Завхан аймгийн төвөөс баруун хойд зүгт 167 км, Завханмандал сумын төвөөс баруун зүгт 30 км-т “Бүрхээр” гэдэг газар 3.6 магнитудын хүчтэй газар хөдлөлт болжээ.
Газар хөдлөлтийн талаар ШУА-ийн Одон орон геофизикийн хүрээлэнгээс мэдээлсэн бөгөөд аймгийн Засаг даргын Тамгын газрын дарга болон тухайн газар нутагладаг малчдаас тодруулахад чичирхийлэл мэдрэгдсэн бөгөөд учирсан хохиролгүй гэжээ.