Month: July 2014

Categories
мэдээ цаг-үе

Монгол Улсын гарьд Ширбазарын Жаргалсайхан: Өөрийнхөө хүчээр гарьд цолонд хүрлээ. Идэртээ очиж амарна аа

Тулгар төрийн 2223, Их Монгол Улс байгуулагдсаны 808, Ардын хувьсгалын
93 жилийн ойн үндэсний их баяр наадмын хүчит 512 бөхийн барилдаанд найм даван үзүүрлэсэн
Завхан аймгийн Идэр сумын харьяат Монгол Улсын өсөх идэр начин Ширбазарын Жаргалсайхан
гарьд цол хүртсэн билээ. Түүний хувьд 2003 онд аймгийн арслан, 2011 онд улсын начин
цол хүртсэн юм. 2012 онд начин цолоо баталсан бол өнгөрөгч онд дөрөв даван тавын
даваанд улсын арслан Хадбаатарын Мөнхбаатарт тахим буулгаж байв. Түүнтэй ярилцсанаа
хүргэе.

-Тулгар
төрийн 2223 жил, Их Монгол Улс байгуулагдсаны 808 жилийн ойн үндэсний их баяр наадмын
хүчит бөхийн барилдаанд найм даван үзүүрлэсэнд баяр хүргэе. Энэ наадмын талаарх
сэтгэгдлээ хуваалцахгүй юу?

-Үнэхээр их баяртай байна. Намайг дэмжиж, надад итгэл хүлээлгэж байсан
бүх хүмүүстээ талархаж байгаагаа илэрхийлье. Энэ жилийн баяр наадам нар хур тэгширсэн
наадам болж өнгөрлөө. Бэлтгэл сургуулилтаа эрчимтэй хийсний үр дүнд Монгол Улсын
гарьд хэмээх эрхэм хүндтэй цолонд хүрлээ.

Гарьд цолыг өөрийн хүчээр авч, төрийнхөө наадамд үзүүрлэсэндээ маш
их баяртай байна. Нийт Монголчууддаа, Завхан нутгийнхаа ард түмэнд баярлалаа. Завхан
аймгийн Идэр суманд байгаа аав Ширбазар, ээж Лхагвасүрэндээ их баярлалаа. Би анх
Юмрэн багшид шавь орж байсан. Багшдаа баярлалаа.

-Энэ
жил наадмын бэлтгэлээ хаана базаасан бэ?

-Миний хувьд Богд Очирваань хайрхандаа очоод Сүүжид баяр наадмын
бэлтгэлээ базаасан.

-Ер
нь бэлтгэл хэр ханга­сан гэж бодож байсан бэ. Төрийн наадмын үзүүр түрүүнд гараад
ирнэ гэхээр сэтгэлзүйн бэлтгэл ч гэсэн сайн байжээ. Таны хувьд даваа өгсөх тусам
улам л задгайрч сайхан барилдаж байгаа харагдсан?

-Энэ жилийн хувьд би заал­ны барилдаанд цөөхөн барилдсан. Гэсэн ч
бэлтгэл сургуулилт гайгүй, аятайхан таарсан юм болов уу өндөр даваанд гарч ирсэн.
Мэдээж бөхчүүд бүгдээрээ л дээшээ явж барилдах хүсэлтэй бай­даг болохоор миний хувьд
биеийн хүчнээс гадна сэтгэл­зүйгээ бэлдэлгүй яахав. Өнөө жилийн баяр наадмын бэлтгэл
ерөнхийдөө аятайхан байлаа.

-Таны
хувьд тав, зургаа­гийн даваанд энэ цаг үедээ бөхчүүдийн манлай болон яваа хоёр аваргыг
дараалан орхисон. Хоёр аваргад дараалан амлуулж барилдах амаргүй байсан уу?

-Монгол Улсын хүчит авар­га, арслан, гарьдуудтай барилдаж найм даван
үзүүр­лэж гарьд цол хүртсэндээ баяртай байна. Хоёр авар­гатай барилдсан барилдаан
гэлтгүй бүхий л барилдаан эхнээсээ дуусах хүртлээ асар их хариуцлага тээлгэсэн хүнд
барилдаанууд болсон. Энэ бүхэнд ямар нэгэн зүйл­гүй­гээр өөрийнхөөрөө барилдахыг
хичээсэн. Тухайн үедээ хийчихье гэсэн мэхнүүдээ хийгээд явсан л даа. Барилдаан ч
сайхан болсон.

Хоёр аваргын хувьд мэдээж энэ цаг үеийн үндэс­ний бөхийн өнгийг тодорхойлж
бай­гаа бөхчүүд. Энэ хүмүүстэй барилдахад сэтгэлзүй хүнд шүү дээ. Хоёр аварга бол
мэдээж авах цолоо авчихсан болохоор түрүүлэх л гэж барилдаж байсан. Ер нь хүнд байсан
даа.

-Үзүүр
түрүүнд одоогийн Н.Батсуурь арслантай үлдэ­хэд барилдааны туршлага аль алийг нь
бодсон ч таныг түрүүлчих байх гэсэн хүлээлт их байлаа. Үнэхээр болсонгүй юу?

-Янз бүрийн зүйл бодоод байх ч завдал гараагүй. Барил­даан эхлээд
л хэн хэнд маань түрүүлчих юмсан гэсэн хүсэл байсан болохоор өөрийн бай­гаа хүч
боломжоо ашиглаж барил­даад л дууссан. Үнэхээр ч болсонгүй л дээ.

-Таны
хувьд 2003 онд аймгийн арслан цол хүртсэн. Түүнээс хойш улсын баяр наадамдаа зодоглож
байгаа юу?

-Би улсынхаа баяр наа­дамд зодоглоод яг 12 жил болж байна. Харин
улсын начин цол хүртээд дөрвөн жил болчихож. 2011 онд улсын начин цол хүртсэн бол
дараа жил нь улсын начин цолоо баталснаар өсөх идэр чимэг хүртсэн. Ноднин жил тавын
даваанд Х.Мөнхбаатар арсланд унаж байсан бол энэ жил харин найм давчихлаа. Нүдэндээ
нулимс мэлтэлзүүлэн цэнгэлдэхээс гэр рүүгээ буцсан он жилүүд надад олон бий. Энэ
жил харин гарьд цол хүртлээ.

-Завхан
аймгаас жил дараалан гарьд цолтон төрлөө. Уг нь арслан болчихсон бол сайхан л байх
байлаа. Нутгийнхан тань арслан цол л хүлээж байсан биз?

-Харин тиймээ. Өнгөрөгч онд манай Б.Гончигдамба гарьд маань найм
даван үзүүрлэж Монгол Улсын гарьд хэмээх эрхэм хүндтэй цолонд хүрсэн. Ямар ч байсан
энэ буухиаг нь алдалгүй гарьд цолтны бүлд багтлаа. Гарьд цол ч гэсэн дааж явах хариуцлага
өндөртэй цол шүү дээ. Цаашид улам хичээж барилдан цолоо бататгахын төлөө бэлтгэл
сургуулилтаа хийнэ дээ.

-Долоогийн
даваанд оюутан ахуй цагт нэг өрөөнд хоолоо хувааж идэж явсан найз Х.Мөнхбаатартаа
амлуу­лан барилдсан. Энэ барилдааныхаа тухай ярихгүй юу. Өмнөх наадмаар та тавын
даваанд амлуулан тахим буулгаад байсан даа?

-Х.Мөнхбаатар арсланд ноднин наадмаар тавын даваанд унаж байсан юм.
Энэ жил намайг долоогийн даваанд амалсан. Яахав ээ намайг амаллаа гэж би дотроо
янз бүрийн зүйл бодоогүй. “За Мөнхбаатар намайг амалчихлаа. Өөрийнхөөрөө барилдъя”
л гэж бодож хичээсэн. Түүнээс хэн хэндээ нэг даваа өгчихье гэсэн бодолгүй хал балгүй
л үзсэн дээ. Мөнхбаатар арслан ч гэсэн аварга цолонд хүрчихье л гэж бодож явсан
байх.

-Таныг
барилдаж байхад ямар хүмүүс зөвлөгөө өгч байсан бэ?

-Намайг барилдаж байхад Завханы бөхчүүд маань дэргэд байсан. Нутгийн
бөхчүүд болох М.Баяржавхлан гарьд тэргүүтэй бөхчүүд барилдааны туршид хэрхэн барилдах
талаар ярилцаад явсан.

-Төрийн
их баяр наадмынхаа ард гарчихлаа. Удахгүй нутаг ус руугаа явах уу?

-Тэгнэ дээ. Төрийн наадамд нутгийн уул, ус нь дагаж ирдэг гэдэг биз
дээ. Тийм болохоор Завхан аймгийнхаа Идэр сум, Идэр голынхоо хөвөөнд очно. Нутагтаа
хэд хоног амарч байгаад есдүгээр сараас бэлтгэлдээ орно доо.

-Заалны
барилдаанд цөөхөн барилдаад байгаа шалтгаан тань юутай холбоотой вэ?

-Бөхчүүд бид чинь бэртэж гэмтэхээс эхлээд асуудал их шүү дээ. Тийм
болохоор бэртлээ эмчлэх шаардлагатай. Заалны барилдаанд олон гараагүй шалтгаан бэртэл
байсан юм. Хавраас бэртэл ерөнхийдөө гайгүй болсон тул бэлтгэлдээ эрчимтэй орсон.

-Таныг
наадмын барилдааны таавар эвдсэн бөхийн нэг гэж нэрлээд байгаа. Та өөрийгөө хэр
дээшээ явж барилдана гэж бодож байсан бол?

-Би л хувьдаа дээшээ сайхан барилдах юмсан гэж боддог. Хоёр жилийн
баяр наадмаар дараалан шөвгөрөөд дараа жил нь тавын даваанд өвдөг шороодсон. Тиймээс
энэ жил дээшээ явж барилдана л гэж бодож байлаа. Үнэхээр ч бодож байсан барилдаанаа
хийж төрийн  наадамдаа үзүүрлэлээ. Таавар
эвдсэн гэхдээ хүрвэл бүх бөхчүүд л таавар эвдсэн байж таарна. Бүгдээрээ л сайхан
барилдаад дээд даваануудад гарч ирье гэсэн хүсэлтэй байсан.

-Та
оюутан ахуй цагтаа олимпийн аварга Н.Түвшинбаяр, улсын арслан Х.Мөнхбаатар, өсөх
идэр начин Э.Энхбат нартай нэг өрөөнд амьдардаг байсан гэдэг. Нэг өрөөнд хоолоо
хувааж идэж явсан залуус өнөөдөр бүгд спортын өндөр амжилт гаргацгаасан байна. Бас
л сонин тохиолдол юм даа?

-Манай өрөөнийхөн чинь мундаг хүмүүс байхгүй юу, базарваань. Би эднийхээ
хажууд хэн ч биш. Олимпийн аварга Найдангийн Түвшинбаяр, төрийн наадмын түрүү бөх
Х.Мөнхбаатар арслан, улсын баяр наадамд гурав шөвгөрсөн Э.Энхбат начин, Гансүх начин
маань байна. Бид оюутан ахуй цагтаа нэг өрөөнд амьдардаг байсан нь бас л зол юм
шүү.

-Бүгдээрээ
үндэснийхээ бөхөөр улсын цолонд хүрлээ дээ?

-Зөв явбал санасан хэрэг бүтдэгийн нэг жишээ бид тав байх аа. Бас
л ховорхон хувь тохиол гэж боддог.

-Та
ч наадмаар байнга л аманд гарч барилдлаа. Амлуулаад байх нь танд ямар санагдсан
бэ?

-Ер нь бол амалж байснаас амлуулж барилдсан нь дээр гэж боддог. Тэр
нь ч амар санагддаг.

-Бөхийн
удам бий юу?

-Аав маань бөхөд дуртай ч өөрөө барилдаж байсангүй. Харин ээжийн
авга ах Хаян гэж даншигийн заан байсан юм билээ. Бие томтой, асар их бяр чадалтай
хүн байсан гэдэг.

Э.ЭНХБОЛД

 

Categories
арын-нүүр булангууд мэдээ

Хүүхдийг юугаар ч дутаахгүй өсгөж болохгүй

Загвар зохион бүтээгч Н.Соёлмаа “25 дугаар суваг телевиз”-д “Амьдралаа гэж” нэвтрүүлэг хөтөлдөг байхад нэг ийм яриа өрнөсөн юм. Нэгэн ээж шууд нэвтрүүлэгтэй утсаар холбогдож “Би хүүхдээ  юугаар ч дутаахгүй өсгөсөн. Гэтэл одоо…” хэмээн баахан гомдоллодог юм байна. Н.Соёлмаа хариуд нь “Юугаар ч дутаахгүй байж болохгүй, дутаах ёстой байсан юм” гэж “загнаж” билээ. Үнэндээ хэн ч гэсэн үр хүүхдээ юугаар ч дутаахгүй өсгөхийг хичээдэг. Амьтны хүүхдээс дутуугүй  явуулахыг хүсдэг. Гэтэл юугаар ч дутаахгүй байх нь эргээд сул тал болдог биш байгаа. Б.Лхагвасүрэн найрагчийн “Ижийтэйгээ үзсэн тэр жилийн наадам, цэцэг нар хоёртоо бахардсан наадам, ижийтэйгээ үзсэн тэр жилийн наадам чихэр, инээд хоёртоо бялуурсан наадам” гэсэн шүлгийн мөрүүд бий. Хэрэв ижийтэйгээ  жил бүр наадам үздэг байсан бол энэ өдрүүд ийм нандин мөрүүд үлдээх байсан болов уу. 

Орой харих бүртээ хүүхдэдээ амттан авч өгөөд үзээрэй. Хүүхдийн чинь ааш шууд хувирч, цүнх рүү чинь дайрч, хэрэв ямар нэг юм авчраагүй бол бөөн юм болох вий. Харин хааяахан авчирдаг амттаны дараа охин маань ээждээ талархаж сурсан. Хүссэн юм болгоноо авч болдоггүй гэдгийг ухаарах шиг  санагдсан.  Сэтгэл зүйчийн зөвлөгөө уншиж байтал боломжтой байсан ч хүүхдээ өдөр бүр паркад тоглуулах хэрэггүй гэсэн байна лээ. Тэрбумтны охин амиа хорлосон мэдээ уншаад ойлгодоггүй үе байсан. “Юу дутсан гэж тэр вэ” гэж гайхсан сан. Магадгүй тэр охинд амьдралын зорилго алга болсон ч байж мэднэ. Ядуу, баян хүний сэтгэл ханамж өөр шүү дээ. Ядуу хүн хүүхдэдээ нэг шинэ хувцас авч өгч чадсандаа баярладаг байхад, баян хүний сэтгэлийн хоосон орон зайг дүүргэхэд уул овоо ч дутах вий.  Хүүхдийг зарим юмаар дутааж болно. Харин хайраар л дутааж болохгүй.

Б.ЯНЖМАА         

Categories
мэдээ нийгэм

Өнөөдөр цагаагчин туулай өдөр

Өнөөдөр аргын тооллын долдугаар сарын 19. Билгийн тооллын 23. Долоон улаан мэнгэтэй цагаагчин туулай өдөр. Өдрийн наран 05.20 цагт мандаж 20.40 цагт жаргана. 

Өнөөдөр үсээ засуулбал эд эдлэл, идээ ундаа олдоно гэж зурхайн зурлагад заажээ. Тухайн өдөр хонь жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, гарагийг тахих, мал аж ахуйн үйл, удирдлагын суудалд суух, огторгуйн үүдийг боох, их хүмүүнтэй уулзахад сайн. Газар хагалах, ус булгийн эх малтах, улаа гаргах, хиншүү хярвас гаргахад муу. Өдрийн сайн цаг нь хулгана, бар, туулай, морь, хонь, тахиа болой. Хол газар яваар одогсод зүүн хойш мөрөө гаргавал зохистой. 

Categories
мэдээ соёл-урлаг

“Playtime”-д дараах хамтлагууд оролцоно

Монгол Улсын нийслэл Улаанбаатар хот байгуулагдсаны 375 жилийн ойн хөтөлбөрийн хүрээнд “PLAYTIME-2014” амьд хөгжмийн наадам “Найрсаг Улаанбаатар биднээс эхэлнэ!” уриан дор энэ сарын 19, 20-нд Монгол Шилтгээнд болно. “PLAYTIME-2014” наадмын хүрээнд Амеркийн “The Pains of Being Pure at Heart”, ОХУ-ын “Мумий Тролль”, Японы “Envy” зэрэг дэлхийн алдарт амьд хөгжмийн хамтлагууд болон Монголын “Хонх”, “Нисванис”, “The Lemons”, “Моханик”, “The Colors”, “Vatame”, “The Compass”, “Rec On” зэрэг шинэ, шилдэг 40 гаруй хамтлаг дуучид, DJ оролцож, өөрсдийн уран бүтээлээ толилуулах юм.

Наадмын тоглолтуудын дэлгэрэнгүйг хүргэж байна.

15.30 –
16.00    Солонго хамтлаг

14.00 –
14.30    Шугам

16.00 –
16.40    Kush & Oyuka

14.30 –
15.10    Berd

16.40 –
17.20    Аадар

15.10 –
15.50    Silent Scream

17.20 – 18.00   
Lego

15.50 –
16.30    Motorway

18.00 –
18.40    The Compass

16.30 –
17.00    White Shadow

18.40 –
19.20    The Colors

17.00 –
17.40    One Way

19.20 –
20.00    Marquis On The Radio

17.40 –
18.20    Чойжоо

20.00 –
20.40    The Lemons

18.20 –
19.00    Vatame

20.40 –
21.20    Нисванис

19.00 –
19.40    Оршихуй

21.20 – 22.00   
Хонх хамтлаг

19.40 –
20.20    Rec On

22.10 – 23.10    Envy
(Japan)   

20.20 – 21.00   
Jokers Wild (Pink Floyd Tribute)

23.20 – 
00.50    Peter Hook And The Light (UK)  

21.00 –
21.50    Моханик

 

22.00 –
22.50    Мумий Тролль (Russia)

Music (during
intervals)

15.30 – 17.00  Smooth
Operator 

13.50 – 16.00   
Leather Nation 

17.00 – 19.00  Leather Nation

16.00 – 18.00   
Metallium

19.00 – 21.00  Hi-Fi
Team 

18.00 – 20.00   
Hi-Fi Team

21.00 – 22.30  Metallium

20.00 – 22.00   
Smooth Operator

 

ДАВАЛГАА
ТАЙЗ 

11.00 – 11.20    El
Cid

10.10 – 10.30   
The Vibes

11.20 – 11.40   
Strings

10.30 – 10.50   
MonHax

11.40 – 12.10    Sakobs

10.50 –
11.10    Linked

12.10 – 12.40   
The Electrics

11.10 – 11.40   
Purgatory Destroyers

12.40 – 13.20   
Sunderia

11.40 –
12.20    Аясын Салхи

13.20 – 13.50   
The Y.O

12.20 –
12.50    The Tourists

13.50 – 14.20   
Tangled Wires (USA)

12.50 – 13.20   
Amphibian Sphere

14.20 – 14.50   
Futurama

13.20 – 13.50   
Return (USA)

14.50 – 15.20   
Atlantics

 

DJ Sets 

16.00 – 18.00   
Hi- FI Team

14.00 – 16.00   Hi &
Lo

18.00 – 20.00   
Big Up !

16.00 – 18.00   Big Up!

20.00 – 22.00   
Discotheque

18.00 –  20.00  
Smooth Operator

22.00 – 01.00   
Smooth Operator

20.00 – 22.00  
Discotheque

01.00 – 03.00   
Leather Nation

 

 

НААГЛИХАЦ
ТАЙЗ

12.00 – 14.00   DJ Maara

12.00 – 14.00   DJ Maara

14.00 – 16.00   DJ Эрхэм

14.00 – 16.00   D Join
Event 

16.00 – 18.00   Hi &
Lo 

16.00 – 18.00   Aural
Projects

18.00 – 20.00   D Join
Event

18.00 – 20.00   DJ Эрхэм

20.00 – 22.00   Aural
Projects

20.00 – 22.00   Deep
Music Freakz

22.00 – 00.00   Deep
Music Freakz

 
Categories
мэдээ нийгэм

Ачааны машины зөвшөөрлийг ТҮЦ машинаар олгоно

Авто замын хөдөлгөөнд ачааны авто машиныг цагийн хязгаарлалттайгаар оролцуулах, түр зөвшөөрөл олгох журмыг Нийслэлийн ИТХ-ын тэргүүлэгчдийн хуралдаанаас гаргаж байсан юм. Үүнтэй холбоотойгоор түр зөвшөөрлийг ТҮЦ машинаар олгохоор болжээ. Зөвшөөрөл нь дотроо гурван янз, Е ангиллын зөвшөөрөл нь 10 000, С нь 15 000, ЕС нь 20 000 төгрөгийн үнэтэй байх аж.

Зөвшөөрлийг ТҮЦ машинаар олгохтой холбоотойгоор бэлтгэл ханган ажиллаж буй юм байна. Одоогоор цагийн хязгаарлалтыг тодорхой болгоогүй байна.

Categories
мэдээ нийгэм

Ерөнхий сайд Н.Алтанхуяг “Алтаргана” наадамд оролцож, баярын мэндчилгээ дэвшүүллээ

Найман мянганы тэртээгээс улбаатай буриад зон олны дундаршгүй түүх соёл, яндашгүй баялаг өнөө бидний үед уламжлагдан ирсэн. Монголд өдгөө 40 гаруй мянган буриад угсаатан бий гэсэн судалгаа байдаг. Буриад үндэстэн монгол орны Хэнтий, Дорнод, Төв, Сэлэнгэ, Дархан, Булган, Хөвсгөл, Өмнөговь аймагт төдийгүй ОХУ, ӨМӨЗО-д тархан суурьшиж байна. Олон мянган жил уламжлалт зан үйл, өв соёлоо түүчээлэн тээж ирсэн, ажилч хичээнгүй буриад зон олны “Алтаргана” наадам өнөөдөр Хэнтий аймгийн Дадал суманд эхэлж, эдгээр нутаг орноос 2000 гаруй төлөөлөгч “Алтаргана” наадамд оролцож байна. 

Өв соёлоороо бахархаж, үндэсний хувцсаараа ижилсэн гоёсон буриад зон олны урлаг, спортын “Алтаргана” наадамд Монгол Улсын Ерөнхий сайд Н.Алтанхуяг оролцож, наадамчин олонд баяр хүргэж мэндчилгээ дэвшүүллээ.

Хэнтий нутгийн хойморь болсон Дадал сумаас 1994 онд гараагаа эхэлсэн “Алтаргана” наадам 20 жилийн дараа тоонот нутагтаа зохиогдож байна. Уламжлалт энэ наадмыг энэ жилээс Ерөнхий сайдын ивээл дор зохион байгуулж байна гэж Ерөнхий сайд хэллээ.

Шинэчлэлийн Засгийн газар Соёл, спорт аялал жуулчлалын яам байгуулсан. Монголчууд бид баялаг түүхтэй, өв соёлтой, урлаг спортын өндөр амжилт гаргаж чадах ард түмэн юм. Буриад зоны 20 жилийн өмнөөс зохион байгуулсан урлаг, соёл, спортын энэ наадам Засгийн газрын анхаарлын гадна үлдэх учиргүй гэлээ.

“Алтаргана” наадмын үеэр урлаг, спортын 13 төрлийн тэмцээн уралдаан болж байна. Тэмцээн уралдаан тус бүрийн цаана Монголын, буриад зон олны түүх соёл уламжлал байж, өдрөөс өдөрт түүх нь зузаарч байна гэж Ерөнхий сайд хэллээ.

Буриадын үндэсний өв уламжлал, соёл урлаг, спортын төрөл зүйлүүдийг хадгалж хамгаалах, үр хойчдоо өвлүүлэн уламжлуулах, шинэчлэн хөгжүүлэх зорилготой “Алтаргана” наадам  анхны шангаа татсан түүхт газартаа 20 жилийн дараа ирэхдээ олон улсын хэмжээний том баяр, наадам болтлоо өргөжин тэлээд ирж байна. Байгалийн сайхан цогцолсон үзэсгэлэн төгс, Эзэн Чингисийн өлгий нутагт олон зочин төлөөлөгч хуран чуулсанд Хэнтий нутгийнхан баяртай байна гэж Хэнтий аймгийн Засаг дарга Ж.Оюунбаатар хэллээ гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Categories
мэдээ нийгэм

Дархан-Уул аймагт үхсэн гахайг устгаж, халдваргүйжүүлэлт хийжээ

Дархан-Уул аймгийн Дархан суманд замын нүхэн гүүрний доор хоёр гахай үхсэн байна гэх мэдээлэл өчигдөр аймгийн Онцгой байдлын ерөнхий газарт иржээ.  

Энэхүү мэдээллийн дагуу аймгийн ОБГ, Цагдаагийн газар, Дархан сумын Онцгой байдлын орон тооны бус штаб, малын эмч нарын бүрэлдэхүүнтэй баг өчигдөр 20.00 цаг 44.00 минутад газар дээр нь очин, үзлэг хийж, шинжилгээнд дээж аван ҮХААГ-ын Мал эмнэлэг, ариун цэврийн лабораторид хүргүүлсэн байна. 

Улмаар Дархан сумын Онцгой байдлын орон тооны бус штаб сэг зэмийг хогийн цэг дээр мал эмнэлгийн эмчийн зааврын дагуу булж устган 28 хувийн хлорын шохойгоор ариутгал халдваргүйжүүлэлт хийжээ.

Categories
мэдээ нийгэм

Прокурорууд тангараг өргөлөө

Монгол  Улсын Ерөнхий  прокурорын  2014 оны 07  дугаар сарын 01-ний  өдрийн Б/99  тоот  тушаалаар Өмнөговь аймгийн   прокурорын газрын Мөрдөн шалгах ажиллагаанд  тавих хяналт хариуцсан хяналтын  прокуророор томилогдсон Нямтуул овогтой Ундрах, Сайнбуян овогтой Мөнхтулга, Төмөр овогтой Баярмаа нарыг  “Прокурорын тангараг” өргүүлэх ёслолын ажиллагаа өнөөдөр болжээ.

Тус арга хэмжээний үеэр аймгийн прокурор С.Давааравдан тангараг өргөсөн прокуроруудад баяр хүргэж, дурсгалын зүйл гардуулсан байна.

Categories
онцлох-нийтлэл туслах-ангилал

Наадмаар 19 хүүхэд мориноосоо унажээ

Засгийн газрын хэрэгжүүлэгч агентлаг Хүүхдийн төлөө үндэсний газраас өнөөдөр сэтгүүлчдэд мэдээлэл хийлээ. Үндэсний баяр наадмаар тус газар Үндэсний баяр наадмын Бөх, Сур, Хурдан морины салбар хороо, Санхүүгийн зохицуулах хороо, Монголын Даатгагчдын холбоо, Монголын Морин спорт уяачдын холбоо, Цагдаагийн байгууллага, НҮБ-ын Хүүхдийн сантай хамтран ажилласан байна.

Хүүхдийн төлөө үндэсний газар, Нийслэлийн Хүүхэд, гэр бүлийн хөгжлийн газар, Дүүргийн Хүүхэд, гэр бүлийн хөгжлийн төвийн ажилтнууд нийт 24 хүний бүрэлдэхүүнтэй ажлын хэсэг Өсвөрийн бөх, Өсвөрийн сурын харваа, Хурдан морины уралдааны үеэр таван өдөр ажиллажээ.

Долдугаар сарын 11, 12-ны өдрүүдэд Өсвөрийн хүчит 128 бөх барилдсанаас бөхийн барилдаан элдэв маргаан, бэртэл, зөрчилгүй болж, Батжаргалын Лхагвадорж нь сүүлийн гурван жил дараалан түрүүлж үндэсний бөхийн түүхэнд шинээр бичигдэх амжилт үзүүлсэн байна.

Үндэсний баяр наадмаар 120 хүүхэд Өсвөрийн сурын харваанд оролцсон нь өмнөх оноос 40 хувиар нэмэгджээ. Үндэсний сурын спортоор хичээллэж буй хүүхэд тусгай зай талбайд биеийн өндөртөө харьцуулсан нум сумаар хичээллэдэг бөгөөд хүүхдэд тохирсон нум сумыг хийх хүн ховор байдаг нь гол хүндрэл болдог байна.

Үндэсний их баяр наадамд /Хүй долоо худаг/ 7-18 насны 511 унаач хүүхэд бүртгүүлсэн ба есөн насны 1751 морь унаж уралджээ. Хурдан морины үндсэн зургаан нас болон эрлийз морины гурван насны уралдаанд нэг уралдаанч хүүхдийн унаж уралдаж буй байдлыг авч үзвэл нэг удаагийн наадамд дунджаар гурван насны морь унажээ.

Үндэсний морин уралдааны морь унаач хүүхдийн хувцас, морины хэрэгсэлд тавих ММ5:6264:2011 тоот стандартын шаардлага хангасан хувцас хэрэглэлийг уралдаанч хүүхдүүдэд өмсүүлэх шаардлагыг тавьж ажилласаны үр дүнд унаач хүүхдүүд 100 хувь хамгаалалтын малгай, цээживчтэй уралдаанд оролцож 80 гаруй хувь нь өвдгөвч, тохойвчтой уралдаанд оролцсон байна. 19 хүүхэд мориноос унаж гурван унаач хүүхэд хүндэвтэр, найман хүүхэд хөнгөн гэмтэл авч, найман хүүхэд гэмтэлгүй гарчээ.

Categories
мэдээ нийгэм

Аялал жуулчлалыг хөгжүүлэхэд Google-тэй хамтрана

Улаанбаатарыг Бүс нутгийн аялал жуулчлал, бизнесийн төв болгоно гэсэн ерөнхий төлөвлөгөөний дагуу “Найрсаг Улаанбаатар” аяныг эхлүүлээд байгаа билээ. Энэ аяны хүрээнд 2020 он гэхэд хоёр сая жуулчин хүлээж авдаг болохоор зорилт тавин ажиллаж байгаа юм. Тиймээс аялал жуулчлалыг хөгжүүлэх, Монголыг дэлхийд таниулахын тулд Нийслэл Google-тэй хамтарч ажиллахаар төлөвлөөд байгаа ажээ.

Эхний ээлжинд Аялал жуулчлалын байгууллагуудыг Гүүгл сүлжээнд оруулах ажлыг хийж эхлээд буй юм байна. Э.Бат-Үүл дарга цаашид Улаанбаатарын талаарх бүхий л мэдээллийг “Гүүгл”-ээс авах боломжийг бүрдүүлэх тал дээр нягт хамтарч ажиллахаар төлөвлөж байгаагаа хэлсэн.