Завхан аймагт Монгол улсын Ерөнхий сайд агсан Жалханз хутагтын 20 дугаар дүр Цэрэнсодномын Дамдинбазар, Дилов хутагтын долоодугаар дүр Баашлуугийн Жамсранжав нарын хөшөөний нээлт болжээ. Тус аймгийн Засаг дарга Ж.Жамъянтивийн санаачилга, дэмжлэгээр хутагтуудын гэрэлт дүр, хөшөө дурсгалыг Улиастай хотын төв хойморт сүндэрлүүлжээ. Жалханз хутагт С.Дамдинбазар Дилов хутагт Б.Жамсранжав нарын хөшөөг “Чандмань чулуу” ХХК-ын сийлбэрч, уран барималч О.Мягмарсүрэн 60 хоногийн хугацаанд бүтээсэн байна.