зохион байгуулж байгаад баярлаж байна. Өнөөдөр эрх баригчид эрүүл мэндийн салбарыг нүд үзүүрлэж байна. Эрүүлийг хамгаалах салбар өнчин болсон. Хэдэн өвчтөнтэй зууралдахаас өөрийг хийх боломж алга. Нам хүчнүүдээс эрүүл мэндийн яаманд ажиллах хүн алга. 2015 оны төсөв хэлэлцэхэд ганц өргөтгөл, засварын мөнгө төлөвлөгдөөгүй” гэв. Өнөөдрийн хэлэлцүүлгээр дараах асуудлуудыг хөндөн ярилцсан юм. 
Дугаарын хязгаарлалтгүй өдөр зорчиж, улмаар шаардлага тавьсан цагдаагийн албан хаагчийн эрхэнд халдсан 01-64 УБҮ улсын дугаартай Бенз G-500 маркийн автомашины жолооч эмэгтэйг 1500 төгрөгөөр торгосон тухай torguuli.mn сайтад мэдээлсэн билээ.