СУИС-ийн Хөгжимт драмын ангийг 2005 онд төгсч, анги хамт олноороо “Хувьсал” продакшнд харьяалагдаж урлаг хэмээх их айлд хөл тавьсан чадварлаг уран бүтээлчдийн хамтран бүтээсэн “Зургаа дахь хүсэл” кино өнөөдөр манай кино театруудын дэлгэцнээ нээлтээ хийнэ.
Киноны продюссерээр жүжигчин, хөтлөгч Э.Ууганбаяр ажилласан бол зохиолыг Б.Буяндэлгэр бичиж, МУСТА Б.Тулгаа найруулжээ. Харин гол дүрийг МУСТА Э.Мөнхтөр, Б.Уянга, МУСТА Г.Отгонцэцэг, Ц.Энхтайван, Д.Мөнх-Од, Ш.Пүрэвсүрэн нар амилуулсан байна.
Багын зургаан найзын нөхөрлөлийн үнэ цэнэ, хайр дурлалын тухай өгүүлэх энэхүү кино тус тусын амьдралаа хөөж, өөр мэргэжил, өөр үзэл бодолтой болсон найзууд олон жилийн дараа эргэн уулзаж, амьдрал нь хоногоор хэмжигдэх болсон нэг найзынхаа хүсэлтээр хүүхэд насны мөрөөдлөө биелүүлж буйгаар өрнөх аж. Харин тэдний зургаа дахь хүсэл юу байсныг уншигч та өнөөдөр тайлаарай.