“NBA”-ийн “Miami Heat” багийн тоглогч Двайн Уэйд өнгөрсөн ням гаригт жүжигчин Габриелле Юнионтой хуримаа хийжээ. Тэд хуримын ёслолоо Нью Йорк хотод байрлах “Beverly Hills” зочид буудалд хийсэн байна. Хосуудын хуриманд Леброн Жеймс, Коби Брайнт, Дуайт Ховард зэрэг сагсан бөмбөгийн амьд домгууд хүрэлцэн ирсэн талаар гадны цахим ертөнцөд шуугиж байна.
Тэд өнгөрсөн оны арванхоёрдугаар сарын 22-нд сүй тавьж буйгаа зарлаж байсан билээ. Уэйд хайртай бүсгүйдээ сая ам.долларын үнэтэй 8.5 каратын алмаазан шигтгээтэй бөгж бэлэглэсэн юм.
Монголын хип хопчид хамтарсан шинэ уран бүтээлээ өчигдөр олон нийтийн сувгаар анх удаа цацлаа. “Аз жаргал” хэмээх энэхүү дууг тэд “Дижитал” хамтлагийн 15-н жилийн ойд зориулж бүтээсэн байна. Тус хамтлаг энэ сарын 5-нд “Улаанбаатар палас”-ын задгай талбайд ойн тоглолтоо зохион байгуулна.
Монгол Улсын Ерөнхийлөгч Цахиагийн Элбэгдорж 2014-2015 оны хичээлийн жилийн нээлтийн өдөр буюу өнөөдөр “Бүтээлч боловсрол-бүтээлч иргэн /Боловсрол-хүүхэд бүрийн төлөө/” сэдвээр зургаа дахь удаагаа теле хичээл заалаа. Уг хичээлийг МҮОНТВ, UBS, HD Монгол, Боловсрол телевизүүдээр орон даяар шууд дамжуулав. Ерөнхийлөгч Ц.Элбэгдорж Төрийн тэргүүнээр сонгогдсоноосоо хойш жил бүрийн есдүгээр сарын 1-ний өдөр буюу Эрдмийн баяраар МҮОНТ-ийн 600-гийн студиэс ерөнхий боловсролын дунд сургуулийн сурагчдад уламжлал болгон хичээл зааж ирсэн юм.
Ам.долларын ханш өдрөөс өдөрт хурдтай буурсаар байна. Монголбанкнаас зарласан өчигдрийн хаалтын ханш нэг ам.доллар 1811 төгрөг байлаа. Тэгвэл өнөөдрийн байдлаар “Найман шарга” зах дээр ам.долларыг 1782 төгрөгөөр авч, 1786 төгрөгөөр зарж байна.
Хичээлийн шинэ жил эхэлж буйтай холбогдуулан Замын цагдаагийн газраас мэдээлэл хийлээ.
Баянгол дүүрэг усан спорт сургалтын төвтэй болжээ. Тус төв нь 25 метрийн урттай, 1.8-2.2 метр гүн бүхий нэг ээлжийн хичээлд 25-30 хүн хүлээн авах хүчин чадал бүхий усан сантай аж. Мөн 12-15 хүний суудалтай цайны газар, 15-20 хүний багтаамж бүхий фитнесс клуб, триатлоны спортын клуб, ус чанарын шинжилгээний лаборатори, эрүүл ахуй, эмнэлгийн яаралтай тусламжийн бичил төв, чийрэгжүүлэх, эрүүлжүүлэх зориулалтын нэг ээлжид 3-6 хүнд үйлчлэх саунтай юм байна. 
“Шинэ бүтээн байгуулалт” дунд хугацааны зорилтот хөтөлбөрийн хүрээнд Хөгжлийн банкны санхүүжилтээр хэрэгжиж байгаа Яармагийн гүүрнээс Богд уулын араар Баянзүрхийн товчоо хүрэх 17.1 км авто замыг нээжээ. Тус замын ажлыг “Эсто” ХХК хоёр жилийн хугацаанд хийж гүйцэтгэсэн байна. 
ЦЕГ Лицензийн төвийн нээлт өнөөдөр буюу 2014-09-01ний өдрийн 11 цагаас Цагдаа олон нийтийн хамтын ажиллагааны төв буюу Хуучнаар Баянзүрх дүүргийн Сэлэнгэ зочид буудлын эсрэг талд байрлах цагдаа олон нийт соёлын төв дахь шинэ байранд болно.
“Тэгт тойрог” студийн уран бүтээлчид “Боржигон” хэмээх олон ангит кино бүтээж байна. Инээдмийн жанарын энэхүү олон ангит кино нь 50 ангитай бөгөөд кинонд дуучин Г.Эрдэнэтунгалаг тоглосон гэнэ.
Хичээлийн шинэ жил эхэлсэнээр замын хөдөлгөөний ачаалал эрс нэмэгддэг. Тэгвэл үүнтэй холбогдуулан Ахуйн үйлчилгээний уулзварын өргөтгөл шинэчлэлийн ажлыг 24 цагаар гүйцэтгэн, өнгөрсөн шөнө замын өнгө хучилтыг бүрэн хийж, дуусгасан байна.