Өнөө жил Говь-Алтай аймгийн 16 суманд 90 жилийн ойн баяр болно. Ирэх наймдугаар сарын 1-5-ны өдрүүдэд тэдгээр 16 сум ойн наадмаа бүгд хийх аж. Долдугаар 9-11-ний өдрүүдэд Говь-Алтайнхан аймгийн наадмаа хийжээ. Наадмын үндэсний бөхийн барилдаанд аймгийн начин А.Хосбаяр түрүүлж, сумын заан Ч.Эрдэнэсайхан үзүүрлэсэн байна. Ойтой сумынхан Алтайнхаа наадамд морьдоо сойж, нэг ёсондоо сорилго хийгээд авсан бололтой. Нас насны морьдын уралдаанд Баян-Уул сумын уяачдын алтан туурт ажнай хүлгүүд хурд сайтай байсан гэнэ.
Ц.БАЯР
Дөчин мянгатын 40 дүгээр байранд гал гарав.
“МК интернэйшнл”-ийн байр шатав.
Галынхан хүч нэмэгдүүлэн ажиллав.
Оршин суугчдыг бүгдийг нь байрнаас гаргажээ.
Өмнөд Солонгосын Samsung нь Хятадын Dongguan Shinyang Electronics компанитай хамтран ажиллаж бүтээгдэхүүнийхээ зарим эд ангийг авдаг юм байна. Харин саяхнаас хамтын ажиллагаагаа түр зогсоосон тухайгаа мэдэгдлээ. Учир нь Нью-Йорк дахь олон улсын хүний эрхийг хамгаалах “China Labour Watch” байгууллагаас Хятадын компани насанд хүрээгүй хүүхдийг ажиллуулдаг тухай мэдээлсэн байна. Тиймээс хэрвээ энэ үнэн болох нь батлагдах юм бол Samsung нь Хятадын компанитай цаашид хамтран ажиллахгүй гэдгээ мэдэгджээ. 
Оросын тэрбумтан Андрей Гончаровский Их Британид хамгийн үнэтэйд тооцогддог харшийг худалдан авлаа. Лондон хотын баячууд амьдардаг дүүрэгт байрладаг“Hanover Lodge” нэртэй харш нь 120 сая фунт стерлинг буюу 205,5 сая ам.долларын үнэтэй юм. А.Гончаровский нь сүүлийн гурван жилд Лондонгийн хөрөнгийн бирж дээр ийнхүү дөрөв дэх үл хөдлөх хөрөнгө худалдан авлаа. Олон түмэнд төдийлөн танил бус Оросын тэрбумтан нь түүний хэрхэн хөрөнгөжсөн нь ихэд сонирхол татахуйц хэмээн бичжээ.