Британийн Булуэллд зүрх нь цээжнийхээ гадна ил гарсан төрөлхийн гажигтай охин мэндэлсэн талаар “The Guardian” мэдээлснийг “РИА Новости” агентлаг уламжлав.
Эмч нар жирэмсний ес дэх долоо хоногт ураг төрөлхийн гажигтай болохыг тогтоожээ. Улмаар амьдрах магадлал багатайг гэр бүлийнхэнд нь мэдэгдсэн байна. Мэргэжилтнүүд үр хөндүүлэхийг зөвлөсөн боловч эцэг эх нь татгалзжээ.
Охин амьд мэндэлсэн бөгөөд амьдралынх нь эхний цагийн турш гурван хагалгаа хийгдэж, түүнд 50 гаруй эмч оролцсон байна. Мэс засалчид охины зүрхийг цээжний дунд тасалгаанд байрлуулжээ. Энэ төрлийн төрөлхийн гажигтай хүүхэд амьд үлдсэн нь Британид анхны тохиолдол аж.
