Нийслэлийн
Засаг даргын үүргийг түр гүйцэтгэж буй нийслэлийн Засаг даргын Санхүү,
эдийн засгийн асуудал хариуцсан орлогч Н.Батаа “Зуухны хөтөлбөрийг
дэмжиж ажиллах тухай” А/826 дугаар захирамж гаргалаа. Энэ захирамжаар
нийслэлийн агаарын бохирдлыг бууруулах зорилгоор хэрэгжүүлж байгаа
“Улаанбаатар-Цэвэр агаар” төслийн 2014-2015 оны халаалтын улиралд
хэрэгжүүлэх зуухны хөтөлбөрт зуухаа солиогүй гэр хорооллын үлдсэн айл
өрхүүдийг хамруулах ажлыг хороодод зохион байгуулж, хэрэгжилтийг ханган
ажиллахыг дүүргийн Засаг дарга нарт үүрэг болголоо.Мөн
”Улаанбаатар-Цэвэр агаар” төслийн сонгон шалгаруулалтад тэнцсэн
сайжруулсан зуухнуудыг гэр хорооллын иргэдэд сурталчлан танилцуулах
“Зуухны борлуулалтын төвүүд” ажиллах хороодын жагсаалтыг гаргалаа.
Энэхүү хөтөлбөрт иргэдийг идэвхтэй оролцуулах, мэдээллийг үнэн зөв, ил
тод, түргэн шуурхай хүргэх тал дээр хэсгийн ахлагч нарыг идэвхжүүлэх
замаар төсөл хэрэгжүүлэгч байгууллагатай хамтран, дэмжиж ажиллахыг
дээрх хороодын Засаг дарга нарт үүрэг болгосон байна. Тус захирамжийн
хэрэгжилтэд хяналт тавьж, нэгдсэн удирдлагаар ханган төслийн үр дүнг
Нийслэлийн Удирдлагын зөвлөлийн хуралд тайлагнахыг Нийслэлийн Засаг
даргын Экологи, ногоон хөгжлийн асуудал хариуцсан орлогч бөгөөд Төслийг
Удирдах хорооны дарга Т.Бат-Эрдэнэд даалгалаа гэж Нийслэлийн ЗДТГ-ын
Хэвлэл мэдээлэл, олон нийттэй харилцах хэлтсээс мэдээллээ.
Дараахь хороодод “ЗУУХНЫ БОРЛУУЛАЛТЫН ТӨВ” байгуулна
|
Дүүрэг |
Хороод |
Нийт |
|
Баянгол |
16, 21, 22, 23 |
4 |
|
Чингэлтэй |
7, 9, 11, 13, 14, 17 |
6 |
|
Сүхбаатар |
11, 12, 19, 20 |
4 |
|
Сонгинохайрхан |
3, 4, 6, 10, 11, 23, 24, |
10 |
|
Баянзүрх |
2, 4, 5,10, 12, 16, 17, |
9 |
|
Хан-Уул |
4, 5, 6, 7, 16 |
5 |
|
Бүгд |
38 хороо |
|
Азийн наадам долоо дахь өдрөө үргэлжилж
Сэтгэцийн эрүүл мэндийн үндэсний төвийн шинэ цогцолборын нээлтийн ёслолын үйл ажиллагаа 2014 оны 09 дүгаар сарын 25-ны өдөр боллоо. Энэхүү арга хэмжээнд Эрүүл мэндийн сайд Н.Удвал, ДЭМБ-ын Монгол дахь суурин төлөөлөгч Су Нюнт У, ЭМЯ-ны газрын дарга нар, СЭМҮТ-ийн захирал Л.Насанцэнгэл, болон холбогдох албаны хүмүүс, тус эмнэлгийн ажилтан, албан хаагч нар оролцов. Эрүүл мэндийн сайд Н.Удвал уг төвийн нээлтэд үг хэлэхдээ, “2010 оноос эхэлсэн эрүүл мэндийн салбарын 26 барилга санхүүжилтгүйн улмаас өнөөдөр ашиглалтад ороогүй байна. Гол шалтгаан нь төсөвт өртөгөө нэмснээс болоод шалтгааныг нь нягтлах шаардлага гарч, хугацаа алдаж байгаа. Харин энэхүү барилгыг анхны төсөвт өртөгт багтаан, хугацаандаа, чанартай барьж өгсөн барилгын компаны нийт ажилтан, албан хаагчдад гүн талархал илэрхийлье. “Сэтгэцийн эрүүл мэндийн тухай” хууль батлагдсан. Шинэ барилга ашиглалтад орсон. Доторх тоног төхөөрөмж, тавилга, хэрэгслээр бүрэн тохижуулж өглөө. Мөн цэвэрлэх байгууламжын асуудлыг ч шийдэж өглөө. Уурын зуухны засвар үйлчилгээний асуудлыг сайдын нөөц хөрөнгөөс гаргаж шийдэж өглөө. Одоо ажиллах л үлдэж байна. Энэ хөрөнгө оруулалтын үр ашгийг дээшлүүлж, та бүхний гараас маш олон хүн сэтгэцийн эрүүл мэндийн тусламж, үйлчилгээг авч, эрүүл энх, сайн сайхан болоосой гэдэг ерөөлийг дэвшүүлж байна” гэлээ.
Засгийн газрын өчигдрийн хуралдаанаар Гацууртын ордын төрийн эзэмшлийн хувь тогтоох тухай хэлэлцээд, тогтоолын төслийг УИХ-д өргөн мэдүүлэхээр тогтжээ. Энэ дагуу Гацууртын ордын тусгай зөвшөөрөл эзэмших “Эрдэнэс-Гацуурт” хамтарсан компани байгуулж, уг компанид төрийн эзэмшлийн хувь хэмжээг 20 хувиар тогтоох саналыг Засгийн газраас УИХ-д оруулах аж. Гацууртын ордыг ашиглах “Эрдэнэс-Гацуурт” ХХК-ийн өөрийн хөрөнгө дэх төрийн эзэмшлийн 20 хувьд ногдох 20 мянган ам.долларын санхүүжилтийг хуулийн дагуу “Эрдэнэс МГЛ” ХХК-аас гаргуулах юм байна.
Нийслэлийн Баянзүрх дүүргийн Чулуун-Овоонд бөөний дэлгүүр ажиллуулдаг, “АПУ” ХХК-ийн борлуулагч Б.Алтанхуян хэмээх залуу энэ сарын 15-нд ор сураггүй алга болоод байгаа юм. Тэрбээр, Гачуурт, Хонхорт байрлах дэлгүүрүүдэд бараа түгээхээр гэрээсээ гарсан бөгөөд 2983 УНК дугаартай саарал өнгийн ачааны микроавтобустай явжээ. Түүнийг хамгийн сүүлд Хонхорын “Хадат мянган” дэлгүүрт бараа нийлүүлснийг цагдаагийн ажилтнууд олж тогтоосон байна. Тухайн үед Б.Алтанхуяг биедээ дөрвөн сая орчим төгрөг, долоон сая төгрөгийн бараатай явж байсан гэнэ. Уг хэргийг Баянзүрх дүүргийн Цагдаагийн хэлтэст шалгаж буй бөгөөд эрлийн баг гарган ажиллаж байна. 
Хошин урлагийн “Шинэ үе” продакшны жүжигчин бүсгүйчүүдийн халуун ус цацаж бие биенээ түлсэн хэрэг гарсан. Тэгвэл уг хэргийг шүүхэд шижлүүлсэн талаар бид мэдээлж байсан. Харин шүүх хурлын тов ирэх 12 сард болох төлөвтэй. Биеийнх нь нэлээд орчим хувь нь түлэгдсэн Д.Оюунтуулын хувьд өөрийг нь эрүүл, хохиролгүй болгоод өгчихвөл Ц.Алдармаад заавал ял шийтгэл оногдуулах сонирхолгүй байгаа аж.
Азийн наадмын ширэн бээлийтнүүдийн тулаан өнөөдөр Монголын цагаар 13.00, 18.00 цагт болно.
Азийн наадмын талбайн теннисний эрэгтэй, эмэгтэй, хос төрлийн тоглолтууд ”Yeorumul tennis сourts” ордонд үргэлжлэн явагдлаа.