“Нийгмийн хөгжилд залуучуудын сайн дурын оролцоо” сэдэвт Зүүн хойд Азийн сайн үйлсийн эздийн чуулга уулзалт энэ сарын 26-нд Чингис зочид буудалд эхэллээ. Долдугаар сарын 2-ныг хүртэл үргэлжлэх тус чуулга уулзалтад бүс нутгийн зургаан орон, олон улсын байгууллага, Монголын төр нийгэм, залуучуудын төлөөлөл болсон 250 гаруй залуус оролцож байгаа юм. Чуулганаар сайн дурынхныг чадавхижуулах, сайн дурын үйл ажиллагааны эрх зүйн орчныг бий болгох, залуучууд бизнес эрхлэх, гамшгийн эрсдэлийг бууруулах, хүрээлэн буй орчноо хамгаалах, сэргээх зэрэг өргөн цар хүрээтэй сэдвүүдийг хөндөн хэлэлцэж, хамтын хүчээ нэгтгэх харилцан туршлага солилцох аж.