Маргааш баруун зүгийн нутгаар, цаашдаа ихэнх нутгаар хүйтний эрч чангарахыг ус, цаг уурын орчны шинжилгээний газраас анхаарууллаа. Ингээд энэ сарын 19-ны өдрийг хүртэлх цаг агаарын мэдээг хүргэж байна.
Энэ сарын 25-нд ихэнх нутгаар 26, 28-нд нутгийн өмнөд хэсгээр, 27-нд баруун зүгийн нутгийн баруун хэсгээр цас орж, цасан шуурга шуурна. Салхи 25-нд ихэнх нутгаар, 26-нд говь талын нутгаар секундэд 12-14 метр хүрч ширүүснэ. 25-нд нутгийн хойд хэсгээр, цаашдаа ихэнх нутгаар хүйтний эрч чангарч Увс нуур болон Дархадын хотгор, Идэр, Тэс, Ерөө голын сав газраар шөнөдөө 36-41 градус, өдөртөө 24-29 градус, Хүрэн бэлчир, Эгь-Үүр, Сэлэнгэ, Хараа, Туул, Тэрэлж, Хэрлэн, Онон, Халх голын сав газраар шөнөдөө 30-35 градус, өдөртөө 19-24 градус, говийн бүс нутгийн өмнөд хэсэг болон цас багатай нутгуудаар шөнөдөө 20-25 градус, өдөртөө 7-12 градус, бусад нутгаар шөнөдөө 24-29 градус, өдөртөө 13-18 градус хүйтэн байна.
Дархан-ажнай МСУХолбоо ээлжит хуралдаанаа хийж хаврын уламжлалт уралдаан болох Бурхантын хурд уралдааны товыг зарласан байна. Тус уралдаан ирэх сарын 23-нд буюу билгийн улирлын тооллын XVII жарны Галзууруулагч хэмээх хөхөгчин хонь жилийн хаврын тэргүүн сарын шинийн тавны билэгт сайн өдөр Хонгор сумын нутаг Цайдмын хөндийд болохоор ажээ. 
“Шинэ Үе” продакшны жүжигчин Т.Билгүүн авто ослын улмаас урд хөршид харамсалтайгаар амиа алдсан билээ. Тус хамтлагийнхан Өмнөд Монголд цагаан сарын тоглолын бичлэгэнд ороод буцах үедээ осолд орсон юм. Ослын улмаас хамтлагийн хоёр жүжигчин гэмтэж бэртсэн байна. Т.Билгүүний чандарыг эх оронд нь авчирах юм байна 
УИХ-ын чуулганы өчигдрийн үдээс хойших нэгдсэн хуралдаан 20 цаг 35 минутаас үргэлжлүүлэн хуралдаж, Монгол Улсын 2015 оны төсвийн тухай хуульд нэмэлт, өөрчлөлт оруулах тухай, Хүний хөгжил сангийн 2015 оны төсвийн тухай хуульд өөрчлөлт оруулах тухай, Нийгмийн даатгалын сангийн 2015 оны төсвийн тухай хуульд нэмэлт, өөрчлөлт оруулах тухай хуулийн төслүүдийн гурав, дөрөв дэх хэлэлцүүлгийг хийлээ.
“Дандаа шүүмжлүүлэх амаргүй. Харин энэ шалгаруулалт дээр манай ололтыг олж тэмдэглэсэнд таатай байна” хэмээн Эрдэнэс Тавантолгой ХК-ийн Гүйцэтгэх захирал Я.Батсуурь онцлов.
Өвлийн морин уралдааныг хориглоё гэж манай “Өдрийн сонин” сүүлийн 25 жил тэмцэж байна. Эхэндээ биднийгдэмждэггүй, буруутгадаг, шүүмжилдэг нь дийлэнх байв. Монгол ёс заншлаа уландаа гишгэгсэд гэж хараадаг.Хужаа хүн хуузын эрлийз гэх мэтийн элдэв доромж үг чулуудаж,ад үздэг байлаа.Харин сүүлийн арван жил манайтэмцэл төрийн бус байгууллага, олон түмний дэмжлэгийг авдаг боллоо.Өвлийн морин уралдааныг хориглоё, хүүхдийн эрхийг хамгаалъя гэсний төлөө зүхэж, харааж, элдвээр хэлж зүрхлэх хүн орчин үед алга болсон байна.Энэ нь цаг үе өөрчлөгдсөнийг, ард түмэн асуудлыг ойлгодог, төр засаг нь мэдэрдэг болсны илрэл юм. Жишээ нь өнгөрсөн 2013 онд Засгийн газраас өвлийн морин уралдааныг хориглох шийдвэр гаргаж байсныг санаж байна. 
Ч.Мөнгөндалайн Монгол орныхоо баруун 15 аймгийн 210 сумаар нийт 6200 км замыг унадаг дугуйгаар туулсан аяллын тухай манай “Өдрийн сонин” цуврал тэмдэглэл хүргэж байв. Хөгжлийн бэрхшээлтэй хэдий ч, мөрөөдлийнхөө төлөө шаргуу хөдөлмөрлөж яваа тэрээр нурууны хүнд мэс засалд орж байгаа О.Ундрал охинд 100 мянган төгрөг хандивлаж, чин сэтгэлийн бэлэг, захидлын хамт өгчээ.
Эхний ээлжийн 22 барилга нь энэ оны 2-р улиралд ашиглалтад орох “Буянт-Ухаа II” хорооллын авто машины дулаан гараашийг зохих норм дүрмийн дагуу шийдэж өгчээ. Тодруулбал “Буянт-Ухаа II” хороололд нийт 2 мянга орчим авто машины дулаан гарааш байхаар төлөвлөсөн байна. Нэгдсэн 7 давхар 409 авто машины дулаан гарааш, Орон сууцны барилгын доод F1 давхарт нийт 1090 машины дулаан гарааш, хорооллын гадна 400-500 орчим машины ил зогсоолыг тус тус шийдэх аж.
Хүнс, хөдөө аж ахуйн яамны Төрийн нарийн бичгийн даргын тушаалаар 2015 оны эхний хагас жилд гадаадын улс орнуудад мах экспортлох болон гаднаас мах импортоор оруулж ирэх эрхийг аж ахуйн нэгжүүдэд олгожээ. Гадаадын улс орнуудад монгол малын махыг экспортлох эрхийг нийт найман аж ахуйн нэгжид олгосон бол импортын зөвшөөрөлтэй гурван аж ахуйн нэгж байгаа юм.