Энэ зун хүн бүр аль нэг сумын ойд, ямар нэгэн байдлаар оролцож байгаа гэхэд хилсдэхгүй. Төрсөн сум нь биш гэхэд хадмын, аавын, ээжийн гээд сумын ой өөрт нь хамаарч л таараа. Зарим нь амралтаа тааруулж нутгийнхаа ой руу давхиж байгаа бол нөгөө хэсэг нь банкин дахь хандивын дансанд хэдэн төгрөг хийчихээд наадмынхаа сонинг утсаар сонсч байгаагаас гарцаагүй. Аймгаараа, сумаараа, сургуулиараа овоглосон л бол ойд нь ямар нэгэн хэмжээгээр заавал оролцох ёстой гэж манайхан үздэг. Нутгийн зөвлөлийнхөн хүмүүсийн ийм өөриймсөг үзэл дээр тулгуурлаж ойгоор багагүй хандив цуглуулдаг. Цугласан мөнгөний ихэнх нь түрүү бөх, морины бай багахан хэсэг нь сумын угтах хаалга, хөшөө, захиргааны байрны засвар төдийхөнд зориулагддаг. Сум, сургууль ойгоо тэмдэглэхэд хэдэн зуун саяар тоологдох хандив цугладаг юм чинь төрөх эмнэлгүүд ойгоо тэмдэглэвэл яах бол. Нийслэлийн нэг төрөх эмнэлэгт төрсөн хүний тоо лав аймгийнхаас хавьгүй олон байгаа. Төрөх эмнэлгийн ойд тэнд төрсөн хүүхдүүд хандив өргөөд, цугласан мөнгөөр нь өргөтгөл барьж болно шүү дээ. “Би чинь I төрөхийн хүүхэд шүү дээ” гэж ярьж яагаад болохгүй гэж. Нэг онд төрсөн хүүхдүүд нийлээд нэг хэсгийг нь сайхан тохижуулахад ядах юмгүй. Тэгвэл суманд хөшөө барьснаас илүү үр дүнтэй, өгөөжтэй бүтээн байгуулалт болно доо. Нутгийн зөвлөл хандив цуглуулаад байхад Төрөх эмнэлгийн зөвлөл яагаад болохгүй гэж. Төрөх эмнэлгийн зөвлөл байгуулж, төрсөн эмнэлгийнхээ ойг тэмдэглэцгээе.
Б.ЦЭЦЭГДЭЛГЭР
Улаан хоолойны дагуу эсвэл цээжний орчимд залгиур дээр хорсож, халуу оргих нь ходоодны хүчил ихэссэнтэй холбоотой аж. Зарим үед цээж хорсох нь зүрхний цус хомсрох өвчний илрэлтэй андуурагддаг бөгөөд зүрхний орчим, өвчүүний цаана халуун оргидог. Хорсолт нь улмаар улаан хоолойг түлж, салслаг бүрхүүлийг гэмтээдэг. Цээж хорссон ч эмчилгээ хийлгэхгүй бол маш богино хугацаанд ходоодны архаг үрэвсэл, улаан хоолойн үрэвсэл эсвэл шархлаа өвчинд нэрвэгдэх аюултай. Тиймээс ийм өвчтэй хүмүүс эмчид яаралтай үзүүлэх шаардлагатай аж.
Үндэсний Бүтээн Байгуулалтын Корпорацийн барьж байгаа “Буянт-Ухаа 2″ хорооллын барилга угсралтын ажил эхлээд хоёр сарын хугацаа өнгөрсөн бөгөөд ажлын явц 17 хувьтай үргэлжилж байна. Энэ хугацаанд ТОСК- ийн зүгээс барилга тус бүрийн үе шатны ажлаар хяналт тавьж, мэдээ гаргаж байгаа юм. Одоогоор “Буянт-Ухаа 2″ хорооллын нийт 48 барилгын газар шорооны ажил болон суурийн ажил бүрэн дууссан бөгөөд 36 барилгын зоорийн буюу гражийн давхрын бетон цутгалтыг хийгээд байна. Мөн 19 барилгын нэгдүгээр давхрын ажил дуусч, 18 барилгын хоёрдугаар давхрын бетон цутгалтын ажил дуусах шатандаа ороод байна. Түүнчлэн таван барилгын гуравдугаар давхрын ажил хийгдэж байгаа бол 109, 110 дугаартай хоёр барилгын гуравдугаар давхрын бетон цутгалтын ажил дуусч, дөрөвдүгээр давхрынхаа хэв хашмал, арматурчлалын ажлыг эхлүүлээд байна.
“ Мах Маркет” компани Монголын хамгийн урт зайдсыг танилцуулж, бүртгэх түүхэн үйл ажиллагаа 2014 оны 06 сарын 28-ны өдөр 13:00-15:00 цагийн хооронд Үндэсний Соёл Амралтын Хүрээлэнд болжээ. 3000 хүнд хүрэлцэхүйц хэмжээний амталгаа зохиогдсон бөгөөд азтай 500 хүн Монголын хамгийн урт зайдсыг үнэгүй амталжээ. 
Ашигт малтмалын газрын гурван геологич Баянхонгор аймагт 20 хоногийн хугацаатай ажиллаж байхдаа тус аймгийн Баян-Өндөр сумаас 120-130 км зайд “Идрэнгийн нуур” гэдэг газар явж байхад машинынх нь дугуй хагарч цааш явах боломжгүй болсон аж.
Монгол Улсын Ерөнхийлөгч Цахиагийн Элбэгдорж Монгол-Оросын хувь нийлүүлсэн “Улаанбаатар төмөр зам” нийгэмлэг үүсгэн байгуулагдсаны 65 жил, төмөр замчдын мэргэжлийн баярын өдөрлөгийн нээлтийн ажиллагаанд оролцов. Ерөнхийлөгч Ц.Элбэгдорж зорчигч үйлчилгээний “Улаанбаатар” төв буудалд УБТЗ, ОХУ-ын РЖД нийгэмлэгийн ололт, ажилтын тухай гэрэл зургийн үзэсгэлэнг үзсэний дараа railbus-аар төмөр замчдын өдөрлөгт очлоо.