Month: July 2014

Categories
мэдээ нийгэм

Үлэг гүрвэлийн олдворуудыг хүлээн авах ёслол боллоо

Монгол Улсын нутаг дэвсгэрээс хууль бусаар гаргасан үлэг гүрвэлийн 18 олдворыг АНУ-ын Засгийн газраас манай Засгийн газарт хүлээлгэн өгөх ёслол 7 дугаар сарын 10-ны өдөр АНУ-ын Хууль зүйн яамны Нью Йорк хот дахь салбарын байранд боллоо. 

Олдворыг хүлээн авахтай холбогдсон АНУ-ын Цагаачлалын болон Гаалийн хууль сахиулах албаны мэдэлд ирсэн өмч хөрөнгийг хүлээлгэн өгөх тухай Монгол Улс, АНУ-ын Засгийн газар хоорондын гэрээнд 2014 оны 6 дугаар сард Монгол Улсаас АНУ-д суугаа Элчин сайд Б.Алтангэрэл гарын үсэг зурсан юм.  

Ёслолын арга хэмжээнд Монгол Улсаас НҮБ-ын дэргэд суугаа Байнгын төлөөлөгч, Элчин сайд О.Оч, Нью Йорк хотын Өмнөд дүүргийн прокурор Прийт Бхарара болон албаны бусад хүн оролцов. 

Элчин сайд О.Оч хэлсэн үгэндээ “Монголоос гаралтай нэн эртний олдворуудыг олж буцаахад тусалж буй Америкийн хууль сахиулах албаныханд Монгол Улсын Засгийн газрын өмнөөс чин сэтгэлийн талархал илэрхийлж, манай хоёр орны энэхүү  хамтын ажиллагаа нь зохион байгуулалттай гэмт хэргийн эсрэг тэмцэх олон улсын хамтын ажиллагаанд чухал туршлага болж байгаа”-г онцлон тэмдэглэв. 

 Прокурор П.Бхарара “Бид үлэг гүрвэлийн олдворуудыг эх оронд нь буцаах түүхэн үйл явдалд оролцож байгаадаа баяртай байна” гэсэн бол Тусгай төлөөлөгч Ж.Хейз “Өнөөдрийн бидний буцаан өгч байгаа олдворууд хэн нэгний хувийн цуглуулгад байгаагүй зүйл. Эдгээр нь Монголын ард түмний өмч бөгөөд өнгөрсөн жилийн бидний буцаасан Батаарын хамт үндэсний байгалийн түүхийн музейн үзмэрт тавигдах юм” гэв. 

Олдворуудын дотор бүтэн шахуу Батаарын араг яс, Овирапторын чулуужсан өндөг, 5 үлэг гүрвэлийн хамтдаа чулуужсан яс зэрэг зүйл байна. Эдгээр нь 68-80 сая жилийн настай бөгөөд Монголын говиос олдсон гэдгийг судлаачид тогтоожээ. Судлаач Марк Норелл ийм төрлийн олдворууд нь нэн ховор бөгөөд шинжлэх ухааны чухал судлагдахуун болохыг тэмдэглэж байв. 

АНУ-ын Засгийн газар 2007 оноос хойш  уран зураг, гар бичмэл, олдвор зэрэг 7000 гаруй соёлын үнэт зүйлс, эртний эдлэлийг Австри, Герман, Камбож, Ирак Итали, Монгол, Перу Польш, Хятад, Франц зэрэг 30 шахам оронд буцаагаад байгаа аж. 

Ёслолын үеэр Элчин сайд О.Оч АНУ-ын Цагаачлал, гаалийн хууль сахиулах албаны зарим төлөөлөгчид ССАЖЯ-ны хүндэт өргөмжлөлийг гардуулав. 

 Ёслолын ажиллагаанд мөн Монгол Улсаас АНУ-д суугаа ЭСЯ-ны Элчин зөвлөх Д.Гансүх, Консул З.Эрдэнэбаяр, ССАЖЯ-ны Палеонтологи, археологийн музейг шинэчлэх төслийн зөвлөх Др. М.Болорцэцэг, АНУ-ын Цагаачлал, Гаалийн хууль сахиулах албаны дотоод аюулгүй байдлын тусгай төлөөлөгч Жеймс Хэйз, мөн албаны Олон улсын ажиллагааны газрын тусгай төлөөлөгч Люси Эскамилла, Эртний эдлэл, урлаг, соёлын өвийн асуудал хариуцсан төлөөлөгч Дебора Хардос, АНУ-ын Байгалийн түүхийн музейн палеонтологийн тасгийн дарга Марк Норелл, хэвлэл, мэдээллийн байгууллагын төлөөлөгчид оролцов.    

Categories
мэдээ нийгэм

Хархорум хотын сүмийн туурийг ил музей болгох хамтын ажиллагааны санамж бичгийг үзэглэлээ

Соёл, спорт, аялал жуулчлалын сайд хатагтай Ц.Оюунгэрэл болон ХБНГУ-ын Археологийн хүрээлэнгийн Ерөнхийлөгч хатагтай Флесс нар Хархорум хотын сүмийн туурийг ил музей болгох хамтын ажиллагааны тухай харилцан ойлголцлын санамж бичигт гарын үсэг зуржээ.

        ХБНГУ-ын Гадаад хэргийн яамны үйл ажиллагааны хүрээнд 2000-2009 онд Хархорум хотын “Их танхим” болон түүнтэй зэрэгцээ орших барилга байгууламжийг Германы Археологийн Институт, Монголын Шинжлэх Ухааны Академийн Археологийн хүрээлэнтэй хамтран судалсан байдаг юм.

       Уг санамж бичгийн хүрээнд 2014 онд “Ил музей” байгуулах зорилгоор талууд эртний нийслэл Хархорум хотын буддын туурийн үлдэгдэлийг сэргээн засварлана. Мөн цаашид соёлын өвийг сэргээн засварлах, “Ил музей”-д тавигдахаар сонгогдсон олдворуудыг нөхөн сэргээх болон үзэсгэлэнгийн танхимыг тохижуулахад хамтран ажиллах юм.

         Монгол Улсын болон Холбооны Бүгд Найрамдах Герман улсын хууль тогтоомжийн дагуу мэргэжилтэн бэлтгэх, солилцох болон харилцан туршлага солилцох асуудлыг ч тусгасан аж.

       ССАЖЯ-ны  зүгээс Холбооны Бүгд Найрамдах Герман Улсын судлаачид болон төсөлд шаардагдах овор ихтэй, зарим нэг  материал, тоног төхөөрөмжийн асуудлыг гаалийн татвараас чөлөөлөх тал дээр дэмжлэг үзүүлэх юм.  

       Төслийг 2015 оны 12 дугаар сарын 31-ний өдөр бүрэн дуусгах зорилт  тавьжээ.

     Дашрамд дурдахад энэ жил хоёр орны хооронд Дипломат харилцаа тогтоосны 40 жилийн ой тохиож байгаа бөгөөд ойг тэмдэглэн өнгөрүүлэх болон 2014 оны хоёр талын харилцааны археологи, соёлын өвийг хадгалан хамгаалах салбар дахь хамтын ажиллагааны хүрээнд Монгол Улсын Өвөрхангай аймгийн нутаг дэвсгэрт орших Орхоны хөндийн судалгаа хийгдсэн түүх соёлын дурсгалт газар, түүнд оршин байгаа Монголын эртний нийслэл Хархорум хотыг түүхийн дурсгалт газар болгон баталгаажуулж, түүнийг удаан хугацаанд олон нийтэд нээлттэй болгохыг зорилго болгожээ.

Categories
мэдээ нийгэм

Цахилгааны хэсэгчилсэн хязгаарлалт хийгдэж болзошгүй

ОХУ-аас
цахилгаан эрчим хүч импортолдог 220 килоВольтын агаарын шугамын хүчдэлийг
салган засвар хийж байгаа ба хэрэглээний оргил цагуудаар чадлын дутагдалд орох
тохиолдолд Диспетчерийн үндэсний төв ХХК-аас долдугаар сарын 16-25-ны өдрүүдэд
улс даяар цахилгаан эрчим хүчний богино хугацааны хязгаарлалтыг хэсэгчлэн хийж
болзошгүйг Улаанбаатар
цахилгаан түгээх сүлжээ компаниас сонордуулж байна.

УБЦТС
ХК-ийн үйлчилгээний хүрээнд багтдаг нийслэл болон Төв аймгийн зарим сумдад
дараах хуваарийн дагуу цахилгааныг хязгаарлаж болзошгүй тул хэрэглэгч Та бүхэн
энэ хугацаанд хэрэглээндээ зохицуулалт хийнэ үү.

Хязгаарлах цаг

Хэрэглэгчдийн байршил

08:00-10:00

БЗД 12, 15-р
хорооллын зарим хэсэг, Бөхийн өргөө орчимд

СБД 40, 50
мянгатын зарим хэсэг

ХУД Үйлдвэр
комбинат

БГД 2, 3, 4,
10-р хорооллын зарим хэсэг, Төмөр зам

СХД Баянхошуу,
1-р хороолол

Төв
аймаг баруун
талаарх САА-ууд

10:00-12:00

БЗД Гачуурт,
Цагаан даваа, Ганц, Худаг, ШУТИС-КТМС, 12, 15-р хорооллын зарим хэсэг

СБД Автобус-3
компани орчим, 5-р хорооллын урд хэсэг, 220 мянгат, Зуун айлын хойд хэсэг, 2,
3, 6, 7 буудал, Дамбадаржаа, Бэлх, Сэлх

ЧД Хайлааст,
Чингэлтэй, Зүрх-Уул

ХУД 120 мянгат,
ХААИС, Зайсангийн амны зарим хэсэг, 19-р хороолол, Яармаг, Нисэх

12:00-14:00

БЗД 12, 15-р
хорооллын зарим хэсэг, Замын цагдаагийн газар, Нарантуул зах, Алтан-Өлгий,
Цайз, Шар хад, Да хүрээ

Төв аймаг
Зуунмод сум, Жаргалантын амны зарим хэсэг

ХУД АПУ ХХК,
Арьс ширний үйлдвэр, Ноосны үйлдвэр, Ээрмэлийн үйлдвэр, Эрэл ХХК, Говь
үйлдвэр, ДЦС-3 ХК-ийн хойд хэсэг, Яармагийн 1, 2-р буудал орчимд, Арцатын
гудамжууд, 41, 34-р сургуулиуд, Нүхтийн ам

БГД
Гурвалжингийн гүүрнээс урагш гол хүртэл, Төмөр замын хэсэг

СХД 5 шарын орон
сууцнууд, 12-р сургууль, Гал унтраах анги, ангийн орон сууц, 184, 164-р
Цэргийн ангиуд, МонЧехМет ХХК, Сүлжмэлийн үйлдвэр, Хангай зах, Тоосгоны
үйлдвэр орчим, Монос эмийн үйлдвэр, Сонсголон, Төв бараа бааз, Түүхийн эдийн
бараа бааз, Орбитын орон сууц, Дэвшил ХХК, ГЖүГ з/б, Бүрд, АТЦ, Хөсөг, Их
үүсгэл, Туул ХХК-иуд

14:00-16:00

БЗД Хонхорын гэр
хороолол, Чулуут, Хүрэл тогоот, Скай резорт,

РЦНК-ийн
баруун талын хорооллууд, Чингис зочид буудал, 12, 15-р хороолол, Цагаан
даваа, Ганц худаг орчим

СБД 40, 50
мянгат, Төмөр замын зарим хэсэг, УБИС, Нэгдүгээр амаржих газар, Төв
шуудангийн арын хэсэг, Хангарьд ордон орчимд, МУИС-4, МУИС-2, Хүүхэд залуусын
хөгжлийн төв

ХУД Цэнгэлдэх
хүрээлэн орчим, Зуун айлын зарим хэсэг

СХД
Баянхошуу,
1-р хорооллын зарим хэсэг, 1-р хорооллын замын урд хэсэг

Налайх дүүрэг, Төв аймаг Баянцагаан, Баянчандмань
сум, Багахангай

16:00-18:00

БЗД Амгалангийн
тал хэсэг, Өгөөмөр техникийн захын урд хэсэг, 12, 15-р хорооллын зарим хэсэг,
13-р хороолол, 16-р хороолол, Офицеруудын ордны зүүн болон зүүн урд хэсэг

СБД 40, 50
мянгатын зарим хэсэг, УБИС, Нэгдүгээр амаржих газар

ХУД Цэнгэлдэх
хүрээлэн орчим

СХД Орбит, 22-ын
товчоо, 05, 151, 158, 164, 013-р Цэргийн ангиуд, 25-р бааз, Чулуун карьер,
Хүнс ББ, Баянголын ам, Толгойт, 65-р сургууль, Монгол эд ХХК, Савангийн
үйлдвэр, Гахайн завод, Нефьт бааз, орон сууцнууд, Мах импекс, Гурилын үйлдвэр

Налайх дүүргийн
зарим хэсэг

18:00-20:00

БЗД Гачуурт

ЧД Усан сан,
ногоон зоорь, Нохойн сургууль орчмоор, Нохойн сургуулийн хойд хэсгээр,
Дэнжийн 1000, Хайлааст

ХУД Яармагийн 1,
2-р буудал, Арцатын гудамж, 41, 34-р сургуулиуд, Нүхтийн ам, Нисэхийн дэнж

БГД
2, 3, 4, 10-р
хорооллын зарим хэсэг

СХД 1-р
хорооллын зарим хэсэг

Төв
аймаг Зуунмод,
Сэргэлэн сум, Жаргалантын ам,

20:00-22:00

БЗД 12, 15, 16-р
хорооллын зарим хэсэг, Цагаан даваа

СБД 40, 50
мянгатын зарим хэсэг, 2, 3, 6, 7 буудал, Дамбадаржаа, Бэлх, Сэлх

ЧД Чингэлтэй,
Хайлааст

ХУД 120 мянгат,
Оргил рашаан сувилал, Удирдлагын академийн орчимд

СХД Рашаант,
Баянхошуу, Геологийн лабораториос зүүн тийш Менгеогийн орон сууц хүртэл,
Хилчин, Тоосгон орчимд, 1-р хорооллын зарим хэсэг, 1-р хорооллын замын урд
хэсэг

Налайх дүүргийн
зарим хэсэг

Жич:
УБЦТС ХК-аас хийж буй засварын ажилтай холбогдуулан хийж буй таслалтууд энэ
хуваарьтай холбогдолгүйг анхаарна уу.

 

Диспетчерийн үндэсний төв

Утас: 70041778

Categories
мэдээ нийгэм

“Ноёд” группийн захирал Г.Буяндорж нарт холбогдох хэргийг шүүнэ

“Ноёд” группийн захирал Г.Буяндорж, н.Хурц, н.Баттулга нарын зургаан хүнд холбогдох хэргийн шүүх хурал өнөөдөр дүүргийн Эрүүгийн I шүүхэд болно. Энэ сарын 7-нд болсон шүүх хуралдаанаар шүүгдэгч н.Хурцын өмгөөлөгч хүндэтгэн үзэх шалтгаангүйгээр хуралд ирээгүй, түүнчлэн шүүгдэгч н.Баттулга өмгөөлөгч авах хүсэлт гаргасныг шүүх бүрэлдэхүүн хүлээн авч хурлыг өнөөдрийг хүртэл хойшлуулсан. Дээрх нэр бүхий хүмүүст Эрүүгийн хуулийн 148.4 253.1, 111.2, 111.3 гэсэн зүйл ангиар эрүүгийн хэрэг үүсгэн, яллах дүгнэлт үйлдэн шүүхэд шилжүүлээд байгаа нь энэ юм. 

Categories
мэдээ цаг-үе

Хэрэг зөрчил багатай, осол аваар ихтэй нааджээ

-НИЙСЛЭЛИЙН ЗАСАГ ДАРГА “40 МЯНГАТ”-ЫН ШАТСАН ОРОН СУУЦЫГ ЯАРАЛТАЙ ЗАСАХ ҮҮРЭГ ӨГЛӨӨ-

Цагдаагийн ерөнхий газраас өчигдөр хэвлэлийн бага хурал хийхдээ наадмын өдрүүдэд онц ноцтой хэрэг зөрчилгүй, иргэд тайван наадсан талаар мэдээллээ. Цагдаагийн байгууллагын 3000 гаруй алба хаагч наадамчин олны аюулгүй байдлыг хангахаар ажилласан бөгөөд тэдний 1600 нь Төв цэнгэлдэх хүрээлэнд хамгаалалтад гарчээ. Баярын өдрүүдэд цагдаагийн байгууллагад 187 хэрэг бүртгэгдсэнээс 143-ынх нь эзэн холбогдогчийг тогтоож, хэрэг бүртгэлт мөрдөн байцаалт явуулж байгаа аж. Наадмаар хулгайн хэрэг арав гаруй бүртгэгдсэн байна. Мөн согтуугаар бусдын биед гэмтэл учруулах, нийтийн хэв журам зөрчих хэрэг арваад бүртгэгджээ. Энэ жил Хүй долоон худагт хяналтын камер олныг суурилуулсан нь иргэдийг тайван наадамлахад нөлөөлсөн гэнэ. Гэхдээ эцэг, эхчүүдийн хайхрамжгүй байдлаас үүдэж бага насны хүүхэд төөрсөн дуудлага цагдаагийн байгууллагад цөөнгүй иржээ. Тодруулбал, Хүй долоон худагт 54, Төв цэнгэлдэх хүрээлэнд 65 хүүхэд төөрсөн байсныг цагдаагийн байгууллагынхан эцэг эх, асран хамгаалагчид нь хүлээлгэн өгчээ. Найман сартай хүүхдээ Хүй долоон худагт үзэгчдийн сандал дээр орхиод явсан тохиолдол хүртэл гарчээ. 

Иргэд амралт зугаалгаар хөдөө орон нутгийг зорихдоо гэр орноо хамаатан садан, хөршдөө захиж үлдээхийг цагдаагийн байгууллагаас санууллаа. Мөн хамгийн ойр байрлах цагдаагийн хэлтэст бүртгүүлвэл цагдаагийн алба хаагчид эзэнгүй айлыг эргэж тойроод байх боломжтойг ч хэлсэн юм. 

ЖОЛООЧ НАР ЗАМЫН ХӨДӨЛГӨӨНД СОЁЛТОЙ ОРОЛЦСОН ГЭВ

Өмнөх жилүүдтэй харьцуулахад энэ наадмаар зам тээврийн осол цөөн бүртгэгджээ. Замын хөдөлгөөний ачаалал их байсан ч жолооч нар соёлтой, нэгийгээ хүндэлж хөдөлгөөнд оролцсоноор зам тээврийн ноцтой осол гараагүй гэдгийг Нийслэлийн Замын цагдаагийн газраас мэдээллээ. Харин орон нутгийн замд жолооч нар хурдаа хэтрүүлж явснаас үүдэж зам тээврийн гурван осол гарч 14 хүн хүнд, хөнгөн гэмтжээ. Наадмын дараа Төв аймгийн нутагт хоёр машин мөргөлдөж хоёр хүн ослын газар дээр амиа алдсан байна. Мөн нэг хохирогч эмнэлэгт хүргэгдээд нас баржээ. Жолооч нарыг орон нутгийн замр хурдаа тааруулж явах, өмнөх машинаа гүйцэж түрүүлэхдээ болгоомжтой байхыг сануулсан юм. Мөн бага насны хүүхдээ зориулалтын суудал дээр суулгах, өөрсдөө хамгаалалтын бүсээ зүүж хэвшихийг зөвлөлөө. 

АМРАЛТЫН ӨДРҮҮДЭД 18 ХҮН УСАНД ОСОЛДЖЭЭ

Энэ зун хур бороо ихтэй байгаагаас ихэнх гол мөрөн үертэй байгаа. Баярын өдрүүдэд 18 хүн усанд осолдсон харамсалтай мэдээллийг Цагдаагийн ерөнхий газраас өглөө. Тэдний дунд хоёр настай хүүхэд ч байгаа аж. Тухайлбал, энэ сарын 14-ний өдөр Туул голд хоёр эрэгтэй хүн, Сэлэнгэ аймагт 18-20 насны таван залуу осолджээ. Тэр үеэр Хэнтий аймгийн Дархан сумын Онцгой байдлын хэлтсийн салаан захирагч өвчтэй байсан ч аврах ажиллагаанд дайчлагдсан байна. Аврах ажиллагааны үеэр салаан захирагчийн бие муудаж, эмнэлэгт хүргэгдсэн ч нас барсан харамсалтай мэдээллийг Онцгой байдлын ерөнхий газраас өгсөн юм. Иргэдийг голын эрэг дагуу аялж, зугаалахдаа болгоомжтой байхыг санууллаа. 

ЦАХИЛГААНЫ АЧААЛАЛ ХЭТЭРСНЭЭС ГАЛ ГАРСАН ГЭВ

Өнгөрсөн даваа гаригт Баянгол дүүргийн нутаг “Модны 2”-т байрладаг Монгол, Солонгосын хамтарсан “МК Интернэшнл” компанийн байранд гал гарч, онцгой байдлын алба хаагчид гал унтраах зургаан машинтайгаар хүч нэмэгдүүлэн ажиллаа. Уг гал бүрэн унтраагүй байхад олны нэрлэж заншсанаар “Дөчин мянгат”-ын 40 дүгээр байрны дээврийн зүүн хэсгээс гал гарч, 42, 44 дүгээр байрны дээвэрт гал авалцсан юм. Дуудлага өгснөөс 18 минутын дараа аврагчид ирж гурван цаг гаруй ажиллан галыг унтраалаа. Оршин суугчид цахилгааны ачаалал нэмэгдсэнээс болж гал гарсан гэж ярьцгааж байв. Тэдний ярьж байгаагаар “40 мянгат”-ын орон сууцнуудын нэг дүгээр давхарт зоогийн газар, үйлчилгээний байгууллагууд ажилладаг. Үйлчилгээний газрууд цахилгаан их зарцуулдаг хэрэгсэл ашигладаг бөгөөд айлуудын цахилгаан байнга шахам тасардаг аж. Энэ сарын 11-ний өдөр цахилгаан удаан хугацаагаар тасарсан аж. Цахилгаан тасарсан талаар оршин суугчид СӨХ-дөө мэдэгдсэн ч арга хэмжээ аваагүй гэнэ. Энэ мэтээр цахилгааны ачаалал хэтэрч, хэлбэлзэл үүссэнээс гал гарсан гэж оршин суугчид үзэж байгаагаа хэлсэн. Харин мэргэжлийн байгууллагууд галын шалтгааныг тодруулахаар ажиллаж байгаагаа мэдэгдсэн юм. Өчигдөр Нийслэлийн Засаг дарга Онцгой байдлын ерөнхий газар, Мэргэжлийн ерөнхий газрын холбогдох албан тушаалтнуудтай уулзаж шатсан гурван орон сууцыг яаралтай засах үүрэг өгсөн. Тиймээс засварын ажилд хэдий хэмжээний хөрөнгө орохыг өчигдөр судалсан байна. Улмаар тооцоо судалгаагаа Нийслэлийн хөрөнгө оруулалтын газарт мэдэгдэж, өнөөдрөөс засварын ажил эхлэхээр болжээ.  

Categories
арын-нүүр булангууд мэдээ цаг-үе ярилцлага

Aмерикан Экспресс: Бид шилдгүүдтэй хамтарч ажилладаг

-Танд энэ өдрийн мэндийг хүргэе. Ярилцлагаа эхлэхээс өмнө манай уншигчдад
өөрийгөө танилцуулахүй юу?

-Баярлалаа. Намайг Марио Клапсис гэдэг. Би Американ Экспресс
байгууллагын Европ, Ойрхи Дорнод, Африк бүсийн бизнес хөгжил хариуцсан захирлаар
Грек, Канад зэрэг дэлхийн олон улсуудад 10 гаруй жил, бизнесийн стратеги, бизнес
хөгжлийн борлуулалт, зах зээл тэлэлт, хамтын ажиллагаа зэрэг  өргөн хүрээнд ажиллаж ирлээ. Бид Голомт банктай  хамтын ажиллагааныхаа эхлэлийг тавьснаас хойш
нийтдээ 6 жил, Американ Экспресс картыг Монголын зах зээлд нэвтрүүлэх бэлтгэл ажлыг
хангаж эхэлснээс хойш нэг жилийн хугацаанд картын бүтээгдэхүүнээ Монголын зах зээлд
амжилттай гаргаж чадлаа. Энэ бол манай 2 байгууллагын гайхалтай хамтын ажиллагааны
илрэл гэж дүгнэж байна.

-Дэлхийн шилдэг брэнд Монгол улсад ирж байгаад бид маш их баяртай байна.
Та манай уншигчдад Американ Экспресс картыг танилцуулахгүй юу?

-Өнөөдөр харилцагч бүхэн хамгийн шилдэг бүтээгдэхүүн үйлчилгээг
авахыг хүсдэг шүү дээ. Энэ шаардлага нь өөрөө Американ Экспрес брэндийг улам тодотгож
өгдөг. Учир нь Американ Экспресс нь тухайн бүс нутгийн хэрэглэгчдийн таалалд хамгийн
их нийцсэн бүтээгдэхүүн үйлчилгээг хүргэхийн төлөө шаргуу ажиллаж ирсэн, 160 гаруй
жилийн баялаг түүхтэй байгууллага юм. Американ Экспрес брэнд нь нэр хүнд, дэлхийн
хэмжээний үйлчилгээ, нууцлал хамгааллын давуу талуудаараа өрсөлдөгчдөөсөө ялгарч
ирсэн нь бидний бахархал билээ. Бид 1997 оны “шинэчлэлтээс” хойш, банк болон бусад
байгууллагуудтай илүү өргөн хүрээнд нээлттэй хамтран ажиллаж эхэлсэн бөгөөд, үүний
үр дүнд Американ Экспресс брэндийн бүтээгдэхүүн үйлчилгээ өсч, хамтран ажиллагч
байгууллагуудын сүлжээг илүү хурдацтайгаар нэмэгдүүлж чадсан. Банк санхүүгийн байгууллагуудтай
хамтарч ажилласнаар бид тухайн зах зээл дээрх Американ экспресс брэндийн картуудын
тоог нэмэгдүүлж, худалдаа үйлчилгээний байгууллагуудад өндөр дүнтэй худалдан авалт
хийх, үйлчилгээ үзүүлэх, хэрэглэгчдийг татах боломжийг олгож,  мөн картаар үйлчлэгч байгууллагуудын тоог нэмэгдүүлж
байгаа зэрэг олон талын ач холбогдолтой үйл ажиллагаа явуулж байна. Бид Голомт банктай
хамтарч ажилласнаар, Монголын харилцагчдад Американ Экспресс брэндийн үнэ цэнэ болон
давуу талуудыг авчрах боломжтой болсондоо сэтгэл хангалуун байна.

-Монголчуудын хувьд Американ Экспресс бренд нь цоо шинэ зүйл биш юм.
Одоогоос 6 жилийн өмнө Монголын арилжааны банкуу­даас Голомт банкийг “Американ Экспресс”
кар­тыг  хүлээн авах цор ганц банкаар сонгон
хамтын ажил­лагааг эхлүүлж  байс­ныг манай
уншигчид ан­дах­гүй. Тэгэхээр танай 2 байгууллага  нэлээн эрт­нээс хамтын ажиллагаа­гаа эхлүүлжээ?

-Тийм ээ. Голомт банк Монгол дахь Аме­ри­кан Экспресс картаар
үйлчлүүлэгч байгууллагуу­дын тоог маш амжилттайгаар өсөн нэмэгдүүлж чадсан шил­дэг
банк бас шилдэг түнш юм. Тийм ч учраас харилцагчиддаа хамгийн дээд зэргийн бүтээгдэхүүн
үйл­чилгээг зориулах бидний зорилготой хамтдаа байдаг, Голомт банк шиг хамгийн шилдгүүдийг
бид сонгон хам­тарч ажилладаг.

Бидний хамтын ажилла­гаа­ны үр дүнд Голомт банк, Монгол
Улсад Американ Экспрес брэндийн картыг гаргагч цор ганц банк болс­ноор харилцагчиддаа
дэл­хийн хэмжээний бүтээгдэ­хүүн  үйлчилгээ
болон олон төрлийн боломж, давуу талыг олгон, мөн Монгол Ул­сын зах зээл дээр бидний
баримталж буй бодлогыг дэмжих зэрэг олон талын ач холбогдолтой. Бид шилдэг түнш
болсон Голомт банктай хамтын ажиллагаагаа улам өргөжүүлж дэлхийн хэм­жээ­­ний бүтээгдэхүүн
үйлчилгээг Мон­голын зах зээлд нэвтрүү­лэ­­хийн төлөө ажил­лах болно.

-Монголд Американ Эксп­ресс картыг төлбөр тоо­цоонд хүлээн авдаг бо­лоод
багагүй хугацаа өнгөрсний дараа Американ Экспресс карт Монголын зах зээлд нэвтэрч
байна. Энэ хугацаанд  ямар нэг шалгуур тавьж
байв уу? Эсвэл зах зээлийн тохи­ромж­той цаг үеийг хүлээж байв уу?

-Өмнө дурьдсанчлан, Го­ломт банктай Американ Эксп­ресс
картыг төлбөр тооцоонд  хүлээн авах хамтын
ажилла­гааг эхлүүлснээс хойш бид Монгол улс дахь Амери­кан Экспрес картаар үйлчлэгч
байгууллагуудын тоог нэ­мэг­дүүлэхэд гол анхаар­лаа хандуулж ажилласан. Картаар
үйлчлэгч байгуулла­гуу­дын­хаа тоог нэмэгдүүлэх нь бидний Голомт банктай хамтын
ажиллагаагаа өргө­жүүлэх, картын бүтээгдэ­хүүнээ зах зээлд нэвтрүүлэх шийдвэрийг
гаргахад чухал нөлөө үзүүлсэн.

Мөн бид Монголын харил­цагч­дын санхүүгийн амьдрал, аяллын
хэрэгцээ шаардлагад нийцсэн бүтээгдэхүүнийг гар­гаж, зах зээлээ ойлгохын тулд Голомт
банктай өргөн хүрээнд хамтарч ажил­ласан. Хэдэн сарын турш үргэлжилсэн бидний ажлын
үр дүнд Монголын зах зээлд нэвтэрч буй хөнгөлөлт урам­шуул­лаар дүүрэн бүтээг­дэхүүн
маань нэр хүнд, амжилтаараа ялгарч чад­сан хүмүүсийн амьдрал,  аял­лын хэв маягт зохицож санхүүгийн хэрэгцээнд
бүрэн нийцнэ гэдэгт итгэлтэй бай­на. Энэ бүтээгдэхүүн маань амьдралын онцлог, ажлын
шаардлагатайгаа уял­дан дэл­хийг тойрон аялж амьдар­даг хүмүүст зориулсан аяллын
болоод олон төрлийн хөнгөлөлт  урамшуулалтаар
дүүрэн гэдгийг онцлон хэлэ­хийг хүсэж байна.

-Американ Экспресс кар­тыг тухайн улс оронд нэвт­рүүлэх банкийг сонгохдоо
ямар шалгуур тавь­даг вэ? Ер нь яагаад Аме­рикан Экспресс картыг банкуудтай хамтран
гарга­даг вэ?

-Бидний картаа шинээр нэвтрүүлж байгаа улс бүхэн, салбар
сүлжээгээ өргөт­гөн тэлэх, өндөр дүнтэй ху­далдан авалт хийдэг үнэнч харил­цагчдыг
татах стра­те­гийн түвшний өндөр ач холбогдолтой юм. Монгол улс цаа­шид илүү хурдацтайгаар
хөгжинө гэж бид үзэж байгаа. Тийм ч учраас энэ бүс ну­тагт өөрсдийн бизнесээ, тэр
тусмаа өсөн нэмэгдэж буй бэлэн бус гүйлгээг улам өргө­­­жүүлнэ гэдэгт итгэлтэй байна.

Бид Голомт банктай хамт­­ран зөвхөн төлбөр тоо­цоо гүйлгээ
хийх бус үнэ цэнэ, чанарыг харилцагчид­даа хүргэхийн  төлөө хи­чээх 
болно. Үүний тулд хамт­ран ажиллаж буй бай­­гуул­лагуудынхаа хамт ха­рилцагчид­даа
зо­риул­­­­­сан бү­тээгдэхүүн үйлчил­­­гээг хөн­гөлөлт, урамшуу­лал, харил­цааны
өндөр соёл, ур чадвар, нэгдсэн зарла­гын тайлан зэрэг олон хөтөлбөрүүдээр дам­жуулан
хүргэдэг. Цаашид зөвхөн Монгол улсын карт хэрэглэгчдийн хэрэгцээ шаард­лагад нийцсэн
шинэ­лэг бүтээгдэхүүнийг зах зээлд гаргахын төлөө ажил­лах болно. Мөн Алтан картыг
Монголын зах зээлд нэвтрүүлснээр Американ эксп­рес картаар үйлчлэгч бай­гууллагууд,  өндөр дүнтэй худалдан авалт хийдэг үнэнч харилцагчдынхаа
тоог өсөн нэмэгдүүлэх  сайхан боломж нээгдэж
байна.

-Американ Экпресс кар­тыг дэлхийн 130 гаруй оронд хүлээн авдаг нийт
107 сая карттай гэж танай вебсайтаас уншлаа. Танай байгууллага ийм олон хү­ний итгэлийг
яаж тэгт­лээ та­тав аа? Олон сая хэрэг­лэгчдийг хэрхэн нэгтгэж, нэ­гэн гэр бүл болгож  чадав?

-Бид дэлхий даяар Американ Экспресс брэн­дийн гол ялгарал
болсон шилдэг үйлчилгээ, нууцлал хамгаалалт, нэр хүндийн баталгаа болсон эрхэм зо­рилгод  нэгдэж чадсан бан­куудыг сонгон хамтарч ажил­ладаг.
Энэхүү шалгуур маань ч Американ экспрес брэндийн бүтээгдэхүүн үйлчилгээг илүү өвөрмөц
байлгаж, дэл­хий даяар тогтсон нэгэн хэвшмэл ойлголтоос ялгаж өгдөг. Өнөөдөр өдөр
ирэх тусам карт эзэмшигчдийн маань хэрэгцээ шаардлага шинэч­лэгдэж,  өсөн нэмэг­дэж байна. Харин бид карт эзэмшигчдийнхээ
энэ хэрэг­цээ шаардлагаас давахуйц бүтээгдэхүүн үйлчилгээг хамт­ран ажиллагч  байгуулла­гуудтайгаа хамтран гаргахыг эрмэлзэж
ажилладаг. Үүний дүнд бид харилцагчдынхаа итгэ­лийг илүү нэмэгдүүлж үнэнч харилцагчидтай
болж чадсанаараа өрсөлдөгчдөө­сөө ялгарч чаддаг.

Американ Экспрес Ал­тан карт бол бидний энэ амжил­­тын
хамгийн шилдэг жишээ­нүүдийн нэг. Энэ карт нь санхүүгийн илүү эрх чөлөөтэй амьдралын
хэв маягийг эрхэмлэдэг Монгол харилцагч­дад маань бүрэн тохирохоос гадна хөнгөлөлт
урамшууллуудаар дүүрэн карт. Тодруулбал Алтан карт эзэмшигч нь American Express
Membership Rewards® хөтөлбөрийн хүрээнд хийсэн гүйлгээ бүхэндээ оноо цуглуулж, цуглуулсан
оноогоороо төрөл бүрийн хөн­гөлөлт, урамшууллуудыг аваад зогсохгүй нислэг, зочид
буудал, худалдааны ваучер болон тансаг зэрэглэ­лийн бараа бүтээгдэхүүн худал­дан
авах боломжтой. Мөн Американ Экспрес нь өөрсдийн  карт эзэмшигчиддээ зориулж хамгийн шилдэг даат­галын
үйлчилгээнүүдийг үзүүлдэг бөгөөд үүнд аяллын, замын тусламж, аюулгүй худалдан авалтын
даатгал зэрэг орохоос гадна 24/7 харилцагчийн үйлчилгээг үзүү­лэх бөгөөд таны картыг
24 цагийн дотор сольж өгөх боломжтой.

-Цаашид Голомт банк, Американ Экспрессийн хам­тын ажиллагаа хэрхэн үргэлжлэх
бол?

-Энэ хамтын ажиллагаа­ны хүрээнд Голомт банк харилцагчиддаа
дэлхийн хэм­жээний бүтээгдэ­хүүн үйлчилгээ болон боломжуу­дыг  илүү ойртуулах, мөн бид­ний Монгол улсын зах зээлд
баримталж буй бодлогыг дэм­жих зэрэг олон талын ач холбогдолтой болж байгаа юм.
Мөн бид олон улс болон дотоодын зах зээл дээр илүү олон өндөр дүнтэй гүйлгээ хийдэг
үнэнч харилцагчидтай болох боломжтой болж байна. Цаашид та бүхэндээ үргэлж сайхан
мэдээллүүдийг хүргэж байх болно гэдэгтээ итгэлтэй байна.

-Танай хоёр бай­гуул­лагын хамтын ажил­­лагаанд уншигчдын­хаа
өмнөөс өн­дөр амжилт хүсье. Бид­ний урилгыг хүлээн авч ярилцсанд баярлалаа.

-Монголчуудын хувьд Американ Экспресс бренд нь цоо шинэ зүйл биш юм.
Одоогоос 6 жилийн өмнө Монголын арилжааны банкуу­даас Голомт банкийг “Американ Экспресс”
кар­тыг  хүлээн авах цор ганц банкаар сонгон
хамтын ажил­лагааг эхлүүлж  байс­ныг манай
уншигчид ан­дах­гүй. Тэгэхээр танай 2 байгууллага  нэлээн эрт­нээс хамтын ажиллагаа­гаа эхлүүлжээ?

-Тийм ээ. Голомт банк Монгол дахь Аме­ри­кан Экспресс картаар
үйлчлүүлэгч байгууллагуу­дын тоог маш амжилттайгаар өсөн нэмэгдүүлж чадсан шил­дэг
банк бас шилдэг түнш юм. Тийм ч учраас харилцагчиддаа хамгийн дээд зэргийн бүтээгдэхүүн
үйл­чилгээг зориулах бидний зорилготой хамтдаа байдаг, Голомт банк шиг хамгийн шилдгүүдийг
бид сонгон хам­тарч ажилладаг.

Бидний хамтын ажилла­гаа­ны үр дүнд Голомт банк, Монгол
Улсад Американ Экспрес брэндийн картыг гаргагч цор ганц банк болс­ноор харилцагчиддаа
дэл­хийн хэмжээний бүтээгдэ­хүүн  үйлчилгээ
болон олон төрлийн боломж, давуу талыг олгон, мөн Монгол Ул­сын зах зээл дээр бидний
баримталж буй бодлогыг дэмжих зэрэг олон талын ач холбогдолтой. Бид шилдэг түнш
болсон Голомт банктай хамтын ажиллагаагаа улам өргөжүүлж дэлхийн хэм­жээ­­ний бүтээгдэхүүн
үйлчилгээг Мон­голын зах зээлд нэвтрүү­лэ­­хийн төлөө ажил­лах болно.

-Монголд Американ Эксп­ресс картыг төлбөр тоо­цоонд хүлээн авдаг бо­лоод
багагүй хугацаа өнгөрсний дараа Американ Экспресс карт Монголын зах зээлд нэвтэрч
байна. Энэ хугацаанд  ямар нэг шалгуур тавьж
байв уу? Эсвэл зах зээлийн тохи­ромж­той цаг үеийг хүлээж байв уу?

-Өмнө дурьдсанчлан, Го­ломт банктай Американ Эксп­ресс
картыг төлбөр тооцоонд  хүлээн авах хамтын
ажилла­гааг эхлүүлснээс хойш бид Монгол улс дахь Амери­кан Экспрес картаар үйлчлэгч
байгууллагуудын тоог нэ­мэг­дүүлэхэд гол анхаар­лаа хандуулж ажилласан. Картаар
үйлчлэгч байгуулла­гуу­дын­хаа тоог нэмэгдүүлэх нь бидний Голомт банктай хамтын
ажиллагаагаа өргө­жүүлэх, картын бүтээгдэ­хүүнээ зах зээлд нэвтрүүлэх шийдвэрийг
гаргахад чухал нөлөө үзүүлсэн.

Мөн бид Монголын харил­цагч­дын санхүүгийн амьдрал, аяллын
хэрэгцээ шаардлагад нийцсэн бүтээгдэхүүнийг гар­гаж, зах зээлээ ойлгохын тулд Голомт
банктай өргөн хүрээнд хамтарч ажил­ласан. Хэдэн сарын турш үргэлжилсэн бидний ажлын
үр дүнд Монголын зах зээлд нэвтэрч буй хөнгөлөлт урам­шуул­лаар дүүрэн бүтээг­дэхүүн
маань нэр хүнд, амжилтаараа ялгарч чад­сан хүмүүсийн амьдрал,  аял­лын хэв маягт зохицож санхүүгийн хэрэгцээнд
бүрэн нийцнэ гэдэгт итгэлтэй бай­на. Энэ бүтээгдэхүүн маань амьдралын онцлог, ажлын
шаардлагатайгаа уял­дан дэл­хийг тойрон аялж амьдар­даг хүмүүст зориулсан аяллын
болоод олон төрлийн хөнгөлөлт  урамшуулалтаар
дүүрэн гэдгийг онцлон хэлэ­хийг хүсэж байна.

-Американ Экспресс кар­тыг тухайн улс оронд нэвт­рүүлэх банкийг сонгохдоо
ямар шалгуур тавь­даг вэ? Ер нь яагаад Аме­рикан Экспресс картыг банкуудтай хамтран
гарга­даг вэ?

-Бидний картаа шинээр нэвтрүүлж байгаа улс бүхэн, салбар
сүлжээгээ өргөт­гөн тэлэх, өндөр дүнтэй ху­далдан авалт хийдэг үнэнч харил­цагчдыг
татах стра­те­гийн түвшний өндөр ач холбогдолтой юм. Монгол улс цаа­шид илүү хурдацтайгаар
хөгжинө гэж бид үзэж байгаа. Тийм ч учраас энэ бүс ну­тагт өөрсдийн бизнесээ, тэр
тусмаа өсөн нэмэгдэж буй бэлэн бус гүйлгээг улам өргө­­­жүүлнэ гэдэгт итгэлтэй байна.

Бид Голомт банктай хамт­­ран зөвхөн төлбөр тоо­цоо гүйлгээ
хийх бус үнэ цэнэ, чанарыг харилцагчид­даа хүргэхийн  төлөө хи­чээх 
болно. Үүний тулд хамт­ран ажиллаж буй бай­­гуул­лагуудынхаа хамт ха­рилцагчид­даа
зо­риул­­­­­сан бү­тээгдэхүүн үйлчил­­­гээг хөн­гөлөлт, урамшуу­лал, харил­цааны
өндөр соёл, ур чадвар, нэгдсэн зарла­гын тайлан зэрэг олон хөтөлбөрүүдээр дам­жуулан
хүргэдэг. Цаашид зөвхөн Монгол улсын карт хэрэглэгчдийн хэрэгцээ шаард­лагад нийцсэн
шинэ­лэг бүтээгдэхүүнийг зах зээлд гаргахын төлөө ажил­лах болно. Мөн Алтан картыг
Монголын зах зээлд нэвтрүүлснээр Американ эксп­рес картаар үйлчлэгч бай­гууллагууд,  өндөр дүнтэй худалдан авалт хийдэг үнэнч харилцагчдынхаа
тоог өсөн нэмэгдүүлэх  сайхан боломж нээгдэж
байна.

-Американ Экпресс кар­тыг дэлхийн 130 гаруй оронд хүлээн авдаг нийт
107 сая карттай гэж танай вебсайтаас уншлаа. Танай байгууллага ийм олон хү­ний итгэлийг
яаж тэгт­лээ та­тав аа? Олон сая хэрэг­лэгчдийг хэрхэн нэгтгэж, нэ­гэн гэр бүл болгож  чадав?

-Бид дэлхий даяар Американ Экспресс брэн­дийн гол ялгарал
болсон шилдэг үйлчилгээ, нууцлал хамгаалалт, нэр хүндийн баталгаа болсон эрхэм зо­рилгод  нэгдэж чадсан бан­куудыг сонгон хамтарч ажил­ладаг.
Энэхүү шалгуур маань ч Американ экспрес брэндийн бүтээгдэхүүн үйлчилгээг илүү өвөрмөц
байлгаж, дэл­хий даяар тогтсон нэгэн хэвшмэл ойлголтоос ялгаж өгдөг. Өнөөдөр өдөр
ирэх тусам карт эзэмшигчдийн маань хэрэгцээ шаардлага шинэч­лэгдэж,  өсөн нэмэг­дэж байна. Харин бид карт эзэмшигчдийнхээ
энэ хэрэг­цээ шаардлагаас давахуйц бүтээгдэхүүн үйлчилгээг хамт­ран ажиллагч  байгуулла­гуудтайгаа хамтран гаргахыг эрмэлзэж
ажилладаг. Үүний дүнд бид харилцагчдынхаа итгэ­лийг илүү нэмэгдүүлж үнэнч харилцагчидтай
болж чадсанаараа өрсөлдөгчдөө­сөө ялгарч чаддаг.

Американ Экспрес Ал­тан карт бол бидний энэ амжил­­тын
хамгийн шилдэг жишээ­нүүдийн нэг. Энэ карт нь санхүүгийн илүү эрх чөлөөтэй амьдралын
хэв маягийг эрхэмлэдэг Монгол харилцагч­дад маань бүрэн тохирохоос гадна хөнгөлөлт
урамшууллуудаар дүүрэн карт. Тодруулбал Алтан карт эзэмшигч нь American Express
Membership Rewards® хөтөлбөрийн хүрээнд хийсэн гүйлгээ бүхэндээ оноо цуглуулж, цуглуулсан
оноогоороо төрөл бүрийн хөн­гөлөлт, урамшууллуудыг аваад зогсохгүй нислэг, зочид
буудал, худалдааны ваучер болон тансаг зэрэглэ­лийн бараа бүтээгдэхүүн худал­дан
авах боломжтой. Мөн Американ Экспрес нь өөрсдийн  карт эзэмшигчиддээ зориулж хамгийн шилдэг даат­галын
үйлчилгээнүүдийг үзүүлдэг бөгөөд үүнд аяллын, замын тусламж, аюулгүй худалдан авалтын
даатгал зэрэг орохоос гадна 24/7 харилцагчийн үйлчилгээг үзүү­лэх бөгөөд таны картыг
24 цагийн дотор сольж өгөх боломжтой.

-Цаашид Голомт банк, Американ Экспрессийн хам­тын ажиллагаа хэрхэн үргэлжлэх
бол?

-Энэ хамтын ажиллагаа­ны хүрээнд Голомт банк харилцагчиддаа
дэлхийн хэм­жээний бүтээгдэ­хүүн үйлчилгээ болон боломжуу­дыг  илүү ойртуулах, мөн бид­ний Монгол улсын зах зээлд
баримталж буй бодлогыг дэм­жих зэрэг олон талын ач холбогдолтой болж байгаа юм.
Мөн бид олон улс болон дотоодын зах зээл дээр илүү олон өндөр дүнтэй гүйлгээ хийдэг
үнэнч харилцагчидтай болох боломжтой болж байна. Цаашид та бүхэндээ үргэлж сайхан
мэдээллүүдийг хүргэж байх болно гэдэгтээ итгэлтэй байна.

-Танай хоёр бай­гуул-лагын хамтын ажил­­лагаанд уншигчдын­хаа өмнөөс
өн­дөр амжилт хүсье. Бид­ний урилгыг хүлээн авч ярилцсанд баярлалаа. 

Categories
мэдээ нийгэм

Боомоос сэрэмжлүүлж байна

Энэ сарын  13–нд Нийслэлийн Хан-Уул дүүргийн 13-р хорооны хоёр иргэн боомоор өвчилсөн малаас халдвар авч, эмчилгээ хийгдэж байна. Халдварт өвчин судлалын үндэсний төвөөс сэрэмжлүүлэг гаргажээ. 

Боом өвчин нь мал амьтнаас хүнд халдварладаг, хурц халдварт өвчин бөгөөд хүний тунгалгийн зангилааг гэмтээж, хүчтэй хордлого үүсгэдэг. Манай улсын тал хээрийн чийглэг хар хүрэн хөрстэй бүс нутагт боомын байгалийн голомттой. Сүүлийн арван  жилд 15 аймгийн 126 суманд, Улаанбаатар хотын 6 дүүрэгт хүний өвчлөлийн 157 тохиолдол бүртгэгдэж нас баралт 7,6% -тай байна. Малын өвчлөл 15 аймгийн 81 суманд, Улаанбаатар хотын 4 дүүрэгт 1000 орчим мал боомоор өвчилсөн байна.

Боомын малын өвчлөлтэй уялдан хүний өвчлөл гарч байгаа нь малыг нядлах, үхсэн малын арьс ширийг хуулах, махыг эвдэх болон өвчилсөн, үхсэн мал булсан газрын хөрс шороог ухах, сэндийлэх явцад халдвартай хөрс, шороо зэргээс хүн халдвар авч боомоор өвчилнө.

Халдвар авсан хүнд өндөр халуурах, булчирхай хавдах, ихэвчлэн биеийн ил хэсэг нүүр, гарын арьсанд нян орсоноос үүсэх улаан цэг, толбо бий болж богино хугацаанд гүвдрүүтэн, цэврүү үүсч улмаар хар тав болох ба хаван үүснэ. Эдгээр шинж тэмдэг илэрвэл хамгийн ойрын эрүүл мэндийн байгууллагад хандах хэрэгтэй.

Урьдчилан сэргийлэлт:

– Голомтот нутгийн малыг дархлаажуулалтад бүрэн хамруулах

– Шалтгаан тодорхойгүйгээр мал үхвэл аль ойр байгаа мал эмнэлгийн байгууллагад яаралтай мэдээлэх

– Үхсэн малд хүрэхгүй байх, шаардлага гарвал хамгаалах хувцас,бээлий өмсөх

– Малын гаралтай хүсний бүтээгдэхүүнийг гүйцэд боловсруулж хэрэглэх

– Эрсдэл бүхий хүн амыг боом өвчнөөс сэргийлэх дархлаажуулалтад хамруулах. 

Categories
мэдээ

“Өдрийн сонин”-ны пүрэв гаригийн дугаар хэвлэгдлээ

Уншигч та бүхэн сайхан наадацгаав уу. Уншигч таны гарт “Өдрийн сонин”-ны улсын баярын дараахь дугаар хүрч байна. Дугаарын тэргүүн нүүрээс улсын баяр наадмаас хийсэн хурдан морь, хүчит бөхийн сурвалжлагыг хүргэлээ. Энэ сурвалжлагаас бөхийн барилдааны сонин, содон үйлдлүүд хийгээд хурдан морьдын шандас, гарал угсаа гээд сонирхож болох бүхнийг та бүхэн унших боломжтой. Хэдийгээр наадамлаад тун завгүй явсан ч хүн бүр хөл бөмбөгийг сонирхож байсан. Дэлхийн түүхэнд бичигдэх энэ үйл явдлыг манай сонин мөн сурвалжлан нийтэлж байгааг уншаарай. 

Харин улс төрийн мэдээллийн нүүрт өнгөрсөн хаврын турш яригдаж өнөө ч хүн бүрийн шүдний өвчин болоод байгаа эдийн засгийн нөхцөл байдлын талаар УИХ-ын гишүүн С.Дэмбэрэлтэй хийсэн ярилцлагыг унших боломжтой. Тэрчлэн энэ буланд баяр наадмыг нээж Ерөнхийлөгч Ц.Элбэгдоржийн хэлсэн үг, Монгол Улс ШХАБ-ын гишүүн орон болох боломжтой болж буй, улстөрчдийн наадмын гангараа гээд сонин содон мэдээллүүд хэвлэгдсэн. Харин нийтлэлийн бодлогыг тодорхойлдог гутгаар нүүрт “Хямралын нүхэн гарц” нийтлэлийг нэрт фельетонч Б.Цэнддоо хэвлүүлжээ. Тэрээр энэ удаа “Эндүүрч үл дуусах хорвоо юм аа. Энэ Эрүүлийг хамгаалах яамыг чинь манийгаа эрүүл байвал л баярладаг юм санасан чинь, биш ээ. Далаад оны нэг дуунд “харах нүд минь эндүүрчээ” гэж хардаг нь олон юмыг зөгнөсөн байж. Өмнөх сайд нь ДОХ нэгээр нэмэгдэх бүрт хүлээн авалт хийдэг байж билээ. Сая гахайн томуу гарснаас хойш ёстой цог заль бадрав гээч боллоо. Гахайн томуу ч гэж гахайн томуу. Гахай мундсан биш хүнд бүхрч байдаг нь ч юу билээ” хэмээн эхэлснийг цааш уншихад нэгийг өгүүлж, элгийг эмчилнэ. 

Харин гэмт хэргийн мэдээллийг хүргэдэг буланд өнгөрсөн баярын өдрүүдэд хэрэг зөрчил багатай, осол аваар ихтэй байсныг хүргэж байна. Тэрчлэн кино ертөнц, баяр наадмын эргэн тойрноос хийсэн сурвалжлага, дэлхий дахины мэдээлэл, Эх орон сумаас эхэлнэ нийтлэл гээд олон өөр өнгө, олон төрлийн мэдээллийг багтаасан сонин хэвлэгдлээ.

Categories
онцлох-нийтлэл туслах-ангилал

Засгийн газрын хуралдаанаар дараахь асуудлуудыг шийдлээ

Засгийн газрын 2014 оны 7 дугаар сарын 16-ны өдрийн ээлжит хуралдаанаар дараах асуудлуудыг хэлэлцэн шийдвэрлэлээ.

 Нийслэлийн 4 чиглэлийн авто замын бүтээн байгуулалтад шаардагдах хөрөнгийг шийдвэрлэлээ

Улаанбаатар хотод 212 км авто зам шинээр барих, 350 км авто зам өргөтгөн шинэчлэхээр Засгийн газрын болон Нийслэлийн Засаг даргын 2012-2016 оны мөрийн хөтөлбөрт тусгагдсан. Замын хөдөлгөөний ачааллыг бууруулж, шинэ суурьшлын бүс бий болгоход чиглэсэн энэ зорилтын дагуух бүтээн байгуулалтын зарим ажил энэ оны төсөвт “0.00” дүнтэй батлагдсан юм. Засгийн газрын өнөөдрийн хуралдаанаар нийслэлд эрх шилжсэн, эх үүсвэр тодорхойгүй байсан нэр бүхий дөрвөн төсөлд шаардлагатай 28,6 тэрбум төгрөгийг Хөгжлийн банкаар дамжуулан санхүүжүүлэхээр шийдвэрлэлээ. Зам барилгын ажил нь эхэлсэн ч санхүүжилтгүйн улмаас саатаад байгаа дараах дөрвөн чиглэлийн бүтээн байгуулалтын ажил үүнд хамаарна.

– Яармагийн гүүрээс Нисэхийн товчоо, Сонсголонгийн замын уулзвараас Яармагийн товчоо хүртэлх 13.7 км авто замын өргөтгөл, шинэчлэлт

– Шарга морьт-Жигжидийн уулзвараас Гүнтийн даваа чиглэлийн 5 км авто зам

– МТ-ийн шатахуун түгээх станцын уулзвараас Хайлаастын эцэс хүртэлх 3.1 км авто замын өргөтгөл шинэчлэлт 

– Нисэхийн товчоо-Биокомбинат-Шувуун фабрик чиглэлийн 22.5 км авто замын өргөтгөл.

Олгосон зээлийн 20 тэрбум төгрөгийг нь хүүгийн төлбөрийн хамт 2015 оны улсын төсөвт, 8,6 тэрбум төгрөгийг нь хүүгийн төлбөрийн хамт мөн оны нийслэлийн төсөвт тусган Хөгжлийн банкинд буцааж олгохоор тогтлоо.

 ОХУ-тай байгуулах “Стратегийн түншлэлийг хөгжүүлэх дунд хугацааны хөтөлбөр”-ийн төслийг хэлэлцлээ

Монгол Улс, ОХУ-ын хооронд байгуулах “Стратегийн түншлэлийг хөгжүүлэх дунд хугацааны хөтөлбөр”-ийн төслийг хэлэлцээд, Оросын талтай хэлэлцээ хийж санал солилцон, Засгийн газрын хуралдаанд дахин оруулахыг Гадаад харилцааны сайд Л.Болдод даалгалаа.

Энэ хөтөлбөрөөр Монгол-Оросын худалдаа, эдийн засгийн хамтын ажиллагааны ойрын таван жилийн тодорхой, ойлгомжтой, төлөвлөгөөг тодорхойлно. Үүнээс гадна улс төр, батлан хамгаалах, аюулгүй байдал, хууль сахиулах,  хүмүүнлэгийн болон олон улс, бүс нутгийн хамтын ажиллагааны чиглэлүүдийг иж бүрнээр тусгана.

Энэ оны тавдугаар сарын 20-ны өдөр Шанхай хотноо Ерөнхийлөгч Ц.Элбэгдорж, тавдугаар сарын 23-ны өдөр Санкт-Петербург хотноо Ерөнхий сайд Н.Алтанхуяг ОХУ-ын Ерөнхийлөгч В.В.Путинтэй уулзах үеэрээ хөтөлбөр байгуулах санал тавьж, Оросын тал нааштай хүлээн авсан юм.

Монгол Улс, ОХУ хооронд 1993 оны нэгдүгээр сарын 20-ны өдөр Найрсаг харилцаа, хамтын ажиллагааны тухай гэрээ байгуулж, 2009 онд Стратегийн түншлэл тогтоосон билээ.

 Австри улстай эрүүл мэндийн хамтарсан төслүүд хэрэгжүүлнэ

Монгол, Австрийн Засгийн газар хооронд 2011 оны 11 дүгээр сарын 28-ны өдөр байгуулсан Санхүүгийн хамтын ажиллагааны хэлэлцээрээр эрүүл мэндийн салбарт хамтарсан төслүүд хэрэгжүүлэхээр тохиролцсон юм. Гэвч Санхүүгийн хэлэлцээрийн хүчинтэй хугацаа энэ сард дуусгавар болж байгаа тул дээрх төслүүдийн гүйцэтгэгчийг сонгоход хугацаа шахагдаж, бэрхшээл үүсчээ. Иймд нийт 40 сая еврогийн хөнгөлөлттэй зээлээр хэрэгжүүлэх төслүүдийн ажлыг түргэтгэхийн тулд Засгийн газар болон төслийн гүйцэтгэгчтэй шууд гэрээ байгуулах талаар чиглэл авахаар Эрүүл мэндийн яам Засгийн газрын хуралдаанд асуудал оруулжээ.

Энэ асуудлыг өнөөдрийн хуралдаанаар хэлэлцээд “Хавдар судлалын үндэсний төвийн тоног төхөөрөмжийг шинэчлэх төсөл”, “Эх хүүхдийн эрүүл мэндийн үндэсний төвийн тоног төхөөрөмжийг шинэчлэх төсөл”, “Улсын нэгдүгээр төв эмнэлгийн тоног төхөөрөмжийг шинэчлэх, хүний нөөцийн чадавхийг бэхжүүлэх нь” зэрэг таван төслийн гүйцэтгэгчээр Бүгд Найрамдах Австри улсын “Вамед инженеринг” компанийг сонгон ажиллуулж, Санхүүжилтийн хэлэлцээр байгуулахыг Сангийн сайд Ч.Улаан, Эрүүл мэндийн сайд Н.Удвал нарт даалгалаа.

2010, 2013 онуудад хуралдсан Монгол-Австрийн Засгийн газар хоорондын комиссын хуралдааны протокол, протоколыг хэрэгжүүлэх үйл ажиллагааны төлөвлөгөөнд дээрх төслүүдийг Австрийн “Вамед инжинеринг” компаниар гүйцэтгүүлэх саналыг судлахыг ЭМЯ-нд даалгасан байдаг. Түүнчлэн БНАУ-ын Юникредит банкнаас тус улсын “Вамед инжинеринг” компанид экспортын зээл олгохоор шийдвэрлэсэн албан мэдэгдэл ирүүлээд байгаа юм.

Товчхон:

– 2014 оны 7 дугаар сарын 23-25-ны өдрүүдэд манай улсад албан ёсны айлчлал хийх Канад улсын Гадаад хэргийн сайд Жон Бэйрдийн айлчлалын үеэр Монголын талаас баримтлах удирдамжийн төслийг хэлэлцээд Ерөнхий сайдаар батлуулахаар тогтлоо. Энэ айлчлал нь Канад улсын Гадаад хэргийн сайдын түвшинд Монголд хийх анхны айлчлал гэдгээрээ онцлог бөгөөд өндөр ач холбогдолтой. Айлчлалын хүрээнд Жон Бэйрд Монгол Улсын Ерөнхий сайд Н.Алтанхуяг, УИХ-ын дэд дарга, Монгол-Канадын парламентын найрамдлын бүлгийн дарга Р.Гончигдорж нарт тус тус бараалхаж, Гадаад харилцааны сайд Л.Болдтой албан ёсны хэлэлцээ хийж, Уул уурхайн сайд Д.Ганхуягтай уулзана.

– Хөгжлийн банкны Төлөөлөн удирдах зөвлөлийн гишүүнээс чөлөөлөгдөх хүсэлт гаргасан Сангийн яамны төрийн нарийн бичгийн дарга асан Д.Баттөр, Хадгаламжийн даатгалын корпорацийн Гүйцэтгэх захирал Б.Лхагвасүрэн, Монголын Банкны холбооны гүйцэтгэх захирал бөгөөд ерөнхий нарийн бичгийн дарга Б.Найдалаа болон урт хугацаанд үүргээ биелүүлэх боломжгүй болсон Эдийн засгийн хөгжлийн яамны Эдийн засгийн хамтын ажиллагаа, зээл тусламж бодлогын газрын дарга Д.Болдбаатар нарыг чөлөөлж, Монголбанкны Хяналт шалгалтын газрын захирал Д.Ганбат, Сангийн яамны Төсвийн бодлого, төлөвлөлтийн газрын Төсвийн зарлагын хэлтсийн дарга О.Хуягцогт, Эдийн засгийн хөгжлийн яамны Төрийн захиргааны удирдлагын газрын даргын үүргийг түр орлон гүйцэтгэгч Р.Баасанжав нарыг тус банкны Төлөөлөн удирдах зөвлөлийн гишүүнээр томиллоо. Засгийн газрын шийдвэрээр 2010 оны 7 дугаар сарын 20-ны өдөр байгуулагдсан Хөгжлийн банк Монгол Улсын хөгжлийн томоохон төсөл, хөтөлбөрүүдийг санхүүжүүлэх тусгайлсан чиг үүрэгтэй төрийн өмчит хуулийн этгээд бөгөөд ТУЗ-ийн дарга, гишүүдийг нь Засгийн газар томилж, чөлөөлдөг юм.

– Эрдэс баялаг, эрчим хүч, дэд бүтцийн хамтын ажиллагааны Монгол, Хятадын зөвлөлийн анхдугаар хуралдааны дүнгийн тухай Эдийн засгийн хөгжлийн сайд Н.Батбаяр Засгийн газрын гишүүдэд танилцууллаа. Хуралдааны дүнг сайшааж, БНХАУ-ын тэргүүн Си Зиньпинийн Монгол Улсад хийх албан ёсны айлчлалын бэлтгэл хангахаар холбогдох яам, байгууллагуудад үүрэг өгч ажиллахыг Эдийн засгийн хөгжлийн сайд, Монголын хэсгийн дарга Н.Батбаярт хариуцуулах нь зүйтэй гэж үзэв. Түүнчлэн, хуралдааны мөрөөр хэрэгжүүлэх арга хэмжээний төлөвлөгөө боловсруулан хэрэгжүүлж, явц, үр дүнг Засгийн газарт танилцуулж байхыг даалгалаа.

– Дуудлага худалдаагаар худалдах төрийн өмчийн зарим үл хөдлөх хөрөнгийн талаар Үйлдвэр, хөдөө аж ахуйн сайд Ш.Түвдэндорж Засгийн газрын гишүүдэд танилцууллаа. Худалдаан дээр Засгийн газрын гишүүдээс гаргасан саналыг харгалзан холбогдох хууль тогтоомж, журмын дагуу төрийн өмчийн зарим үл хөдлөх хөрөнгийг дуудлага худалдаагаар худалдахыг Үйлдвэр, хөдөө аж ахуйн сайд Ш.Түвдэндорж, Төрийн өмчийн хорооны дарга Д.Цогтбаатар нарт даалгалаа.

– 2014 оныг Гаалийн ерөнхий газрынхан “Мэдээлэл солилцоог идэвхжүүлж, хамтын хариуцлагыг дээшлүүлэх жил” болгосонтой холбогдуулан эхний хагас жилийн ажлын үр дүнгээ Засгийн газрын гишүүдэд танилцууллаа. Нэг гаалийн газар, хороонд 2-оос дээш жил ажилласан улсын байцаагч ажиллагсдын 75 хувийг бүрдүүлж байсан тул сэлгэн ажиллуулах тогтолцоонд шилжжээ. Ийм зохион байгуулалтын үр дүнд импорт өнгөрсөн оны мөн үеэс 12.5 хувиар буурсан байхад гаалийн орлого 70.8 тэрбум төгрөг буюу 10.2 хувиар өсчээ. Гаалийн хяналт, бүрдүүлэлтийн үйл ажиллагааны шат дараалал цөөрсөн, мэдээлэл ил тод болсон, гаальчид хариуцлагатай болсон гэж ГЕГ-ынхан дүгнэж байна гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Categories
мэдээ нийгэм

Баяр наадмын үеэр хоолны хордлого гараагүй байна

Нийслэлийн Мэргэжлийн хяналтын газраас баяр наадмын үед худалдаа үйлчилгээнд ажиллах 206 аж ахуйн нэгжийн нийт 2891 хүний эрүүл мэндийн үзлэг, шинжилгээнд хамрагдсан байдалд хяналт хийхэд 98,3 хувь нь хамрагдсан байсан бөгөөд шинээр 1492 хүнийг эрүүл мэндийн үзлэг, шинжилгээнд хамруулжээ. Зөвшөөрөлгүй газарт малын худалдаа эрхэлж буй аж ахуйн нэгж, иргэдийн үйл ажиллагаанд эрчимжүүлсэн шалгалт хийж мал худалдаалах нэгдсэн түр цэгийг зохион байгуулж байнгын хяналт тавьж ажиллан 132 зөрчил илрүүлэн арилгуулжээ. 

7 дугаар сарын 11-13-ны өдрүүдэд үйл ажиллагаа явуулж буй 1666 цэгт хяналт хийснээс, нийтийн хоолны 1202, худалдаа үйлчилгээний 456, цэвэр усны сан, бие засах газар зэрэг  цэгүүдэд  хяналт тавьж, шалгалтын явцад нийт 433 зөрчил илрүүлж, газар дээр нь 225 зөрчлийг арилгуулж ажилласан байна. Баяр наадмын үеэр хоол хүнстэй холбоотойгоор хоолны хордлого, хордлогот халдвар гараагүй бөгөөд ХӨСҮТөвөөс авсан мэдээгээр хоолны хордлого гэсэн оноштой өвчтөн бүртгэгдээгүй байна.

Шалгалтаар махны 61, айрагны 23, нийт 84 дээж авч, улсын байцаагчийн 24 дүгнэлт гаргаж, хадгалалт, чанар, аюулгүй байдлын шаардлага хангахгүй болсон 62.5 кг мах, махан бүтээгдэхүүн, 7 кг гурил, 22 л айраг, 105 ш хуушуур, 36 ш өндөг зэрэг нийт 9 нэрийн 176ш,  645300 төгрөгийн бүтээгдэхүүнийг улсын байцаагчийн 9 акт үйлдэн хураан авч, устгуулах арга хэмжээ авч, илэрсэн зөрчлийг үндэслэн 7 иргэнд 786,000 төгрөгийн торгуулийн арга хэмжээ авч,  зөвшөөрөлгүйгээр төв цэнгэлдэхээс 120 мянгатын автобусны буудал хүртэлх замд гар дээрээс хоол хүнсний бүтээгдэхүүн, айраг худалдан борлуулж байсан 28 иргэний үйл ажиллагааг НЦГ-тай хамтран таслан зогсоожээ.

Төв цэнгэлдэхийн харьяа нийтийн бие засах газраас хуушуурын үйлчилгээ эрхэлж буй иргэдэд сав суулга угаах цэвэрлэх ус /хлоржуулсан/ түгээж байсан зөрчлийг таслан зогсоолоо гэж Нийслэлийн Мэргэжлийн Хяналтын газраас мэдээллээ.