Эдийн засгийн хамтын ажиллагааны Монгол, Хятадын Ляонин мужийн хамтарсан бизнес форум маргааш зохион байгуулагдах гэж байна.
Тус хуралдааны хүрээнд хоёр орны хоорондох худалдаа, эдийн засаг, бизнесийн хамтын ажиллагааг гүнзгийрүүлэх зорилготой юм.
Энэхүү хуралдаанд БНХАУ-ын Ляонин мужийн Гадаад улс орнуудтай найрамдал хамтын ажиллагааны нийгэмлэгийн орлогч дарга мөн Бүх Хятадын Төрийн зөвлөлийн эдийн засгийн хорооны дарга Ван Вэ Жун тэргүүтэй төлөөлөгчид ирж оролцох юм.
Монгол-Хятадын бизнес форумыг Монголын Үндэсний Худалдаа Аж Үйлдвэрийн Танхим, Нийслэлийн засаг даргын тамгын газар, Монгол улс дахь БНХАУ-ын Элчин Сайдын Яам, Ляонин мужийн Гадаад улс орнуудтай найрамдал хамтын ажиллагааны нийгэмлэг хамтран зохион байгуулах аж.
Форум энэ сарын 31-нд буюу маргааш өглөө 10.00 цагт МҮХАҮТ-ын 507 тоот-д болно.
“Монголын иргэний агаарын тээвэр” /МИАТ/ ТӨХК-ийн гүйцэтгэх захирлаар ажиллаж байсан Б.Эрдэнэбилэг, Ч.Хоролсүрэн нарын шамшигдуулсан гэх 291,708 ам.доллар буюу 338 сая төгрөгийг нөхөн төлүүлж, улсын орлого болгожээ.
АТГ-аас өнгөрсөн шөнө Ерөнхий сайдын зөвлөх Л.Гансүхийг гурван хүний хамт баривчлан саатуулжээ. Шинэчлэлийн Засгийн газраас “Нүүрс” хөтөлбөрийг хоёр жил дараалан хэрэгжүүлж байгаа бөгөөд өнгөрсөн жил энэ хөтөлбөрийг Ерөнхий сайдын зөвлөх Л.Гансүх хариуцан ажиллажээ. АТГ-аас түүнийг дээрх хөтөлбөрөөс их хэмжээний мөнгө идсэн байж болзошгүй гэх үндэслэлээр буруутгаж байгаа бололтой. Л.Гансүхээс гадна түүний багт ажилладаг гурван залууг баривчилсан байна. 
Энэ оны гуравдугаар сарын 8-нд 239 зорчигчтой Малайзын агаарын тээврийн “МН370” нисэх онгоц Куала Лампураас Бээжингийн чиглэлд нисэх замдаа сураггүй алга болсон. Онгоц алга болсоноос хойш өнөөг хүртэл Энэтхэгийн далайн 60 мянган км квадрат талбайд хайсан ч ямар ч ул мөр олж чадаагүй юм. Тиймээс Малайзын ерөнхий сайд Нажиб Разак эрлийн ажлыг зогсоож буйгаа мэдэгдлээ. Тэрээр “Алга болсон онгоцыг олох найдвар тасарлаа. Бид боломжтой бүгдийг ашиглан, байж болох бүх газраар хайсан. Надад харамсалтай байна. Онгоцонд зорчиж байсан иргэдийн гэр бүлийнхэнд эмгэнэл илэрхийлье” гэв. Нийт 90 сая долларын зардал гарган хайгуулыг үргэлжлүүлнэ гэж мэдэгдэж байсан ч талаар өнгөрсөн бололтой. Нэгэнт эрлийг зогсоосон болохоор зорчигчдыг нас барсанд тооцож, ар гэрийнхэнд нь нөхөн төлбөр олгох юм. 
Японы мэргэжлийн сүмогийн 68 дахь их аварга Д.Дагвадорж Монголын эртний нийслэл Хархоринд жуулзны баазтайг хүн бүхэн мэдэх биз. Тэгвэл өчигдөрхөн түүний жуулчны баазад 70 дахь их аварга Харумафүжи Д.Бямбадорж зочилжээ. Их аваргууд хамтдаа усанд сэлэхээс авахуулаад бяцхан аялал хүртэл хийж цагийг зугаатай өнгөрүүлсэн байна. Д.Бямбадоржийн хувьд хүүхэд байхдаа Дагваа аваргатай хамт жүдогийн секцэнд хичээллэдэг байсан бөгөөд Д.Дагвадорж аварга түүнийг төрсөн дүүгээсээ өөрцгүй хайрлаж, дэмждэг юм. 
Төв аймгийн Баянчандмань сумын нутаг дэвсгэрт байрлах н.Мөнхбаатар захиралтай “Моn egg”компанийн 70 мянга гаруй өндөглөгч тахиа энэ сарын 26-ны шөнө бүтэж үхсэн байна. Энэ нь тухайн өдөр хүчтэй, дуу цахилгаантай бороо орсны улмаас тус компанийн тог тасарч, дохиолол нь ажиллаагүйгээс болжээ.
Энэ жилийн Үндэсний их баяр наадмын хүчит бөхийн барилдаанд Увс аймгийн харьяат Н.Батсуурь түрүүлж, Монгол Улсын арслан цолны болзлыг хангасан. Тэрээр 2010 оноос “Химон констракшн” компаниар овоглон барилдаж байгаа аж. “Химон констракшн” компанийн удирдлагууд түрүү бөхөө өөрийн тансаг зэрэглэлийн “Sunshine Village” хотхоны зургаан өрөө байраар мялаалаа. Н.Батсуурь нь бага наснаасаа үндэсний бөхөөр барилдаж байгаа юм. Тэрбээр “Химон констракшн”-ы захирал Ш. Энхтөр, компаний хамт олон болон гэр бүл, аав ээж, нутгийнхандаа баярлаж талархсанаа илэрхийлсэн. Тэрээр энэ наадамд харцага цолоо бататгах зорилготой барилдсан гэдгээ хэллээ. 
Жүжигчин Лэндсэй Лоханд Лос Анжелос дахь гэрийнх нь хаягаар гүрвэл явуулсан тухай “www.hollyscoop.com” мэдээллээ. Жүжигчин бүсгүй өчигдөр “New York Times” сонинд ярилцлага өгөх үеэрээ ийнхүү ярьжээ.
Жүжигчин Орландо Блум болон дуучин Жастин Бибер нар өнгөрсөн долоо хоногийн лхагва гаригт Испанийн Ибиза арал дахь зоогийн газрын үүдэнд муудалцжээ.