“Зүрхний эмгэгийн
сувилахуйн тусламж үйлчилгээний цогц шийдэл” сэдэвт үндэсний сургалт Эрүүл
мэнд спортын яаманд болж байна. Зүрх судасны эмгэг нь сүүлийн 20 жилд хүн
амын нас баралтын тэргүүлэх шалтгааны нэгдүгээрт орж байгаа нь манай
улсын эрүүл мэндийн салбарын анхаарал татсан асуудлын нэг болоод байгаа
учир уг өвчнөөс урьдчилан сэргийлэх, зүрхний архаг дутагдлын үеийн сувилахуйн
тусламж үйлчилгээнд тулгарч буй асуудлыг хэлэлцэхээр болжээ.
Уг
сургалтад, ЭМСЯ-ны Төрийн нарийн бичгийн дарга С.Ламбаа, ДЭМБ-ын Монгол дахь
Суурин төлөөлөгч Су Нюнт У, Улсын Гуравдугаар төв эмнэлгийн дарга
Ц.Төмөр-Очир болон нийт 160 гаруй төлөөлөгчид оролцлоо. Сургалт хоёр өдөр
үргэлжлэх бөгөөд сувилагч, мэргэжилтнүүд өөрсдийн хийсэн эрдэм шинжилгээний
бүтээлээ хэлэлцүүлж , Улсын Гуравдугаар төв эмнэлгийн Зүрхний
шигдээсийн тасаг, Эрчимт эмчилгээ Яаралтай тусламж, сэргээн засах тасгуудад
зүрх судасны өвчний үеийн сувилахуйн цогц шийдэл дадлага сургалт
хийж сургалтын дараа хамтарсан зөвлөмжийг гаргахаар болжээ.