Монголын хөгжлийн бэрхшээлтэй иргэдийн эрх ашгийг хамгаалдаг төрийн бус байгууллагуудын төлөөлөл өнөөдөр сэтгүүлчдэд мэдээлэл хийлээ. Тэд хөгжлийн бэрхшээлтэй иргэдийг нийтийн тээврээр үнэ төлбөргүй зорчих боломжийг цаашид хэвээр хадгалах талаар мэдэгдэж, УИХ, ЗГ, НИТХ, Том оврын автобусны үйлчилгээ эрхлэгчдийн холбоо, болон бусад холбогдох байгууллагуудад хандсан.
Том оврын автобусны үйлчилгээ эрхлэгчдийн холбооноос энэ сарын 23-нд мэдээлэл хийж, нийтийн тээврээр үнэ, төлбөргүй зорчдог иргэдийн асуудлыг хөндөж, нөхөн олговроос татгалзаж буйгаа мэдэгдсэн. Тэдний зүгээс 30 хувиар бууруулан нийслэлд баталсан төсөвт тааруулан хүн тээвэрлэх эсвэл батлагдсан төсвөө ахмад настан, хөгжлийн бэрхшээлтэй иргэд, оюутанд олгож тэдгээр нь нийтийн тээврээр зорчих бүртээ төлбөрөө төлж зорчих гэсэн хувилбарыг дэвшүүлсэн.
Хамгийн сүүлийн судалгаагаар манай улсад 115.000 хөгжлийн бэрхшээлтэй иргэн амьдарч байгаагийн 33934 нь нийтийн тээврээр үйлчлүүлэх шаардлагатай ба тэдний нөхөн олговорт 10.6 тэрбум төгрөгийг төсөвлөснийг 30 хувиар бууруулсан юм.
БНМАУ-ын Сайд нарын зөвлөлийн тогтоолоор НАХЯ-ны системийн байгууллагын барилга байгууламжийг барих, засварын ажил хийж гүйцэтгэх үүрэгтэйгээр 1964 онд байгуулагдсан Хилийн 0119 дүгээр ангийн 50 жилийн ой энэ жил тохиож байна. Түүхт ойг тохиолдуулан Хилийн 0119 дүгээр ангид Монгол Улсын Ерөнхийлөгчийн зарлигаар Цэргийн гавьяаны улаан тугийн одон гардуулан өгөх ёслолын ажиллагаа өнөөдөр боллоо. 
Монгол Улс, Оросын Холбооны Улс, Бүгд Найрамдах Хятад Ард Улсын Гадаад хэргийн дэд сайд нарын түвшний анхдугаар зөвлөлдөх уулзалт 10 дугаар сарын 30-ны өдөр Улаанбаатар хотноо болов.
Цагдаагийн байгууллагууд хар тамхи, мансууруулах бодисын хадгалалт, хэрэглээтэй холбоотой асуудлаар дараахь хэргүүдийг шалгаж байгаа ажээ. 
Монгол Улсын Ерөнхийлөгчийн зарлигаар Хилийн 0119 дүгээр ангийг Цэргийн гавьяаны одонгоор шагнасныг гардуулах хүндэтгэлийн арга хэмжээ өнөөдөр тус ангид болов.
УИХ дахь Ардчилсан намын бүлгийн хуралдаан дөнгөж сая завсарлалаа. Хаалттайгаар хуралдаж буй тус бүлгийн хуралдаан халуухан болж байна гэсэн мэдээлэл ордноор нэг тараад байна. Учир нь тус бүлгийнхэнд Ерөнхий сайд мэдэгдэл хийж байгаа юм. Ерөнхий сайдын нууц мэдээллийн тухайд Ардчилсан нам дүрмээ өөрчлөөд намын даргын суудлаа өгөх нь гэсэн таамаглал ч байгаа юм. Мөн Их тэнгэрт болсон төрийн гурван өндөрлөгийн нууц уулзалтаар гаргасан шийдвэрийг ч хэлэлцэж буй бололтой.
Нийслэлийн 32 асрамжийн газарт 900 гаруй хүүхэд хүмүүжиж байна. Нийслэлийн 375 жилийн ойг тохиолдуулан хотын удирдлагууд асрамжийн газар, сэргээн засах үндэсний төв, зарим ТББ-ын 1000 гаруй хүүхдэд хүндэтгэл үзүүлсэн байна. Мөн тэдэнд зориулж Монголын хүүхдийн ордны авьяаслаг хүүхдүүдийн тоглолтыг зохион байгуулжээ.
Ерөнхий сайдыг огцруулах асуудлыг “Шударга ёс” эвслийн бүлэг болон Шадар сайд Д.Тэрбишдагва дэмжих байр суурьтай байгаа гэх мэдээлэл гарч байсан. Энэ талаар Шадар сайд Д.Тэрбишдагва өнөөдөр сэтгүүлчдийн асуултад хариуллаа. Тэрбээр “МАХН-ын дарга Н.Энхбаяр ирснээр намайг Шадар сайдын албаа өг гэж шахсан гэх зэрэг зүйл байхгүй. Мөн намын удирдлага, гишүүдийн төвшинд ч бас тийм зүйл яригдаагүй. Хэрвээ намын нөхөд үнэхээр бодитой, үнэн зөв үндэслэл гаргаад, намайг энэ албаа өг гэвэл би өгөхөд бэлэн. Авч болдог, өгч болдог суудал. Ерөнхий сайдыг огцруулах тухайд би хамтарсан Засгийн газарт ажиллаж байгаа Шадар сайдын хувьд эсрэг байр суурьтай байгаа. Засгийн газар тогтвортой ажиллах ёстой.
Замбийн Ерөнхийлөгч Майкл Сата орон нутгийн цагаар Мягмар гаргийн 23 цагт Лондон хотын VII Эдвардын нэрэмжит эмнэлэгт нас барсан байна. Энэ сарын эхнээс түүний биеийн байдал ихээхэн муудаж Замбийн Засгийн газар тусгай хөрөнгө гарган түүнийг Лондон хотын эмнэлэг рүү хүргүүлээд байсан юм. Харин ямар өвчний улмаас нас барсан нь одоогоор тодорхойгүй байгаа аж. 2011 онд эх орончдын хөдөлгөөнөөс нэр дэвшиж ялалт байгуулсан Майкл Сата нь Хятадын эсрэг үзэлтэй Зимбабын Ерөнхийлөгч Роберт Мугабийг дэмждэг гэдгээрээ олон нийтэд танил болсон юм. Замбийн Ерөнхийлөгчийн түр орлон гүйцэтгэгчээр дэд ерөнхийлөгч Гай Скотт ажиллаж байгаа бөгөөд арваннэгдүгээр сард багтааж Замби улс Ерөнхийлөгчийн суудалд албан ёсоор хүн томилих юм. 77 настай байсан Майкл Сата нь Ерөнхийлөгчийн сонгуульд гурван удаа өрсөлдөж 2011 онд Ерөнхийлөгчөөр сонгогдсон юм. Тэрээр есдүгээр сарын 19-ны өдөр парламентын чуулганд хамгийн сүүлчийн удаа үг хэлжээ.
Цагаан ордны компьютерийн сүлжээнд хакерууд нэвтэрчээ. “Вашингтон пост”-ийн мэдээлснээр Ерөнхийлөгчийн гүйцэтгэх албаны ажилчдын ашигладаг нууц бус сүлжээнд хакерууд нэвтэрсэн байна. Нууц бус сүлжээний зарим нэг бүрэлдэхүүн хэсэг халдлагад өртсөн хэдий ч компьютерийн сүлжээнд ямар нэгэн гэмтэл учраагүй гэж зарим эх сурвалжууд мэдээлжээ. Уг халдлагыг шалгаж байгаатай холбогдуулан ажилчдын компьютерийн сүлжээг түр хаасан байна. Цагаан ордны албаны хүмүүсийн мэдээлснээр сүлжээнд хакерууд нэвтэрснийг 2-3 долоо хоногийн өмнөөс анзаарсан бөгөөдажилчдын сүлжээнд саатал учирч эхэлсэн байна. АНУ-ын засгын газар уг хууль бус үйлдлийг аль нэг улсын эрх баригчдын явуулга байж болзошгүй гэж үзэж байгаа бөгөөд энэ халдлагын цаана байх хамгийн их магадлалтай улс нь ОХУ гэжээ. Энэхүү хэргийг АНУ-ын Холбооны мөрдөх товчоо болон Үндэсний аюлгүй байдлын агентлаг шалган ажиллаж байгаа юм байна.