Сүхбаатар дүүргийн Засаг даргын Тамгын газар, ИТХ-ын гишүүд өнөөдөр сайн дураараа цусаа өгч, доноруудын эгнээнд нэгдэхээр болжээ. Тэд Сүхбаатар дүүргийн Улаан загалмайн нийгэмлэгтэй хамтран “Аюулгүй цус амьдрал бэлэглэнэ” өдөрлөгийг өнөөдөр зохион байгуулж байгаа аж.
Баянгол дүүргийн 16 дугаар хорооны нутаг дэвсгэр Гандангийн дэнжийн гэр хорооллын дэд бүтцийг цогц байдлаар шийдвэрлэх бүтээн байгуулалтын ажлыг “Гудамж” төслөөс эхлүүлээд байгаа билээ. Гандангийн дэнжийн Орхоны зургадугаар гудамжийг авто болон явган зам, бетон суурь бүхий нэг загварын хашаатай болгон тохижуулж дууссан байна. Уг гудамжны нээлт өнөөдөр болно.
Цаашид 30 гудамжийг яг энэ загвараар тохижуулах бөгөөд цэвэр, бохир ус, дулааны шугам сүлжээ, инженерийн бусад дэд бүтэцтэй болгох талаар “Гудамж” төслийн холбогдох хүмүүс мэдээллээ.
Эдгээр ажлын зураг төслийг “Нью Урбанизм” ХХК боловсруулж байгаа бол эхний гудамжны зам барилгын ажлыг “Их зам Бүтээн байгуулалт” ХХК гүйцэтгэсэн байна.
Гандангийн дэнжийн гэр хороолол нь нийт 55 га талбайг хамардаг бөгөөд нийт 31 гудамжны 857 хашаанд 1875 өрх оршин суухаас гадна 65 аж ахуйн нэгж үйл ажиллагаа явуулдаг аж.
Сарын өмнө
Одоо Гандангийн дэнж
Албан тушаалаа урвуулан ашиглаж, улсад онц их хэмжээний хохирол учруулсан гэх хэрэгт сэжиглэгдэж буй Нийслэлийн Засаг дарга асан Ц.Батбаяр, НИТХ-ын дарга асан Т.Билэгт, Нийслэлийн өмчийн харилцааны газрын Өмч хувьчлалын хэлтсийн даргаар ажиллаж байсан Г.Маналжав, Ц.Батбаярын төрсөн дүү Ц.Чанцал нарын дөрвөн хүний шүүх хурал өчигдөр өдөржин үргэлжилж, тэдэнд ял оноолоо.
Нийслэлийнг Засаг дарга асан Ц.Батбаярт 2,1 жилийн хорих ялыг чанга дэглэмтэй хорих ангид эдлүүлэх, НИТХ-ын дарга Т.Билэгтийг гэм буруутай гэж үзэж, ял оноосон боловч өршөөлийн хуулинд хамрагдан хорих ялаар шийтгээгүй байна.
Мөн Нийслэлийн өмчийн харилцааны газрын Өмч хувьчлалын хэлтсийн даргаар ажиллаж байсан Г.Маналжав, Ц.Батбаярын төрсөн дүү Ц.Чанцал нарыг цагаатгасан байна.
Хүний итгэлийг хүлээх, аз жаргалтайгаар амьдрах гэдэг их чухал зүйл л дээ. Тэр тусмаа өнөөгийн нийгэмд. Харин хүний итгэлийг олох ганцхан зам бий. Энэ бол хэлснээ хийх, хийж чаддаг байх зам билээ. Аз жаргалын тухайд хэдэн ч зам байж болох биз. Бенжамин Франклинь хэлсэн нэг үг байдаг. Аз жаргалтай байх хоёр арга бий. Эхнийх нь хэт их хүслээ хязгаарлах. Нөгөөх нь мөнгөө арвижуулах. Хэрэв чи ухаалаг байж чадах аваас энэ хоёрыг зэрэг хийчихнээ гэж. Яг л голыг нь олоод хэлчихсэн үг. Ухаалаг зан чанар л аз жаргалыг бий болгож, итгэл төрүүлнэ. Бусдад жигтэйхэн сайхан амлалт өгчихөөд амнаасаа ухран, хэлснээ умартах нь туйлын увайгүй, жудаггүй, өөдгүй хүний л шинж. Хэлсэн үгэндээ эзэн болдог хүнд л хойшдын ахуй амьдрал, ажил төрлийн бүтэмжтэй байх үүд хаалга нь нээгдэж байдаг гэдгийг санаж явахад илүүдэх юун. Нэгэнт бусдынхаа итгэлийг олсон хүн танд хангалуун сайхан амьдрал, гэрэлтэй тунгалаг ирээдүйн зам дардан байх биз ээ. Сайхан бүхэн эхлэх зам дээр гарч ирж чадсан л бол жаргалтай амьдрал гэгч тосон авна. Ер нь тэгээд хэлсэндээ байж итгэлт нөхөр байх нь хүн чанар гэгчтэй яалт ч үгүй холбогдоно. Хүн чанар, хүн байх нь бидэнд байх хамгийн дээд чанар гэж эрт эдүгээгийн мэргэд бүгд шахуу хэлсэн нь бий. Бодоод байхад цоорхой дээвэртэй муухан байшин мэт ухвар мөчид бодолтой хүнд л нэгнээ хуурах атгаг өөдгүй санаа төрөх нь лавтай. Нэгэнт орчин тойрон, бусдынхаа итгэлийг олж чадсан бол аз жаргалтай байх нь гарцаагүй.
Я.БАЯРБААТАР
Худалдаа үйлдвэрлэлийн дээд сургуулийн зарим багш, оюутан авлига авсан, өгсөн гэх шуугиан дэгдэж, АТГ эрүүгийн хэрэг үүсгэн шалгаж эхэлсэн билээ. Энэ хэргийн мөрдөн байцаалт өнгөрсөн сард дуусч Баянзүрх дүүргийн шүүхэд шилжээд байсан юм. Анхан шатны шүүх хурал өнөөдөр эхэлнэ. Шүүх хуралдаанд оюутнуудаас гадна дөрвөн багш авлига авсан гэх хэргээр шүүгдэж байгаа юм. Дүүргийн Эрүүгийн хэргийн анхан шатны I шүүхэд эхлэх уг хуралдааныг Б.Мөнхбаяр, Б.Мөнх-Эрдэнэ, Ш.Төгсгэрэл нарын шүүгчид шүүх бөгөөд улсын яллагчаар Б.Уранчимэг оролцоно. Шүүгдэгчдийг Эрүүгийн хуулийн 268 дугаар зүйлийн 268.2, 269 дүгээр зүйлийн 269.2, 269 дүгээр зүйлийн 269.1, 270 дугаар зүйлийн 270.2-т зааснаар яллаж буй. Шүүгдэгчдийг 30 өмгөөлөгч өмгөөлнө. Хамгийн олон шүүгдэгч, өмгөөлөгчтэй гэгдэх уг хэргийг шүүх хуралдааны танхим асуудалтай байгаа аж. Тиймээс Шүүхийн ерөнхий зөвлөлийн байранд болж магадгүй гэх мэдээллийг эх сурвалж өглөө.
Аргын тооллын долдугаар сарын 23. Буд гариг. Билгийн тооллын 27. Гурван хөх мэнгэтэй хөхөгчин хонь өдөр. Өдрийн наран 05.24 цагт мандаж 20.36 цагт жаргана. Тухайн өдөр гахай, туулай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай ханд. Эл өдөр архи уух, тамхи татах, сэтгэл муутантай нөхөрлөх зэргийг цээрлэх хэрэгтэй ба мал худалдан авах, мал түгээхэд сайн. Сахил санваар авах, хануур төөнүүр хийлгэх, цөөрөм байгуулахад муу.
Өдрийн сайн цаг нь бар, туулай, могой, бич, нохой, гахай болой. Хол газар яваар одогсод урагш мөрөө гаргавал зохистой. Их халуун болох улирал 6 цаг 34 минутад эхэлнэ. Үс шинээр үргээлгэх буюу засуулбал өлзийтэй сайн.
“Гал үндэстэн” холбооны тэргүүн Ц.Мөнхбаярыг Хархорины хорих ангиас бие нь муу байгаа шалтгаанаар Зайсан руу шилжүүлэхээр болов. Эмчийн тусламж авахаас татгалзсаар байгаа ба Хууль зүйн сайд Х.Тэмүүжин эмнэлэгийн үйлчилгээ үзүүлнэ хэмээн мэдэгджээ. Мөн л хоригдож буй “Гал үндэстэн” холбооны гишүүн С.Дашцэрэнд саяхан ямар нэртэй нь мэдэгдэхгүй тариа тарьж бие нь тааруу байгаа аж. Хархорин, Амгалан, Ганц худаг, Дархан зэрэг газруудад хоригдож байгаа тус холбоодын гишүүдтэй ар гэрийнхнийг нь тав хоногийн турш уулзуулаагүй гэнэ. “Хэрэв манай гишүүдэд ямар нэгэн зүйл тохиолдвол төр хариуцлага хүлээх хэрэгтэй” хэмээн “Гал үндэстэн” холбооны гишүүд “Зууны мэдээ”-д хэвлэлийн хурал хийх үеэрээ мэдэгдэв.
С.Энэрэл
БГД-ийн 16 дугаар хороо, Гандангийн дэнжийн гэр хороололд “Гудамж” төсөл хэрэгжиж байгаа билээ. Уг төслийн хүрээнд нийт 31 гудамжийн дэд бүтцийг цогц байдлаар шийдэж байгаа юм. Гэр хорооллыг хөгжүүлэх томоохон ажлын эхлэл болсон энэхүү гудамжийг маргааш 12.00 цагт албан ёсоор нээх юм. Цаашид үлдсэн 30 гудамжийг яг энэ загвараар тохижуулах бөгөөд цэвэр, бохир ус, дулааны шугам сүлжээ, инженерийн бусад дэд бүтэцтэй болгох аж. Эдгээр ажлын зураг төслийг “Нью Урбанизм” ХХК боловсруулж байгаа бол эхний гудамжны зам барилгын ажлыг “Их зам Бүтээн байгуулалт” ХХК гүйцэтгэжээ.
ОХУ-ын ерөнхийлөгч Владимир Путин, Нидерландын ерөнхий сайд Марк Рютте нар Малайзийн онгоц сүйрсэн хэргийн олон улсын мөрдөн байцаалтыг зохион байгуулах арга хэмжээний талаар дахин ярилцлаа гэж Кремлийн хэвлэлийн алба мэдээлэв. Тэд энэ талаар утсаар байнга ярилцаж байгаа аж.
“Оросын ерөнхийлөгчийн мэдэгдлийг эдгээр хүчин чармайлтад оруулсан ажил хэрэгч хувь нэмэр хэмээн Нидерландын ерөнхий сайд үнэлсэн байна. Мөн хоёр лидер онгоцны ослыг мөрдөн шалгах талаар НҮБ-ын Аюулгүйн зөвлөлөөс гаргасан тогтоолыг өндөр үнэллээ. Путин, Рютте хоёр энэ чиглэлээр цаашид хамтран ажиллах боломжийг ярилцлаа гэж хэвлэлийн мэдээнд өгүүлжээ.
Улс орон нь Boeing онгоцны мөрдөн байцаах хэргийг тэргүүлэхээр зөвшөөрсөн тухай НҮБ-ын Аюулгүйн зөвлөлийн хуралдаан дээр Нидерландын Гадаад хэргийн сайд Франс Тиммерманс мэдэгдсэн байлаа. Мөрдөн байцаах хэргийг “сонирхсон орнууд, НҮБ ба Иргэний агаарын тээврийн олон улсын байгууллагатай (IKAO)” нягт хамтран явуулна гэж тэр хэллээ. Нидерландад уг хэргийн “зохицуулагчийн үүрэг” авахыг Украин санал болгосон байв. Онгоцны осолд вант улсын 189 иргэн амь үрэгдсэн юм.
Аюулгүйн зөвлөлийн тогтоол
Эмгэнэлт хэргийн учир шалтгаанд нягт нямбай, бие даасан олон улсын мөрдөн байцаалтаар явуулахыг заасан тоглоолыг НҮБ-ын Аюулгүй зөвлөл гаргасан байгаа. Тогтоолд өгүүлснээр, “олон улсын мөрдөн байцаалтыг явуулахад аюулгүй байдал ба хамгаалалтыг хангах үүднээс ослын газрын ойролцоох нутаг дэвсгэрт цэргийн бүхий л ажиллагааг түүний тоонд тэргүүлэх зэвсэгт бүлэглэлүүдийн хооронд нэн даруй зогсоохыг НҮБ-ын Аюулгүйн зөвлөл шаардаж байна” гэж заажээ.
Онгоцыг сөнөөсөн хэрэгт хүргэсэн үйл ажиллагааг уг тогтоол буруутгаад “энэ хэрэгт буруутай хүмүүсийг хариуцлагад татахыг” шаардлаа. НҮБ-ын АЗ амь үрэгдэгсдийн ар гэрт мөн осолд иргэд нь хохирсон орнуудын ард түмэн ба Засгийн газарт эмгэнэл илэрхийллээ.
Үүний дараа ЗГХЭГ-ын дарга Ч.Сайханбилэг УИХ-аар баталсан зарим хуулиудын талаар товч танилцуулсан юм. Тэрээр “Бид өөрсдөө хөгжчих юм шиг санаж явсан үе бий. Тиймээс Засгийн газар алдаагаа ухамсарласан” хэмээн үгээ эхэлж байв. Хөрөнгө оруулалтын тухай хуулийг баталснаар гадаадын болон дотоодын хөрөнгө оруулалтыг ялгалгүй дэмжихээр болсон. Хөрөнгө оруулалтын бүртгэлийн асуудлыг энгийн хүнд сурталгүй болгосон гэдгийг ч дуулгав. Стратегийн салбар дахь хөрөнгө оруулалтын хуулийг хүчингүй болгосон. Монголд гаднаас хөрөнгө оруулалт хийх бүх процессийг хариуцах “Инвес Монголиа” агентлаг байгуулсан зэргийг танилцууллаа. Хөрөнгө оруулалтын сангийн тухай хуулийг баталснаар Монгол, Японы хооронд хөрөнгө оруулалтын сан байгуулах процесс өрнөх боломж бүрдсэнийг дуулгав. Ашигт малтмалын тухай хуулийг өөрчилснөөр стратегийн ордуудын тоог нэмэхгүй байх зарчмыг баримтлахаар болсныг хэлэв.
Ашигт малтмалын ордуудыг стратегийн болон түгээмэл тархацтай, энгийн гэж гурван ангилалд хуваахаар болсон. Сүүлийн жилүүдэд зогсоод байсан хагуулын лицензийг олгох ажлыг эхлүүлсэн зэргийг танилцууллаа. Газрын тосны хуулийг баталснаар ойрын таван жилдээ НӨАТ, компанийн орлого, гааль, нөөц ашигласны төлбөр ойрын таван жилдээ тогтвортой, хүчинтэй байхзохицуулалтуудыг хийж өгсөн гэдгийг дуулгалаа. Гадны хөрөнгө оруулагчид тогтворжуулалтын гэрчилгээ авах боломж ч нээгдэж байгааг хэллээ. Бүтээн байгуулалтын томоохон төслүүд хөрөнгө оруулагчаа хүлээж байгааг уламжиллаа.
