Наймдугаар сарын сүүлээр хүнсний ногооны үзэсгэлэн худалдаанууд олишрдог. Иргэдийг хямд, чанартай хүнсний бүтээгдэхүүнээр хангах зорилготойгоор шинэ ургацыг ногоог дүүрэг бүрт зарах цэг гаргаж өгсөн байна. Өөрөөр хэлбэл, доорх цэгүүдээс шинэ ногоо хямдхан худалдаж авах боломжтой болж байгаа юм.
– Баянзүрх дүүрэгт “Скай” худалдааны төвийн урд талбайд,
– Сүхбаатар дүүрэгт “Гурван гал” худалдааны төвийн талбайд,
– Чингэлтэй дүүрэгт Барилгачдын талбайд,
– Сонгинохайрхан дүүрэгт “Цамбагарав” худалдааны төвийн урд,
– Баянгол дүүрэгт “Барс” худалдааны төвийн хойно “Орлёнек” сургуулийн талбайд шинэ ургацын үзэсгэлэн худалдаа гарч байгаа бөгөөд энэ нь иргэдэд ойр үйлчилгээ, нөгөө талаасаа үндэсний үйлдвэрлэгчээ дэмжсэн бодлого хэмээн салбарын яамныхан дүгнэж байна.
Ази, Номхон далайн эдийн засгийн байгууллага АПЕК-ийн Ахлах албан тушаалтнуудын гурав дахь удаагийн уулзалт (SOM3) БНХАУ-ын Бээжин хотод болов. Энэ удаагийн уулзалтад АПЕК-ийн гишүүн 21 гишүүн эдийн засаг, АПЕК-ийн нарийн бичгийн дарга нарын зөвлөл, АПЕК-ийн Бизнесийн Зөвлөх зөвлөл, Номхон далайн эдийн засгийн хамтын ажиллагааны зөвлөл (PECC) болон Номхон далайн арлуудын форум (PIF)-ыг төлөөлсөн 300 гаруй төлөөлөгч оролцов. ө Уулзалтаар Ази-Номхон далайн бүс нутгийн эдийн засгийн интеграцчилал, ногоон эдийн засаг-шинэлэг хөгжил, эдийн засгийн шинэчлэлийн асуудлууд, бүс нутгийн дэд бүтэц гэсэн тэргүүлэх чиглэлээр хэлэлцүүлэг явуулав. Мөн Богорын зорилт болон Ази, Номхон далайн Чөлөөт худалдааны бүс (FTAAP) байгуулах ажлыг хурдасгах, эдийн засгийн шинэчлэл хийх замаар эдийн засгийн өсөлтийг дэмжих АПЕК-ийн ажлын төлөвлөгөөг хэрэгжүүлэх чиглэлээр хийсэн ажлаа гишүүн эдийн засгийн орнууд тайлагнан санал солилцов. Ази, Номхон далайн эдийн засгийн байгууллага АПЕК-ийн энэ удаагийн Ахлах албан тушаалтнуудын уулзалтад ГХЯ-ны БТСГ-ын захирал Ц.Батбаяр тэргүүтэй төлөөлөгчид ажиглагчаар оролцов. Монгол Улсын төлөөлөгчид АПЕК-ийн ахлах албан тушаалтны энэхүү уулзалтад анх удаа ПЕКК-ийн Үндэсний хороог төлөөлөн оролцож, энэ үеэр Ахлах албан тушаалтнуудын уулзалтыг даргалагч, БНХАУ-ын Гадаад хэргийн дэд сайд Ли Баодун болон гишүүн эдийн засгийн орнуудын төлөөлөгчидтэй ажлын уулзалт хийжээ.
Нийслэлийн Засаг даргын захирамжийн дагуу өчигдрөөс замын хөдөлгөөний зохицуулалт хийгдэж эхэлсэн. Ингэхдээ автомашины улсын дугаарыг тэгш сондгойгоор ялгаж, хөдөлгөөнд оролцуулж буй. Өнөөдөр 1, 3, 5, 7, 9 гэсэн сондгой тоогоор төгссөн улсын дугаартай автомашинууд замын хөдөлгөөнд оролцож байгаа. Сондгой тоогоо төгссөн улсын дугаартай автомашинууд энэ сарын 25, 27, 29, 31-ний өдрүүдэд замын хөдөлгөөнд оролцоно. Харин тэгш бол 24, 26, 28, 30-ны өдрүүдэд нийслэлийн замын хөдөлгөөнд оролцох зохицуулалттай юм. Уг зохицуулалт ирэх сарын нэгэн хүртэл үйлчилнэ.
Шинэ хичээлийн жилд хөдөө орон нутгаас 45-50 мянган оюутан нийслэлийн их дээд сургуульд суралцахаар ирнэ. Тэдгээр оюутнуудын зөвхөн 15 мянга орчим нь дотуур байранд орох боломжтой аж. Өнөөдрийн байдлаар дотуур байрнуудын засвар 90 гаруй хувьтай байгаа бөгөөд наймдугаар сарын 27-оос эхэлж оюутнуудаа авч эхлэх юм байна.
Хүй долоон худагт өнөөдөр “Адуучин” тэмцээн болж байна. Энэхүү тэмцээн нь Монгол Улсын Ерөнхий сайдын ивээл дор зохиогдож байгаа юм. Тэмцээнд 21 аймгаас шалгарсан шилдгийн шилдэг 21 адуучид оролцож эр бяраа сорин өрсөлдөж байна. . Адуучин залуус уран уургач, уран бугуйлч, эмнэг хангал сургагч, уурга ташуур шүүрэх гэсэн дөрвөн төрлөөр өрсөлдөх бөгөөд тэргүүн байранд орсон адуучин найман саяын шагналтай юм байна. Харин удаах байранд орсон адуучин зургаан сая, гуравдугаар байрны шагналын сан дөрвөн сая төгрөг юм. Мөн төрөл тус бүрээр шагнал гардуулах аж. Мөн энэ үеэр адуучны хэрэглэлийн үзэсгэлэн худалдаа, үндэсний хувцасны загварын шоу зэрэгарга хэмжээнүүд зохиогдох юм байна. “Адуучин” тэмцээн өдгөө 26 жил зохиогдож байгаа юм байна.
Дэлхийн спортын томоохон байгууллагын нэг болох Олон Улсын Оюутны Спортын Холбоо /ОУОСХ/ энэ сарын 26-28-ны өдрүүдэд Монгол Улсад анх удаа Удирдах зөвлөлийн хурлаа зохион байгуулах гэж байна.
Халх голын ялалтын 75 жилийн ой энэ жил тохиож байна. Ялалтын ойг тохиолдуулан зохион байгуулж буй баярын арга хэмжээнүүдийн хаалт өнөөдөр болно. Өнөөдөр нийслэлийн болон орон нутаг дахь Монгол, Зөвлөлтийн дайчид тухайлбал Зөвлөлтийн дайчид, Г.К.Жуков, Л.Дандарын хөшөөнд цэцэг өргөснөөр арга хэмжээ эхэлсэн. Цаашид,
Дэлхийн эрүүл мэндийн байгууллагаас Баруун Африкийн орнуудаар тархаж буй эбола чичрэг вирусын тархалт маш хурдацтай явагдаж буйг анхааруулжээ.
Улаанбаатар цахилгаан түгээх сүлжээ” ХК-иас урсгал засварын ажил хийж буй шалтгаанаар нийслэлийн хэрэглэгчдийн цахилгааныг хэсэгчлэн хязгаарлаж байгаа. Тус ажлын хүрээнд өнөөдөр буюу 2014 оны наймдугаар сарын 25-ны бямба гарагт дараах газруудад цахилгааны түр хязгаарлалт үргэлжилнэ.
Улаанбаатар хотноо Азийн хүүхдийн эрхийн гуравдугаар чуулган болж байна. Уг чуулганыг Монгол Улсын Хүний эрхийн үндэсний комисс, Хүүхдийн төлөө үндэсний газар, НҮБ-ын Хүүхдийн сангийн Монгол дахь суурин төлөөлөгчийн газар, Японы хүүхдийн эрхийн конвенцийн институц хамтран зохион байгуулж буй юм. Энэхүү уулзалтаар Азийн хүүхдийн эрх хэрхэн зөрчигдөж байгааг мөн тэдний өмнө тулгамда буй асуудлыг хэлэлцэж, цаашдын хамтын ажиллагааны төлөвлөгөөг батлах аж. Чуулга уулзалт “Хүүхдийн хөдөлмөр, боловсрол”, “Хүүхдэд үзүүлж буй дэмжлэг, хүүхдэд ээлтэй хот”, “Хүүхдийн эрхийг хамгаалах, хөхиүлэн дэмжих механизм байгуулах” зэрэг гурван үндсэн сэдвийн дор бболох юм байна.